navarra.es
Castellano | Euskara | Français | English
Ezagutzera eman
54/2015 Foru Agindua, maiatzaren 22koa, Hezkuntza kontseilariak emana, Nafarroako Foru Komunitatean Derrigorrezko Bigarren Hezkuntzako Ikaskuntza eta Errendimendua Hobetzeko Programak arautzen dituena
(2015eko 143. NAOn argitaratutako testua, uztailaren 24an)
Derrigorrezko Bigarren Hezkuntzako eta Batxilergoko oinarrizko curriculuma ezartzen duen abenduaren 26ko 1105/2014 Errege Dekretuaren 19. artikuluan ezarritakoari jarraikiz, Hezkuntza Departamentuak aniztasunarekiko arreta neurrien artean Ikaskuntza eta Errendimendua Hobetzeko Programak sartuko ditu, Derrigorrezko Bigarren Hezkuntzako 2. kurtsotik aurrera garatuko direnak.
Aipatu programetan berariazko metodologia erabiliko da, edukien, jarduera praktikoen eta, kasua bada, irakasgaien antolaketa orokorra ez bezalako antolaketaren bidez, helburua izanik ikasleek aukera izan dezaten laugarren kurtsoa bide arruntean egin eta Derrigorreko Bigarren Hezkuntzako Graduatu titulua lortzeko.
Programa hauek zuzenduko zaizkie, batez ere, ikaskuntzan zailtasun nabarmenak, baina ikaste edo ahalegin ezaren ondoriozkoak ez direnak, izaten dituzten ikasleei.
Programa horien aplikazioak duen garrantzia eta Foru Komunitatean aniztasunarekiko arreta neurrien eta curriculum aniztasuneko programen tradizio luzea kontuan hartuz, beharrezkoa da haiek berrikustea eta aipatu errege dekretuak ezartzen dituen baldintza berrietara egokitzea.
Antolamenduaren eta Aukera Berdintasunaren Zerbitzuko zuzendariak aldeko txostena aurkeztu du foru agindu hau onets dadin, Nafarroako Foru Komunitatean Derrigorrezko Bigarren Hezkuntzako ikasleentzat Ikaskuntza eta Errendimendua Hobetzeko Programak arautzea baitu xede.
Nafarroako Gobernuari eta Lehendakariari buruzko abenduaren 3ko 14/2004 Foru Legearen 41.1.g) artikuluan ematen zaizkidan ahalmenak erabiliz, agindu dut:
1. artikulua. Xedea eta aplikazio eremua.
1. Foru Agindu honek xede du DBHko 2. eta 3. kurtsoetako Ikaskuntza eta Errendimendua Hobetzeko Programak (IEHP) arautzea.
2. Foru Agindu hau Nafarroako Foru Komunitateko kudeaketa eremuan Ikaskuntza eta Errendimendua Hobetzeko Programak ematen dituzten ikastetxeetan aplikatuko da.
2. artikulua. Ikaskuntza eta Errendimendua Hobetzeko Programen definizioa.
1. Ikaskuntza eta Errendimendua Hobetzeko Programak (IEHP) aniztasunarekiko arreta antolatzeko neurri bat dira, eta zuzentzen zaizkie, batez ere, ikaskuntzan zailtasun nabarmenak, baina ikaste edo ahalegin ezaren ondoriozkoak ez direnak, izaten dituzten ikasleei.
2. Aipatu programetan berariazko metodologia erabiliko da, edukien, jardueren eta, kasua bada, irakasgaien antolaketa orokorra ez bezalako antolaketaren bidez, eta haien helburua da ikasleek aukera izan dezaten laugarren kurtsoa bide arruntean egiteko eta horrela Derrigorreko Bigarren Hezkuntzako Graduatu titulua lortu.
3. Programa horiek ikastetxearen dinamika arruntean sartuko dira. Horretarako, zuzendaritza taldeak eta irakaskuntza taldeak, orientabide departamentuarekin elkarlanean, behar diren neurriak ezarriko dituzte aniztasunarekiko arreta planean.
4. Programa horien bideragarritasuna bermatzeko, talde bakoitzean gutxienez ere 12 ikasle egonen dira, eta gehienez ere 14. Nolanahi ere, Hezkuntza Departamentuak, Hezkuntzako Ikuskapen Zerbitzuaren aldez aurreko txostena izanik, egoera jakin batzuk balora ditzake, eta baimendu dezake orokorki ezarritako ikasle kopurua ez dena izatea programa horiek garatzeko.
