navarra.es

Castellano | Euskara | Français | English

Bilatzaile erabili!

52/2009 Foru Agindua, apirilaren 8koa, Hezkuntzako kontseilariak emana, Nafarroako Foru Komunitateko hezkuntza sistemako lanbide heziketako ikasleen ebaluazioa, titulazioa eta ikasketen egiaztapena arautzen dituena

 

(Testu bateratua. Jatorrizkoa 2009ko 80. NAOn argitaratua, uztailaren 1ean. Aldaketak: 49/2013 Foru Agindua, maiatzaren 21ekoa; 86/2014 Foru Agindua, irailaren 18koa)

Atarikoa

Kualifikazioei eta Lanbide Heziketari buruzko ekainaren 19ko 5/2002 Lege Organikoaren helburua lanbide heziketaren, prestakuntzen eta egiaztapenaren sistema integrala antolatzea da, prestakuntza modalitate ezberdinen bidez eskaera sozial eta ekonomikoei eraginkortasunez eta gardentasunez erantzunen diena, bizitza osoan prestatzea erraztuta eta iguripen eta egoera pertsonal eta profesionaletara egokituta. Horretarako, Kualifikazioen eta Lanbide Heziketaren Sistema Nazionala sortu da, Lanbide Kualifikazioen Katalogo Nazionala ardatz duena eta, beste helburu batzuen artean, lanbide prestakuntzaren ebaluazioa eta egiaztapena dituena, eskuratzeko modua edozein dela ere.

Hezkuntzari buruzko maiatzaren 3ko 2/2006 Lege Organikoak oinarrizko elementuak ezarri ditu malgua izan dadin hezkuntza sistemako lanbide heziketa, bizitza osoko ikaskuntzarako, aukera izan dadin heziketatik lanera igarotzeko eta alderantzizko bidea egiteko. Ebaluazioa, horrela, balio handiko tresna izanen da, lortutako emaitzei jarraipena egiteko eta horiek baloratzeko, baita emaitza horiek eskuratzeko aukera ematen duten prozesuak hobetzeko ere. Horregatik, ezinbestekoa da ebaluazio prozedura ezartzea, ikaskuntza mota ezberdinen arteko loturak sortzen lagunduko duena, batzuetatik besteetara igarotzea erraztuta eta aukera emanda norberaren behar eta interesetara egokitutako heziketa bideak prestatzeko.

Hezkuntza sistemako lanbide heziketaren antolamendu orokorra ezartzen duen abenduaren 15eko 1538/2006 Errege Dekretua garatzeko, Nafarroako Foru Komunitateko hezkuntza sistemaren esparruan lanbide heziketaren antolamendua eta garapena arautzen dituen maiatzaren 26ko 54/2008 Foru Dekretuak honako hau ezartzen du 9.6 artikuluan: "Hezkuntza Departamentuak Nafarroako Foru Komunitatean lanbide heziketako irakaskuntzaren ebaluazio- eta matrikula-prozesuari dagokion araudia landuko du".

Horrez gain, Lanbide Kualifikazioen Katalogo Nazionalean oinarritutako titulu berrien ezarpenak agertoki berria sortzen du Nafarroako Foru Komunitatearen eremuan hezkuntza sistemako lanbide heziketarako. Horren ondorioz, ebaluazio prozesuaren araudi berria egin behar da, egiaztatzen duena ikasleek eskuratu dituztela heziketa zikloko gaitasun orokorra, gaitasun profesionalak, pertsonalak eta sozialak, bai eta lanbide prestakuntzak ere.

Xedea eta aplikazio eremua I. kapituluan zehaztu ondoren, II. kapituluan lanbide heziketaren ebaluazioaren ezaugarri orokorrak arautzen dira, eta adierazten da ebaluazio prozesua etengabe egin behar dela, funtsean prestakuntza izaera duela eta ebaluazioa moduluka bereiziko dela (izaera integratzailea galdu gabe). Gainera, etengabeko ebaluazioa garatzeko baldintzak zehazten dira, eta modalitate orokorrean modulu bakoitzerako egonen diren deialdi arrunten eta ohiz kanpoko deialdien kopurua ezartzen da.

III. kapituluan ebaluazio saioak eta azken ebaluazioen epeak antolatzen dituzten xedapenak biltzen dira. IV. kapituluan lanbide moduluen eta heziketa zikloaren kalifikazioa arautzen da, eta aukera ematen da moduluei "ohorezko aipamenak" eta heziketa zikloari "ohorezko matrikula" emateko.

V. kapituluan hurrengo mailara igarotzeko eta lantokiko prestakuntza modulura sartzeko irizpideak ezartzen dira. VI. kapituluan adierazten da zer baldintza dauden ikasleek eskaera egin dezaten matrikula baliogabetzeko eta ebaluazio deialdiari uko egiteko. VII. kapituluan xedapenak biltzen dira honako hauei buruz: lanbide moduluak baliozkotzea, lantokiko prestakuntza modulutik salbuestea eta baliozkotzeen eta salbuespenen prozedura.

VIII. kapituluan biltzen dira gaur egungo araudi esparruak eskatzen dituen agiri berriak: ikaslearen ikasketa espedientea, ebaluazio aktak eta banakako ebaluazio txostenak. Era berean, ikasleen mugigarritasunari buruzko neurriak ezartzen dira. Amaitzeko, IX. kapituluan biltzen dira lanbide heziketako tituluak luzatzeari, erregistroari eta ondorioei dagozkien alderdiak.

Lanbide Heziketaren Zerbitzuko zuzendariak aldeko txostena eman du, onets dadin Nafarroako Foru Komunitateko hezkuntza sisteman lanbide heziketa egiten ari diren ikasleen ebaluazio, titulazio eta ikasketen egiaztapen prozesua arautzeko helburu duen foru agindu hau.

Horregatik guztiagatik, Nafarroako Gobernuari eta Lehendakariari buruzko abenduaren 3ko 14/2004 Foru Legearen ) artikuluak ematen dizkidan ahalmenak erabiliz, agindu dut:

Lehenengoa.-Nafarroako Foru Komunitateko hezkuntza sisteman lanbide heziketa egiten ari diren ikasleen ebaluazio, titulazio eta ikasketen egiaztapena arautzea, ondoren azaltzen diren artikuluen bidez.

I. KAPITULUA. Xedea eta aplikazio eremua

1. artikulua. Aplikazio xedea.

Foru agindu honen xedea da Nafarroako Foru Komunitatean lanbide heziketa egiten ari diren ikasleen ebaluazio, titulazio eta ikasketen egiaztapena arautzea.

2. artikulua. Aplikazio eremua

Foru agindu hau aplikagarria izanen da lanbide heziketako ikasketak ematen dituzten Nafarroako Foru Komunitateko ikastetxe publikoetan eta ikastetxe pribatu baimenduetan.

II. KAPITULUA. Lanbide heziketaren ebaluazioaren ezaugarri orokorrak

3. artikulua. Ebaluazioaren helburua.

Hezkuntza sistemako lanbide heziketaren ebaluazioaren helburua da ikasleen ikaskuntza baloratzea, eta ikaskuntza hori honako hauek eskuratzera zuzenduta dago: heziketa zikloaren gaitasun orokorra, gaitasun profesionalak, pertsonalak eta sozialak, eta Lanbide Kualifikazioen Katalogo Nazionalaren barnean titulu horri dagozkion lanbide prestakuntzak eta, hala badagokio, gaitasun unitateak.

Ikaskuntza prozesuaren funtsezko elementuetako bat da ebaluazioa, bai irakasle eta ikasleentzat bai hezkuntza sistemako lanbide heziketarako, ikaskuntzen kalitatearen erreferentzia baita eta horiek errazten baititu.

