navarra.es
Castellano | Euskara | Français | English
Ezagutzera eman
117/2012 Foru Agindua, martxoaren 13koa, Landa Garapen, Industria, Enplegu eta Ingurumeneko kontseilariak emana, Nafarroako Foru Komunitateko Industrien Jarduerak Ingurumenaren aldetik Ikuskatzeko Programa eta 2012. urteko Ikuskapenen Programa...
117/2012 FORU AGINDUA, MARTXOAREN 13KOA, LANDA GARAPEN, INDUSTRIA, ENPLEGU ETA INGURUMENEKO KONTSEILARIAK EMANA, NAFARROAKO FORU KOMUNITATEKO INDUSTRIEN JARDUERAK INGURUMENAREN ALDETIK IKUSKATZEKO PROGRAMA ETA 2012. URTEKO IKUSKAPENEN PROGRAMA ONESTEN DITUENA
(2012ko 84. NAOn argitaratutako testua, maiatzaren 4an)
Atarikoa
Europako Parlamentuak eta Kontseiluak industrien emisioei buruz (kutsaduraren prebentzio eta kontrol integratuak) 2010eko azaroaren 24an emandako 2010/75/EB Zuzentarauak ingurumen ikuskapenei buruzko 23. artikuluan ezartzen duenez, Europar Batasuneko estatuek bermatu egin behar dute instalazio guztiak sartuko direla nazio, eskualde edo toki mailako ingurumen ikuskapenen planen batean, eta plan hori aldian behin berraztertu eta eguneratuko dela.
Europako Parlamentuak eta Kontseiluak, 2001eko apirilaren 4an, gomendio bat eman zuten (2001/331/EE) estatu kideetan ingurumen ikuskapenak egiteko gutxieneko irizpideei buruz; gomendio horretan ezartzen da, ikuskapenen plangintzari dagokionez, ingurumen ikuskapenak aldez aurretik planifikatu behar direla, eta horretarako ingurumen ikuskapenen programa bat edo batzuk ezarri behar direla, estatu kide osoa eta bertan dauden instalazio kontrolatu guztiak barne hartzen dituztenak.
Abenduaren 28ko 93/2006 Foru Dekretuak ezartzen duenez, urte bakoitzeko lehenengo hiruhilekoan Landa Garapeneko eta Ingurumeneko Departamentuaren eskumeneko ingurumen ikuskapenak planifikatu beharko dira. Dekretu horrek Ingurumena Babesteko Esku-hartzeari buruzko martxoaren 22ko 4/2005 Foru Legea garatzeko Erregelamendua onetsi zuen.
Foru agindu honen bidez, batetik, praktikan jarri nahi dira Europako Parlamentuak eta Kontseiluak industrien emisioei buruz (kutsaduraren prebentzio eta kontrol integratuak) 2010eko azaroaren 24an emandako 2010/75/EB Zuzentaraua eta Europako Parlamentuak eta Kontseiluak, 2001eko apirilaren 4an, estatu kideetan ingurumen ikuskapenak egiteko gutxieneko irizpideei buruz eman zuten gomendioa (2001/331/EE); bestetik, 93/2006 Foru Dekretuan industria jarduerak ikuskatzeari buruz ezarritakoa bete nahi da.
Horrenbestez, Nafarroako Gobernuari eta Lehendakariari buruzko abenduaren 3ko 14/2004 Foru Legearen 41. artikuluak ematen dizkidan eskumenak erabiliz, agindu dut:
1. Industrien Jarduerak Ingurumenaren aldetik Ikuskatzeko 2012ko Programa, Ingurumen Zuzendaritza Nagusiarena, onestea. Testua foru agindu honen eranskinean jaso da.
2. Foru agindu hau Ingurumen Kalitatearen Zerbitzuari jakinaraztea, behar diren ondorioak izan ditzan.
3. Foru Agindu hau Nafarroako Aldizkari Ofizialean argitaratzea.
4. Foru agindu honen aurka gora jotzeko errekurtsoa jartzen ahal da, Nafarroako Gobernuari zuzendua, jakinarazi eta biharamunetik hilabeteko epean.
