navarra.es
Castellano | Euskara | Français | English
Ezagutzera eman
Foru Agindua, 1990.eko martxoaren 5ekoa, Industria, Merkataritza eta Turismo Kontseilariarena, Jasogailu eta haien Mantenimenduari buruzko Arautegia aplikatuz, Arauzko Ikuskapen eta Kontrol Entitateen iharduketa arautzen duena
(1990eko 34. NAOn argitaratutako testua, martxoaren 19an)
Atarikoa
Jasogailuei buruzko Arautegian jasotako erabilera publiko nahiz industrialetarako instalakuntzak erabiltzen dituzten pertsonen eta haiei lotutako ondasunen babesak eskatzen du instalakuntza horien segurtasuna egiaztatzeko ikuskapenak baliapide eta baldintza egokietan egitea.
Horrela, bada, indarrean dagoen araudiak ezartzen du ikuskapen horiek Administrazio Publikoko Lurralde Organuetako Zerbitzu Tekniko eskudunek, nahiz Arauzko Ikuskapen eta Kontrol Entitateek egin dezaketela.
Departamentu honek Arautegian ezarritako ikuskapenak egiteko dituen baliapideak aski ez direnez, komenigarri da horretarako behar bezala baimendurik dauden Arauzko Ikuskapen eta Kontrol Entitateen lankidetza kontutan hartzea.
Horrenbestez, eta industria segurtasunaren alorrean esleitu zaizkidan ahalmenak erabiliz, xedatu dut:
Lehena
Nafarroako Foru Komunitatean, jasogailuen alorrean ihardun nahi duten Arauzko Ikuskapen eta Kontrol Entitateek, honako hauek bete beharko dituzte:
a) Jasogailuen alorrean iharduteko Arauzko Ikuskapen eta Kontrol Entitatetzat behar bezala kreditatuak izatea.
b) Nafarroako Foru Komunitatearen barruan egoitza bat edukitzea eta behar bezala telefono zerbitzua ziurtatzea.
c) Langilegoaren artean gutxienez bat ohizko etxebizitza Nafarroan duen tituludun teknikari bat izatea.
Bigarrena
Industria, Merkataritza eta Turismo Departamentuak horretarako baimenduak izan diren Arauzko Ikuskapen eta Kontrol Entitateei egoki erizten dituen arauzko egitekoak eskatu ahal izango dizkio, dagoen lanaren banaketa bermatzen duten sistemak erabiliz eta, era berean, Foru Agindu honetan arautzen diren iharduerak kontrolatuko ditu, jarraipen eta zaintza lanak eginez.
Hirugarrena
Azterketa eta ikuskapenen prozedura eta eduki teknikoa Jasogailu eta haien Mantenimenduari buruzko Arautegiak ezarritakoak izango dira eta beti Industria, Merkataritza eta Turismo Departamentuaren kontrol eta koordinaketaren menpe egongo dira.
Laugarrena
Ikuskapen eta Kontrol Entitateei eskatutako egitekoen gehieneko tarifak, Departamentuak ezarriko ditu behin Entitate horiek aurkeztutako proposamenak aztertu ondoren.
Bosgarrena
Industria, Merkataritza eta Turismo Departamentuak, aurkeztutako dokumentazioa eskutan, Nafarroako Foru Komunitatean jasogailuen alorrean iharduteko Arauzko Ikuskapen eta Kontrol Entitateen gaikuntzarako egoki dena ebatziko du.
Seigarrena
Argitara dadila Foru Agindu hau Nafarroako Aldizkari Ofizialean.