4. artikulua. Ebaluazioaren alderdi orokorrak.

Ebaluazioa lanbide moduluka eginen da, eta erreferentzia gisa hartuko dira lanbide modulu bakoitzeko ikaskuntzaren emaitzak nahiz ebaluazio irizpideak; halaber, kontuan hartuko dira lanbide gaitasun egokiak eskuratzea, lan arloko autonomia, nortasuna eta heldutasun pertsonal zein profesionala eskuratzea, beste pertsona batzuekin lankidetzan aritzea, lana segurtasun eta osasun egoera egokietan egitea eta ikaslea bere ikaskuntzan inplikatzea eta jarrera ona agertzea.

Ikasleen ebaluazioa etengabea eta integratzailea izanen da hezkuntza sistemako lanbide heziketan; funtsean prestakuntza izaera izanen du eta ikasleen prestakuntza prozesu osoan eginen da.

Ebaluazioa integratzailea izanen da, izan ere, heziketa zikloaren helburu orokorrak hartu behar ditu kontuan, moduluen ikaskuntza emaitzetan adierazitakoaren bidez.

Bermatu dadin ebaluazioak prestakuntzarako balio duela eta irizpide erabat objektiboz ebaluatuko dela ikasleen errendimendua, horretarako eskubidea baitute, ikastetxeetako Zuzendaritzak, ikasturtearen hasieran, jendaurrean azalduko du zein ebaluazio irizpide aplikatuko diren curriculumean ezarritako ikaskuntzak eskuratu direla erakusteko. Orobat, jendaurrean jarriko dira lanbide moduluetan ebaluazio positiboa eskuratzeko eska daitezkeen helburuak, edukiak eta ikaskuntza emaitzak.

5. artikulua. Etengabeko ebaluazioa.

Modalitate orokorrean, etengabeko ebaluazioak eskatzen du ikasleak heziketa zikloa osatzen duten moduluetarako antolatu diren jardueretara erregulartasunez bertaratzea. Oro har, bertaratze hori ez da izanen modulu bakoitzaren iraupen osoaren %85etik beherakoa. Baldintza hori bete ezean, etengabeko ebaluazioa izateko eskubidea galduko da gutxieneko bertaratzea izan ez duen moduluan.

Etengabeko ebaluazioa izateko eskubidea galdu duten ikasleek ezin izanen dute jarduera praktikorik egin baldin eta, irakasle taldearen iritziz, horiek nolabaiteko arriskurik badute ikasleentzat, taldeko gainerako kideentzat edo ikastetxeko instalazioetarako.

Ikastetxeko Zuzendaritzak neurri horren hartzaileak diren ikasleei eta, adinez txikiak badira, haien legezko ordezkariei jakinaraziko die etengabeko ebaluazioa izateko eskubidea galdu dutela eta zein diren horren ondorioak.

Etengabeko ebaluazioa izateko eskubidea galdu izana banakako ebaluazio txostenean adieraziko da.

6. artikulua. Programazio didaktikoak eta ebaluazioa.

Programazio didaktikoetan, arreta berezia emanen zaie ebaluazio prozesua planifikatzeko irizpideei eta horretan erabakiak hartzeari, bereziki honako hauei:

a) Ikasleen ikaskuntza prozesua ebaluatzeko prozedurei, eta ebaluazio tresna orokorrak ebaluazio irizpideen arabera moldatzeari.

b) Gainditu gabeko lanbide moduluak errekuperatzeko jardueren plangintzari eta, espresuki, ikasleek beren kabuz egin ditzaketen jardueren plangintzari.

c) Etengabeko ebaluazioa izateko eskubidea galdu duten ikasleentzako ebaluazio sistemen eta tresnen garapenari.

7. artikulua. Ebaluazioaren egokitzapena.

Ebaluazio prozesuak ezgaitasuna duten ikasleen behar metodologikoetara egokituko dira, eta bermatuko da ebaluazio probak egin ahal izatea.

8. artikulua. Matrikula eta deialdi kopurua ikasturteko.

Matrikula ikasturte bakoitzerako eginen da eta, horri esker, ikasleek bi deialdi arrunt izateko eskubidea dute ikasturteko, modulu bakoitzerako, modalitate orokorrean.

9. artikulua. Deialdi arruntak eta aparteko deialdia.

Modalitate orokorrean, lanbide moduluek lau deialdi arruntetan izan dezakete azken ebaluazioa. Lantokiko prestakuntza moduluak bi deialditan izan dezake azken ebaluazioa. Deialdi horiek azken ebaluazioko saioetan eginen dira.

Salbuespen gisa, lau deialdi arruntak amaitu dituzten ikasleek aparteko deialdia egiteko eska diezaiokete ikastetxeko zuzendariari, baldin eta egoera hauetakoren batean badaude: amatasuna edo aitatasuna, mendeko pertsonentzako arreta, gaixotasuna edo ikasketen garapen arrunta baldintzatu edo eragozten duen beste edozein egoera. Zuzendariak eskaera hori ebatzi eta interesdunei jakinaraziko die.

III. KAPITULUA. Ebaluazio prozesua

10. artikulua. Irakasle taldea.

Heziketa zikloa osatzen duten lanbide modulu guztiak kontuan hartuta, modulu horiek ematen dituen irakasle taldeak ebaluatuko du ikasleen ikaskuntza, irakasle tutoreak zuzenduta eta ikasketa burutzak koordinatuta. Ebaluazio saioetan zehaztu eta sistematizatuko da.

11. artikulua. Ebaluazio saioak.

1. Ebaluazio saiotzat joko dira bilera horiek non aztertuko diren irakasleek eta, halakorik izanez gero, moduluetako espezialistek emandako informazioak. Horietan, gainera, baloratuko da ikasleek zer aurrerapen izan duten heziketa zikloaren helburu orokorrak betetzeko eta zikloa osatzen duten moduluen helburuak betetzeko, bai eta aurreikusitako ikaskuntza emaitzak lortzeko ere.

2. Bidezko diren ebaluazio saioetan, irakasle taldeak ikasleak hurrengo mailara igarotzeko aukerari eta/edo titulazioari buruzko erabakiak hartuko ditu.

3. Ebaluazio saioen emaitza foru agindu honen 27. artikuluan zehaztutako ebaluazio agirietan adieraziko da eta ikasleei horren berri eman beharko zaie.

4. Ebaluazio prozesua hiru saio motatan antolatuko da: hasierakoa, partziala eta azkena.

12. artikulua. Hasierako ebaluazioko saioa.

Heziketa zikloaren hasieran, irakasle taldeak ikasleen hasierako ebaluazioko saioa eginen du, honetarako:

-Ikasleen ezaugarriak, aldez aurreko prestakuntza eta gaitasunak ezagutzea.

-Ikasleak dagokien lanbide profilaren arabera orientatzea eta kokatzea.

Saioan, kontuan hartzen ahalko dira aurretik egindako etaparen ebaluazio txostenak, aldez aurretik egindako ikasketa akademikoak edo lanbide heziketako ikasketak, sarbide probaren bidez sartzen diren ikasleen proba, aldez aurreko lanbide esperientzia eta ikasleen gaineko behaketa jardueretan.

Hasierako ebaluazio horrek ez du inola ere ekarriko ikasleen kalifikazioa.

13. artikulua. Ebaluazio partzialeko saioa.

1. Ebaluazio partzialeko saioak heziketa zikloaren ikasturte bakoitzean eta talde bakoitzerako eginen dira. Horietan irakasleek ikasleen ikaskuntza prozesuari buruzko informazioa jasoko dute etengabe, sistematikoki behatuz, lanak baloratuz eta berariazko probak eta beste prozedura batzuk eginez, prozesu horren jarraitasuna errazteko asmoz.