Foru agindu honen kontra administrazio publikoek zilegi dute administrazioarekiko auzi-errekurtsoa jartzea, Nafarroako Justizia Auzitegi Nagusiko Administrazioarekiko Auzien Salari zuzendua, jakinarazi eta bi hilabeteko epean. Horrek ez du galarazten aldez aurreko errekerimendua egin ahal izatea, Administrazioarekiko Auzien Jurisdikzioa arautzen duen uztailaren 13ko 29/1998 Legearen 44. artikuluan ezarritako moduan eta epean.
I. ERANSKINA. Nafarroako Foru Komunitatearen Industrien Jarduerak Ingurumenaren aldetik Ikuskatzeko Programa eta 2012. urteko Ikuskapenen Programa
1.-Sarrera.
Industrien Jarduerak Ingurumenaren aldetik Ikuskatzeko Programa honek bai legearen aginduan bai gizartearen eskari gero eta handiagoan du jatorria. Gizartearen eskaria ez dator herritarren erakunde eta taldeengandik bakarrik, baizik eta baita ingurumena babestu nahian beren ekoizpen sisteman ingurumen kostuak sartzen dituzten produkzio sektoreetatik ere.
Europako Parlamentuak eta Kontseiluak industrien emisioei buruz (kutsaduraren prebentzio eta kontrol integratuak) 2010eko azaroaren 24an emandako 2010/75/EB Zuzentarauak, halaber, ingurumen ikuskapenetarako baldintzak ezartzen ditu 23. artikuluan.
Zehazki, 23.1 artikuluan Zuzentarauak dio estatu kideek instalazioen ingurumen ikuskapenetarako sistema ezarriko dutela eta, horren barnean, kasuan kasuko instalazioak ingurumenean sortzen dituen ondorio garrantzitsu guztiak aztertuko direla.
Horrez gain, 23.2 artikuluan ezarrita dagoenez, estatu kideek bermatu egin behar dute instalazio guztiak sartuko direla nazio, eskualde edo toki mailako ingurumen ikuskapenen planen batean, eta plan hori aldian behin berraztertu eta, bidezkoa denean, eguneratuko dela.
Bestalde, Europar Batasuneko Parlamentuak eta Kontseiluak 2001eko apirilaren 4ko Gomendioa onetsi zuten, estatu kideetako ingurumen ikuskapenetarako gutxieneko irizpideei buruzkoa. Ikuskapenak gutxieneko irizpide batzuen arabera egitea da gomendio horren helburua. Irizpide horiek erabili beharko dira ikuskapen lanak antolatu, egin, kontrolatu eta argitaratzeko.
Legedia betetzen dela egiaztatzeko eta bete dadin bultzatzeko, urteko ikuskapen programak prestatu beharra adierazten da gomendioan, baita ingurumenaren gaineko eragina zaindu beharra ere, legedia betetzen dela bermatuko duten neurriak hartu beharra erabakitzeko.
Landa Garapen, Industria, Enplegu eta Ingurumen Departamentuak urteko ikuskapen programak egiten ditu 2004az geroztik. Programa horiek departamentuko bertako langileek bete dituzte, batzuetan kanpoko laguntzaileekin.
Progamak industrien jarduerak, batez ere, hartzen ditu kontuan, eta kanpoan gelditzen dira aldez aurretik Landa Garapen, Industria, Enplegu eta Ingurumen Departamentuaren baimena edo txostena behar duten jardueretako batzuk, hala nola, Ingurumen ukipenetarako baimena behar duten jarduerak. Aurten abeltzaintzako jarduerak ikuskatuko dira, abeltegi handienak hain zuzen, horrelako jardueren kontrola hobetzeko.
Dokumentu honen helburua Landa Garapen, Industria, Enplegu eta Ingurumen Departamentuaren irizpideak zehaztea da, ikuskatu beharreko jardueren arteko lehentasunak ezartzeari dagokionez; orobat, programa antolatu eta garatzeko oinarriak ezartzea.
1.1. Programaren baliabideak.
Programa gaur egun Ikuskapen, Airearen Kalitate eta Klima Aldaketaren Atalean eskura dauden giza baliabideekin eginen da, kontuan hartuta langileak ez direla ikuskapen jardueretan bakarrik aritzen. Aitzitik, Ingurumen Kalitatearen Zerbitzuari dagozkion beste jarduera batzuk ere egiten dituzte, adibidez diru-laguntzak tramitatzea, IPPC jarduerak eta IPPC ez direnak baimentzea, airearen kalitatea kudeatzea, zarata kudeatzea...
