navarra.es

Castellano | Euskara | Français | English

Bilatzaile erabili!

416/2013 Ebazpena, martxoaren 8koa, Nafarroako Unibertsitate Publikoko errektoreak emana. Haren bidez agintzen da argitaratzeko "Nafarroako Unibertsitate Publikoko gradu ikasketetan hizkuntza gaitasuna arautzen duten arauak", Gobernu Kontseiluak 2012

416/2013 EBAZPENA, MARTXOAREN 8KOA, NAFARROAKO UNIBERTSITATE PUBLIKOKO ERREKTOREAK EMANA. HAREN BIDEZ AGINTZEN DA ARGITARATZEKO "NAFARROAKO UNIBERTSITATE PUBLIKOKO GRADU IKASKETETAN HIZKUNTZA GAITASUNA ARAUTZEN DUTEN ARAUAK", GOBERNU KONTSEILUAK 2012KO ABENDUAREN 20AN HARTUTAKO ERABAKIAREN BIDEZ ONETSIAK ETA 2013KO OTSAILAREN 15EAN EGINDAKO BILERAN ALDATUAK

(2013ko 56. NAOn argitaratua, martxoaren 21ean)

Atarikoa

2003ko maiatzaren 12ko 110/2003 Foru Dekretuak onetsitako Unibertsitateko Estatutuetako 40. artikuluak ematen dizkidan eskumenak erabiliz, Gobernu Kontseiluak 2012ko abenduaren 20an hartu zuen erabakia, 2013ko otsailaren 15ean egindako bileran aldatutakoa, argitaratzeko agintzen dut. Erabaki haren bidez "Nafarroako Unibertsitate Publikoan gradu ikasketetan hizkuntza gaitasuna arautzen duten arauak" onetsi ziren, eta hona hemen hitzez hitz:

NAFARROAKO UNIBERTSITATE PUBLIKOKO GRADU IKASKETETAN HIZKUNTZA GAITASUNA ARAUTZEN DUTEN ARAUAK

Nafarroako Unibertsitate Publikoko unibertsitate irakaskuntza ofizialen ezarpena arautu zuen 2007ko azaroaren 29ko 1393/2007 EDan ezarritakoa garatuz, Gobernu Kontseiluak 2008ko ekainaren 23an hartutako erabaki baten bidez, graduko ikasketak diseinatzeko, prestatzeko eta ezartzeko jarraibideak erabaki zituen.

Graduko tituluak osatzen dituzten ikasketen diseinuan, kontuan hartu behar dira sarrera-profil egokia, prestakuntza programa eta unibertsitatetik ateratako ikasleen profila, ezagutza eta eskumen espezifikoez gain, ikasleek lortutako gaitasun orokorrak eta zeharkako gaitasunak, eta horien artean dago atzerriko hizkuntza batean duten hizkuntza gaitasuna.

Honi dagokionez, aipatu erabakiaren 4.10. puntuan ezarri ziren Nafarroako Unibertsitate Publikoko ikasleek atzerriko hizkuntza batean hizkuntza gaitasuna erdiesteko bete behar zituzten baldintzak.

Bi arautegi horiek garatzeko, Gobernu Kontseiluak 2009ko uztailaren 1ean hartutako eta Gobernu Kontseiluak 2009ko urriaren 6n aldatutako erabaki baten bidez, Nafarroako Unibertsitate Publikoko Gradu Ikasketak arautzen dituzten arauak eman zituen, eta horietako 29. artikuluan aipatzen da hizkuntza-gaitasuna atzerriko hizkuntzan, eta eskatzen da Gobernu Kontseilua bera izatea egiaztatzeko prozedura arautzen duena.

Hortaz, beharrezkoa da arautegi bat ematea atzerriko hizkuntza batean ezagutza mailak arautzeko, Europako Kontseiluaren Hizkuntzen Erreferentziako Europako Esparru Komunarekin bat: ikaskuntza, irakaskuntza eta ebaluazioa (EKHE), eta gaitasun hori frogatzeko bitartekoak eta aplikatu beharreko administrazio prozedura ezartzeko.

1. artikulua. Hizkuntza gaitasuna graduko ikasketetan.