3. artikulua. Programa horiek emateko ikastetxeak baimentzea.
1. Funts publikoekin ordaindutako ikastetxeek programa horiek diseinatzeko jarraitu behar duten prozedura ondotik datozen puntuetan ezartzen da.
2. Apirilaren 1a baino lehen, ikastetxeko zuzendariak eskaera aurkeztuko dio Antolamenduaren eta Aukera Berdintasunaren Zerbitzuko zuzendariari, eta honako hauek erantsiko ditu eskaeran:
a) Programaren garapenaren justifikazioa ikastetxeko hezkuntza proiektuari buruz.
b) Programaren eremuan sar daitezkeen ikasleen zerrenda.
c) Hura garatzeko eskura dauden materialak eta baliabideak.
3. Jasotako dokumentazioa azterturik, Aniztasunarekiko Arretaren eta Hezkuntza Premia Berezien Atalak, alde batetik, eta, bestetik, ikastetxeko ikuskatzaileak, Hezkuntzako Ikuskapen Zerbitzuko zuzendariaren oniritziarekin, balorazio txosten bana eginen dute.
Aniztasunarekiko Arretaren eta Hezkuntza Premia Berezien Atalaren balorazio txostenak irizpide hauek izanen ditu kontuan:
a) Programa ikastetxeko hezkuntza proiektuan eta aniztasunarekiko arreta planean sartzea.
b) Programaren garapenean sar daitezkeen ikasleen egokitasuna.
Ikastetxeko ikuskatzailearen balorazio txostenak irizpide hauek izanen ditu kontuan:
a) Ikastetxearen ezaugarrietarako eta ikasleen beharretarako egokia izatea.
b) Hala denean, plantilla handitzea komeni izatea.
4. Hezkuntza Departamentuak, bidezkoa bada, eskatutako programa garatzea baimenduko du.
4. artikulua. Programan sartzeko baldintzak.
1. Ikasleak IEHPan sartzeko proposamena hartu aurretik agortu beharko dira haien ikaskuntza beharrak asetzeko errefortzurako eta sostengurako hartutako neurri arruntak.
2. Programa horietan sartzeko, ikasleen ebaluazioa, akademikoa zein psikopedagogikoa, egin beharko da, ikasleari eta gurasoei edo legezko tutoreei entzun ondoren.
3. IEHPetan sartzen ahalko dira edozein etapatan gutxienez ere kurtso bat errepikatu duten ikasleak, ondotik datozen egoera hauetako batean badaude:
a) DBHko lehen kurtsoa egin izana eta bigarrenera igarotzeko moduan ez egotea. Kasu horretan IEHPa bigarren eta hirugarren kurtsoetan garatuko da.
b) DBHko bigarren kurtsoa egin izana eta hirugarrenera igarotzeko moduan ez egotea. Kasu horretan IEHPa hirugarren kurtsoan garatuko da.
4. DBHko hirugarren kurtsoa egin baina laugarrenera igarotzeko moduan ez dauden ikasleak IEHP batean sartzen ahalko dira, salbuespenez, hirugarren kurtsoa errepikatzeko.
5. artikulua. Programan sartzeko prozedura.
1. Programan sartzeko prozedura hau da:
a) Ebaluazio akademikoa: IEHPan sartu aurreko kurtsoko azken hiruhilekoan irakasle taldeak, tutoreak koordinaturik, ikaslea programa horretan sartzeko proposamena egitea erabakiko du. Neurri hori izanen da Derrigorrezko Bigarren Hezkuntzako Graduatu Titulua lortu ahal izateko egokiena. Tutoreak eginen du proposamena, foru agindu honen II. eranskineko ereduaren arabera, eta ikastetxeko zuzendariari bidaliko zaio.
b) Ebaluazio psikopedagogikoa: ikastetxeko zuzendariak beharrezkoa den ebaluazio psikopedagogikoa eskatuko dio orientatzaileari, eta ikaslearekin egindako elkarrizketa sartuko da horretan. Ebaluazio horren txostena foru agindu honen III. eranskinean ezarritako ereduaren arabera formalizatuko da.