Mota askotariko jarduerak egiteak ikuskapen jardueretatik baliabideak kentzen ditu, baina beste alde batetik hori ikuskatzaileen prestakuntzarako lagungarria da, industria-jardueraren eta Programa garatzean baloratu behar diren ingurumen-alderdien ikuspegi zabalagoa bereganatzen dutelako.
Dena den, baliabideak mugatuak direnez, aldez aurretik hautatze eta leheneste lanak egin behar izan dira. Alderdi hauek hartuko dira kontuan:
-Instalazioaren konplexutasuna.
-Airerako eta uretarako emisioak eta hondakinen isurketa.
-Instalazioaren kokalekua: etxebizitzetarainoko distantzia, ingurumen aldetik interes berezia duten guneetarainoko distantzia, uholde arriskua...
-Instalazioko operadorearen gaitasuna. Aplikatzen zaizkion ingurumen-baldintzak betetzeko gai den balioesten da.
-Instalazioak zenbateraino betetzen dituen ingurumen arloko araudia eta bere baimenen baldintzak.
Programa honen helburua da, azken batean, Nafarroan ingurumenaren kalitatea hobetzea, ingurumen arloko legeak bete daitezen sustatuz. Horretarako bi tresna hautatu ditu: ikuskapena eta ingurumen kontrola. Biak erabiliko dira instalazioek ingurumen arloko legedian eta beren baimenetan ezarritako baldintzak betetzen ote dituzten jakiteko eta jarduerek ingurumenean duten eragina zaintzeko, baina badituzte aldeak, ez baitira berdinak bataren eta bestearen antolaketa, langileak, ezarpenerako lege oinarria eta exekuzioaren ondoriozko jarduketak.
Programa honi dagokionez, ikuskapentzat joko dira Landa Garapen, Industria, Enplegu eta Ingurumen Departamentuak bere eskumeneko esparruan egiten dituen egiaztapen eta jarraipen jarduketak. Lan horietan kanpoko entitateen laguntza teknikoa jaso dezake. Kontroltzat joko dira, aldiz, enpresak berak edo behar bezala baimendutako entitate pribatuek egiten dituzten egiaztapen jarduketak; baina haien txostenak edo emaitzak ere Landa Garapen, Industria, Enplegu eta Ingurumen Departamentuak berak berrikusten ahal ditu.
2.-Aurrekariak eta lege esparrua.
2004az geroztik, Landa Garapen, Industria, Enplegu eta Ingurumen Departamentuak planifikatu egiten ditu industria jarduerei egiten dizkien ingurumen ikuskapenak, Impel sarearen ekimenez Europar Batasunak ingurumen ikuskapenetarako ezarritako gutxieneko irizpideei buruzko gomendioari jarraituz. Gomendio hori eman da estatu kideetan irizpide berdintsuak erabil daitezen ikuskapenarekin zerikusia duten alderdi batzuetan, besteak beste plangintzan eta egindako ikuskapenen ebaluazioan.
Nafarroan aukeratu den eredua mistoa da. Eredu horretan, ikuskapenetako batzuk departamentuko langileek beraiek egiten dituzte, eta beste batzuk, aldiz, atmosferara egiten diren isurketekin eta hondakin uren isurketekin zerikusia dutenak, UNE-EN ISO/IEC 17.020:2004ren arabera egiaztatutako enpresa publiko batek egiten ditu.
