navarra.es
Castellano | Euskara | Français | English
Ezagutzera eman
181/2003 Foru Agindua, abuztuaren 21ekoa, Industria eta Teknologia, Merkataritza eta Lan kontseilariak emana, behe tentsioko instalazioak abian jartzeko tramitazio administratiboan segitu beharreko prozedura ezartzen duena
(2003ko 115. NAOn argitaratutako testua, irailaren 8an)
Atarikoa
Nafarroako Foru Komunitatean industri segurtasun eta kontrolerako jarduketak arautzeko azaroaren 9ko 326/1998 Foru Dekretuaren 25. artikuluan ezartzen da erregelamenduetan aurreikusitako instalazioetan segurtasun baldintzak betetzen direla frogatzeko tramitazio administratiboa Industria eta Teknologia, Merkataritza eta Lan Departamentuak ezartzen duen prozedurari jarraikiz eginen dela.
Foru dekretu horren 26. artikuluak, bestalde, ezartzen du prozedura horietan kontrol erakundeek esku hartzen ahalko dutela, tramitazio fasean, eta aipatu departamentuari berari dagokiola erakunde horiek arlo horretan esku hartzeko bete beharreko baldintzak ezartzea.
Aipatu foru dekretuan aurreikusitakoarekin bat, Industri, Merkataritza, Turismo eta Lan kontseilariak martxoaren 25ean emandako 75/1999 Foru Aginduaren bidez, behe tentsioko instalazio elektrikoak eraikin ez-industrialetan abian jartzeko tramitazio administratiborako prozedura ezarri zen.
Lau urte hauetan gertaturikoak erakutsi du lagungarria litzatekeela kontrol erakundeek instalazioak abian jartzeko tramitazio administratiboan duten parte hartzea handitzea, instalazio horiek lokal industrialetakoak izan ala ez.
Bestalde, abuztuaren 2ko 842/2002 Errege Dekretuaren bidez onetsiriko behe tentsiorako erregelamendu elektrotekniko berriak indarra hartzearekin batera, beharrezkoa da instalazio horien tramitazio administratiboan segitu beharreko prozedura egokitzea.
Horrenbestez, agindu dut:
I. KAPITULUA. Xedapen orokorrak
1. artikulua. Xedea.
Foru agindu honen helburua da eraikin mota guztietan ezartzen diren behe tentsioko instalazio elektrikoek segurtasun baldintzak betetzen dituztela egiaztatzeko prozedura eta horrelako instalazioak abian jartzeko sistema ezartzeko prozedura finkatzea, bai eta instalazioak kontrolatzeko prozedura eta haiek proiektatu, egin eta kontrolatzeko esku hartzen duten agenteak kontrolatzekoa ere.
2. artikulua. Aplikazio eremua.
Foru agindu honen aplikazio eremuan behe tentsioko ondoko instalazio elektriko hauek sartzen dira, taldez talde:
a) Ondoko toki hauetakoak:
1.-Industriak, oro har.
b) Ondoko toki hauetakoak:
1.-Toki hezeak, hautsez beteak edo korrosio arriskua dutenak.
2.-Ura atera edo ur maila igotzeko ponpak, industrialak eta ez-industrialak.
c) Honako toki hauetakoak:
1.-Lokal bustiak.
2.-Sorgailuak eta bihurgailuak.
3.-Berokuntzarako eroale isolatuak, etxebizitzetakoak izan ezik.
d) Honako toki hauetakoak:
1.-Eraikuntzako obretako makinak elikatzeko aldi baterako hartuneak.
2.-Lokaletan edo toki irekietan egiten diren aldi baterako hartuneak: feriak, erakustokiak, jaialdiak, dantzaldiak, etab.
e) Honako toki hauetakoak:
1.-Nagusiki etxebizitzetarako, merkataritza lokaletarako eta bulegoetarako diren eraikinak, jendea hartzeko lokal gisa sailkatuta ez badaude, eraikin bertikaletakoak zein horizontaletakoak.
f) Honako toki hauetakoak:
1.-Familia bakarreko etxebizitzak.
g) Honako toki hauetakoak:
1.-Aireztapen artifiziala behar duten garajeak.
h) Ondoko toki hauetakoak:
1.-Aireztapen naturala duten garajeak.
i) Jendea hartzeko lokalak.
1.-Ikuskizun eta jolas jardueretarako lokalak:
-Zineak, antzokiak, auditorioak, kiroldegiak eta kirol zelaiak, zezenplazak, hipodromoak, jolas-parkeak, feria finkoak, dantzalekuak, diskotekak, joku aretoak, etab., zenbat jende sartzen den kontuan hartu gabe.
2.-Biltokiak, langelak eta osasun zentroak.
-Ondoko toki hauetakoak, zenbat jende sartzen den kontuan hartu gabe: tenpluak, museoak, biltzar eta hitzaldietarako aretoak, kasinoak, hotelak, hostalak, tabernak, kafetegiak, jatetxe eta antzekoak, merkataritza zentroetako eremu komunak, aireportuak, bidaiarien geltokiak, 5 ibilgailu edo gehiagorendako aparkaleku itxi eta estaliak, ospitaleak, anbulatorio eta osasun etxeak, zaharretxeak eta haurtzaindegiak.
-50 lagun baino gehiago sartuko direla aurreikusten bada: liburutegiak, ikastetxeak, osasun kontsultategiak, saltokiak, jendea hartzeko bulegoak, ikasleen egoitzak, gimnasioak, erakusketa aretoak, kultur zentroak, gizarte elkarteak eta kirol elkarteak.
(Lokalen okupazioa kalkulatzeko, eremu erabilgarriaren 0,8 m²-ko pertsona bat sartzen dela hartuko da, alde batera utzita korridoreak, banatzeko guneak, atondoak eta komunak).