2. Ebaluazio partzialeko saioen helburua izanen da ikasleen ikaskuntza prozesua eta aurrerapen akademikoa aztertzea, taldearen azterketa orokorra egitea eta ikasleen aurrerapen egokiari laguntzen dioten erabakiak hartzea. Saio horien gaineko informazioa ikasketa espedientean jasoko da, foru agindu honen I. eranskinaren arabera.

Irakasle tutoreak zuzendutako ebaluazio saio horietan irakasle taldeak ikasleen kalifikazioa erabakiko du modulu bakoitzean, betiere etengabeko ebaluazioaren ikuspegia aintzat hartuta. Ikasleen ikaskuntza prozesuari buruzko oharrak eransten ahalko dira.

Ebaluazio partzialeko saioa amaitu ondoren, tutoreak ikasleei eta, hala badagokio, gurasoei edo legezko ordezkariei haien errendimenduaren berri emanen die, foru agindu honen III. eranskinean zehaztutako ebaluazio txostenaren bidez.

3. Ebaluazio partzialeko saioen kopurua ezberdina izanen da segun eta heziketa zikloaren lehenengo edo bigarren mailan emandako moduluak diren.

-Lehenengo mailan emandako moduluak: ebaluazio partzialeko hiru saio eginen dira modulu bakoitzerako. Kasua bada, azkena dagokien moduluen azken ebaluazioko saioarekin batean izanen da.

-Bigarren mailan emandako moduluak: ebaluazio partzialeko bi saio eginen dira eta azkena ikastetxean emandako moduluen azken ebaluazioko saioarekin batean izanen da, salbu eta lantokiko prestakuntza modulua ikasturte osoan egiten denean; izan ere, kasu horretan, ebaluazio partzialeko hiru saio eginen dira.

14. artikulua. Azken ebaluazioko saioa.

1. Moduluen azken ebaluazioko saioen kasuan, modulu bakoitzaren heziketa aldia amaitutakoan eginen dira azken ebaluazioko saioak, eta, heziketa zikloaren azken ebaluazioko saioaren kasuan, heziketa zikloa osatzen duten modulu guztiak amaitutakoan.

2. Moduluen heziketa aldia amaitutakoan, horiei buruz eginen den azken ebaluazioko saioan, irakasle taldeak baloratuko du ea ikaskuntzako emaitzak eta moduluen helburuak lortu diren, eta, tutorearen zuzendaritzapean, ikasleen modulu bakoitzeko kalifikazioa erabakiko du.

-Lehenengo mailan amaitutako lanbide moduluak. Azken ebaluazioko saioan irakasle taldeak, aurreko paragrafoan adierazitakoaz gain, ikasleak bigarren mailara igarotzea baloratuko du.

-Lantokiko prestakuntza lanbide modulua hasi baino lehen bigarren mailan amaitutako lanbide moduluak. Azken ebaluazioko saioan irakasle taldeak, bigarren atalaren hasieran adierazitakoaz gain, ikasleak lantokiko heziketa modulura igarotzea baloratuko du.

-Lantokiko prestakuntza modulua. Azken ebaluazioko saioa bat etorriko da modulu horren garapena arautzen duen berariazko araudiarekin.

-Proiektu modulua. Lantokiko prestakuntza lanbide modulua amaitutakoan eginen da modulu horren azken ebaluazioa .

3. Heziketa zikloaren azken ebaluazioko saioa eginen da heziketa zikloa osatzen duten modulu guztiak amaitutakoan, eta, horretan, irakasle taldeak ohorezko matrikulak ematea ala ez ematea erabakiko du, hala badagokio.

4. Ebaluazio partzialeko saioak amaitu ondoren, tutoreak ikasleei eta, hala badagokio, gurasoei edo legezko ordezkariei emaitzaren berri emanen die ebaluazio txostenaren bidez, foru agindu honen III. eranskinaren arabera.

15. artikulua. Azken ebaluazioko saioen epeak.

1. Lanbide Heziketako eskaintza orokorraren modalitatean, baldin eta moduluaren prestakuntzako eduki osoa lehenengo mailan ematen bada, azken ebaluazioko lehenengo saioa ekainean eginen da. Egun zehatzak Hezkuntzaren, Lanbide Heziketaren eta Unibertsitateen zuzendari nagusiaren urteroko ebazpenean adieraziko dira. Ebazpen horren bidez ikasturterako jarraibideak onetsiko dira Foru Komunitateko Lanbide Heziketako ikasketak eta Arte Plastikoetako eta Diseinuko lanbide ikasketak ematen dituzten ikastetxeei dagozkien eskola egutegia eta ordutegi orokorra prestatzeko.

Era berean, lantokiko prestakuntza modulua hasi baino lehen eginen da, oro har, ikastetxean bigarren mailan emandako moduluen azken ebaluazioko lehenengo saioa.

2. Ikaslearen aurrerapena moduluetarako aurreikusitako helburuekin bat ez datorrenean, horiek ematen dituzten irakasleek neurri egokiak hartuko dituzte programatutako emaitzak lor ditzaten ikasleek. Ekainean eginen da gainditu gabeko modulu horietako azken ebaluazioaren hurrengo deialdia, lehenengo mailan edo bigarrenean amaitutako moduluetan, aurreko idatz-zatian aipatutako urteroko ebazpenean adieraziko diren egunetan

.

3. Ikaslea bigarren mailara igarotzen denean lehenengo mailako zenbait modulu gainditu gabe, lantokietako heziketa modulua egin baino lehen egiten den azken ebaluazioko saioarekin batean eginen da gainditu gabeko modulu horien azken ebaluazioa.

4. Ikasleak moduluak gainditu gabe maila errepikatu behar badu, modalitate orokorrean deialdiak eta ebaluazio saioak dagokion ikasturterako antolatu direnak izanen dira.

5. Lehenengo deialdian gainditu ez den lantokiko prestakuntza modulurako, lantokiko prestakuntza moduluaren garapena arautzen duen foru aginduan xedatutakoaren arabera eginen da hurrengo deialdia .

16. artikulua. Ebaluazio prozesua lanbide heziketako beste modalitate batzuetan eta teknikariaren eta goi mailako teknikariaren tituluak eskuratzeko probetan.

Dagokien araudiak ezarritakoaren arabera arautuko da ebaluazio prozesua urrutiko lanbide heziketan, lana-prestakuntza modalitatean, modalitate berezian eta teknikariaren eta goi mailako teknikariaren tituluak eskuratzeko probetan.

IV. KAPITULUA. Lanbide moduluen eta heziketa zikloaren kalifikazioa

17. artikulua. Kalifikazioak.

1. Ebaluazio partzialeko saioetan ikasleen kalifikazioak zehazten dira modulu bakoitzerako. Horiekin batera, ikaskuntza prozesuari buruzko oharrak eransten ahalko dira eta, betiere, baloratuko da nola egokitu zaion errendimendua ikaslearen gaitasunei. Kalifikazio horiek zenbakizkoak izanen dira, batetik hamarrera artekoak.

2. Ikasturte bakoitzean, moduluaren azken ebaluazioan ebaluazio partzialetan lortutako kalifikazioak hartuko dira kontuan, betiere etengabeko ebaluazioaren ikuspuntua alde batera utzi gabe. Modulu bakoitzaren azken kalifikazioa zenbakizkoa izanen da, batetik hamarrera artekoa eta hamarrenik gabea, lantokiko prestakuntza moduluan izan ezik; izan ere, horretan Gai edo Ez Gai kalifikazioa jasoko da. Bost edo hortik gorako zenbakia duten kalifikazioak positibotzat joko dira.