c) Familiei informazioa ematea: zuzendariak ebaluazioko txostenak aztertu eta gero, zuzendaritza taldeko kide bat, tutorearekin batera, ikaslearen gurasoekin edo legezko tutoreekin bilduko da, ikaslea IEHPan sartzeko proposamena egiteko. Horiek, bilera bukatutakoan, idazki bat sinatuko dute, IV. eranskineko ereduaren araberakoa, eta IEHP batean sartzeko proposamenaren jakitun direla adieraziko dute; halaber, proposatutako neurriarekiko adostasuna edo desadostasuna adieraziko dute.
d) Hezkuntza Departamentuaren esku-hartzea: ikastetxeko zuzendariak sartzeko proposamena, V. eranskineko ereduaren araberakoa, ikastetxeko ikuskatzaileari igorriko dio eta, hala, aztertu ondoren, onartzen den ala ez jakinaraziko zaio ikastetxeari.
2. Prozedura behar den epean bukatuko da, ikaslea ikasturtearen hasieran sartu ahal dadin programan.
3. Ikasle bat IEHP programan sartzeak ez dakar berarekin, oro har, hizkuntza eredua edo ikastetxea aldatzea. Hala ere, aldaketa horietakoren bat ezinbestekoa bada, horretarako orokorrean ezarrita dauden prozedurak aplikatuko dira.
6. artikulua. IEHPen antolaketa.
1. IEHPak hiru esparrutan antolatuko dira: Hizkuntza eta Gizartea, Zientzia eta Matematika eta Atzerriko Hizkuntzak, eta bi proiektutan kurtso bakoitzean. Gainera, ikasleek Gorputz-Hezkuntza eta Erlijioa edo Balio Etikoak irakasgaiak izanen dituzte.
2. Foru agindu honen I. eranskinean esparru, proiektu eta irakasgai bakoitzeko asteko orduak azaltzen dira, hizkuntza ereduaren arabera.
3. Hizkuntza eta gizartea esparruko irakasgaiak honako hauek izanen dira: Gaztelania eta Literatura, Geografia eta Historia eta, kasua bada, Euskal Hizkuntza eta Literatura. A ereduko ikasleek Euskal Hizkuntza eta Literaturaren curriculumeko edukiak emateko erabiltzen dituen orduetan G ereduko ikasleek Gaztelaniaren curriculumeko eduki berak landuko dituzte.
4. Zientzia eta Matematika esparruko irakasgaiak honako hauek izanen dira: Biologia eta Geologia, Fisika eta Kimika eta Matematika.
5. Atzerriko hizkuntzen esparruan Atzerriko Lehen Hizkuntza irakasgaia sartuko da.
6. Hizkuntza eta Gizartea, Zientzia eta Matematika eta Atzerriko Hizkuntzak esparruen curriculumak, eta Euskal Hizkuntza eta Literaturaren curriculuma, A eta D ereduetarako, foru agindu honen VI. eranskinean daude.
7. Proiektuen erreferentea honako irakasgai hauen curriculuma izanen da: DBHko 2. edo 3. kurtsoko irakasgaiak, aurretik ezarritako esparruetan ez badaude, eta Gorputz-Hezkuntza eta Balio Etikoak edo Erlijioa. Horretaz gain, ikastetxeek beraiek diseinatutako proiektuak eskaintzen ahalko dituzte.
8. IEHPko lehen kurtsoan proiektuetako batean Teknologiaren curriculumeko oinarrizko alderdi batzuk sartuko dira. IEHPko bigarren kurtsoan proiektuetako batean Plastika, Ikus eta Ikus-entzunezko Hezkuntzaren curriculumeko oinarrizko alderdi batzuk sartuko dira.
7. artikulua. Metodologia.
1. Programa bakoitzak zehaztu beharko ditu metodologia, edukien eta irakasgaien antolaketa eta jarduera praktikoak, ikasleei bermatuko dietenak behar dituzten helburuak betetzea eta gaitasunak eskuratzea, programa bukatutakoan laugarren kurtsora igaro ahal izateko eta Derrigorreko Bigarren Hezkuntzako Graduatu titulua lortu ahal izateko.
2. Metodologia espezifikoa erabiliko da: curriculumeko edukiak testuinguru funtzional batean aztertu eta azalduko dira, modu praktiko eta motibatzailean. Alde horretatik, erabilgarriak izan daitezke metodologia parte-hartzaile batzuk, esate baterako: lana proiektuka egitea, irakaskuntza parte-hartzailea, elkarlaneko ikaskuntza, talde elkarreragileak, ludifikazioa, eta abar.