1. Nafarroako Unibertsitate Publikoan Graduatu titulua lortzeko, ikasleak hizkuntza gaitasuna frogatu beharko du ingelesez, frantsesez, alemanez edo italieraz, Europako Kontseiluaren Hizkuntzen Erreferentziako Europako Esparru Komunaren (hemendik aurrera EKHE) araberako B1 mailaren parekoa: ikaskuntza, irakaskuntza, ebaluazioa.

2. Hala ere, eskatzen den maila handiagoa izan ahalko da, Unibertsitateen Kontseiluak egiaztatutako titulazioaren txostenean hala jartzen badu.

3. 1.1. artikuluan ezarritakoa ez den Europako Unibertsitate Eremuko beste hizkuntza ofizial batean hizkuntza gaitasuna frogatu ahal bada, 4.3. artikuluan ezarritakoari lotuko zaio.

2. artikulua. Aplikatzeko eremua.

Arautegi hau aplikatuko zaie Nafarroako Unibertsitate Publikoak eskaintzen dituen graduko titulazioetako batean matrikulatuta dauden ikasleei.

3. artikulua. Hizkuntza gaitasuna frogatzeko bitartekoak.

1. artikuluan aipatzen diren hizkuntzetako batean hizkuntza gaitasuna frogatzeko, ondoko bitartekoetako baten bidez egingo da:

a) Izaera ofiziala duen titulua edo ziurtagiri ofiziala aurkeztuta.

b) Nafarroako Unibertsitate Publikoan araudi honetan eskatzen den mailako hizkuntza gaitasuna frogatzen duen azterketa bat gaindituta.

c) Aipatutako lau hizkuntzetako batean egindako mugikortasun programa batean parte hartu izatea, eta ikasketa-konpromisoko 18 ECTS, gutxienez, gaindituta edukitzea.

d) Aipatutako lau hizkuntzetako batean egindako titulazioaren ikasketa-planeko 18 ECTS, gutxienez, gainditua izatea.

e) Dagokion egiaztapen-txostenean definitutako titulazioaren ikasketa-planeko atzerriko hizkuntzako irakasgaia gainditzea, B1 edo gehiagoko hizkuntza-gaitasuna lortzeko helburuarekin.

f) Lau hizkuntzetako bat erabiltzea Gradu Amaierako Lanaren txostenean eta defentsan, 8. artikuluan azaltzen den moduan.

2. artikuluan aipatzen diren hizkuntzetako batean hizkuntza gaitasuna frogatzeko, aurreko atalean ezarritako a) edo c) bitartekoetako baten bidez soilik egingo da.

4. artikulua. Tituluak edo ziurtagiri ofizialak.

1. Hizkuntza gaitasuna lortzeko aukera izango dute diploma ofizial edo kanpoko titulu ofizial bat daukaten ikasleek.

2. Gaitasunaren aitorpena automatikoki gauzatuko da, baldin eta titulua edo diploma araudi honetako Eranskineko maila aitortzeko tauletan biltzen direnetako baten berdina bada.

3. Ikasleek aukera dute aurreko taulan azaltzen ez diren titulu edo diplomak, edo beste hizkuntza ofizial batzuei buruzko ziurtagiriak ekartzeko, eta gaian eskumena duen Errektoreordetzak aztertu eta ebatziko du ziurtatzen den prestakuntzaren baliokidetza kasu bakoitzean eskatzen diren mailetatik zeinekin datorren bat.

5. artikulua. Hizkuntza egiaztapenaren azterketa bat gainditzea.

1. Nafarroako Unibertsitate Publikoak, gradu titulua eskuratzeko behar den hizkuntza gaitasunaren maila ziurtatzeko xedez, ikasturte guztietan antolatuko ditu hizkuntza egiaztapenaren azterketa batzuk.

2. Proba horiek beren arau berekiak edukiko dituzte, eta Unibertsitateko Hizkuntzen Goi-mailako Ikastegiarekin lankidetzan antolatuko dira. Ebaluazioa balioduna izango da arautegi honetan aipatzen den hizkuntza gaitasuna egiaztatzeko.

