navarra.es
Castellano | Euskara | Français | English
Ezagutzera eman
29/2004 Foru Agindua, apirilaren 1ekoa, Industria eta Teknologia, Merkataritza eta Lan kontseilariak emana, instalazio arautuak abian jartzeko administrazioko izapidaketan Industria eta Teknologia, Merkataritza eta Lan Departamentuarekin ...
29/2004 FORU AGINDUA, APIRILAREN 1EKOA, INDUSTRIA ETA TEKNOLOGIA, MERKATARITZA ETA LAN KONTSEILARIAK EMANA, INSTALAZIO ARAUTUAK ABIAN JARTZEKO ADMINISTRAZIOKO IZAPIDAKETAN INDUSTRIA ETA TEKNOLOGIA, MERKATARITZA ETA LAN DEPARTAMENTUAREKIN BATERA ARITZEN DIREN KONTROLEKO ERAKUNDEEK APLIKATU BEHARREKO TARIFAK ONESTEN DITUENA
(2004ko 60. NAOn argitaratutako testua, maiatzaren 19an)
Atarikoa
Nafarroako Foru Komunitatearen esparruan arauzko industri segurtasunaren eta kontrolaren arloko jarduketak arautzen dituen azaroaren 9ko 326/1998 Foru Dekretuak, 33. artikuluan ezartzen du Kontrol Erakundeek instalazioak abian jartzeko espedienteen administrazioko izapidaketan esku hartzeagatik instalazioen titularrengandik jasoko dituzten tarifak Industria, Merkataritza, Turismo eta Lan Departamentuak ezarriko dituenak izanen direla eta Erakunde horiei dagokiela instalazioen titularrek Nafarroako Gobernuari ordaindu behar dioten tasa kobratzea. Diru hori sartuko da ondorio horretarako adieraziko den Nafarroako Gobernuaren kontuan. Halaber, 26. artikuluan ezartzen du prozedura horietan erabiliko diren inprimaki, formulario eta gainerako material grafikoak departamentu horrek ondorio horretarako ezarrita izanen dituen ereduei egokituta egonen direla, eta Kontrol Erakundeek bezeroen gain jar dezaketela material hori egin eta banatzearen kostu zehatza.
Industria eta Teknologia, Merkataritza, Turismo eta Lan kontseilariak, maiatzaren 24ko 67/2001 Foru Aginduaren bidez Kontrol Erakundeek aplikatu beharreko tarifak finkatu zituen. Halaber, Industria eta Teknologia, Merkataritza eta Lan kontseilariak, abuztuaren 21eko 181/2003 Foru Aginduaren bidez behe tentsioko argindar instalazioak izapidatzeko ezarririko tarifak aldatu zituen. Instalazioak abian jartzeko izandako kudeaketa administratibotik sortutako esperientziaren arabera, kontrol erakundeen aurrean kudeatzen diren instalazioak handitzean, beharrezkoa da tarifa berriak finkatzea.
Horrenbestez, agindu dut:
1. artikulua
Instalazioak abian jartzeko administrazioko izapidaketan Kontrol Erakundeek aplikatu beharreko tarifen zenbatekoa, eurotan, erregelamenduzko eremua eta instalazio mota kontuan harturik, honako hau izanen da:
1.1. Instalazio berriak.
ERREGELAMENDUZKO EREMUA: B.T.KO ARGINDAR INSTALAZIOAK
PARAMETROA (AP = AURREIKUSIRIKO POTENTZIA, KW-ETAN)
Mota Ap <_ 5 Kw Ap <_ 10 Kw Ap <_ 20 Kw Ap <_ 50 Kw Ap <_ 100 Kw Ap > 100 Kw
P1 15
P +Apx0,3
M +Apx0,3
DO +Apx0,3
CI +Apx0,3
ERREGELAMENDUZKO EREMUA: HOZKAILUEN INSTALAZIOAK
C + P*0.2
B 30
A 24
ERREGELAMENDUZKO EREMUA: BEROKUNTZA INSTALAZIOAK
I 75 90 45 + P*0,3
II 60 75 30 + P*0,3
III 30 60 15 + P*0,3
ERREGELAMENDUZKO EREMUA: PETROLIO INSTALAZIOAK
PARAMETROA (PROIEKTUAREN BEHARRA EDO EZ)
PROIEKTURIK EZ PROIEKTUA BAI
15 120
ERREGELAMENDUZKO EREMUA: GAS INSTALAZIOAK
A 30 60 30 30
B 30 60 75
MOTA TARIFA BAKARRA
C 30
D 30
ERREGELAMENDUZKO EREMUA: GARABIEN INSTALAZIOAK
Tarifa bakarra: 16 euro.
ERREGELAMENDUZKO EREMUA: UREZ HORNITZEKO BARNEALDEKO INSTALAZIOAK
Tarifak aplikatzeko ondoko kontzeptuak zehazten dira:
-Mota: erregelamenduzko eremu bakoitzean zehazten da, instalazioak abiarazteko administrazioko izapidaketaren prozedura ezartzen duen foru agindu bakoitzean ezarritakoaren arabera.
-Parametroa: instalazioaren tamaina zehazten du.
1.2. Aldatzea eta handitzea.
Erregelamenduzko eremua eta instalazioaren mota zehaztu ondorion tarifa zein parametrori aplikatuko zaion, honek baldintzatuko du: aldatu edo handitu aurretik eta ondorion zeuden baldintzen artean izandako gora-behera.
Parametroak ez badira zehaztu, eta haiek koantifikatzerik ez dagoenean, instalazioaren erregelamenduzko eremuari dagokion gutxieneko tarifa.
1.3. Titulartasuna aldatzeko jarduketak
Tarifa bakarra: 10 euro.
1.4. Gehieneko tarifa:
Instalazioak abian jartzeko jarduketen tarifak ez dira inoiz baino 1.000 euro baino handiagoak izanen.
2. artikulua
Jarduketa bakoitzerako behar diren karpeta eta agirien salneurria 0,90 eurokoa da. Diru kopuru horretan BEZa sartuta dago.
3. artikulua
Kontrol Erakundeek 3 euroko tasa aplikatu eta kobratuko dute erregistro ofizialetan inskribatzeagatik, eta hori adierazten den Nafarroako Gobernuaren kontuan sartuko da. Delako tasa ezarrita dago Nafarroako Foru Komunitateko Administrazioaren eta haren Erakunde Autonomoen tasa eta prezio publikoei buruzko martxoaren 27ko 7/2001 Foru Legearen 168. artikuluaren A)2 idatz-zatiaren 2.2 puntuan ondoko honetarako: produktu, ekipo eta instalazioak abiarazi, kontrolatu eta errebisatzeko jarduerekin lotura duten erregistroak edo zerbitzuak, kontrol eta errebisio metrologikoak, Administrazioaz kanpoko erakunde baimendunek eginak.
Xedapen Indargabetzaile Bakarra
Indarrik gabe gelditzen da Industria eta Teknologia, Merkataritza, Turismo eta Lan kontseilariak maiatzaren 24an eman 67/2001 Foru Agindua. Horren bidez instalazio arautuak abian jartzeko eta haietan aldaketak egiteko administrazioko izapidaketan Administrazioarekin batera aritzen diren Kontroleko Erakundeek aplikatu beharreko tarifak onetsi ziren.
Azken Xedapen Bakarra
Foru agindu honek Nafarroako Aldizkari Ofizialean argitaratu eta hogei egunera hartuko du indarra.