3.-UNE 20.460-3 arauaren arabera BD2, BD3 eta BD4 gisa sailkatuta dauden lokalak, hots, larrialdietan husteko baldintzei dagokienez, zailak direnak, bete-beteak edo zailak, edo bete-beteak, hurrenez hurren.
4.-Aurreko ataletan aipatu ez diren gainerako lokalak, 100 lagun baino gehiago kabitzen badira.
j) Honako toki hauetakoak:
1.-Goi tentsioko lineekin euskarri komunak dituzten behe tentsioko lineak.
2.-Igogailuak eta garraiorako makinak.
3.-Tentsio bereziak erabiltzen dituztenak.
4.-Argizko errotuluetakoak, ITC-BT 44 delakoan ezarritakoaren arabera, behe tentsioko instalaziotzat hartzen direnak izan ezik.
5.-Hesi elektrikoak.
6.-Energia banatzeko aireko edo lur azpiko sareak.
k) Kanpoko argien instalazioak.
l) Sute edo eztanda arriskua duten lokaletako instalazio elektrikoak, garajeetakoak izan ezik.
m) Operazio-gelak eta ebakuntza-aretoak.
n) Igerileku eta iturrietako instalazioak.
o) Aurreko taldeetan sartuta ez badaude ere, Zientzia eta Teknologia Ministerioak, behar den xedapenaren bidez, zehazten dituen instalazio elektrikoak.
z) z-1, z-2, z-3 eta z-4 taldeetako instalazio bereziak, foru agindu honen eranskineko II. taulan adierazten direnak.
3. artikulua. Menpeko jarduketak.
Foru agindu honetan ezarritako prozeduraren menpean, honako jarduketa hauek izanen dira:
a) Instalazio berriak.
b) Potentzia handitzea, instalazioak aldatzea edo berritzea.
h) Titulartasuna aldatzea.
d) Behe tentsiorako Erregelamendu elektronikoak arautzen dituen ikuskapenak, hasierakoak eta aldizkakoak.
e) Administrazioaren ekimenez egiten diren ikuskapenak.
4. artikulua. Instalazioen sailkapena.
Instalazioak talde hauetan sailkatu dira:
-P1. Proiektua, obra zuzendaritza, kontrol erakundearen hasierako ikuskapenaren ziurtagiria eta instalazioaren ziurtagiria behar dituzten instalazioak.
-P. Proiektua, obra zuzendaritza eta instalazioaren ziurtagiria behar dituzten instalazioak.
-M. Diseinuaren memoria teknikoa eta instalazioaren ziurtagiria behar dituzten instalazioak.
-DO. Obra zuzendaritza eta instalazioaren ziurtagiria behar dituzten instalazioak.
-CI. Instalatzaile baimendu batek sinatutako instalazioaren ziurtagiria besterik behar ez duten instalazioak.
Kasu guztietan, instalazioaren ziurtagiriarekin batera Erabiltzailearentzako Argibideen Eranskina aurkeztuko da.
Instalazioaren sailkapena foru agindu honen eranskineko II. taulan ageri da.
5. artikulua. Dokumentazio teknikoa egitea nori dagokion.
-Proiektua eta Obraren zuzendaritza: teknikari titulatu eskuduna.
-Diseinuaren memoria teknikoa: teknikari titulatu eskudun bat edo kasuko instalazioaren kategorian eta modalitatean aritzeko baimena duen instalatzaile bat.
-Hasierako ikuskapenaren ziurtagiria: behe tentsioko instalazio elektrikoetan Nafarroako Foru Komunitatean aritzeko baimena duen kontrol erakunde bateko teknikari bat.
-Instalazioaren Ziurtagiria eta Erabiltzaileendako Argibideen Eranskina: instalazioaren egilea, hots, kasuko instalazioaren kategoria eta modalitaterako baimena beharko duen instalatzaile bat.
6. artikulua. Definizioak.
1.-Foru agindu honen ondorioetarako, ondoko kontzeptu hauek honela ulertu behar dira:
-Erakunde jardulea: Nafarroako Foru Komunitatean jarduteko baimena duen kontrol erakunde bat da, zeini eskatzen baitzaio instalazio bat abian jartzeko espedientea tramita dezan.
-Industri lokala: Industriako establezimenduen Erregistroan (apirilaren 28ko 697/1995 Errege Dekretuaren bidez onetsia) inskribatu beharreko jarduerak garatzen dituena.
-Industriarako ez den lokala: garatzen duten jardueragatik, goian aipatu Establezimenduen Erregistroan inskribatu beharrik ez duten lokalak.
-Potentzia, guztira: industri lokal edo establezimenduak dituen indar eta argi jasotzaile guztien potentzien batura.
-Instalazioarentzat aurreikusten den potentzia edo instalatzen den potentzia: instalazioaren sustatzaileak, jabeak edo erabiltzaileak, banaketa enpresarekin batera, aurreikusten duen potentzia da, dokumentazio teknikoan ezartzen diren kargen aurreikuspenen arabera kalkulatua. Lotzeko instalazioak eta hartuneak kalkulatzeko orduan, aintzat hartu behar den diseinuaren potentziarekin bat etorri beharko du.
-Kontrataturiko potentzia: entitate banatzailearekin sinatzen duen kontratuan agertzen den instalazioan hornitzeko, abonatuak aukeratzen duen potentzia da. Normalizatutako intentsitateei dagozkien potentzia mailetara egokituko da.
-Instalazioaren titulartasuna aldatzea: instalazioaren titularra ez den beste pertsona batek lokal bera erabili eta okupatzen duenean gertatzen da.