6. artikulua. Gutxienez 18 ECTS kreditu gainditzea mugikortasun programetan.

1. Mugikortasun programa baten barruan atzerriko unibertsitate batean gradu ikasketak egiten dituzten ikasleek automatikoki erdietsiko dituzte araudi honetan eskatzen den hizkuntza gaitasunaren ziurtagiria, betiere gutxienez 18 ECTS kreditu gainditzen badituzte beren ikasketa konpromisoan sartutako irakasgaietan, 1.1. artikuluan azaldutako lau hizkuntzetako batean.

2. Mugikortasun programa beste hizkuntza batean egiten bada, gaian eskumena duen Errektoreordetzak emango du dagokion ebazpena.

7. artikulua. Gutxienez 18 ECTS kreditu gainditzea Nafarroako Unibertsitate Publikoan emandako irakasgaietan.

Nafarroako Unibertsitate Publikoko graduko ikasleek automatikoki erdietsiko dute arautegi honetan eskatzen den hizkuntza gaitasuna, betiere gutxienez 18 ECTS kreditu gainditzen badituzte beren titulazioko ikasketa planean, 1.1. artikuluan azaldutako lau hizkuntzetako batean.

8. artikulua. Lau hizkuntzetako bat erabiltzea Gradu Amaierako Lanean.

1. Nafarroako Unibertsitate Publikoko graduko ikasleak arautegi honetan eskatzen den hizkuntza gaitasuna erdietsiko dute ondoko bi baldintzak betetzen direnean:

a) Gradu Amaierako Lanaren txostenean laburpen bat sartzen denean eta kapitulu garrantzitsuenetako bat lau hizkuntzetako batean garatzen denean.

b) Gradu Amaierako Lanaren defentsaren % 50 lau hizkuntzetako batean garatzen denean.

Txostenaren gainerakoa gaztelaniaz edo euskaraz egingo da.

2. Aipatu bitartekoen erabilerak hizkuntza gaitasuna frogatzea ekarriko du dagokion hizkuntzan, eta epaimahaiak hala adieraziko du Gradu Amaierako Lanaren ebaluazio aktan.

3. Hala ere, artikulu honetan adierazitako bitartekoen erabilera, hizkuntza horretan gaitasuna daukan epaimahai bat edukitzeak baldintzatuko du.

9. artikulua. Hizkuntza gaitasuna frogatzeko prozedurak eta epeak.

1. Araudi honetan ezarritako hizkuntza gaitasuna 4. artikulutik 8. artikulura bitartean aipatutako bitarteko baten bidez frogatu beharko da, Nafarroako Unibertsitate Publikoan dagokion Graduatu titulua eskatu aurretik.

2. 4. artikuluan jasotako titulu edo ziurtagiri ofizialak dituzten ikasleek hori frogatzen duten agiriak aurkeztu behar dituzte Unibertsitatearen Erregistro Orokorrean.

3. 5. artikuluan aipatzen den hizkuntza egiaztapenaren azterketa gainditzeko, ikasleak matrikula egin beharko du Nafarroako Unibertsitate Publikoak ezarritako prozedurarekin eta prezioekin bat, ikasturtean zehar egiten dituen probetan. Hizkuntzen Goi-mailako Ikastegiak Ikasleen Zerbitzura igorriko du proba horiei buruzko ebaluazio txostena.

4. Mugikortasun programen bidez lortutako hizkuntza gaitasuna adierazi beharko da programa horren Ikasketen Aitorpenean, eta irakaskuntza arduradunek sinatua egongo da, mugikortasun araudiarekin bat. Ikasketen aitorpenean ikasleari esleitutako mugikortasun postuari dagokion EKHE maila adierazi beharko da.

5. Lau hizkuntzetako batean emandako irakasgaien 18 ECTS gainditzearen bidez lortutako hizkuntza gaitasuna Unibertsitateko administrazio zerbitzuek automatikoki adieraziko dute ikaslearen espedientean.

6. Gradu Amaierako Lanaren defentsaren bidez lortzen den hizkuntza gaitasuna lanaren ebaluazio aktan adierazi beharko da.

Lehenengo Xedapen Gehigarria. Lehen eta bigarren zikloetako ikasketetatik datozen ikasleak.