Bi egileek 2004tik hona ikuskapen hauek egin dituzte:
|
URTEA |
DEPARTAMENTUAK |
BESTE BATZUK |
GUZTIRA |
|
2004 |
196 |
104 |
300 |
|
2005 |
195 |
68 |
263 |
|
2006 |
136 |
131 |
267 |
|
2007 |
174 |
142 |
316 |
|
2008 |
164 |
80 |
244 |
|
2009 |
194 |
64 |
258 |
|
2010 |
141 |
64 |
205 |
|
2011 |
141 |
65 |
206 |
2007ko urtarrilean, bestalde, abenduaren 28ko 93/2006 Foru Dekretua onetsi zen, Ingurumena Babesteko Esku-hartzeari buruzko martxoaren 22ko 4/2005 Foru Legea garatzeko Erregelamendua onetsi zuena, eta harrezkero Nafarroak badu ingurumen ikuskapenen gaineko erregulazioa. Aipatu arauak Landa Garapen, Industria, Enplegu eta Ingurumen Departamentuari ematen dio eskumena Ingurumen baimen integratua eta Ingurumenaren gaineko eraginaren ebaluazioa behar dituzten jarduerak ikuskatzeko. Jarduera sailkatuetarako udal lizentzia behar duten jarduerei dagokienez, eskumen hori udalekin partekatzen du. Arau berak agintzen dio bere eskumeneko ikuskapenak urtero planifikatzeko eta informazio garrantzitsu guztia urteroko memorian jasotzeko.
Baimenak eman baino lehen ikuskapenak egitera behartzen duen legedi sektorialik ere bada. Esate baterako hor daude hondakinen kudeatzaileak edo irekitzeko baimenaren aurretik Ingurumen baimen integratua behar duten jarduerak. Era berean, Industrien emisioei buruzko 2010/75/EB Zuzentarau argitaratu berriak dioenez, estatu kideek instalazioak ikuskatzeko sistema ezarri behar dute, in situ ikuskapenak barnean hartuko dituena.
3.-Testuingurua.
Industrien Jarduerak Ingurumenaren aldetik Ikuskatzeko 2012ko Programaren abiapuntua aurreko urteetan egindako ikuskapenen eta kontrol-jardueretatik (instalazioek egindako autokontrolak eta KEBen jarduerari buruzko txostenak) lortutako informazioaren emaitzak dira.
3.1. Ingurumenaren arazo nagusien ebaluazio orokorra.
Honakoak dira ingurumenaren arazo nagusiak:
-Hondakin arriskutsuen zein arrisku gabeen sorrera.
-Hondakin arriskutsuen zein arrisku gabeen kudeaketa.
-Isurketak kolektoreetara eta ubideetara.
-Atmosferarako isuriak.
-Zarata.
-Lurzoruaren eta lur azpiko uren babesa.
3.2. Ikuskapen Planaren eremu geografikoa.
Programak Nafarroako lurralde osoan 2012an egin beharreko jarduerak ezartzen ditu. Ez da eremu geografiko txikiagoko ez programarik ez helbururik ezartzen.
3.3. Eskumenak.
Ikuskapen, Airearen Kalitate eta Klima Aldaketaren Atalari dagokio industria jardueren ikuskapenaren eskumena, Landa Garapen, Industria, Enplegu eta Ingurumen Departamentuaren egitura organikoa ezartzen duen uztailaren 26ko 109/2011 Foru Dekretuak xedatzen duen bezala. Dekretu horrek zeregin hauek esleitzen dizkio:
-Hondakinen kudeaketaren eta kutsaduraren aurkako borrokaren arloko plangintza.
-Hondakinen kudeaketari buruzko ingurumen kontrola.
-Kutsaduraren prebentzio eta kontrol integratuak.
3.4. Aplikatu beharreko legedia.
Aplikatu beharreko legedia, Programa garatzean kontuan hartu beharrekoa, Landa Garapen, Industria, Enplegu eta Ingurumen Departamentuaren eskumenaren barnean zuzenean dagoena da, honako hau, alegia:
3.4.1. Legedi orokorra.
-Ingurumena Babesteko Esku-hartzeari buruzko 4/2005 Foru Legea.
-93/2006 Foru Dekretua, 4/2005 Foru Legea garatzeko Erregelamendua onesten duena.
-16/2002 Legea, Kutsaduraren aurkako Aurreneurri eta Kontrol Integratuei buruzkoa.
-509/2007 Errege Dekretua, apirilaren 20koa, Kutsaduraren Aurkako Aurreneurri eta Kontrol Integratuei buruzko uztailaren 1eko 16/2002 Legea garatu eta betearazteko Erregelamendua onesten duena.
-2010/75/EB Zuzentaraua, 2010eko azaroaren 24koa, Europako Parlamentuak eta Kontseiluak emana, industrien emisioei buruzkoa (kutsaduraren prebentzio eta kontrol integratuak).
