navarra.es
Castellano | Euskara | Français | English
Ezagutzera eman
845/2013 EBAZPENA, maiatzaren 29koa, Nafarroako Unibertsitate Publikoko errektoreak emana, "1393/2007 Errege Dekretuaren arabera egiaztatzen diren doktoretza tesien proiektuetarako jarraipen batzordeen osaera xedatzen duen erabakia" argitaratzeko...
845/2013 EBAZPENA, MAIATZAREN 29KOA, NAFARROAKO UNIBERTSITATE PUBLIKOKO ERREKTOREAK EMANA, "1393/2007 ERREGE DEKRETUAREN ARABERA EGIAZTATZEN DIREN DOKTORETZA TESIEN PROIEKTUETARAKO JARRAIPEN BATZORDEEN OSAERA XEDATZEN DUEN ERABAKIA" ARGITARATZEKO AGINTZEN DUENA. GOBERNU KONTSEILUAK 2013KO MAIATZAREN 29AN HARTUTAKO ERABAKIAREN BIDEZ ONETSI ZEN AIPATU ERABAKIA
(2013ko 115. NAOn argitaratutako testua, ekainaren 18an)
Atarikoa
Maiatzaren 12ko 110/2003 Foru Dekretuak onetsitako Unibertsitateko Estatutuetako 40. artikuluak ematen dizkidan eskumenak erabiliz, Gobernu Kontseiluak 2013ko maiatzaren 29an hartu zuen erabakia argitaratzeko agintzen dut. Erabaki haren bidez "1393/2007 Errege Dekretuaren arabera egiaztatzen diren doktoretza tesien proiektuetarako jarraipen batzordeen osaera xedatzen duen erabakia" onetsi zen, eta hona hemen hitzez hitz:
ERABAKIA, DOKTORETZA TESIEN PROIEKTUETARAKO JARRAIPEN BATZORDEEN OSAERA ZEHAZTEN DUENA, 1393/2007 ERREGE DEKRETUAREN ARABERA EGIAZTATZEN DIREN DOKTORETZA PROGRAMETAKOAK DIRENEAN
Urtarrilaren 28ko 99/2011 Errege Dekretuak indarra hartu baino lehen doktoretza programa bat egiten ari ziren doktoregaiei aplikatuko zaizkie urriaren 30eko 1393/2007 Errege Dekretuko xedapenak eta Nafarroako Unibertsitate Publikoan doktoretza arautzen duten arauak, Gobernu Kontseiluak 2009ko apirilaren 1ean hartutako erabaki baten bidez onetsiak.
Egungo egoera ekonomiko-finantzarioa zein den ikusirik, 1393/2007 Errege Dekretuaren arabera egiaztatutako doktoretza-programetako doktoretza tesien proiektuen Jarraipen Batzordearen osaera egokitzea proposatu du Nafarroako Doktoretza Eskolako Zuzendaritza Batzordeak.
Nafarroako Doktoretza Eskolako Zuzendaritza Batzordeak proposaturik, honako hau da Gobernu Kontseiluak, 2013ko maiatzaren 29an egindako bileran, hartu duen, erabakia:
Lehenengoa.–Onestea, datorren testu honi jarraikiz, doktoretza tesien proiektuetarako jarraipen batzordeen osaera, 1393/2007 Errege Dekretuaren arabera egiaztatzen diren doktoretza programetakoak direnean.
"Sailak Jarraipen Batzorde bat izendatu beharko du. Ikertzeko esperientzia ziurtatua duten hiru doktorek osatuko dute batzordea eta horietako inor ez da izango tesiaren zuzendaria edo zuzendarikidea. Aipatu batzordea berariazkoa izango da doktoregai bakoitzarentzat edo komuna doktoregai batzuentzat, gaiaren hurbiltasunaren arabera."
Bigarrena.–Erabaki hau Nafarroako Aldizkari Ofizialean argitaratzea.