2.-Foru agindu honetan "Departamentuaz" egiten diren aipamen guztien atzean Industria eta Teknologia, Merkataritza eta Lan Departamentua dagoela ulertu behar da.
7. artikulua. Erakunde jarduleak.
Erakunde jarduletzat hartzen dira Nafarroako Foru Komunitatearen eremuan instalazioari dagokion arloan jarduteko baimena duten kontrolerako erakundeak, Departamentuari espresuki adierazi badiote instalazio arautuak abian jartzeko tramitazio administratiboan laguntzeko asmoa dutela, azaroaren 9ko 326/1998 Foru Dekretuan eta foru agindu honetan ezarritakoarekin bat.
Kontrolerako erakunde horiek bateraezintasun printzipioari jarraikiz arituko dira, Nafarroako Foru Komunitatean industri segurtasunaren eta kontrolaren arloko jarduketak arautzen dituen azaroaren 9ko 326/1998 Foru Dekretuaren 29. artikuluan adierazi bezala.
II. KAPITULUA. Instalazioak abian jartzea
8. artikulua. Dokumentazioa aurkeztea eta tasa eta tarifak ordaintzea.
Instalatzaileak, instalazioaren titularrak edo bere ordezkariak foru agindu honen eranskineko I. taulan azaltzen den dokumentazioa aurkeztu beharko du norberak aukeratzen duen erakunde jardulearen aurrean, den-dena ekitaldi bakarrean.
Kasuan-kasuan aurkeztu beharreko dokumentazioa honako inguruabar hauen araberakoa izanen da: instalazio mota, dagokion sailkapena, jarduera industriala den ala ez, instalazioa berria den, edo handipena edo aldaketa edo titulartasunaren aldaketa soila, eta hargunea behin-behinekoa edo behin betikoa den.
Dokumentazioa jaso ondoren, tramitazioari hasiera eman aitzin, erakunde jarduleak adieraziko du jarduketengatik ordaindu beharreko tasa eta tarifa zenbatekoa den, eta ez zaio inolako tramiteri hasiera emanen titularrak edo haren ordezkariak ordaindu duela justifikatu arte. Aplikatuko diren tarifak Departamentuak finkatuko ditu.
Erakunde jarduleak dokumentazioa zuzen aurkeztu ote den egiaztatuko du. Agiriren bat falta bada edo kasuan kasuko erregelamenduan adierazitakoaren araberakoa ez bada, akatsak zuzentzeko eskatuko du idatziz.
Akatsak zuzentzeko epea hiru hilabetekoa izanen da gehienez.
Epe horretan akatsak zuzentzen ez badira, erakunde jarduleak instalazioko titularrari jakinaraziko dio administrazioko tramitazio prozedura ezin dela bukatu eta, beraz, espedientea artxibatzen dela.
9. artikulua. Instalazioaren tramitazioa eta inskripzioa.
Dagozkion tasa eta tarifak ordaindu direla eta dokumentazioa zuzen aurkeztu dela frogatu ondoren, erakunde jarduleak eginbidean jarriko du eskabide-orria eta behar den inskripzioa eginen du, Departamentuak ezarri bezala eta hark adierazten duen euskarrian. Tramitazioa egiteko epea bost egun baliodunekoa izanen da. Epe hori eten eginen da akatsak zuzentzeko eskaera egiten denetik jasotzaileak zuzendu edo falta diren agiriak ekarri bitartean.
Instalazioak abian jartzea behin betikoa izan daiteke edo behin-behinekoa, hots, instalazioak eta ezartzen diren neurri zuzentzaileak egokiak ote diren aztertzeko frogak egiteko, jarduera sailkatuen gaineko Erregelamendua aldatu zuen ekainaren 15eko 227/1998 Foru Dekretuan ezarritakoaren arabera.
10. artikulua. Dokumentazioa artxibatzea.
Erakunde jarduleek hantxe tramitatutako espedienteetako dokumentazioa artxibatu eta gordeko dute, argi eta garbi identifikatua, eta aztertzeko edo berreskuratzeko moduan.
Espedientea ireki eta 10 urte igaro ondoren, espediente osoa Departamentuari igorriko zaio, berak ezartzen duen moduan.
III. KAPITULUA. Ikuskapenak
11. artikulua. Hasierako ikuskapenak.
Behe tentsiorako Erregelamendu elektroteknikoaren ITC-BT-05 delakoan ezarritako kasuetan kontrol erakundeek eginen dituzte, hantxe ezarritako ondorioak izanen dituztela.
Hasierako ikuskapena instalazioa abian jarri aitzin eginen da.
Foru agindu honen eranskineko II. taulan P1 motakoen laukian sartutako instalazioak dira hasierako ikuskapena behar dutenak.
12. artikulua. Administrazioak eskatutako ikuskapenak.
1.-Kontrol erakundeek haien bidez tramitatutako instalazioen portzentaje jakin batzuk ikuskatu beharko dituzte, P1 motakoak alde batera utzita, instalazioei aplikatu beharreko erregelamenduek eskatzen dituzten baldintzak betetzen ote dituzten egiaztatzeko:
-P eta DO motetako instalazioen %25.
-M motako instalazioen %5.
-z-2 taldeko C1 motako instalazioen %5.
Ikuskatu beharreko lagina aukeratzeko, aurretik ezarritako ausazko sistema automatiko bat erabiliko da. Kontrol hori zerbitzua abian jartzeko ziurtagiria sinatu eta ondoko bi hilabeteetan egin beharko du erakunde jarduleak.
2.-Horrez gainera, erakunde jarduleek administrazioak agintzen dizkion beste ikuskapen batzuk ere egin beharko dituzte.