3. Heziketa zikloaren azken kalifikazioa egindako moduluetan lortutako kalifikazioen batez besteko aritmetikoa izanen da, bi hamarrenekin. Baliozkotutako edo salbuetsitako lanbide moduluak ez dira zenbatuko heziketa zikloaren azken kalifikazioa kalkulatzeko.

4. Irakasle tutorea arduratuko da ikasleek lortutako kalifikazioak foru agindu honen 27. artikuluan zehaztu diren ebaluazio agirietan idazteaz.

5. Kalifikazio negatiboei dagokienez, ikasleek horiek errekuperatzeko antolatu diren jardueren berri izan beharko dute, baita horiek egiteko aldiaren, epeen eta ebaluazio dataren berri ere.

18. artikulua (indargabetua)

19. artikulua. Ohorezko aipamena eta ohorezko matrikula.

1. Modulu zehatz batean "hamar" kalifikazioa lortzen duten lanbide heziketako ikasleei "ohorezko aipamena" ematen ahalko zaie.

Ohorezko aipamenak heziketa zikloaren irakasle taldeak erabakita eta modulua ematen duten irakasleek proposatuta emanen zaizkie, aprobetxamendu akademiko bikaina ez ezik, ahalegina eta moduluaren aldeko interesa ere erakutsi dituzten ikasleei.

Modulu eta talde bakoitzeko ematen ahal diren ohorezko aipamenak bi izanen dira, gehienez.

Ohorezko aipamena lortu duten ikasleen ebaluazio agirietan, bidezko moduluan, hain zuzen ere, "OA" adierazpena eta jarraian "hamar" kalifikazioa idatziko dira.

2. Heziketa zikloaren amaierako nota bederatzi eta hortik gorakoa duten lanbide heziketako ikasleei "ohorezko matrikula" ematen ahalko zaie.

Ohorezko matrikulak heziketa zikloaren irakasle taldeak erabakita emanen dira eta, aprobetxamendu akademikoa ez ezik, ikasleek egindako ahalegina eta heziketa zikloan eta, bereziki, lantokiko prestakuntza modulua egitean behatutako eboluzioa ere hartuko dira kontuan horretarako.

Heziketa ziklo eta talde bakoitzeko ematen ahal diren ohorezko matrikulak bi izanen dira, gehienez.

Heziketa ziklo batean ohorezko matrikula lortu duten ikasleei "Ohorezko matr." adierazpena eta heziketa zikloaren amaierako nota idatziko zaizkie ebaluazio agirietan. Hori ebaluazio aktan agerraraziko da bidezko diligentziaren bidez.

3. "Ohorezko matrikula" lortzeak Nafarroako Foru Komunitateko ikastetxe publikoetan egiten diren goi mailako ikasketen lehenengo ikasturtean ikasketa zerbitzuen prezio publikoak ordaintzetik salbuestea ekarriko du.

V. KAPITULUA. Ikasleak zikloan jarraitzea, hurrengo mailara igarotzea eta lantokiko prestakuntza modulura sartzea

20. artikulua. Ikasleak zikloan jarraitzea eta hurrengo mailara igarotzea.

1. Ikasleak gehienez ere lau ikasturtez egon daitezke hezkuntza sistemako Lanbide Heziketako erdi eta goi mailako prestakuntza zikloetan. Lau ikasturte horien kalkuluan sartuko da ikasturtea baldin eta ikasleak matrikulatu formalizatu ondoren deuseztatu ez bada.

2. Hezkuntza premia bereziak behar bezala frogatuta dituzten ikasleak sei ikasturtez egon daitezke gehienez ere.

3. Ikasleak lehen mailako bi modulu eta/edo prestakuntza bloke gainditu beharko ditu, gutxienez ere, betiere gainditutako modulu edo blokeen iraupena, guztira, 250 ordukoa edo hortik gorakoa bada. Baldintza hori betetzen ez badu, ikasleak ezin izanen du prestakuntza zikloan jarraitu.

4. Aurreko bi idatz-zatietan adierazitakoa gorabehera, ikasleak hala eskatzen badu, ikastetxeko zuzendariak ohiz kanpoko baimena ematen ahalko dio ikasketetan jarraitzeko, baldin eta behar bezala frogatutako ezinbesteko arrazoi batek eragina izan badu ikaslearen errendimendu akademikoan.

5. Hurrengo mailara igarotzeko lanbide modulu guztiak gainditu beharko dira, baita ikasturte batean baino gehiagotan banatzen diren moduluetako prestakuntza edukiak ere, ikasturte horretan eman badira.

Salbuespen gisa eta irakasle taldeak baloratu ondoren, ikasleak hurrengo mailara igarotzen ahalko dira, nahiz eta bi modulu, gehienez, gainditu gabe eduki, baldin eta modulu horien orduak berrehun eta berrogeita hamar baino gehiago ez badira. Horretarako, gainditu gabeko modulutzat joko dira ikasturte batean baino gehiagotan banatzen diren moduluen prestakuntza edukiak.

21. artikulua. Lantokiko prestakuntza modulura sartzea.

Lantokiko prestakuntza modulura sartzeko, lanbide modulu guztiak gainditu beharko dira, proiektuko lanbide modulua izan ezik. Hala eta guztiz ere, irakasle taldeak onartzen ahalko du bi lanbide modulu, gehienez, gainditu gabe dituen ikaslea sartzea, baldin eta modulu horien orduak berrehun eta berrogeita hamar baino gehiago ez badira.

Hezkuntza Departamentuak onartzen ahalko du gainerako lanbide moduluak amaitu eta ebaluatu baino lehen lantokiko prestakuntza modulua egitea zenbait heziketa ziklotarako, berariazko ezaugarriak kontuan hartuta.

VI. KAPITULUA. Matrikula baliogabetzea eta ebaluazio deialdiari uko egitea

22. artikulua. Matrikula baliogabetzea.

1. Ikastetxeak baliogabetzen ahal du matrikula, ofizioz edo ikasleak eskatuta.

2. Ikastetxeak ofizioz baliogabetzen ahal du matrikula, ikaslea justifikaziorik gabe bere prestakuntza zikloaren jardueretara joaten ez bada behin eta berriz, edo elkarbizitzarako bereziki kaltegarria den beste portaera batengatik, abuztuaren 23ko 47/2010 Foru Dekretuaren 17. artikuluan eta horrekin bat heldu direnetan ezarritako moduan.

Ikastetxeak matrikula ofizioz baliogabetzea bat dator abuztuaren 23ko 47/2010 Foru Dekretuaren zazpigarren xedapen gehigarriko matrikularen deuseztapenarekin. Matrikula baliogabetzeko, zazpigarren xedapen gehigarri horretan ezarritako prozedurari jarraituko zaio: lehenik, neurri hori onetsi eta ikastetxearen Elkarbizitzaren Erregelamenduan sartu behar da; bigarrenik, aplikatu ahal izateko, aldez aurretik hezkuntza neurriak jarri behar izan zaizkio ikasleari. Matrikularen deuseztapena ohiko prozeduraren bidez tramitatuko da. Xedapen honetan ezarritakoaren kontrako erreklamazioak ikastetxeko Eskola Kontseiluan edo, hala badagokio, Gizarte Kontseiluan aurkeztuko dira, ikastetxeko Elkarbizitzaren Erregelamenduan ezarritakoari jarraikiz.

3. Matrikula baliogabetzea erabakitzen denean, ikaslearen ebaluazio-agiri ofizialetan islatuko da eginbide baten bidez.

4. Matrikula ofizioz baliogabetu edo deuseztatzeak berarekin dakar matrikulatutako lanbide modulu guztietan irakatsia, ebaluatua eta kalifikatua izateko eskubidea galtzea, baita ikaspostua erreserbatua izateko eskubidea ere. Horregatik, prestakuntza zikloko ikasketetan jarraitu nahi badu, ikasleak onartzeko ezarritako prozeduran parte hartu beharko du berriz. Baliogabetutako matrikula ez da sartuko ebaluazio-deialdi ahituen kalkuluan.