8. artikulua. Irakasleak.
1. Programa horietan Hizkuntza eta Gizartea eta Zientzia eta Matematika esparruez arduratuko diren irakasleak ikastetxeak dagozkion esparru sozio-linguistikorako eta zientifiko-teknikorako dituen irakasleak izanen dira. Ikastetxeak esparru horietako irakaslerik ez badu, zuzendaritzak, antolaketan eta pedagogian duen autonomiaren arabera, egokien irizten duen koordinazio didaktikorako departamentuari esleitzen ahalko dizkio.
2. Atzerriko Hizkuntzen esparrua dagokion atzerriko hizkuntzako irakasleek emanen dute.
3. Gorputz-Hezkuntza, Erlijioa eta Balio Etikoak irakasgaiak dagokion koordinazio didaktikorako departamentuko irakasleek emanen dituzte.
4. Teknologiako eta Plastika, Ikus eta Ikus-entzunezko Hezkuntzako proiektuak dagokion espezialitateko Bigarren Hezkuntzako irakasleek emanen dituzte. Gainerako proiektuak ikastetxeko zuzendaritzak esleituko dizkie Ikaskuntza eta Errendimendua Hobetzeko Programen koherentzia pedagogiko handiena bermatzen duten koordinazio didaktikorako departamentuei.
5. Hizkuntza eta Gizartearen esparruko orduetan A ereduko ikasleei (G/A ikastetxeetakoei) euskarazko curriculumeko edukiak emateko erabiltzen den denbora Euskara eta Literaturako departamentu didaktikoak hartuko du bere gain.
6. Ikaskuntza eta Errendimendua Hobetzeko Programan irakasten duten irakasleek koordinatuta egin beharko dituzte programazio didaktikoak programak arrakasta izan dezan, bereziki, esparru edo proiektu batean irakasle bat baino gehiago aritzen denean. Programazio didaktiko horiek dagokion departamentuaren programazioan sartuko dira.
9. artikulua. Tutoretza.
1. Programa horietan tutoretza sustatuko da, hezkuntzako baliabide gisa, era berezian lagunduko duena ikaskuntzako zailtasunak gainditzen, ikasleen hezkuntza beharrak asetzen eta, kasua denean, familiei eta gizarte zerbitzuei lotutako lanari erantzuten.
2. Zuzendariak taldeko tutore izendatuko du programako Hizkuntza eta Gizartea edo Zientzia eta Matematika esparruak ematen duten irakasleetako edozein. Tutorearen eginkizuna funtsezkoa izanen da programa horietan, kasua denean familiarekin eta gizarte eragileekin elkarlanean arituz.
3. Taldeko tutoretza saio bat eginen da astero. Horrekin batera, irakasle tutoreak banakako tutoretza saioak programatuko ditu ikasle bakoitzarekin, eta maiz samar harremanak izanen ditu gurasoekin edo legezko ordezkariekin. Programa horietan irakasten duten irakasle guztiek lagunduko dute ikasleen tutorizazioan, dagokion tutorearekin komunikazio arin eta iraunkorra edukiz.
10. artikulua. Ebaluazioa eta mailaz igotzea.
1. Ikaskuntza eta Errendimendua Hobetzeko Programa egiten duen ikasleen ebaluazioaren funtsezko erreferenteak Derrigorrezko Bigarren Hezkuntzako gaitasunak eta helburuak izanen dira.
2. Ikasleen ikasketa prozesuaren ebaluazioa etengabea eta prestakuntza izaerakoa izanen da; irakaskuntza prozesuak zein ikaskuntzakoak hobetzeko tresna izanen da.
3. Ikasleen ikasketa prozesuaren ebaluazioa integratzailea izanen da; kontuan hartuko dira, eta kontuan hartuko da esparru, proiektu eta irakasgai guzti-guztietan, helburuak lortzeko eta gaitasunak garatzeko.
4. Ebaluazioaren izaera integratzaileak ez du galaraziko irakasleek esparru, proiektu edo irakasgai bakoitzaren ebaluazio bereizia egitea, kontuan hartuta irakasgai bakoitzaren ebaluazio irizpideak eta, kasua denean, horiek osatzen dituzten ikaskuntza estandar ebaluagarriak.
5. Programa horietako ikasleen ebaluazioa eta mailaz igotzea arautzeko, jarraituko zaio Nafarroako Foru Komunitatean Derrigorrezko Bigarren Hezkuntza arautzen duen araudian oro har ezartzen denari.