3.-Instalazioetako titularrak edo erantzuleak behartuta daude Departamentuko eta erakunde jarduleetako teknikariak instalazioetan libre sartzen uztera.
Hala Departamentuko teknikariek nola kontrol erakundekoek ahalmena izanen dute instalazioaren diseinuan eta exekuzioan parte hartu duten proiektu-egile, obra zuzendari eta instalatzaileei deitzeko ikuskapenean lagun dezaten.
Ikuskapenaren aurretik, erakunde jarduleak instalazioko titularrari deituko dio, ikuskapenaren eguna zehazteko. Titularrak erantzuten ez badu, idatziz eskatuko zaio, 15 eguneko epean ikuskapena egiteko eguna eta ordua finka ditzan. Instalazioko titularrak errekerimendu horri idatzizko erantzuna ematen ez badio zehapen espedientea tramitatzen hasiko da.
13. artikulua. Ikuskapenen garapena.
1.-Instalazioen kontrolaren barrenean dokumentazioaren kontrol teknikoa eta instalazioen azterketa materiala eginen dira.
2.-Departamentuak dokumentazioa kontrolatzeko eta instalazioak ikuskatzeko jarraibideak ezarriko ditu. Jarduketaren protokoloa Departamentuak onetsiko du erakunde jarduleek proposatuta.
3.-Dokumentazioaren kontrolari buruzko akta bat eginen da, non atzemandako akatsak azalduko baitira, zehazki adierazita datu/agiriren bat falta ote den, zerbait gaizki kalkulatu ote den edo arau-hausteren bat egin ote den. Akatsak oso larriak, larriak edo arinak izanen dira, instrukzio tekniko osagarriaren irizpideen arabera.
4.-Instalazioen ikuskapenei buruzko akta ere egin beharko da. Bertan, instalazioan atzemandako akatsak jaso eta sailkatuko dira (oso larriak, larriak edo arinak), eta instalazioari buruzko irizpena emanen da, hots, aldekoa, baldintzatua edo ezezkoa, instrukzio tekniko osagarriaren irizpideen arabera.
5.-Aktaren arabera, akats larriak edo oso larriak baldin badaude, instalazioaren, proiektuaren eta/edo obra zuzendaritzaren eta, kasua bada, diseinuaren memoria teknikoaren desegokitasuna ebaluatu beharko da.
6.-Akatsak atzematen badira, aktaren kopia bat eman beharko zaie instalazioko titularrari, enpresa instalatzaileari, obrako zuzendari teknikoari eta, kasua bada, proiektua edo diseinuaren memoria teknikoa sinatu duen teknikariari. Jatorrizko akta espedientearekin batera artxibatuko da.
14. artikulua. Gorabeherak.
1.-Ikuskapenaren ondorioz erakunde jarduleak ikusten badu legea ez dela bete edo/eta akats teknikoak daudela, instalazioa baldintzapean jartzeko modukoak, instalazioaren titularrari eskatuko diote haiek zuzen ditzala hiru hilabeteko epearen barnean. Epe horretan egiaztatu egin beharko da teknikari eskudun batek edo instalazio baimendu batek beharrezko konponketak egin dituela. Kontrolerako erakundeek akatsak zuzentzeko finkatzen den epean konpondu ez diren akats tekniko larrien berri emanen diote Departamentuari, aipatu epea bukatu eta ondoko hamar eguneko epearen barnean.
2.-Hautemandako akats teknikoak istripu larria eragiteko arriskutsuak badira, instalazioa negatibotzat kalifikatzeko modukoak, alegia, erakunde jardulea behartua egonen da instalazioaren titularrari eta enpresa instalatzailearen edo mantenimenduko enpresaren ordezkariari eskatzera ukitutako aparatuak edo instalazioaren zatia zerbitzutik kanpora utz ditzaten eta instalazioa osorik edo haren zati bat prezintatu eginen du. Gero Departamentuari jakinaraziko dio instalazioa osorik edo haren zati bat prezintatu egin dela eta horretarako arrazoiak adieraziko ditu. Geldiarazitako instalazio bat berriro abian jartzeko ikustaldia titularrak edo haren ordezkariak akatsa konpondu dela jakinarazi eta hurrengo 24 orduko epearen barnean eginen da.
Aurrekoa horrela izanik ere, eta kontrolerako erakundeak errekerimendua egin arren, ukitutako aparatuak edo instalazioaren zati hura zerbitzutik kanpora uzten ez badira, horren berri emanen zaio berehala Departamentuari, instalazioa geldiarazteko behar diren neurriak har ditzan.
15. artikulua. Aldizkako ikuskapenak.
1.-Behe tentsiorako Erregelamendu elektroteknikoaren ITC-BT-05 arauaren arabera, honako instalazio hauetan aldizkako ikuskapenak eginen dira:
-Foru agindu honen eranskineko II. taularen arabera, P1 motakoak diren instalazioak bost urtetik behin ikuskatuko dira.
-Instalatutako potentzia, guztira, 100 kW-koa duten etxebizitzen eraikinetako instalazio komunak 10 urtetik behin ikuskatuko dira.
Erregelamendu berrian ezarritako epeetara egokitu ahal izateko, erabaki iragankor bat hartu da, hots, aldizkako lehenbiziko ikuskapena egiteko bi urteko epea ematea 1998ko irailaren 18a baino lehen abian jarri eta bost urtetik behingo ikuskapena behar duten instalazioei eta, orobat, 1993ko irailaren 18a baino lehen abian jarri eta hamar urtetik behingo ikuskapena behar dutenei.