5. Ikasleak eskatzen badu matrikula baliogabetzeko, eskaera onartuko da baldin eta inguruabar jakin batzuk gertatu direla frogatzen bada. Kasu horretan, matrikula baliogabetzeak berarekin dakar dagokion eskaintzako modalitatea osatzen duten modulu guztien azken ebaluazioaren deialdiari uko egitea eta modulu horietan irakatsia izateko eskubidea galtzea. Matrikula ikasleak eskatuta baliogabetzeko prozedura ondokoa da:

5.1. Ikasleek espedientea daukan ikastetxeko zuzendariari matrikula baliogabetzeko eska diezaiokete, baldin eta agiri bidez eta era frogagarrian frogatzen badute ondoko inguruabarretako bat:

a) Eritasun fisiko nahiz psikiko luzea izatea.

b) Familiako betebeharrak.

c) Ohiz kanpoko beste inguruabar batzuk.

5.2. Matrikula baliogabetzeko eskaera ikastetxeko zuzendaritzan aurkeztu beharko da, oro har, frogagiriekin batera, gutxienez ere ikastetxean emandako moduluen ikasturteko lehenengo azken ebaluazioa egin baino bi hilabete lehenago. Taldearen irakasle taldea entzun ondoren, ikastetxeko zuzendariak eskaera ebatzi, eta matrikula baliogabetzeko baimena emanen du, baldin eta aurreko atalean aipatu arrazoietako bat frogatzen bada eta, hori dela medio, ezinezkoa izan bada eskatzailea eskolara normal joatea eta etengabeko ebaluazioaren bidez haren kalifikazioa egitea.

5.3. Matrikula baliogabetzeko baimena ematen den kasu guztietan, ikaslearen ebaluazio agirietan agerraraziko da. Kontuan hartuko da baliogabetze horrek baimendu den ikasturte horretan bakarrik izanen duela eragina. Baliogabetutako matrikula ez da sartuko ebaluazio-deialdi ahituen kalkuluan.

6. Matrikula ikasleak eskatuta baliogabetzeak ikaspostua erreserbatua izateko eskubidea sortzen du. Horri esker, ikasleak aukera izanen du matrikulatzeko hurrengo ikasturtean, prestakuntza ziklo eta ikastetxe beretan.

7. Prestakuntza norberaren inguruabarretara egokitzeko asmoz, ikasleek eskaintzako modalitatea aldatu nahi dutenean, hautatutako modalitate berriaren matrikula aurkeztu baino lehen eskatu beharko dute egindako matrikula baliogabetzeko

.

23. artikulua. Ebaluazio deialdiari uko egitea.

1. Ebaluazio deialdiari uko egiteak lanbide modulu bat edo gehiago amaieran ez ebaluatzea dakar berarekin, baina matrikula baliogabetzeko beharrik gabe. Modalitate orokorrean ezin izanen da eskatu ikasturte bakoitzeko bi moduluri baino gehiagori uko egitea, hezkuntza premia bereziak dituzten ikasleentzat izan ezik.

2. Ikasleek ikasketa espedientea daukan ikastetxeko zuzendariari ebaluazio deialdiari uko egiteko eska diezaiokete, baldin eta agiri bidez eta era frogagarrian azaltzen badute 22. artikuluaren 2. atalean deskribatu diren inguruabarretako baten bat.

3. Ebaluazio deialdiari uko egiteko eskaera ikastetxeko zuzendaritzan aurkeztu beharko da, frogagiriekin batera, azken ebaluazioa egin baino bi hilabete lehenago, gutxienez. Ukoak epe laburragoan kontuan hartzen ahalko dira, inguruabar bereziak daudenean. Taldearen irakasle taldeari entzun ondoren, ikastetxeko zuzendariak eskaera ebatzi eta ebaluazio deialdiari uko egiteko baimena emanen du, baldin eta 22. artikuluaren 2. atalean aipatu arrazoietako bat frogatzen bada eta, hori dela medio, ezinezkoa izan bada eskatzailea eskolara normal joatea eta etengabeko ebaluazioaren bidez haren kalifikazioa egitea.

4. Ebaluazio deialdiari uko egiteko baimena ematen den kasu guztietan, ikaslearen ebaluazio agirietan agerraraziko da eta kontuan hartuko da uko horrek baimendu den moduluaren deialdian bakarrik izanen duela eragina.

5. Ikasleak lanbide moduluak gainditzeko antolatu diren probak eta jarduerak egiten ez baditu eta adierazitako epeetan ezarritako azken ebaluazioaren deialdiaren berariazko ukoa aurkeztu ez badu, deialdia erabili dela ulertuko da.

VII. KAPITULUA. Lanbide moduluak baliozkotzea eta lantokiko prestakuntza modulutik salbuestea

24. artikulua. Moduluak baliozkotzea.

1. Maiatzaren 3ko 2/2006 Lege Organikoaren babesean, lanbide heziketako tituluen lanbide moduluak baliozkotzeari dagokionez, titulu bakoitzaren gutxieneko ikasketak arautzen dituzten errege dekretu guztietan ezarritakoari jarraituko zaio.

2. Hezkuntza Sistemaren Antolamendu Orokorrari buruzko urriaren 3ko 1/1990 Lege Organikoaren babesean ezarritako heziketa zikloen lanbide moduluak baliozkotzen ahalko dira, kontuan harturik maiatzaren 3ko 2/2006 Lege Organikoaren babesean titulu bakoitza arautzen duen foru dekretuan ezarritakoa eta horrekin bat.

3. Titulu bakoitza arautzen duen foru dekretuan ezarritakoaren arabera, lanbide modulu bat osatzen duten prestakuntza unitate guztiak gainditzen dituzten ikasleek baliozkotuta izanen dute dagokion lanbide modulua.

25. artikulua. Lantokiko prestakuntza modulutik salbuestea.

Lantokiko prestakuntza modulutik osorik edo zati batean salbuestea erabakiko da kontuan harturik modulu horren garapena arautzen duen berariazko araudian xedatutakoa, eta horren arabera.

26. artikulua. Baliozkotzeen eta salbuespenen prozedura.

1. Heziketa zikloetako lanbide moduluak baliozkotzeko eta salbuesteko eskaerak egiten direnean, laneko praktikarekin bat datozelako, ikasleak aurretik matrikulaturik egon beharko du hezkuntza sistemako lanbide heziketako ikasketak emateko baimenduta dagoen ikastetxe batean.

2. Ikaslea matrikulatuta dagoen ikastetxeko zuzendariari eskatuko zaizkio baliozkotzeak eta salbuespenak, eta ikastetxeko zuzendaritzak aitortuko ditu.

3. Eskaerarekin batera, egindako ikasketen ziurtagiri ofiziala aurkeztuko da, edo, hala badagokio, profesionaltasunaren edo egiaztagiri partzialen ziurtagiria.

4. Ikaslearen ikasketa espedientean, ebaluazio aktetan eta ikasketen ziurtagirian erregistratuko da bidezkoa den lanbide moduluen baliozkotzea edo salbuespena, honela:

a) Baliozkotua, lanbide moduluak baliozkotu direnean.

b) Salbuetsia, lantokiko prestakuntza lanbide modulua salbuetsi denean.