3.4.2. Atmosfera.
-6/2002 Foru Dekretua, eguratsean gai kutsagarriak isurtzen ahal dituzten jarduerak ezarri eta funtzionatzeko baldintzak ematen dituena.
-34/2007 Legea, azaroaren 15ekoa, Airearen Kalitateari eta Atmosferaren Babesari buruzkoa.
-833/1975 Dekretua, Atmosfera Babesteari buruzko 38/1972 Legea garatzen duena.
-100/2011 Errege Dekretua, urtarrilaren 28koa, airea kutsa dezaketen jardueren katalogoa eguneratu eta haren aplikaziorako oinarrizko xedapenak ematen dituena.
102/2011 Errege Dekretua, urtarrilaren 28koa, airearen kalitate hobekuntzari buruzkoa.
-117/2003 Errege Dekretua, jarduera batzuen disolbatzaileak erabiltzeagatik konposatu organiko hegazkor gutxiago aireratzeko.
3.4.3. Hondakinak.
-22/2011 Legea, uztailaren 28koa, Hondakin eta Lurzoru Kutsatuei buruzkoa.
-833/1988 Errege Dekretua, Hondakin Arriskutsuei buruzko 20/1986 Oinarrizko Legea betetzeko Erregelamendua onesten duena.
-1481/2001 Errege Dekretua, abenduaren 27an, hondakinak hondakindegietan bilduz deuseztatzea arautzen duena.
-Hondakin zehatzei buruzko berariazko araudia (olioak, ontziak, Gailu Elektriko eta Elektronikoen Hondakinak, PCB, Eraikuntzako eta Eraispeneko Hondakinak...).
3.4.4. Hondakin urak.
-12/2006 Foru Dekretua, urak saneamenduko kolektore publikoetara isurtzen ahal duten jarduerak ezarri eta funtzionatzeko baldintza teknikoak finkatzen dituena.
3.4.5. Zaratak eta bibrazioak.
-37/2003 Legea, Zaratari buruzkoa.
-1367/2007 Errege Dekretua, Zaratari buruzko 37/2003 Legea garatzen duena zona akustikoei, kalitate helburuei eta zarata emisioei dagokienez.
3.4.6. Lur kutsatuak.
-9/2005 Errege Dekretua, lurzorua kutsatzen ahal duten jardueren zerrenda eta lurzoru kutsatuak adierazteko irizpide eta estandarrak ezartzen dituena.
3.4.7. Ingurumen arloko informazioa jakinaraztea.
-Europako Parlamentuaren eta Kontseiluaren 166/2006 (EE) Erregelamendua, gai kutsagarrien isurketa eta transferentzien Europako erregistroa ezartzeari buruzkoa.
Adierazi behar da berotegi-efektuko gasen igorpen eskubideen salerosketa-araubidearen mendean dauden instalazioek berariazko kontrol-sistema dutela, eta horregatik ez direla sartzen Ikuskapen-planean.
4.-Lehentasunak.
Baliabideak mugatuak dira, eta instalazioak askotarikoak, ingurumen arazo oso desberdinak dituztenak. Horregatik beharrezkoa da Programaren lehentasunak argi ezartzea. Lehentasunak ezartzeko, programan sartutako instalazioen arriskuak aztertu dira. Hala, zenbat eta arrisku handiagoa izan instalazioak, arreta handiagoa jarriko diote ikuskatzaileek.