2.-Instalazio bat abian jartzeko baimena tramitatu duen kontrol erakundeak instalazioko titularrari jakinarazpen bat bidali beharko dio, aldizkako ikuskapena egin beharra eta horretarako mugaeguna oroitarazteko. Jakinarazpen hori mugaeguna iritsi baino bi hilabete lehenago egin beharko du. Bestalde, ikuskapena egiteko mugaeguna iritsi baino hilabete bat lehenagotik gutxienez, instalazioetako titularrek aukeratzen duten kontrol erakundeari eskatu beharko diote aldizkako ikuskapena egitea.
3.-Kontrol erakundeak bi hilabeteko epea izanen du ikuskapena egiteko, eskaera jasotzen duenetik hasita. Ikuskapenaren ziurtagiria egin ondoren, kopia bana emanen die titularrari eta Departamentuari.
4.-Ikuskapenaren ziurtagirian instalazioak oso akats larria duela adierazi eta, horrenbestez, instalazioa negatibotzat hartzen bada, kontrol erakundeak foru agindu honen 14. artikuluko 2. idatz-zatian ezarritakoaren arabera jokatuko du.
Ikuskapenaren ziurtagirian instalazioak akats larri bat edo aurreko ikuskapen batean atzemandako akats arin konpondu gabeko bat duela adierazi eta, horrenbestez, instalazioaren baimena baldintzapean jartzen badu, akatsak zuzentzeko epe bat finkatuko da, sei hilabetetik beherakoa. Epe horretan akatsak zuzentzen ez badira, kontrolerako erakundeak instalazioa negatibotzat hartzen duen ziurtagiria igorriko du Departamentura.
Salbuespen gisa, foru agindu honek indarra hartu aurretik abian jarritako instalazioen kasuan, titularrak adierazten badu, egin beharreko aldaketen edo zuzenketen kostua edo munta ikusita, zaila dela horiek epe laburrean egitea, epez epeko plan bat onestea eska dezake. Plan hori teknikari eskudun batek prestatu beharko du eta bertan instalazioaren segurtasuna bermatzeko behar diren zuzenketa neurriak jaso beharko dira, hala nola plana burutzeko plangintza teknikoa eta ekonomikoa. Plana Departamentuan aurkeztuko da, horrek onets dezan. Departamentuak egoki iruditzen zaizkion baldintzak ezar ditzake.
16. artikulua. Instalazioetako mantentze-lana.
Behe tentsioko erregelamendu elektroteknikoarekin bat, instalazioen titularrek ongi funtzionatzeko moduan eduki behar dituzte instalazioak, eta haien ezaugarrien arabera erabili, deus ere egin gabe ezaugarriak aldatzeko. Beharrezkoa balitz aldaketaren bat egitea, baimena duen instalatzaile batek egin beharko lituzke.
IV. KAPITULUA. Jarraipena eta kontrola
17. artikulua. Departamentuaren segimendu eta kontrol lana.
1.-Departamentuak beharrezkoak iruditzen zaizkion egiaztapenak egin litzake kontrolerako erakundeei buruz, konprobatzearren instalazioak abian jartzeko jardueren espedienteen tramitazioa ongi egokitzen ote zaizkion, materialei eta moduari dagokienez, xedapen arau-emaile eta jarraibideei, eta ziurtatzearren instalazioen ikuskapenak instalazio mota bakoitzarentzat ezarritako portzentajeei segituz egin direla, ezarritako jarraibideei kasu eginez. Halaber, horretarako beharrezkotzat jotzen den informazioa eska dezake.
Erakundeen kontrola auditoria sistemaren bidez egin daiteke. Auditoriak departamentuak egin ditzake zuzenean, edo gaituak dauden enpresa independienteek, lan hori egitea eskatzen bazaie.
2.-Instalazioen titularrak konforme ez badaude kontrolerako erakundeen jarduketekin, Industria eta Teknologia, Merkataritza eta Lan Departamentuari jakinaraziko diote. Departamentuak hiru hilabeteko epean ebatziko du desadostasunaren gainean.
3.-Departamentuak noiznahi eska dezake kontrolerako erakunde baten aurrean irekitako espediente bat tramitatzea. Horrelako kasuetan, erakundea behartua dago Departamentuari berehala igortzera berari aurkeztu zaion dokumentazioa.
18. artikulua. Kontrolerako erakundeen betebeharrak.
1.-Kontrolerako erakundeen ardura da beraiek egindako kreditazioa, instalazioen segurtasun baldintzak betetzeari buruzkoa, eta instalazioen ikuskapenak foru agindu honetan ezarritako moduan egin daitezela.
2.-Bestetik, beharturik daude espedienteen tramitazio egoerari buruzko informazioa ematera, eta espedienteetan dagoen informazioaren kopia bat ematera Administrazio Publikoen Araubide Juridikoari eta Guztiendako Administrazio Prozedurari buruzko azaroaren 26ko 30/1992 Legearen 31. artikuluan xedatutakoaren arabera interesdun diren pertsonei.
19. artikulua. Arau-hausteak eta zehapenak.
Kontrolerako erakundeek Industriari buruzko uztailaren 16ko 21/1992 Legearen 31. artikuluan tipifikaturiko arau-hausteetakoren bat eginez gero, Departamentuak dagokion zehapen espedientea irekiko du, izan daitezkeen erantzukizun zibilak, penalak edo bestelakoak deusetan galarazi gabe.
Zehapenen araubidea aipatu legearen V. tituluan ezarritakoa izanen da. Aipatu departamentuak tramitatuko du zehapen espedientea, Administrazio Publikoen Araubide Juridikoari eta Guztiendako Administrazio Prozedurari buruzko azaroaren 26ko 30/1992 Legeak ezarritakoarekin bat.
Zehapena jartzeko eskumenari dagokionez, azaroaren 9ko 326/1998 Foru Dekretuaren 15. artikuluan xedatutakoari jarraituko zaio.