Nafarroako Unibertsitate Publikoan lehen edo bigarren zikloetako ikasketa iraungietatik egokitutako ikasketetan matrikulatuta dauden ikasleei dagokion gradu titulazioko ikasketetan gainerako ikasleei eskatzen zaien hizkuntza gaitasun berdina eskatuko zaie Nafarroako Unibertsitate Publikoan Graduatu titulua erdiesteko.

Bigarren Xedapen Gehigarria. Graduetara egokitzeko ikastaroetan matrikulatutako ikasleak.

Aurretik diplomatura edo ingeniaritza tekniko batean tituludun diren, eta dagokion gradura egokitzeko ikasketetan matrikulatuta dauden ikasleei, graduko ikasketetan gainerako ikasleei eskatzen zaien hizkuntza gaitasun berdina eskatuko zaie Nafarroako Unibertsitate Publikoan Graduatu titulua erdiesteko.

Hirugarren Xedapen Gehigarria. Beste graduko ikasketa batzuetatik edo beste unibertsitate batzuetatik datozen ikasleak.

Beste unibertsitate batean edo Nafarroako Unibertsitate Publikoan hasitako graduko ikasketetatik datozen ikasleei graduko ikasketetan gainerako ikasleei eskatzen zaien hizkuntza gaitasun berdina eskatuko zaie Nafarroako Unibertsitate Publikoan Graduatu titulua erdiesteko.

Laugarren Xedapen Gehigarria. Aurreikusi ez diren egoerak.

Araudi honetan jaso ez diren egoerak errektoreak edo berak eskuordetutako errektoreordeak ebatziko ditu.

Bosgarren Xedapen Gehigarria. Araudi honetako aginduak genero femeninoan aipatzea gaztelaniako testuan.

Araudi honetan, gaztelaniako testuan, genero maskulinoan agertzen diren pertsonak, kolektiboak edo kargu akademikoak, horrela agertzen dira markarik gabeko genero gramatikala delako. Hala dagokionean, genero femeninoa duten formak ere baliozkoak izango dira aginduen aipamenetan.

Azken Xedapena

Arautegi honek Nafarroako Aldizkari Ofizialean argitaratu ondoren, 2012/2013. ikasturtean hartuko du indarra.

ERANSKINA. Mailen aitorpen taulak

Alemana:

B1	Zertifikat Deutsch (ZD) Deutsches Sprachdiplom der KMK Stufe I (DSD I) Zertifikat Deutsch für Jugendliche (ZDj) Österreichisches Sprachdiplom Deutsch (ÖSD): B1 Zertifikat Deutsch (ZD) Hizkuntza Eskola Ofizialeko 3.a-4.a (antzinako plana) Hizkuntza Eskola Ofizialeko Bitarteko Maila (B1.2)
B2	Zertifikat B2 (Goethe) TestDaF Niveaustufe 4 (TDN 4) Zertifikat Deutsch für den Beruf (ZDfB) Deutsches Sprachdiplom. Stufe I Deutsche Sprachprüfung für den Hochschulzugang (DSH): DSH 1 Österreichisches Sprachdiplom Deutsch (ÖSD): B2 Mittelstufe Deutsch (MD) Gaitasuna, Hizkuntza Eskola Ofizialeko 5.a (antzinako plana) Hizkuntza Eskola Ofizialeko Maila Aurreratua (B2)
C1	TestDaF Niveaustufe 5 (TDN 5) Zentrale Mittelstufenprüfung (ZMP), Zertifikat C1 Deutsches Sprachdiplom der KMK Stufe II (DSD II) Deutsche Sprachprüfung für den Hochschulzugang (DSH): DSH 2 Österreichisches Sprachdiplom Deutsch (ÖSD): C1 Oberstufe Deutsch (OD) Prüfung Wirtschaftsdeustch International (PWD) Hizkuntza Eskola Ofizialeko C1 Gaitasun Maila
C2	Zentrale Oberstufenprüfung (ZOP) Kleines Deutsches Sprachdiplom (KDS) Grosses Deutsches Sprachdiplom (GDS) Deutsche Sprachprüfung für den Hochschulzugang (DSH): DSH 3 Österreichisches Sprachdiplom Deutsch (ÖSD): C2 Wirtschaftssprache (WD) Lizentziatura Aleman Filologian Gradua Filologian Aleman Filologia Lizentziatura Itzulpengintza eta Interpretazioan - B hizkuntza: Alemana Gradua Itzulpengintza eta Interpretazioan - B hizkuntza: Alemana