6. Kalifikazioak DBHko gainerako ikasleentzat erabiltzen diren adierazpen berak erabiliz emanen dira.
7. Kontuan hartuta Ikaskuntza eta Errendimendua Hobetzeko Programen iraupena bi urtekoa dela, lehen kurtsoa ezin izanen da inoiz ere errepikatu. Edonola ere, ikasle batek aukera izanen du programako bigarren kurtsoan beste urte batez egoteko, betiere irakaskuntza taldeak uste badu neurri hori egokiena dela DBHko laugarren kurtsoa bide arruntean egiteko eta Derrigorreko Bigarren Hezkuntzako Graduatu titulua lortzeko. Neurri hori hartzeko, kontuan hartuko da, edonola ere, errepikapena behin bakarrik aplikatuko dela kurtso berean, eta bitan, gehienez ere, etapa osoan, baina laugarren kurtsoan bigarren errepikapena egiteko aukera izanen da, etapako aurreko kurtsoetan errepikatu ez bada.
8. Ikaskuntza eta Errendimendua Hobetzeko Programa bukatutakoan ikaslearen etorkizun akademiko eta profesionalari buruzko aholku orientatzaile bat emanen da; isilpekoa izanen da, baina ez loteslea.
Lehen Xedapen Gehigarria. Eskaintza ikastetxe itunduetan.
1. DBH ematen duten ikastetxe itunduek, baldin eta Hezkuntza Departamentuak curriculum aniztasuneko programak aitortu eta itundu badizkie, 2014-2015 ikasturterako, IEHPak eskaintzen ahal izanen ditu, foru agindu honen xedapen iragankor bakarrean ezartzen den egutegiaren arabera.
2. Gainerako ikastetxe itunduek aukera izanen dute foru agindu honetan arautzen diren IEHPak eskaintzeko, horrek nahitaez hezkuntza ituna aldatzea ekarri gabe.
Bigarren Xedapen Gehigarria. Lanbide Heziketako irakasle teknikoak.
Foru agindu honek indarra hartzen duenean, destinoa esparru praktikoko lanpostuetan duten Lanbide Heziketako irakasle teknikoek 6. artikuluak aipatzen dituen proiektuak ematen ahalko dituzte, harik eta lanpostu horiek kendu arte; haien espezialitateak ahalbidetzen badu, hori guztia Curriculum Egokituko Programetan eta Oinarrizko Lanbide Heziketako zikloetan irakasle horiei berariaz esleitutako irakaslana ezer baino lehen betetzeko obligazioa baztertu gabe.
Hirugarren Xedapen Gehigarria. Berandu eskolatzen diren ikasleak.
Berandu eskolatzen diren ikasleek, foru agindu honen 4. artikuluan IEHPetan sartzeko baldintzak betetzen ez badituzte, IEHP bat egiten ahalko dute Antolamenduaren eta Aukera Berdintasunaren Zerbitzuak baimendu eta gero, aldez aurretik ikastetxeak eskaera eginda Hezkuntzako Ikuskapen Zerbitzuari.
Laugarren Xedapen Gehigarria. Antolatzeko autonomia.
Foru agindu honen aplikazio esparruaren barneko ikastetxeek, azaldutakoaz bestelako ordutegi antolaketa batzuk esperimentatu nahi badituzte, eskatu egin beharko dituzte, baimenduak izan daitezen, Hezkuntza Departamentuak xedatutako moduan.
Xedapen Iragankor Bakarra. Aplikazio egutegia.
1. 2015-2016 ikasturtean IEHPetako bigarren kurtsoari dagozkion irakaskuntzak ezarriko dira, eta utziko zaio curriculum aniztasuneko programetako lehen kurtsoa emateari, haren curriculuma urriaren 23ko 169/2007 Foru Aginduak arautzen baitzuen.
2. 2016-2017 ikasturtean IEHPetako bigarren kurtsoari dagozkion irakaskuntzak ezarriko dira, eta utziko zaio curriculum aniztasuneko programetako lehen kurtsoa emateari, haren curriculuma urriaren 23ko 169/2007 Foru Aginduak arautzen baitzuen.
|
|
2015-2016 |
2016-2017 |
|
DBHko 2.a |
- |
IEHPko 1.a |
|
DBHko 3.a |
IEHPko 2.a |
IEHPko 2.a |
|
DBHko 4.a |
CAko 4.a |
- |
Xedapen Indargabetzaile Bakarra. Indargabetutako arauak.
