navarra.es
Castellano | Euskara | Français | English
Ezagutzera eman
224/2005 Foru Agindua, otsailaren 28koa, Ingurumen, Lurraldearen Antolamendu eta Etxebizitza kontseilariak emana, haize-energia argindar bihurtzeko instalazioak autokontsumorako edo saiakuntzarako ezartzeko baimenerako proiektuekin batera aurkeztu...
224/2005 FORU AGINDUA, otsailaren 28koa, Ingurumen, Lurraldearen Antolamendu eta Etxebizitza kontseilariak emana, haize-energia argindar bihurtzeko instalazioak autokontsumorako edo saiakuntzarako ezartzeko baimenerako proiektuekin batera aurkeztu beharreko agiri osagarriak zehazten dituena
(2005eko 46. NAOn argitaratutako testua, apirilaren 18an)
Atarikoa
Apirilaren 7ko 68/2003 Foru Dekretuak haize-energia argindar bihurtzeko instalazioak autokontsumorako edo saiakuntzarako ezarri eta erabiltzeko arauak ezarri zituen.
Instalazio horietarako administrazio baimena lortzeko, apirilaren 7ko 68/2003 Foru Dekretuko 6. artikuluan, aurkeztu beharreko proiektuko agiriak aipatzen ziren. Haietako bat ingurumenaren gaineko eraginei buruzko azterlana zen.
Azterlana instalazio berriak hegaztietan duen eragina ebaluatzeko erabilgarria izatearren, bidezkotzat jo da apirilaren 7ko 68/2003 Foru Dekretuko 6.g) artikuluko baldintzari ondokoa eranstea: eremuaren erabilera eta hegaztientzako arriskuen ikerketa urte osoan zehar egitea.
Nafarroako Foru Komunitateko Gobernua eta Administrazioa arautzen dituen apirilaren 11ko 23/1983 Foru Legeko 36.2.b) artikuluaren bidez, Ingurumen kontseilariak eskumena du apirilaren 7ko 68/2003 Foru Dekretuan agindutakoa betearazteko arauak emateko.
Ingurumenaren Integrazioko Zerbitzuak proposatutako txostena ikusirik, agindu dut:
Lehena
Haize-energia argindar bihurtzeko instalazioak autokontsumorako edo saiakuntzarako ezartzeko baimenerako proiektuarekin batera, ingurumenaren gaineko eraginei buruzko azterlana aurkeztu beharko da. Horretan, bereizirik, proiektuko haize-instalazioetako eremuaren erabilerari eta hegaztientzako arriskuei buruzko ikerketa bat eginen da urte osoan zehar.
Bigarrena
Ondorio horietarako, sustatzaileek Ingurumen Departamentuaren iritzia eskatzen ahalko dute egin beharreko azterlanaren egokitasunari zein hori egiteko jarraibideei dagokienez. Kontsulta eginez gero, erantzuna hilabeteko epean jasoko da, informazio guztia jasotzen den egunetik kontatzen hasita. Epe horretan erantzunik ez bada, proposatutako azterlana, hala nola egiteko moda, egokiak direla ulertuko da.
Hirugarrena
Foru agindu hau Nafarroako Aldizkari Ofizialean argitara dadila agintzea.
Laugarrena
Foru agindu hau Ingurumenaren Integrazioko Zerbitzuari igortzea, behar diren ondorioak izan ditzan.