Atmosferarako emisioak, hondakin uren isurketak edo hondakinen ekoizpen edo kudeaketako jarduerak baimenen mendean dituzten instalazioen artean, arriskuen azterketa egiteko lehentasunezkotzat jo direnak honako hauek dira:
|
SEKTOREA |
INSTALAZIO KOPURUA |
|
Nekazaritzako elikagaiak, egunean baino isurketa handiagoa dutenak, igorpen aipagarriak edo salaketak dituztenak |
37 |
|
Harrobiak |
11 |
|
117/2003 Errege Dekretuaren eraginpean dauden instalazioak |
33 |
|
Salaketak |
12 |
|
Hirietako hondakin uren araztegiak |
7 |
|
Hondakin arriskugabeen kudeatzaileak* |
20 |
|
Hondakin arriskutsuen kudeatzaileak |
11 |
|
IPPC instalazioak, abeltzaintza jardueretakoak izan ezik |
114 |
|
Hondakin arriskutsuak sortzen dituzten instalazioak (urtean 100 t baino gehiago) |
23 |
|
Mindak tratatzeko instalazioak |
3 |
|
Abeltegiak |
30 |
|
Bestelakoak |
25 |
|
GUZTIRA |
295 |
|
(*) Ekoizpen prozesua duten jarduerak eta hondakindegiak bakarrik hartu dira kontuan. Ez dira kontuan hartu transferentzia zentroak. | |
Kategoriak baztertzaileak dira. Instalazio bakoitza multzo bakar batean agertzen da.
Instalazioei aldez aurretik finkatutako ingurumen ikuskapenen programa egiteko prozedurak arriskuen azterketa zehatz baten bitartez burutu dira. Alderdi hauek hartu dira kontuan:
-Konplexutasuna.
-Atmosferarako, uretarako eta lurrerako isurketak, eta hondakinen transferentzia.
-Kokalekua.
-Operadorearen kualifikazioa, kontuan izanik titularrak parte hartzen duen ingurumen arloko kudeaketa eta auditoretzarako Europar Batasuneko sisteman (EMAS), 1221/2009 (EE) Erregelamenduari jarraituz.
-Betetze maila, kontuan izanik baimenean ezarritako baldintzen betetze mailaren historiala.
Horrela ebaluatzen da instalazioek pertsonen osasunean eta ingurumenean izan dezaketen eta duten eragina, kontuan izanik isurkin motak eta kopuruak, tokian tokiko ingurumenaren sentikortasuna eta istripu arriskua.
Metodologia Erresuma Batuko Ingurumen Agentziaren OPRA metodoan oinarritu da, eta zenbait alderditan Nafarroaren benetako egoerara egokitu da.
4.1. Konplexutasuna.
Honako hau hartzen da kontuan: jarduera zenbat eta konplexuagoa izan, hainbat eta handiagoa izanen da jarduera horren ingurumen-arriskua, eta halaber, hainbat eta handiagoa jarduera osatzen duten prozesuak, horien arteko elkarreragina eta kutsadura-ahalmena ikuskatzeko beharrezkoa den ahalegina. Konplexutasuna baloratzean honako faktore hauek hartzen dira kontuan:
-Egiten diren prozesuak.
-Isurketak ingurune-mota batean baino gehiagotan egiteko aukera.
-Ustekabeko isurketak egiteko aukera.
-Prozesu bakarra edo elkarri lotutako hainbat prozesu egotea.
-Arrisku-ezaugarriak dituzten materialen inbentarioa.
-Sektorean duen tamaina erlatiboa.
Irizpide horietan oinarrituta, konplexutasun zerrendak esleitu zaizkie garrantzitsutzat jo diren instalazioei, hots, Ingurumena Babesteko Esku-hartzeari buruzko martxoaren 22ko 4/2005 Foru Legea garatzeko Erregelamendua onesten duen 93/2006 Foru Dekretuaren 2A, 2B, 4A, 4B eta eranskinetan jasotakoei. Hondakinak kudeatzeko jarduerak ere konplexutasunaren arabera sailkatu dira, kontuan hartu behar baita jarduera askotarikoak eta konplexutasun maila desberdinetakoak direla.
4.2. Isurketak.
Jarduera baimendu batek isur ditzakeen substantziek ingurunean eragin handiagoa edo txikiagoa izanen dute. Ezaugarri hori baloratzeko, baimendutako emisio balioak erabiltzen dira, eta ez neurtu diren eta benetan egiten diren emisioak, lehenbizikoek ingurumenaren gaineko gehieneko eragina adierazten dutelako. Zer motatako substantzia eta zenbat isurtzen den, zer motatako ingurunera isurtzen den, eta instalazioan sortzen diren hondakinak.
Hainbat substantziaren ingurumen eragina kalkulatzeko (substantzia diferenteek ingurumen eragin diferenteak baitituzte), isurketa-indizearen kontzeptua erabiltzen da. Indize hori kalkulatzeko, instalazioaren ingurumen baimenean onartzen den gehieneko isurketa, sustantzia horretarako definitutako atalase-balioarekin zatitzen da.