1. Ikaskuntza eta Errendimendua Hobetzeko Programak erabat ezartzen direnetik, Hezkuntzako kontseilariaren urriaren 23ko 169/2007 Foru Aginduan Curriculum Aniztasuneko Programei buruz ageri den guztia indargabetuko da, foru agindu honen xedapen iragankor bakarrean ezarritakoaren arabera.
2. Orobat, indarrik gabe gelditzen dira foru agindu honetan ezarritakoaren kontrakoak diren maila bereko edo apalagoko arauak.
Azken Xedapen Bakarra. Indarra hartzea.
Foru agindu honek Nafarroako Aldizkari Ofizialean argitaratu eta biharamunean hartuko du indarra.
I. ERANSKINA. Ordu banaketa
|
G EREDUA | |
|
IEHPko 2.a |
ORDUAK |
|
Hizkuntza eta Gizartea esparrua (*) |
8 |
|
Zientzia eta Matematika esparrua |
8 |
|
Atzerriko Hizkuntzak esparrua |
3 |
|
Proiektuak 1 |
3 |
|
Proiektuak 2 (Teknologia) |
3 |
|
Gorputz-hezkuntza |
2 |
|
Erlijioa / Balio etikoak |
2 |
|
Tutoretza |
1 |
|
IEHPko 3.a |
ORDUAK |
|
Hizkuntza eta Gizartea esparrua (*) |
8 |
|
Zientzia eta Matematika esparrua |
8 |
|
Atzerriko Hizkuntzak esparrua |
3 |
|
Proiektuak 3 (Plastika, Ikus eta Ikus-entzunezko Hezkuntza) |
4 |
|
Proiektuak 4 |
3 |
|
Gorputz-hezkuntza |
2 |
|
Erlijioa / Balio etikoak |
1 |
|
Tutoretza |
1 |
|
(*) A ereduan, G/A ikastetxeetan, 2 ordu erabiliko dira Euskal hizkuntza eta literaturaren curriculuma emateko. | |
|
D EREDUA | |
|
IEHPko 2.a |
ORDUAK |
|
Hizkuntza eta Gizartea esparrua (*) |
9 |
|
Zientzia eta Matematika esparrua |
7 |
|
Atzerriko Hizkuntzak esparrua |
3 |
|
Proiektuak 1 |
3 |
|
Proiektuak 2 (Teknologia) |
3 |
|
Gorputz-hezkuntza |
2 |
|
Erlijioa / Balio etikoak |
2 |
|
Tutoretza |
1 |
|
IEHPko 3.a |
ORDUAK |
|
Hizkuntza eta Gizartea esparrua (*) |
9 |
|
Zientzia eta Matematika esparrua |
7 |
|
Atzerriko Hizkuntzak esparrua |
3 |
|
Proiektuak 3 (Plastika, Ikus eta Ikus-entzunezko Hezkuntza) |
4 |
|
Proiektuak 4 |
3 |
|
Gorputz-hezkuntza |
2 |
|
Erlijioa / Balio etikoak |
1 |
|
Tutoretza |
1 |
|
(*) D ereduan 3 ordu erabiliko dira Gaztelania esparruko edukiak emateko. D/A ikastetxe bateko A ereduan 3 ordu erabiliko dira Euskal hizkuntza eta literaturaren curriculuma emateko. | |
II. ERANSKINA. Tutorearen laburpen txostena
Ikaslearen identifikazio datuak:
Kurtsoa: .......................... Taldea: ................... Ikasturtea: ……………………..
Deiturak: …………………………………………
Izena: …………………………….
Jaioteguna: …………………………..
Tokia: ………………………………….
Familiaren helbidea, herria: …………………………………
Telefonoa: ……………………………….
Irakasle taldeak goian aipatutako ikaslearen ikaskuntza prozesuari buruzko informazioa aztertu du, behaketa sistematikoaren, lanen balorazioaren eta berariazko proben bidez bildua, eta honako hau uste du:
1. Ikasle horrek zailtasun handiak izanen dituela etaparako ezarritako gaitasunak eta helburuak irakasgaien arabera soilik antolatutako talde arrunt batean lortzeko.