5. Moduluak baliozkotzeko eta/edo salbuesteko zain dauden ikasleek eskoletara joan beharko dute. Aldeko ebazpena aurkezten den unean izanen da eraginkorra baliozkotzea eta/edo salbuespena. Baliozkotzea eta/edo salbuespena azken ebaluazioen ondoren berresten bada, kalifikazioak aldatzeko eginbide egoki guztiak egin beharko dira agiri ofizial guztietan.

6. (indargabetua)

VIII. KAPITULUA. Ebaluazio agiriak eta ikasketen ziurtagiriak

27. artikulua. Ebaluazio agiriak.

1. Honako hauek dira hezkuntza sistemako lanbide heziketako ikasketen ebaluazio prozesuko agiriak:

a) Ikaslearen ikasketa espedientea, I. eranskineko ereduaren arabera.

b) Ebaluazio akta, II. eranskineko ereduaren arabera.

c) Banakako ebaluazio txostena, III. eranskineko ereduaren arabera.

Ebaluazio txostenak eta ikasketen ziurtagiriak dira ikasleen mugigarritasuna bermatzen duten oinarrizko agiriak.

2. Ebaluazioa etengabea izanda, ikasleek beren ikaskuntza prozesuaren eboluzioa ezagutzea komeni denez, ikasleei bi ebaluazio txosten emanen zaizkie, gutxienez, ikasturtearen barnean.

28. artikulua. Ziurtagiriak.

Ziurtagiri akademikoak inprimaki ofizial arautuetan emanen dira, interesdunak eskatu eta gero. Ziurtagiri horiek adierazi beharko dituzte ziurtagiria eman arte ikasleak lanbide moduluetan lortu dituen kalifikazioak; horrez gain, aipatu beharko dira deialdiaren zenbakia edo, hala badagokio, ohiz kanpoko deialdia dela, ikasturtea, lanbide heziketako eskaintzako modalitatea eta ziurtagiria emateko eguna, foru agindu honen IV. eranskinaren arabera.

Heziketa ziklo bakoitzeko ikasketak guztiz gainditzen ez dituzten ikasleek, gainditu dituzten lanbide moduluen ikasketen ziurtagiri partziala jasoko dute, V. eranskineko ereduaren arabera. Ziurtagiri horrek, ondorio akademikoak izateaz gain, lortutako lanbide gaitasunen egiaztapen partzialeko ondorio metagarriak izanen ditu, Kualifikazioen eta Lanbide Heziketaren Sistema Nazionalaren arabera.

Lanbide modulua osatzen duten prestakuntza unitate laburragoak gainditzen dituztenek ziurtagiri partzial metagarria jasoko dute, Nafarroako Foru Komunitatean bakarrik izanen dena baliozkoa.

Ikaslearen ikasketa espedientea daukan ikastetxeko idazkariak izanen du eskatzen diren ziurtagiriak ematearen ardura.

29. artikulua. Ikasleen mugigarritasuna.

Ikasle bat ikastetxe batetik bestera lekualdatuz gero, lanbide heziketako ikasketak egiten dituen ikaslearen ikasketa espedientea daukan ikastetxeak ikastetxe hartzaileari bidali beharko dizkio, hark eskatuta, ikasketen ziurtagiri akademikoa, banakako ebaluazio txostena eta ikasketa espedientea. Halaber, eginbidean adierazi beharko du kalifikazioak bat datozela ikastetxeak gordetzen dituen ebaluazio aktekin.

Ikastetxe hartzaileak bidali zaizkion ebaluazio txostenen ardura hartuko du eta ikaslearen ikasketa espedientea hasiko du.

Artikulu honetan aipatzen den informazioa jasotzeko, "EDUCA" aplikazio informatikoa edo beste baliabide batzuk erabil daitezke.

IX. KAPITULUA. Tituluen ematea, erregistroa eta ondorioak

30. artikulua. Lanbide heziketako tituluak.

Erdi mailako heziketa ziklo bat gainditzeak eskubidea emanen du dagokion teknikariaren titulua eskuratzeko. Goi mailako heziketa ziklo bat gainditzeak eskubidea emanen du dagokion goi mailako teknikariaren titulua eskuratzeko.

Teknikariaren eta goi mailako teknikariaren tituluak ofizialak dira eta ikasketa eta lanbide balioa dute lurralde nazional osoan. Lanbide prestakuntzak, tituluan sartutako gaitasun unitateak eta horietako prestakuntza egiaztatzen dituzte. Horrez gain, indarrean dagoen legerian ezarritako ondorioak sortzen dituzte, nahiz eta ez duten lanbide jarduera arautzen.

31. artikulua. Beste ikasketa batzuetara igarotzea.

Teknikariaren tituluak Batxilergoko edozein modalitatetara igarotzeko baimena emanen du. Gainera, goi mailako heziketa zikloetara sartzeko proba gainditu ondoren, aukera izanen da proba horiek arautzen dituen araudiak zehazten dituen goi mailako heziketa zikloetara sartzeko.

Goi mailako teknikariaren tituluak unibertsitate ikasketetara zuzenean igarotzeko aukera emanen du, unibertsitatera sartzeko prozedurei buruz indarrean dagoen araudiaren arabera.

32. artikulua. Erregistroa eta titulua luzatzea.

Ikasketa eta lanbide tituluak emateari buruzko estatuko oinarrizko araudiaren arabera eginen dira teknikariaren eta goi mailako teknikariaren tituluen erregistroa eta luzatzea .

33. artikulua. Teknikari laguntzailearen eta teknikari espezialistaren tituluen ondorioak.

Ondorio akademiko berberak eta lanbiderako ondorio berberak izanen dituzte Hezkuntzari eta Hezkuntza Erreformaren Finantzazioari buruzko abuztuaren 4ko 14/1970 Lege Orokorrean jasotako teknikari laguntzailearen tituluak eta Derrigorrezko Bigarren Hezkuntzako graduatuaren tituluak.

Ondorio akademiko berberak eta lanbiderako ondorio berberak izanen dituzte Hezkuntzari eta Hezkuntza Erreformaren Finantzazioari buruzko abuztuaren 4ko 14/1970 Lege Orokorrean jasotako teknikari espezialistaren tituluak eta dagokion espezialitateko goi mailako teknikariaren tituluak.

34. artikulua. Zainketa.

Espedienteen zainketa eta artxibatzea ikastetxeko Idazkaritzari dagozkio eta bertan gordeko dira. Hezkuntza Departamentuak espedienteak gordetzeko edo lekualdatzeko neurri egokiak ezarriko ditu, ikastetxea desagertzen bada.

Lehen Xedapen Gehigarria. Tituluen baliokidetasunak.

Teknikariaren eta goi mailako teknikariaren tituluen baliokidetasun araubideak eta haren lanbide eta ikasketa ondorioek horien curriculuma arautzen duten foru dekretuetan ezarritakoari jarraituko diote.

Bigarren Xedapen Gehigarria. Arte plastikoen eta diseinuaren lanbide irakaskuntzen ebaluazioa.

Foru agindu honen lehen xedapen gehigarrian xedatutakoaren kalterik gabe, arte plastikoen eta diseinuaren lanbide irakaskuntzaren ebaluazioak araudi garapena izanen du Nafarroako Foru Komunitaterako, bidezko foru aginduaren bidez. Hori dela eta, indarrean jarraituko du Nafarroako Foru Komunitatean Arte Plastikoetako eta Diseinuko Heziketa Zikloetan ari diren ikasleen ebaluazio eta egiaztapen akademikoaren prozesua arautzen duen urtarrilaren 28ko 15/1997 Foru Aginduak.

Hirugarren Xedapen Gehigarria. Ikasleen datu pertsonalak.