4.3. Kokalekua.
Instalazioaren eragina izaten ahal duten ingurune hartzaileak egotea edo ez egotea instalazio horrek ekartzen duen arriskuaren adierazle da, eta beraz, hura kontrolatzeko egin beharreko ahaleginaren adierazletzat ere hartzen da. Faktore hauek hartzen dira kontuan:
-Biztanleak hurbil egotea.
-Basa bizitza egoteagatik garrantzitsuak diren lekuak hurbil egotea, habitatei buruzko legedia...
-Kutsatzeko arrisku handia duten lur azpiko urak egotea.
-Ur hartzaileen sentikortasuna.
-Zuzenean isurtzeko arriskua eta neurri zuzentzaileak izatea.
4.4. Operadorearen gaitasuna.
Instalazioko operadorea bere baimenean ezarrita dauden ingurumen-baldintzak betetzeko gai den balioestean datza. Gaitasuna hori baloratzen da ingurumen-kudeaketako sistema egiaztatuak (EMAS edo ISO 14001) oinarri hartuta.
4.5. Betetze maila.
Operadoreak baimenetan ezarrita dauden baldintzak noraino betetzen dituen azaltzen du. Kontuan hartzen da baimenen bat urratu den ala ez, eta baimenen bat urratzearen ondorioz ingurumenak eraginik jasaten ahal duen ala ez. Gainera, eragin hori konpontzeko behar den ahalegin gehigarriaren kalkulua era kontuan hartzen da.
Metodologia hori aplikatzearen ondorioz, instalazioak lau multzotan bildu dira, modu honetan:
-I. multzoa: arrisku oso handia. 200 puntu baino gehiago.
-II. multzoa: arrisku handia. 150-200 puntu bitarte.
-III. multzoa: arrisku ertaina. 100-150 puntu bitarte.
-IV. multzoa: arrisku txikia. 100 puntu baino gutxiago.
2010/75/EE Zuzentarauan adierazitakori jarraituz, ingurumen arrisku handieneko instalazioak, I. eta II. multzoak, urtean behin bisitatuko dira. III. multzoan adierazitakoak bi urtean behin eta IV. multzokoak hiru urtean behin. Horren ondorioz, III. multzoko instalazioak, 2011. urtean bisitatu direnak, eta IV. multzokokoak, 2010ean edo 2011n bisitatuak, ez dira 2012an bisitatuko. Hori dela-eta, ingurumen arrisku txikiagoa izateagatik azken urteotan bisitatu ez diren instalazioak bisitatuko dira, eta horrela ez dira epe sobera luzeetan ikuskatu gabe egonen, Landa Garapen, Industria, Enplegu eta Ingurumen Departamentuak haiei buruzko informazio eguneratua izanen du eta, tamainagatik edo ingurumen portaera ona izateagatik, ez dira errepikatuko ingurumen arrisku ertaineko edo apaleko instalazioetarako bisitak.
Gainera, duten tamainagatik aukeratu diren 25 abeltegi bisitatu gogo dira.
ikusi taula hemen
5.-Helburuak.
5.1. Ikuskapen jarduerak:
2012ko Planean, ikuskatzeko gaitasun erreala hartuko da kontuan bisiten kopurua zehazteko; alegia, 120 bisita programatu industrietara, 25 abeltegietara eta 20 planetik kanpo. Planetik kanpoko 20 ikuskapenak egiten ez badira, arriskuen analisiaren araberako instalazioekin osatuko da bisiten kopurua.
Lehentasunak ezartzearen emaitzak, aurreko urteetan egindako ikuskapen jarduerak eta programa egiteko erabilgarri dauden giza baliabideak oinarri hartuta, honako helburu kualitatibo hauek ezartzen dira:
1.-232 ikuskapen jarduera egitea, modu honetan:
-Ikuskapen programatuak: 145, honela banatuta:
- Arrisku oso handiko multzoan 200dik gorako puntuazioarekin dauden jarduerak ikuskatzeko bisita.
- Arrisku handiko multzoan 150 eta 200 bitarteko puntuazioarekin dauden jardueren ikuskapena.