20. artikulua. Informazio sistema.
Foru agindu honen xede diren erakundeen espedienteen tramitazioan, Departamentuak ezarritako informazio sistema erabiliko dute kontrolerako erakundeek. Informazio sistema hori Departamentuak telematika bidez istantean kontsultatzeko modukoa izanen da.
Xedapen Gehigarri Bakarra
Behe tentsioko instalazio elektrikoak tramitatzeko maiatzaren 24ko 67/2001 Foru Aginduak ezarritako tarifen ordez foru agindu honen eranskineko V. taulan ageri direnek izanen dute indarra, eta gainerako guztian foru agindu hari lotuta geldituko dira.
Xedapen Indargabetzaile Bakarra
Indarrik gabe gelditzen da Industria, Merkataritza, Turismo eta Lan kontseilariak martxoaren 25ean emandako 75/1999 Foru Agindua, behe tentsioko instalazio elektrikoak eraikin ez-industrialetan abian jartzeko tramitazio administratiborako prozedura ezarri zuena.
Azken Xedapen Bakarra
Foru agindu honek 2003ko irailaren 18an hartuko du indarra.
ERANSKINA
I. TAULA
Behe tentsioko instalazio elektrikoak erregistratu eta abian jartzeko aurkeztu beharreko dokumentuak
A.-BEHIN BETIKO HARTUNEA EGITEKO ETA ABIAN JARTZEKO
Fc7.09.06.BT
1. B.T.ko instalazio elektrikoa erregistratzeko eskabidea.
X
X
X
X
Fc7.09.07.BT
2. B.T.ko proiektu elektrikoa, teknikari eskudun batek erredaktatua, proiektua aurkezteko inprimakiarekin batera.
X
X
3. Instalazioaren obra bukaeraren zuzendaritza, teknikari eskudun batek erredaktatua.
X
X
X
Fc7.09.08.BT
4. Diseinuko memoria teknikoa, teknikari eskudun batek edo instalazioaren kategoriarako baimendutako instalatzaileak erredaktatua.
X
5. Hasierako ikuskapeneko ziurtagiria, kontrolerako erakunde batek emana eta adostasun kalifikazioa adierazten duena.
X
Fc7.09.09.BT
6. Instalazioaren ziurtagiria, baimendutako instalatzaileak emana eta Erabiltzailearentzako Argibideen eranskina duena.
X
X
X
X
X
X
7. Irekitzeko lizentzia, jarduera sailkatuei badagokie, edo, bestela, jarduera kaltegabea dela dioen ziurtagiria.
X
X
X
X
X
Fc7.09.11.BT
8. Establezimenduan dauden erregelamenduzko instalazioen aitorpena.
X
X
X
X
9. Titularraren NAN edo IFKaren fotokopia.
X
X
X
X
Fc7.09.13.BT
10. Titularra aldatzeko eskaera.
Industriako establezimenduetako instalazioen kasuan, B atalean ezarritakoari jarraikiko zaio.
X
B.-ESTABLEZIMENDUA INDUSTRIAKOA BADA ETA/EDO ADMINISTRAZIO BAIMENA BEHAR BADU.
Instalazioaren motaren arabera (P1, P, M, DO, CI) aurkeztu behar duen dokumentazioaz gain, edo A atalaren araberako titular aldaketa egiten denean.
11. Instalazioaren administrazio baimena eta/edo REI delakoan alta edo aldaketaren inskripzioa tramitatu behar da Industria Departamentuan, edo, nekazaritzako elikagaien industriak badira, Nekazaritzakoan.
Inskripzioarekiko adostasuna barnekoa izanen da Industriako Departamentuaren kasuan, eta Nekazaritzakoarenean, inskripzioaren frogagiriaren bidez kreditatu beharko da. Adostasun hori erakunde jarduleak Instalazioaren Ziurtagiriaren eginbidea burutu baino lehen adierazi beharko da.
C.-ERAIKUNTZA LANETARAKO ALDI BATEKO INSTALAZIOAK (2. TAULAKO D-1 TALDEA).
Mota
P
M
Instalazio motaren arabera (P edo M) aurkeztu beharreko dokumentuez gain, 7., 8. eta 9. dokumentuak salbu, ondoko hauek aurkeztu beharko dituzte:
12. Obra-lizentzia.
X
X
Erakunde jarduleak ondoko egiaztapen hauek eginen ditu:
13.1. Instalazioaren ziurtagiriaren titularra den eraikuntza-enpresak eraikuntzako D.C.E. delako indarduna duela.
13.2. Obran garabiorik jarri baldin bada, hura instalatzeko proiektua aurkeztu dela.
-Informatika bidez edo zerrendak aztertuz.
-GT1 agiria edo balio bereko beste bat aurkeztuz, edo, bestela, informatika bidez.
13.1. Sustatzaileak berak erabiltzeko obra baldin bada, eta kontratista nagusirik ez badago, D.C.A.ren ordez, segurtasunari eta osasunari buruzko azterlanaren tramitazioaren frogagiria aurkeztuko da Lan Zuzendaritzan edo, bestela, segurtasunari buruzko oinarrizko azterlana, sustatzailearen izenarekin.
X
X
13.1. Instalazioaren ziurtagiriaren titularra den eraikuntza enpresa beste autonomi erkidegokoa baldin bada, ondoko dokumentu hauek ere aurkeztu beharko dira:
-Enpresaren autonomi erkidegoak emandako Eraikuntzarako D.C.E.aren kopia.
-Obra zein udalerritan dagoen, bertako J.E.Z.ko alta, eraikuntza arlokoa.