Frantsesa:

B1	Diplôme d'Etudes en Langue Française (DELF B1) DELF premier degré Test de Connaisance de Français (TCF) Niveau 3: 300-399 puntu Certificat d'Etudes en Français Pratique 2 (CEFP 2, Alliance Française) Test d'Evaluation de Français (TEF) 3: 361-540 puntu (CCIP) Hizkuntza Eskola Ofizialeko 3.a-4.a (antzinako plana) Hizkuntza Eskola Ofizialeko Bitarteko Maila (B1.2)
B2	Diplôme d'Etudes en Langue Française (DELF B2) DELF deuxième degré Test de Connaisance de Français (TCF) Niveau 4: 400-499 puntu Diplôme de Langue Française (DLF, Alliance Française) Test d'Evaluation de Français (TEF) 4: 541-698 puntu (CCIP) Gaitasuna, Hizkuntza Eskola Ofizialeko 5.a (antzinako plana) Hizkuntza Eskola Ofizialeko Maila Aurreratua (B2)
C1	Diplôme Approfondi de Langue Française (DALF C1) DALF Test de Connaisance de Français (TCF) Niveau 5: 500-599 puntu Diplôme Supérieure d'Etudes Françaises Modernes (DS, Alliance Française) Test d'Evaluation de Français (TEF) 5: 699-833 puntu (CCIP) Hizkuntza Eskola Ofizialeko C1 Gaitasun Maila
C2	Diplôme Approfondi de Langue Française (DALF C2) Test de Connaisance de Français (TCF) Niveau 6: 600-699 puntu Diplôme de Hautes Etudes Françaises (DHEF, Alliance Française) Test d'Evaluation de Français (TEF) 6: 834-900 puntu (CCIP) Lizentziatura Frantses Filologian Gradua Filologian: Frantses Filologia Lizentziatura Itzulpengintza eta Interpretazioan - B hizkuntza: Frantsesa Gradua Itzulpengintza eta Interpretazioan - B hizkuntza: Frantsesa

Ingelesa:

