3.4.2 Tributu kontrolerako Ikuskapenak egindako jarduketak

Nafarroako Foru Ogasunaren Ikuskapen Zerbitzuko langile guztien jarduketa guztiak tributu kontroleko jardueraren eremu orokor eta integratuaren baitan egiten dira. Zerbitzuan 41 langile aritu ziren 2021ean: 28 teknikari, 6 kudeatzaile, 4 zerga agente eta 3 administrari; Nafarroako Foru Ogasuneko langile guztien % 12,42 dira. 

Memoria honen 3.4.1 apartatuan, “Tributu kontroleko jarduketen emaitzak”, datuen kuantifikazio eta aurkezpenari buruz egindako gogoeta kontuan hartuta, Ikuskapen arloari dagokionez, tributu kontroleko jardueraren emaitzetan jasotako jarduketen xehetasuna honako hau da:

Tributu kontroleko jardueraren zuzeneko emaitzak  Ikuskapenaren arloan:

• Aktak: Adostasunean nahiz ezadostasunean sinatutako aktei dagozkien kuota izapidetuak eta interesak.
• Zehapen espedienteak: Adostasunean nahiz ezadostasunean sinatutako zehapenak.
• Erantzukizun zibila delituagatik: Aurkeztutako kereila eta salaketen ondoriozko kuota izapidetuak eta interesak.
• Zerga kredituen ezabapena: Zerga kredituak gutxitzearen eragina kuotan, esaterako oinarri negatiboak edo kenkariak, eragina ondorengo ekitaldietan dutenak.

Tributu kontroleko jardueraren eragindako emaitzak Ikuskapenaren arloan:

• Ikuskapen jarduketek eragindako emaitzak: Ikuskapen Zerbitzuak egindako jarduketen ondorioz zergapekoek beren borondatez aitortutako zenbatekoak (kuotak, interesak eta errekarguak).

2021ean, zuzeneko emaitzen eta Ikuskaritzako tributu kontroleko jarduketen ondoriozko emaitzen batura 53.374,79 mila euro izan zen, eta % 96,56ko hazkundea izan zuen 2020ko jarduketen baturarekin alderatuta; urte hartan, neurri handi batean COVID-19ak eragindako osasun krisiaren albo ondorioak zirela eta, behera egin zuten zuzeneko emaitzek eta eragindako emaitzek.

Bestelako ikuskapen jarduketa batzuk. Egoitza fiskala eta Zifra Erlatiboa:

• Egoitza aldaketa: egoitza aldaketako espedienteak, ekitaldi honetan behin betiko amaituak, beste Tributu Administrazioaren eskabidea partez edo osorik ezetsita, edo NFOk igorritako eskabidea baietsita.
• Akta bakarrak: beste Tributu Administrazio batek irekitako Akta bakarretatik Nafarroari dagokion zifra erlatiboa.
• Zifra erlatiboa egiaztatzeko eskabideak: zifra erlatiboa egiaztatzeko espedienteak, behin betiko amaituak beste Tributu Administrazioaren eskabidea partez edo osorik ezetsita, edo NFOk igorritako egiaztapen eskabidea baietsita.
• Zifra erlatiboaren beste hainbat zuzenketa: Zifra erlatiboaren gainean egindako zuzenketak, egiaztapen formala egiteko eskabiderik tartean izan gabe.
• Okerreko sarrerak itzultzeko eskaerak: Okerreko sarrera itzultzeko eskabide espedienteak, behin betiko amaituak beste Tributu Administrazioaren eskabidea partez edo osorik ezetsita, edo NFOk igorritako itzulketa eskaera baietsita.

Ikuskapenaren arloan, 2021ean, Tributu kontrolerako jarduera guztien emaitza (zuzeneko emaitzak, eragindakoak eta beste jarduerak) 64.855,15 mila eurokoa izan zen, alegia, 2020ko jarduerarekiko 36.679,22 mila euroko jaitsiera absolutua egon da, - % 36,12 ehuneko aldaketa. Jaitsiera hori gertatu da lehen azaldutako beste ikuskapen jarduera batzuen emaitza jaitsi egin delako, 2021ean zuzeneko emaitzak eta eragindako emaitzak baino gehiago, termino absolutuetan.

Emaitza horren zenbateko zehaztuak jasotzen dira, jarduera nagusien kasuan, ondoren azaltzen diren koadroetan.

32. koadroa. Tributu kontroleko jardueraren emaitzak, guztira, ikuskapenaren arloan. Jarduketa kopurua eta zenbatekoa

33. koadroa. Tributu kontroleko jardueraren zuzeneko emaitzak ikuskapenaren arloan. Zerga eta izapidetze akten zenbatekoa

34. koadroa. Tributu kontroleko jardueraren zuzeneko emaitzak ikuskapenaren arloan. Zerga eta izapidetzeek eragindako zehapen espedienteen zenbatekoa

35. koadroa. Tributu kontroleko jardueraren emaitzak, guztira, ikuskapenaren arloan. Beste jarduera batzuk: egoitza fiskala eta zifra erlatiboa. Jarduketa kopurua eta zenbatekoa

Beste alde batetik, egokia da hemen azaltzea 2021ean Ikuskapen Zerbitzuko langileek egindako beste hainbat jarduera, Tributu kontroleko jardueraren emaitzetan jasotzen ez badira ere.

Gainera, Ikuskapen Zerbitzuko teknikari bat Osasuna Kirol Taldearen Kontrolerako Batzordeko kidea da, Foru Komunitatearen Administrazioaren ordezkari gisa, klubaren kaudimena egiaztatzeko eta, orobat, Klubak Nafarroako Foru Komunitatearekin duen zorraren berregituraketa onartzen duen abenduaren 2ko 26/2014 Foru Legean araututako betebeharrak betetzen direla zaintzeko.

Azkenik, ondoren azaltzen diren koadroetan, aurkeztutako salaketen analisi bat jaso da.

36. grafikoa. Aurkeztutako salaketak aurkezteko kanalaren arabera eta izapidetze egoeraren arabera.

37. grafikoa. Izapidetutako salaketak izapidetze motaren arabera.