Erabakiaren oinarri diren zailtasun pedagogikoen deskribapen laburra:
2. Ikaslearen interesa eta motibazioa nahikoak direla Ikaskuntza eta Errendimendua Hobetzeko Programa batean gaitasunak garatu eta helburuak lortu ahal izateko, programa bukatutakoan laugarren kurtsora igaro eta Derrigorrezko Bigarren Hezkuntzako graduatu titulua eskuratzea ahalbidetuko diotenak.
Oharrak:
Hori guztia dela bide, irakasleen taldeak ...................... datako egunean egindako bileran erabaki du ikasle hori Ikaskuntza eta Errendimendua Hobetzeko Programa batean sar dadin, honako kurtso honi dagokiona:
q DBHko 2.a q DBHko 3.a
Neurri hori jotzen delako Derrigorrezko Bigarren Hezkuntzako graduatu titulua lortu ahal izateko egokientzat.
.........................(e)n, 20.......(e)ko ..........................aren .....(e)an.
Sinatua (tutorea)
III. ERANSKINA. Ebaluazio psikopedagogikoaren laburpen txostena
Ikaslearen identifikazio datuak:
Kurtsoa: .......................... Taldea: ................... Ikasturtea: …………………………..
Deiturak: ………………………………………..
Izena: ……………………………………
Jaioteguna: ……………………………..
Tokia: …………………………………..
Familiaren helbidea, herria: ……………………………….
Telefonoa: …………………………………….
Erabakiaren arrazoiak.
1. Hezkuntza historialaren laburpena.
2. Etapako zer jarduera motatan moldatu den hobekien.
3. Zein jarduera motatan izan duen zailtasun gehien.
4. Lanean duen autonomia maila eta jarraikitasuna.
5. Zailtasunei aurre egiteko ahalegina.
6. Ikasketarako motibazioa eta autoestimu maila.
7. Gelako giroan eta ikaskideen artean nola egokitzen den.
8. Etapako gaitasunen garapen maila.
9. Ikaslea neurriarekin nola identifikatzen den.
10. Ikasleak eta familiak espero dutena.
Beste datu interesgarri batzuk:
Horiek horrela, aipatu den ikaslea Ikaskuntza eta Errendimendua Hobetzeko Programetan sartzeko proposamena egiten da.
.........................(e)n, 20.........(e)ko ..........................aren .....(e)an.
Orientatzailea
Sinatua ..........................................
IV. ERANSKINA. Familiei informazioa ematea
...................................... jauna/andrea, .................................. kurtso eta taldeko ....................... ikaslearen legezko ordezkari gisa, jakitun gaude ikastetxeak gure semea/alaba DBHko bigarren kurtsoko edo DBHko hirugarren kurtsoko (behar ez dena ezabatu) Ikaskuntza eta Errendimendua Hobetzeko Programa batean eskolatzeko egin duen proposamenaz, programa horiek arautzeko Hezkuntza kontseilariak emandako foru aginduan ezarritakoaren arabera eta ados gaude/ez gaude ados (behar ez dena ezabatu) hezkuntza neurri horrekin.
.......................(e)n, 20.....(e)ko ....................aren ......(e)an
|
Legezko ordezkariak |
O. E. Tutorea |
|
Sinatua: |
Sinatua: |
Alegazioak:
V. ERANSKINA. Hezkuntza Departamentuarentzako txostena
Ikaslearen identifikazio datuak:
Kurtsoa: .......................... Taldea: ................... Ikasturtea: ………………………..
Deiturak: ……………………………….
Izena: ……………………………
Jaioteguna: ………………………………
Tokia: ……………………………..
Familiaren helbidea, herria: ……………………………..
Telefonoa: ………………………………..
Ikastetxeko zuzendariak, tutoreak eta orientatzaileak, Ikaskuntza eta Errendimendua Hobetzeko Programak arautzen dituen foru aginduan ezarritako prozedura bete ondoren, aipatu ikaslea honako programan sartzea proposatzen dute:
q DBHko 2.a q DBHko 3.a
Idazkiarekin batera agiri hauen kopia aurkeztu da:
–Ebaluazio akademikoa.
–Ebaluazio psikopedagogikoa.
–Familiarentzako informazioa.
.......................(e)n, 20........(e)ko ....................aren ......(e)an
|
Zuzendaria |
Tutorea |
Orientatzailea |
|
Sinatua: |
Sinatua: |
Sinatua: |
Alegazioak:
VI. ERANSKINA. Curriculumak
VI. Eranskina ikusteko esteka (PDF).