B1	Preliminary English Test (PET) Business English Certificate (BEC) 1 (Preliminary) Business Language Testing Service (BULATS) 40-59 puntu Trinity Integrated Skills in English examinations (ISE) I Trinity Graded Examinations in Spoken English (GESE) 5-6 International English Language Testing System (IELTS) 3.5-4.5 Pearson Test of English (LTE/PTE) Level 2 English for Tourism / JETSET ESOL B1 / ELSA B1 (Londresko Merkataritza Ganbera) Internet based Test of English as a Foreign Language (TOEFL iBT) 57-86 Computer based Test of English as a Foreign Language (TOEFL cBT) 163 Paper based Test of English as a Foreign Language (TOEFL pBT) 487-490 Test of English for International Communication (TOEIC) 550-784 Hizkuntza Eskola Ofizialeko 3.a-4.a (antzinako plana) Hizkuntza Eskola Ofizialeko Bitarteko Maila (B1.2)
B2	First Certificate in English (FCE) Business English Certificate (BEC) 2 (Vantage) Business Language Testing Service (BULATS): 60-74 puntu International Legal English Certificate (ILEC) B2 Pass International Certificate in Financial English (ICFE) Vantage Trinity Integrated Skills in English examinations (ISE) II Trinity Graded Examinations in Spoken English (GESE): 7-9 International English Language Testing System (IELTS) 5.0-6.0 Pearson Test of English (LTE/PTE) Level 3 Certificate of Competency in English (Michigango Unibertsitatea) Internet based Test of English as a Foreign Language (TOEFL iBT) 87-109 Computer based Test of English as a Foreign Language (TOEFL cBT) 227 Paper based Test of English as a Foreign Language (TOEFL pBT) 567 Test of English for International Communication (TOEIC) 785-944 Gaitasuna, Hizkuntza Eskola Ofizialeko 5.a (antzinako plana) Hizkuntza Eskola Ofizialeko Maila Aurreratua (B2)
C1	Certificate in Advanced English (CAE) Business English Certificate (BEC) 3 (Higher) Business Language Testing Service (BULATS) 75-89 puntu
C1	International Legal English Certificate (ILEC) C1Pass International Certificate in Financial English (ICFE) Effective Operational Proficiency Trinity Integrated Skills in English examinations (ISE) III Trinity Graded Examinations in Spoken English (GESE) 10-11 International English Language Testing System (IELTS) 6.5-7.0 Pearson Test of English (LTE/PTE) Level 4 Internet based Test of English as a Foreign Language (TOEFL iBT) 110-118 Computer based Test of English as a Foreing Language (TOEFL cBT) 270 Paper based Test of English as a Foreign Language (TOEFL pBT) 637 Test of English for International Communication (TOEIC) 945-990 Hizkuntza Eskola Ofizialeko C1 Gaitasun Maila
C2	Certificate of Proficiency in English (CPE) Business Language Testing Service (BULATS) 90-100 puntu Trinity Integrated Skills in English examinations (ISE) IV Trinity Graded Examinations in Spoken English (GESE) 12 International English Language Testing System (IELTS) 7.5-9 Pearson Test of English (LTE/PTE) Level 5 Certificate of Proficiency in English (Michigango Unibertsitatea) Internet based Test of English as a Foreign Language (TOEFL iBT) 119-120 Computer based Test of English as a Foreing Language (TOEFL cBT) 293 Paper based Test of English as a Foreign Language (TOEFL pBT) 670 Lizentziatura Ingeles Filologian Gradua Ingeles Ikasketetan Lizentziatura Itzulpengintza eta Interpretazioan - B hizkuntza: Ingelesa Gradua Itzulpengintza eta Interpretazioan - B hizkuntza: Ingelesa

Italiera:

B1	Certificato di Conoscenza della Lingua Italiana (CELI 2) Certificazione dell'Italiano Commerciale (CIC 1) Certificazione di Italiano come Lingua Straniera (CILS Uno B1) Diploma Intermedio di Lingua Italiana (DILI I) Diploma Intermedio di Lingua Italiana Commerciale (DILC) Progetto della Lingua Italiana Dante Alighieri (PLIDA B1) Hizkuntza Eskola Ofizialeko 3.a-4.a (antzinako plana) Hizkuntza Eskola Ofizialeko Bitarteko Maila (B1.2)
B2	Certificato di Conoscenza della Lingua Italiana (CELI 3) Certificazione di Italiano come Lingua Straniera (CILS Due B2) Diploma Intermedio di Lingua Italiana (DILI I) Progetto della Lingua Italiana Dante Alighieri (PLIDA B2) Gaitasuna, Hizkuntza Eskola Ofizialeko 5.a (antzinako plana) Hizkuntza Eskola Ofizialeko Maila Aurreratua (B2)
C1	Certificato di Conoscenza della Lingua Italiana (CELI 4) Certificazione dell'Italiano Commerciale (CIC A) Certificazione di Italiano come Lingua Straniera (CILS Tre C1) Diploma Avanzado di Lingua Italiana (DALI) Diploma Avanzado di Lingua Italiana Commerciale (DALC) Progetto della Lingua Italiana Dante Alighieri (PLIDA C1) Hizkuntza Eskola Ofizialeko C1 Gaitasun Maila
C2	Certificato di Conoscenza della Lingua Italiana (CELI 5) Certificazione di Italiano come Lingua Straniera (CILS Quattro C2) Progetto della Lingua Italiana Dante Alighieri (PLIDA C2) Lizentziatura Italiar Filologian Gradua Italiar Ikasketetan Lizentziatura Itzulpengintza eta Interpretazioan - B hizkuntza: Italiera Gradua Itzulpengintza eta Interpretazioan - B hizkuntza: Italiera

Jar zaitez gurekin harremanetan | Erabilerraztasuna | Lege abisua | Webaren mapa