Ikaslearen datu pertsonalak lortzeari, datu horiek ikastetxe batetik bestera lagatzeari eta datuen segurtasun eta konfidentzialtasunari dagokienez, datu pertsonalak babestearen arloan indarra duten arauetan ezarritakoari jarraikiz jokatuko da, eta betiere Hezkuntzari buruzko maiatzaren 3ko 2/2006 Lege Organikoaren hogeita hirugarren xedapen gehigarrian ezarritakoaren arabera.

Lehen Xedapen Iragankorra. Urteko ebaluazio deialdiak bi mila ordutik beherako heziketa zikloetan.

Lantokiko prestakuntza modulurako urteko ebaluazio deialdiak bi izanen dira ikasturteko, bi mila ordutik beherako iraupena duten heziketa zikloetan.

Bigarren Xedapen Iragankorra. Ebaluazioa, Hezkuntza Sistemaren Antolamendu Orokorrari buruzko urriaren 3ko 1/1990 Lege Organikotik ondorioztatutako lanbide heziketako tituluen iragaite prozesuan.

Urriaren 3ko 1/1990 Lege Organikotik ondorioztatutako teknikariaren eta goi mailako teknikariaren tituluei dagozkien ikasketen ebaluazioak foru agindu honetan xedatutakoari jarraituko dio.

Aurreko paragrafoan aipatu diren eta eguneratu edo beste batzuek ordeztu gabe desagertu diren ikasketak amaitu ez dituzten ikasleek epe bat izanen dute, ez dena bost urtetik gorakoa izanen, ikasketa horiek eskaintzen dituen azken ikasturtea abiarazten denetik zenbatuta, modulu bakoitzean dituzten deialdiak gainditzeko.

Aurreko paragrafoan aipatu diren titulazioak eman dituzten ikastetxeek ardura hartuko dute ukitutako pertsonei ikasketa horiek amaitzen laguntzen dieten prozesuak antolatzeko, Hezkuntza Departamentuaren jarraibideekin bat.

Xedapen Indargabetzaile Bakarra. Arauak indargabetzea.

Bigarren xedapen iragankorrean xedatutakoaren kalterik gabe, Hezkuntza eta Kulturako kontseilariaren uztailaren 11ko 426/1995 Foru Agindua indargabetuko da (agindu horrek arautzen du Nafarroako Foru Komunitatean Berariazko Lanbide Heziketa egiten duten ikasleen ebaluazioaren eta egiaztapen akademikoaren prozesua).

Halaber, indargabetu egiten dira foru agindu honetan xedatutakoaren aurkako maila bereko edo txikiagoko xedapen guztiak.

Lehen Azken Xedapena. Nafarroako Foru Komunitatean Arte Plastikoetako eta Diseinuko Heziketa Zikloetan ari diren ikasleen ebaluazio eta egiaztapen akademikoaren prozesua arautzen duen urtarrilaren 28ko 15/1997 Foru Aginduaren 18.3 artikulua aldatzea.

Urtarrilaren 28ko 15/1997 Foru Aginduaren 18. artikuluaren 3. atala aldatu eta honela geldituko da:

"3. Ikasturte batean baino gehiagotan ematen diren lanbide-moduluak kontuan hartuko dira kurtsoz igotzeko".

Bigarren Azken Xedapena. Garapena.

Lanbide Heziketaren eta Unibertsitateen zuzendari nagusiari ahalmena ematen zaio behar diren jarduketa guztiak egin ditzan foru agindu honetan xedatutakoa aplikatu eta garatzeko.

Hirugarren Azken Xedapena. Indarra hartzea.

Foru agindu honek Nafarroako Aldizkari Ofizialean argitaratu eta biharamunean hartuko du indarra.

Bigarrena

Foru agindu hau eta eranskinak Nafarroako Aldizkari Ofizialari jakinaraztea, argitara daitezen.

Hirugarrena

Foru agindu hau eta eranskinak igortzea Lanbide Heziketaren Zerbitzura, Hezkuntza Ikuskapen Zerbitzura, Ikastetxeen Plangintza eta Garapenerako Atalera, Ikasketak Antolatzeko Atalera eta Informazioa Kudeatzeko Bulegora.

I. ERANSKINA. Ikasketa espedientea

IKASLEAREN DATU PERTSONALAK
Deiturak:			Izena:		NAN/AIZ:
Sexua (G gizona, E emakumea):	Jaioteguna:	Herria:	Probintzia:	Herrialdea:	Nazionalitatea:
Helbidea:				PK	Herria:
Aitaren edo tutorearen izena:		Amaren edo tutorearen izena:		Telefonoa:
Helbide elektronikoa:

DATU AKADEMIKOAK
ESKOLATZEAREN AURREKARIAK
Ikastetxea	Udalerria (probintzia)	Ikasturtea	Etapak edo zikloak	Mailak	Lortutako titulazioa
Probaren bidez sartzea: q Unibertsitatera sartzeko proba 25 urtetik gorakoentzat q Heziketa zikloetara sartzeko proba		Ikastetxea	Udalerria (probintzia)	Data	Kalifikazioa

DATU MEDIKO ETA PSIKOPEDAGOGIKO GARRANTZITSUAK (*)
(*) Hezkuntza premia bereziei buruzko ebaluazioa badago, ikasketa espedienteari erantsiko zaio.

ETXE ALDAKETAK
Helbidea:	Udalerria:	Probintzia:	Telefonoa:
			Helbide elektronikoa:
Helbidea:	Udalerria:	Probintzia:	Telefonoa:
			Helbide elektronikoa:
Helbidea:	Udalerria:	Probintzia:	Telefonoa:
			Helbide elektronikoa:

IKASTETXE ALDAKETA
Egun honetan:	Ikastetxe honetara aldatu da:
	Herria:	Probintzia:
Egun honetan:	Ikastetxe honetara lekualdatu da:
	Herria:	Probintzia:
Egun honetan:	Ikastetxe honetara aldatu da:
	Herria:	Probintzia:

OHARRA: ikasketa espedienteari agiri hauek erantsiko zaizkio: 1. Heziketa ziklora sartzeko betekizun akademikoaren jatorrizko agiria edo kopia konpultsatua, edo sartzeko proba gainditu dela adierazten duen egiaztagiria. 2. Ikasturte bakoitzeko matrikulazioen eta kalifikazioen laburpena (orri osagarriak) 3. Gainera, hala badagokio, ikasketa espedientean honako agiri hauek sartuko dira: Matrikula baliogabetzeari lotutako jatorrizko agiriak edo horien kopia konpultsatua (eskaera, frogagiriak eta ebazpena). Deialdiari uko egiteari lotutako jatorrizko agiriak edo horien kopia konpultsatua (eskaera, frogagiriak eta ebazpena). Banakako ebaluazio txostenaren kopia konpultsatua. Lanbide moduluak baliozkotzeko eta/edo salbuesteko sortutako jatorrizko agiriak edo horien kopia konpultsatua. Ikasketa espedienteari lotutako eginbideak.

IKASTETXEA:
Espedientearen zenbakia:
Data:
1. orri osagarria:
Deiturak:	Izena:	NAN/AIZ:

MATRIKULAREN DATUAK
Ikasturtea:	2. modalitatea:	Heziketa zikloa eta lanbide arloa	Kodea / FDren 5. titulua
	3. mota:
	4. bidea:

Matrikulatutako lanbide moduluetan lortutako amaierako kalifikazioak (gainditu gabeko moduluak ere sartuko dira):

LANBIDE MODULUAK			KALIFIKAZIOAK
MAILA 6	MODULUAREN KOD. 7	IZEN OSOA	KALIFIKAZIOA 8	OHARRAK	DATA 9	DEIALDIAREN ZK. 10

Kalifikazioa eta data

Heziketa zikloaren amaierako nota 11:

Matrikulari uko egin zaion eguna:

Matrikula baliogabetu den eguna:

Beste ohar batzuk 12 :

.................(e)n, 2009ko .............aren ..............(e)(a)n.