X
X
D.-PROBETARAKO BEHIN-BEHINEKO LOTURA ELEKTRIKOA (JARDUERA SAILKATUEN ERREGELAMENDUA ALDATZEN DUEN UZTAILAREN 15EKO 224/1998 FORU DEKRETUARI JARRAIKIZ, 1998-08-03KO NAFARROAKO ALDIZKARI OFIZIALA).
Instalazio motaren arabera, A atalean azaldutako dokumentu guztiak, 7.a eta 10.a izan ezik, eta, gainera, mota guztietarako.
Fc7.09.10.BT
13. Behin-behineko hartune egiteko eskaera.
X
X
X
X
X
14. Jarduera lizentzia, jarduera sailkatuei badagokie.
X
X
X
X
X
15. Jarduera sailkatuen proiektuaren exekuzioa zein egoeratan dagoen adierazten duen txostena, teknikari eskudun batek egina, suteen kontrako instalazioa bereziki aipatuta.
X
X
X
X
X
E.-HARTUNEA GOI TENTSIOKOA DENEAN.
Erakunde jardulearen aitzinean aurkeztu beharko da Goi Tentsioko instalazioa abian jartzeko behin betiko baimena edo, hala behar denean, behin-behinekoa, Industria eta Teknologia, Merkataritza eta Lan Departamentuak tramitatzen duena.
F.-INSTALAZIOA BEREZIA BADA (Z-1), DO MOTAKOA
Proiektuaren ordez, haren aurreko legeztapenaren dokumentazio teknikoaren kopia aurkeztuko da, bai eta proiektua eta/edo obra bukaerako zuzendaritza eta beste zuzendaritza tekniko bat ere.
OHAR OROKORRAK
-Behe tentsioko instalazio elektrikoaren erregistroa (Fc7.09.06.BT) dokumentuan egiten da, erakunde jarduleak eginbideak egin ondoren. Instalazioen ziurtagiria (Fc7.09.09.BT), erakunde jarduleak egina, enpresa hornitzaileari aurkeztuko zaio, dagokion kontratua egiteko.
-Hartunea goi tentsiokoa baldin bada, erakunde jarduleak egindako Instalazio-ziurtagiriaz gain, goi tentsioko instalaziorako baimena aurkeztu beharko da enpresa hornitzailean.
-Etxebizitza baten edo Jarduera Sailkatuen Erregelamenduari loturiko jarduera ekonomikorik ez duten lokalen titularraren aldaketa denean, enpresa hornitzailearen tramitazio-arauen arabera jokatuko da.
-Fc dokumentuak inprimaki ofizialak dira, erakunde jardulean edo Departamentuaren web-gunean eskura daitezkeenak. Espediente bakar bati lotuak direnak BT karpeta batean artxibatzen dira.
II. TAULA
Behe tentsioko instalazioen sailkapena, instalazio motaren eta aurreikusitako potentziaren (PP) edo instalatutako potentziaren (PI) arabera
A-1
INDUSTRIAK, ORO HAR.
-Pi > 100 kW
P1
-Pp > 20 kW
P
-Pp - 20 kW
M
B-1
TOKI HEZEAK, HAUTSEZ BETEAK EDO KORROSIO ARRISKUA DUTENAK.
B-2
URA ATERA EDO UR MAILA IGOTZEKO PONPAK, INDUSTRIALAK ETA EZ-INDUSTRIALAK.
-Pp > 10 kW
P
-Pp - 10 kW
M
C-1
-LOKAL BUSTIAK.
P1
-Pi > 25 kW
P1
C-2
-SORGAILUAK ETA BIHURGAILUAK.
C-3
-BEROKUNTZARAKO EROALE ISOLATUAK, ETXEBIZITZETAKOAK IZAN EZIK.
-Pp > 10 kW
P
-Pp - 10 kW
M
D-1
-ERAIKUNTZAKO OBRETAKO MAKINAK ELIKATZEKO ALDI BATERAKO HARTUNEAK.
D-2
-LOKALETAN EDO TOKI IREKIETAN EGITEN DIREN ALDI BATERAKO HARTUNEAK.
-Pp > 50 kW
P
-Pp - 50 kW
M
E-1
-NAGUSIKI ETXEBIZITZETARAKO, MERKATARITZA LOKALETARAKO ETA BULEGOETARAKO DIREN ERAIKINAK, JENDEA HARTZEKO LOKAL GISA SAILKATUA EZ BADAUDE, ERAIKIN BERTIKALETAKOAK ZEIN HORIZONTALETAKOAK.
-Pp > 100 kW Babes kaxa nagusiko.
P
-Pp - 100 kW
M
F-1
-FAMILIA BAKARREKO ETXEBIZITZAK.
-Pp > 50 kW
P
-Pp - 50 kW
M
G-1
-AIREZTAPEN ARTIFIZIALA BEHAR DUTEN GARAJEAK.
-Si > de 25 aparkaleku.
P1
-Resto
P
H-1
-AIREZTAPEN NATURALA DUTEN GARAJEAK.
- 25 aparkaleku.
P1
> 5 aparkaleku.
P
- 5 aparkaleku.
M
I-1
-JENDEA HARTZEKO LOKALAK, ITC-BT 28-AREN ARABERA
-Denak
P1
J-1
-GOI TENTSIOKO LINEEKIN EUSKARRI KOMUNAK DITUZTEN BEHE TENTSIOKO LINEAK.
J-2
-IGOGAILUAK ETA GARRAIORAKO MAKINAK.
J-3
-TENTSIO BEREZIAK ERABILTZEN DITUZTENAK.
J-4
-ARGIZKO ERROTULUETAKOAK, ITC-BT 44 DELAKOAN EZARRITAKOAREN ARABERA, BEHE TENTSIOKO INSTALAZIOTZAT HARTZEN DIRENAK IZAN EZIK.
