2.4.1 Bilketa likidoaren zenbakiak

2023an kutxako balioetan 5.104.565,9 mila euro jaso ziren, hau da, 2022an jasotakoa baino % 2,5 gehiago. Inflazioak eragindako ziurgabetasunak, batez ere eskala handiko material eta lehengai batzuk merkaturatzearen arazo orokorren ondorioz, energiaren prezioak igotzearen ondorioz eta, bereziki, Ukrainako gerrak eragindako krisiaren ondorioak arintzeko onartutako neurrien ondorioz, ez dute eragin nabarmenik izan Nafarroako Foru Ogasunaren bilketan.

Urtean zehar hainbat neurri onartu ziren eragin nabarmena zutenak zerga bilketan, besteak beste elektrizitatearen eta gasaren gaineko BEZa murriztu zen, energia elektrikoaren ekoizpenaren balioaren gaineko zerga ezabatu zen, edo elektrizitatearen gaineko zergaren tarifa txikitu. Horrez gain, PFEZari aplikatu beharreko aparteko murrizketa eta gutxieneko pertsonal eta familiarren eta tarifen deflazioak kontuan hartu behar dira.

Neurri horiek guztiak gorabehera, zerga bilketa positiboa izan zen, urte artean % 2,5eko igoera izanik. Igoera horrek, beraz, bere horretan jarraitzen du aurreko hilabeteetan ikusten ziren balioak baino maila askoz apalagoetan.

Zenbait ñabardura zehaztea komeni da, egiaztatzeko ea urte arteko konparazioa homogeneoa den.

• Diru-sarrerei dagokienez, nabarmentzekoa da 2018an SII ezarri ondoren, 2023an eragindako tributuen bilketan erabat integratutako sistema dela jada. Horrek esan nahi du bai 2022an, bai 2023an, tributuen hileko 12 kuota bildu direla.
• Itzulketen arloan, BEZagatik egindakoak dira, SZ kanpainaren eta errenta kanpainaren itzulketekin batera, 2023an garrantzi handiena dutenak.
• Itzulketekin jarraituz, 2023an 2022ko SZ kanpainako itzulketak egin dira, baina nabarmendu behar da 2021eko kanpainako itzulketen zati bat, berez 2022an egin behar zena, 2023an egin zela, eta, beraz, zenbatekoak 2022koak baino % 67,0 altuagoak izan dira.
• Nafarroako Foru Ogasunaren eta ZAEAren artean egin ohi diren akta bakarren espedienteen ondorioz, 2023ko martxoan 63,4 milioi euro sartu dira, 2022koak.
• Doikuntzetan, 2023an bi zerga doikuntza berri egon dira: plastikozko ontzien ziozko doikuntza eta gas fluordunen ziozko doikuntza. Nafarroan 7.260,3 mila euroko diru-sarrerak egon dira egokitzapen horien zioz 2023an.

Hori guzti hori kontuan hartuta, zerga bilketa likidoa % 2,5 igo da 2022tik, eta, hala, 4.979.457,3 mila eurotik 5.104.565,9 mila eurora pasa da.

Bilketa likido guztiaren % 73,1 –1.372.006,4 mila euro– zuzeneko kudeaketako zergetatik sortu da, eta gainerako % 26,9a –3.732.559,5 mila euro– Estatuarekiko Hitzarmenean aurreikusten diren zeharkako zergapetzeen doikuntzetatik. 2022an ehuneko horiek, hurrenez hurren, % 63,8 eta % 36,2 izan ziren.

2022. urtearekin alderatuta zerga likidoan egondako igoera horren atzean dago (125.108,6 mila euro) kudeaketa zuzenketako bilketa 557.630,1 mila eurora igo dela; aldiz, zerga doikuntzen bidezko bilketa 432.521,4 mila euro murriztu da. Hala ere, zehaztu beharra dago 2022an lan eta kapital atxikipenen doikuntza berriaren ziozko 2021eko eta 2022ko zenbatekoak kobratu zirela eta, aldiz, 2023an soilik urte horretakoa.

Bilketa likidoari dagozkion datuak ondoren azaltzen diren koadro hauetan jaso dira.

14. koadroa. Tributu bilketa likidoa. Tributu figuren araberako laburpena.

15. koadroa. Tributu bilketa likidoa. Tributu figuren araberako xehetasuna.

16. grafikoa. Tributu bilketa likidoa. Zuzeneko kudeaketaren ehunekoa - zerga doikuntzak.