- Bi multzo horietako instalazio guztiak urtean behin gutxienez bisitatzeko irizpidea ezarri da.
- Arrisku ertaineko multzoan 100 eta 150 arteko puntuazioarekin dauden jardueren ikuskapen bat, irizpidea instalazio horiek bi urtean behin bisitatzea baita.
- Ikuskapen bat 100 puntuz azpiko instalazioei, 120 bisitetara iritsi arte, irizpidea instalazio horiek hiru urtean behin bisitatzea izanik.
- Ikuskapena 25 abeltegiri.
-Ikuskapen programatu gabeak: 20 ikuskapen edozein motatako instalazioei, salaketa edo kexei erantzuteko, ikuskapen programatuen ondotik eskatutako neurriak hartu ote diren egiaztatzeko edo bisitatzera behartzen duen beste edozein arrazoizko zioren bat dela medio.
-Hondakin uren laginketa eta neurketa, ikuskapen entitate baimenduaren kargura: 62 bisita.
-Atmosferara igorritako emisioen laginketa, ikuskapen entitate baimenduaren kargura: 5 bisita.
-Ikuskapen batek agerian jartzen badu baimenaren baldintzen ez betetze larriren bat, beste bisita bat egin beharko da, ikuskapen hura egin zenetik sei hilabete igaro baino lehen.
6.-2011. urteko ikuskapen-programaren betetze maila.
2011. urtean egindako ikuskapenen berrikuspenetik eta planaren aurreikuspenekiko konparaziotik honako datu hauek lortzen dira, programaren betetze maila adierazteko.
|
Kategoria |
2011ko Planeko ikuskapen programatuak |
2011ko Planeko ikuskapen programatuak |
% |
2011ko Planeko ikuskapen programatuak |
Guztira |
|
I |
27 |
27 |
%100 |
|
|
|
II |
36 |
30 |
%83 |
|
|
|
III |
43 |
33 |
%77 |
|
|
|
IV |
35 |
26 |
%74 |
|
|
|
Nek. Elik. |
17 |
16 |
%94 |
|
|
|
KOH |
14 |
10 |
%71 |
|
|
|
Aldez aurreko salaketa |
3 |
0 |
%0 |
|
|
|
Hondakin uren araztegia |
5 |
4 |
%80 |
|
|
|
Hondakin arrisku gabeen kudeatzaileak |
11 |
8 |
%73 |
|
|
|
Abeltegiak |
8 |
6 |
%75 |
|
|
|
IPPC |
74 |
63 |
%85 |
|
|
|
PP |
6 |
6 |
%100 |
|
|
|
LP |
3 |
3 |
%100 |
|
|
|
2011ko Planeko ikuskapenak |
141 |
116 |
%82 |
26 |
142 |
Asko izan dira guztira egindako ikuskapenak, aurreikusitakoen %82. Guztira 26 ikuskapen egin dira hasierako ikuskapen planean jaso gabe zeudenak. Kopuru hori iazkoa baino handiagoa da, aurreikusitakoak baino abeltegi gehiago bisitatu baitira.
Puntuazio handieneko jardueren ikuskapena lehenetsi da eta, ondorioz, planaren betetze mailak behera egin du puntuazio txikiagoko multzoetan. I. multzoko instalazio guztiak ikuskatu dira; zenbait kasutan II. multzokoak ikuskatu ez badira oso funtzionamendu apala izan dutelako gertatu da, inguruabar horrek bisitak eragotzi baititu; edo instalazioa multzo horretan sailkatzeko kontuan hartu ziren arrazoiak zuzendu izana.
Sektoreka, hondakin arriskutsuen ekoizleei, mindak tratatzen dituzten instalazioei, nekazaritzako elikagaien industriei, IPPC Zuzentarauaren menpekoei eta hirietako araztegiei dagozkie betetze mailaren portzentaje handienak.
Salaketa zuten instalazioak ez dira bisitatu, komunikazioak igorrita edo bisita laburren bidez egiaztatu direlako salaketa ekarri zuten problemak. Beste sektore batzuek, III. eta IV. multzoetakoak, betetze maila apala izan dute ingurumen egoera ona izateagatik 2011n ez bisitatzea erabaki delako.