J-5
-HESI ELEKTRIKOAK.
J-6
-ENERGIA BANATZEKO AIREKO EDO LUR AZPIKO SAREAK.
-Denak.
P
K-1
-KANPOKO ARGIEN INSTALAZIOAK.
-Pp > 5 kW
P1
-Pp - 5 kW
M
L-1
-SUTE EDO EZTANDA ARRISKUA DUTEN LOKALAK.
-I. Motakoak, ITC-BT 29 delakoaren arabera, 25 aparkaleku baino gutxiago dituzten garajeak izan ezik.
P1
-Gainerako guztiak
P
M-1
-OPERAZIO-GELAK ETA EBAKUNTZA ARETOAK.
-Denak
P1
N-1
-IGERILEKU ETA ITURRIAK.
-Igerilekuak Pi > 10 kW
P1
-Pp > 5 kW
P
-Pp >< 5 kW
M
O-1
-AURREKO TALDEETAN SARTUTA EZ BADAUDE ERE, ZIENTZIA ETA TEKNOLOGIA MINISTERIOAK, BEHAR DEN XEDAPENAREN BIDEZ, ZEHAZTEN DITUEN INSTALAZIO ELEKTRIKOAK.
-Dagokionaren arabera.
-Aurreko taldeetan sartuta ez dauden instalazio berri guztiek Diseinuko Memoria Teknikoa beharko dute.
M
Z
INSTALAZIO BEREZIAK
Z-1
-Dagoeneko legeztatuak daudenak, baja eman eta denbora tarte batez jarduerarik gabe egon ondoren berriz ere jarduera horretan berean edo antzeko beste batean martxan hasten diren establezimenduei dagozkienak, instalazioaren aldaketak ez dira Aldaketa garrantzitsutzat" hartzen, aurreko dokumentazio teknikoa erabiltzen da, erakunde jarduleko arduradunaren adostasunarekin, Zuzendaritza Teknikoa aurkeztu behar dute eta DO gisa sailkatzen dira.
DO
Z-2
-Urtean zehar herri batzuetan jartzen diren aldi baterako instalazioei dagozkienak, d-2 taldeko instalazioen sailean erregistraturik daudenak, adibidez herriz herri ibiltzen diren kaleko feriak, jaiak, gaueko dantzaldiak etab. CI motan sartzen dira eta Instalazio Ziurtagiriak urte osorako balioko du.
CI
Z-3
-Akaberako lan txikiak egiteko, aldi baterako instalazioei dagozkienak, adibidez, eskaiolistak, berniztatzaileak etab., eta enpresa behar den bezala erregistraturik badago eraikuntza arloan, CI motan sartuko dira; Instalazio Ziurtagiriak urte osorako balioko du.
CI
Z-4
-Instalatzaile elektrikoen akaberako lan txikietarako aldi baterako instalazioei dagozkienak, 5,5 KW-ko gehieneko potentzia kontratatua dutenak, CI motan sailkatuko dira.
CI
III. TAULA
Instalazioen sailkapena, zabalkuntza eta aldaketetarako.
Ondoko hauek izanen dira Aldaketa garrantzitsuak.
-Erregelamenduko 2. artikuluko b) puntuan horrela definitutakoak.
-Instalatutako potentziaren %50 baino gehiago hartzen dutenak.
-Zirkuitu eta koadro berriekin produkzio prozesuen linea osoak ukitzen dituztenak.
-Aldaketa garrantzitsutzat hartzen diren horiek erregelamendu berriari jarraikiz arautuko dira.
B, C, G, I,
J,L, M
-Aurreko taulako b, c, g, i, j, l eta m taldeetako instalazioen zabalkuntzak, betiere zabalkuntzaren ondorioz aurreikusten den gehieneko potentzia osoak b eta c taldeetako instalazioetan proiektu bat aurkeztea eskatzen duten baldintzak gainditzen baditu.
P
A, B, C, D,
E, F, G, H, I,
J, K, L, M, N
-Aurreko taulako talde guztietako instalazioen Aldaketa garrantzitsuak, z taldeko instalazioenak izan ezik.
P
A, B, C, D,
E, F, G, H, I,
J, K, L, M, N
-Aurreko taulako talde guztietako instalazioen zabalkuntzak, z taldeko instalazioenak izan ezik, hasieran proiekturik behar izan ez zutenak, aurreikusitako potentziaren mugak gainditzen ez dituztelako, baina zabalkuntzaren ondoren gaindituko dituztenak.
P
A, B, C, D,
E, F, G, H, I,
J, K, L, M, N
-Aurretik proiektua behar izan zuten P motako instalazioen zabalkuntzak, zabalkuntza batean edo batzuetan aurreko proiektuan aurreikusitako potentziaren %50 gainditzen bada.
P
TAULA HONETAN SARTU EZ DIREN ALDAKETA EDO ZABALKUNTZA GUZTIETARAKO, BEHARREZKOA IZANEN DA DISEINUKO MEMORIA TEKNIKO BAT AURKEZTEA.
M
IV. TAULA
Hasierako eta/edo aldizkako ikuskapena behar duten instalazioak
P1 motako guztiak.
P1 motako guztiak.
5 urte.
Etxebizitzen eraikinetarako komunak direnak, instalatutako potentzia Pi > 100kW dutenak.
10 urte.
V. TAULA
Behe tentsioko instalazio elektrikoak tramitatzeko tarifak, eurotan emanak (Aurreikusitako potentzia (Pp) Kw-tan)
P1
15
P
48
51
57
75
86
56 + PP X 0,3
M
15
18
24
42
56
26 + PP X 0,3
DO
48
51
57
75
86
56 + PP X 0,3
CI
15
18
24
42
56
26 + PP X 0,3
