navarra.es
Castellano | Euskara | Français | English
Ezagutzera eman
564/2012 Foru Agindua, azaroaren 16koa, Lehendakaritza, Justizia eta Barneko kontseilariak emana, departamentuko antolaketa berrira egokitzen duena unibertsitateko tituludunentzako praktiketarako programa, beren eginkizunak garatzeko Nafarroako ...
564/2012 Foru Agindua, azaroaren 16koa, Lehendakaritza, Justizia eta Barneko kontseilariak emana, departamentuko antolaketa berrira egokitzen duena unibertsitateko tituludunentzako praktiketarako programa, beren eginkizunak garatzeko Nafarroako Administrazio Publikoaren Institutuaren jarduketen esparruan. Programa azaroaren 17ko 679/2003 Foru Dekretuaren bidez onetsi zen
(2012ko 244. NAOn argitaratutako testua, abenduaren 17an)
Atarikoa
Azaroaren 17ko 679/2003 Foru Dekretuaren bidez, Praktiketarako Programa sortu zen unibertsitateko tituludunentzat, beren eginkizunak garatzeko Nafarroako Administrazio Publikoaren Institutuaren jarduketen esparruan. Foru Dekretu hori 2003ko 153. Nafarroako Aldizkari Ofizialean argitaratu zen, abenduaren 3an.
Foru dekretu horren bidez sortutako programa aplikatu beharrez, Funtzio Publikoaren zuzendari nagusiak otsailaren 14ko 365/2011 Ebazpena eman zuen. Haren bidez, deialdia onetsi zen unibertsitateko zortzi tituludun kontratatzeko, praktikaldiko lan kontratu baten bidez, Nafarroako Administrazio Publikoaren Institutua erakunde autonomoan aritzeko (2011ko 54. Nafarroako Aldizkari Ofiziala, martxoaren 18koa). Hura ebatzita, unibertsitateko zortzi tituludun kontratatu dira, 2012 eta 2013rako.
Uztailaren 25eko 68/2012 Foru Dekretuaren bidez, Nafarroako Administrazio Publikoaren Institutua erakunde autonomoa iraungi zen. Haren helburuak eta xedeak Lehendakaritza, Justizia eta Barne Departamentuak hartu zituen bere gain, haren egitura organikoa onetsi zuen uztailaren 25eko 69/2012 Foru Dekretuaren bidez. Izan ere, Funtzio Publikoaren Zuzendaritza Nagusiak bere gain hartu ditu Nafarroako Administrazio Publikoaren Institutua erakunde autonomoak baliatutako eskumen gehienak, Ebaluazio eta Kalitate Zerbitzuak baliatutakoak izan ezik, Gobernu Irekiaren eta Teknologia Berrien Zuzendaritza Nagusiak egiten baititu bere, ezta Segurtasun Eskolak baliatutakoak ere, horren eginkizunak Barne Zuzendaritza Nagusiak egin baititu bere.
Aldaketa horien ondorioz, Praktiketako Programa egoera organiko eta funtzional berrira egokitu behar da, egun indarra duten kontratuei aplikatu ahal izateko.
Horrenbestez, azaroaren 17ko 679/2003 Foru Dekretuaren azken xedapenetan lehenak eman dizkidan eskudantziak erabiliz, agindu dut:
1. Lehendakaritza, Justizia eta Barne Departamentuaren antolaketa berrira egokitzea unibertsitateko tituludunentzako Praktiketarako Programa, beren eginkizunak Nafarroako Administrazio Publikoaren Institutuaren jarduketen esparruan garatzekoa zena (hura azaroaren 17ko 679/2003 Foru Dekretuaren bidez onetsi zen). Modu honetan:
A) Azaroaren 17ko 679/2003 Foru Dekretuaren bidez unibertsitateko tituludunentzat sortutako Praktiketarako Programa Lehendakaritza, Justizia eta Barne Departamentuaren esparruan garatuko da.
B) Programa horretan praktikaldirako kontratatutakoek Lehendakaritza, Justizia eta Barne Departamentuan garatuko dute beren jarduna, beren lanarekin erlazionatutako eginkizunak dauzkan zuzendaritza nagusiari atxikita.
C) Funtzio Publikoaren zuzendari nagusia izanen da Lehendakaritza, Justizia eta Barne Departamentuari atxikitako Jarraipenerako Batzorde Teknikoko burua, eta praktikaldirako langileak zer zerbitzuri atxikitzen zaizkion, hango zuzendariak izanen dira batzorde horren partaide.
D) Lehendakaritza, Justizia eta Barne Departamentuko Idazkaritza Tekniko Nagusiak luzatuko du praktikaldian urteko ebaluazio guztiak gainditzen dituzten unibertsitateko tituludunek jasotzen duten Gaitasun Diploma.
2. Praktikaldiko unibertsitateko tituludunen lana gainbegiratzeko izendatzen diren prestatzaile-tutoreek jasoko dute, prestakuntza lanarengatik, urriaren 21eko 216/2002 Foru Dekretuaren 3. artikuluko 1.e) atalean aurreikusitako diru konpentsazioa.
3. Foru agindu hau Nafarroako Aldizkari Ofizialean argitara dadila agintzea, eta interesdunei ohartaraztea gora jotzeko errekurtsoa jartzen ahalko dela, Nafarroako Gobernuari zuzendua, hilabeteko epean, argitaratu eta biharamunetik hasita, Nafarroako Foru Komunitateko Administrazioari buruzko abenduaren 3ko 15/2004 Foru Legearen 57. artikuluan eta Herri Administrazioen Araubide Juridikoari eta Administrazio Prozedura Erkideari buruzko azaroaren 26ko 30/1992 Legearen 114. eta 115. artikuluetan xedatutakoari jarraikiz.