Zuzendaria Idazkaria

1. Matrikula bakoitzak orri osagarri bat sortzen du.

2. O orokorra, B berezia, U urrutikoa, LP lana-prestakuntza.

3. OS osoa, P partziala.

arrunta, PT titulua lortzeko probak.

5. Nafarroako Foru Komunitatean heziketa zikloari esleitutako kodea eta curriculumaren foru dekretua.

6. 1.a edo 2.a.

7. Lanbide moduluaren kodea.

8. Lanbide modulu gainditu gabea 1, 2, 3 edo 4.

Salbuetsitako modulua. SL.

Lanbide modulu gainditua 5, 6, 7, 8, 9 edo 10.

Ebaluazio deialdiaren ukoa duen modulua. UK.

Lantokiko prestakuntza modulu gainditua GAI.

"Ohorezko aipamena" duen modulua 10-OA.

Lantokiko prestakuntza modulu gainditu gabea EZ GAI.

"Ohorezko matrikula" duen heziketa zikloaren amaierako nota 10-Ohorezko matr.

Modulu baliozkotua BK.

9. Moduluaren azken ebaluazioaren data.

10. Deialdiaren zenbakia edo, hala badagokio, ohiz kanpoko deialdia.

11. Kalifikazioa, ohorezko matrikula -hala badagokio- eta zikloaren azken ebaluazioaren data.

12. Hainbat gertakariri buruzko oharrak: matrikula baliogabetzea, baja, deialdiaren ukoa, baliozkotzeak, salbuespenak, hurrengo mailara igarotzeari eta titulazioari buruzko erabakiak, tituluaren eskaerak .

II. ERANSKINA. Ebaluazio aktak

IKASTETXEA:
Ikasturtea:	Maila eta taldea:
Heziketa zikloa:

Lanbide moduluen eta heziketa zikloaren amaierako kalifikazioak

Izen-deiturak	1. MAILAKO MODULUAK
	1. kodea		1. kodea		1. kodea		1. kodea		1. kodea		1. kodea		1. kodea
K	DZ 2	K	DZ 2	K	DZ 2	K	DZ 2	K	DZ 2	K	DZ 2	K 2	DZ 2

Izen-deiturak	2. MAILAKO MODULUAK														3 AK	OHARRAK
	1. kodea		1. kodea		1. kodea		1. kodea		1. kodea		1. kodea		1. kodea
K	DZ 2	K	DZ 2	K	DZ 2	K	DZ 2	K	DZ 2	K	DZ 2	K 2	DZ 2

Taldeari eta irakaslanari buruzko OHAR OROKORRAK, indartzeko, laguntzeko, malgutzeko edo curriculuma egokitzeko hezkuntza neurri osagarriak aplikatzeari dagokionez:.................................................................................................................................................................................................. OHARRA: Akta honetan biltzen dira ............................ ikasle. Zerrendako azkena ................................. da.

Zuzendaria Tutorea Irakasle taldea

1 Moduluaren kodea 2 Amaierako kalifikazioa eta ebaluazio deialdiaren zk. 3 AK: heziketa zikloaren amaierako kalifikazioa 4 Ikasle bakoitzarentzako oharrak, honi buruzkoak: HMI Hurrengo mailara igaroko da ERR Maila errepikatuko du TIT Tituluaren eskaera DA Deialdiak amaituta

III. ERANSKINA. Banakako ebaluazio txostena

MAILA (1.a-2.a)	KODEA	MODULUA	EBAL. PARTZIALA DATA: --/--/--	OHARRAK*	EBAL. PARTZIALA DATA: --/--/--	OHARRAK*	AZKEN EBAL. DATA: --/--/--	DEIALDIAREN ZENBAKIA
KALIFIKAZIOA	KALIFIKAZIOA	KALIFIKAZIOA
* Etengabeko ebaluazioa egiteko eskubidea galduz gero, EEG adieraziko da

Heziketa zikloaren amaierako nota:

Oharrak eta/edo gomendioak:

.................(e)n, 2009ko .............aren ..............(e)(a)n.

Tutorea

Moduluaren azken ebaluazioa egin baino lehen ikastetxez aldatzeko eskaera egiten bada, ebaluazio partzialeko txostena ematen ahalko da, kalifikazioak eta oharrak biltzen dituena, tutoreak sinatua eta ikastetxeko zuzendariak ontzat emana.

Itzuli sinatuta

Interesduna Aita, ama edo legezko tutorea

.................(e)n, 2009ko .............aren ..............(e)(a)n.

IV. ERANSKINA. Ikasketen ziurtagiri ofiziala

............................................ jaunak/andreak, .................. ikastetxeko idazkaria denak (telefono zk.:............................; helbide elektronikoa: ............................................................),

Ziurtatzen du:

......................... ikasleak (NAN/AIZ: ...........................), ......................... Errege Dekretuak eta ..................................... Foru Dekretuak araututako lanbide heziketako .................. mailako heziketa zikloan matrikulatuta dagoenak, honako kalifikazio hauek lortu ditu, ikasketa espedientean agertzen denaren arabera:

MAILA 1.a - 2.a	KODEA	LANBIDE MODULUA	1. MODALITATEA MOTA ETA BIDEA	IKASTURTEA	IKASTETXEA	KALIFIKAZIOA	DEIALDI ZENBAKIA
Heziketa zikloaren amaierako nota:					Data:

....................... egunean ....................................aren titulua emateko eskaera egin, eta horretarako tasak ordaindu ditu.

.................(e)n, 2009ko .............aren ..............(e)(a)n.

Zuzendaria Idazkaria

Kalifikazioak:

Modulua gainditu gabe: 1, 2, 3, 4

Modulua gainditua: 5, 6, 7, 8, 9, 10.

Salbuetsitako modulua: SL

Deialdiari uko egitea: UK

Lantokiko prestakuntza modulua gaindituta: GAI

"Ohorezko aipamena" duen modulua: 10 oa

Lantokiko prestakuntza modulua gainditu gabea: EZ GAI

"Ohorezko matrikula" duen heziketa zikloaren amaierako nota: 10 Ohorezko matr.

Modulu baliozkotua: BK

(1) Modalitatea: O orokorra, B berezia, U urrutikoa, LP lana-prestakuntza.

Mota: OS osoa, P partziala.

Bidea: A arrunta, PT titulua lortzeko probak.

V. ERANSKINA. Ikasketen ziurtagiri partziala

............................................ jaunak/andreak, Nafarroako ..................... herriko ................................................................ ikastetxeko idazkaria denak,

Ziurtatzen du:

............................................ jauna/andrea (NAN/AIZ: ...........................), ..................................................... lanbide arloari dagokion ...................................... mailako ............................................................. heziketa zikloan matrikulatuta dago edo egon da (ezabatu egokia ez dena), ......................... Errege Dekretuak eta ..................................... Foru Dekretuak araututako ............................ ikasturtean.

Espedientean agertzen diren datuen arabera, Lanbide Kualifikazioen Katalogoan ezarritako lanbide kualifikazioei eta gaitasun unitateei lotutako lanbide moduluak gainditu ditu, honako koadro honetan agertzen direnak:

KODEA	LANBIDE MODULUA	ORDU KOP.	LANBIDE KUALIFIKAZIOAREN KODEA (1)	GAITASUN UNITATEEN KODEA
(1) Adierazi: O-osoa OG-osatu gabea

.................(e)n, 2009ko .............aren ..............(e)(a)n.

Zuzendaria Idazkaria

Jar zaitez gurekin harremanetan | Erabilerraztasuna | Lege abisua | Webaren mapa