3.3.2.1 Zergadunarentzako zerbitzuak

 

Zergadunari eskaintzen zaizkion zerbitzuak hauek dira:

  • Informazio-zerbitzuak
        • Zergen gaineko legeria eta ebazpenak, bai Nafarroako Auzitegi Ekonomiko Administratiboak, bai Hitzarmen Ekonomikoaren Arbitraje Batzordeak emandakoak.
        • Arau argitaratu berrien gaineko azalpenezko dokumentuak eta izapidetzen ari diren proiektuetarako sarbide zuzena.
        • Zergen kudeaketa-atalek kontsulta ohikoenei buruz ematen dituzten aplikazio-irizpideak eta erantzunak.
        • Zergadunaren egutegia.
        • Izapide ohikoenetan aurkeztu beharreko dokumentazioa eta jarraitu beharreko urratsak.
        • Zerga nagusien eta bildutakoaren zenbatekoen gaineko estatistikak.
        • Atal bereziak SILICE, SIANE eta abarri buruz.

 

  • Informatika-tresnak

Zergadunek gero eta online izapide gehiago egiten dituztenez, Nafarroako Foru Ogasunaren ardura da haren bidez eskuratzen ahal diren zerbitzuak eta informazioak osoak, egiazkoak eta eguneratuak izan daitezen.

        • Aitorpenen aurkezpena eta ordainketa telematikoak egiteko aukera ematen duten formulario elektronikoak.
        • Aurkeztutako aitorpenen kontsulta.
        • PFEZaren kanpainarekin lotutako zerbitzuak: dagozkion itzulketen egoera kontsultatzea, aitorpenak egiteko hitzordua aldez aurretik hartzea, PFEZaren aitorpenean ordaindu beharreko kuota kalkulatzeko simulagailua.
        • Zergak ordaintzearekin lotutako zerbitzuak: bide arruntean nahiz betearazpen-bidean diren ordainketak geroratzeko eskatzea, ordainketen eta itzulketen banku-helbideratzea aldatzea, kredituen enbargo-eginbideei erantzutea, hartzekodunen konkurtsoak jakinaraztea.
        • Aitorpen bat aurkeztu ondoko balizko izapideak (alegazioak, berraztertzeko errekurtsoak eta informazio-errekerimenduak aurkeztea)
        • Eskabideak, frogagiriak, idazkiak eta komunikazioak aurkezteko erregistro telematikoa.
        • Lurzati-zedulak eta haiekin lotutako zerga-datuak lortzea.
        • PIN zenbakiaren kudeaketa (online eskatzea eta aldatzea).
        • Ziurtagiriak eskuratzea.
        • Egindako ziurtagiriak edo Egiaztapen Kode Seguruarekin egindako bestelako agiriak egiaztatzea.
        • Zerga arloko salaketak.