navarra.es
Castellano | Euskara | Français | English
Ezagutzera eman
53/2007 Foru Agindua, maiatzaren 23koa, Hezkuntza kontseilariak emana, Nafarroako Foru Komunitateko ikastetxe publikoetan eta pribatu itunduetan Derrigorrezko Bigarren Hezkuntzako etapari dagozkion aukerako irakasgaien curriculuma onetsi ...
53/2007 FORU AGINDUA, maiatzaren 23koa, Hezkuntza kontseilariak emana, Nafarroako Foru Komunitateko ikastetxe publikoetan eta pribatu itunduetan Derrigorrezko Bigarren Hezkuntzako etapari dagozkion aukerako irakasgaien curriculuma onetsi eta irakasgai horiek nola eman arautzen duena, eta Derrigorrezko Bigarren Hezkuntzako laugarren kurtsoko aukerak ere onesten dituena
(Testu bateratua. Jatorrizkoa 2007ko 73. NAOn argitaratua, ekainaren 13an. Aldaketak: 51/2008 Foru Agindua, apirilaren 4koa)
Atarikoa
Eskola Antolamendu eta Berriztapenerako Zerbitzuko zuzendariak adostasun txostena eman du, Derrigorrezko Bigarren Hezkuntzako etapari dagozkion aukerako irakasgaien curriculuma onetsi eta irakasgai horiek nola eman arautzeko, eta Derrigorrezko Bigarren Hezkuntzako laugarren kurtsoko aukerak ere onesteko.
Martxoaren 19ko 25/2007 Foru Dekretuak, Nafarroako Foru Komunitatean Derrigorrezko Bigarren Hezkuntzako irakaskuntzaren curriculuma ezartzen duenak, 5.7 artikuluan xedatzen du ikasleek aukerako irakasgai bat izanen dutela etapako lehen hiru kurtsoetako bakoitzean. Halaber, foru dekretu horretako 6. artikuluak laugarren kurtsoaren antolaketa ezartzen du: 2. atalean ikasleek aukeratu beharreko irakasgaiak ageri dira (horietatik hiru hartu beharko dituzte); 3. atalak ezartzen du ikastetxeek irakasgai horiek guztiak curriculum aukeretan bilduta eskaini beharko dituztela, Hezkuntza Departamentuak zehazten duen moduan; eta 4. atalak dio ikasleek, horretaz gainera, Hezkuntza Departamentuak zehazten dituen aukerako irakasgaietako bat hartzen ahalko dutela.
Hortaz, Hezkuntza Departamentuari dagokio Derrigorrezko Bigarren Hezkuntzako etapari dagozkion aukerako irakasgaien curriculuma onestea eta irakasgai horiek nola eman arautzea, eta Derrigorrezko Bigarren Hezkuntzako laugarren kurtsoko aukerak ere onestea.
Ikasleen behar eta interesak, barne eta kanpo ebaluazioen emaitzak eta gaur egungo gizartearen eskariak kontuan hartuta, Hezkuntza Departamentuak irizpide hauei jarraikiz antolatuko du aukerako irakasgaien eremua:
a) Hizkuntzak ikastea bultzatuko da. Horretarako, atzerriko bigarren hizkuntza eskainiko da etapa osoan.
b) Hizkuntzaren bidez komunikatzeko oinarrizko gaitasuna eta matematikako gaitasuna garatzea. Horretarako aukerako irakasgai hauek eskainiko dira: Oinarrizko matematika, Literatura sorkuntza, Oinarrizko hizkuntza trebetasunak eta Matematikan sakontzen.
c) Kultura orokorrean sakontzea, eta ikasleen berariazko prestakuntza azpimarratzea, oinarrizkoak diren gainerako gaitasunak garatzen laguntzeko.
Laugarren kurtsoan curriculumeko hiru aukera izanen dira: bat Zientziaren esparrua, beste bat Giza Zientziena eta hirugarrena, Teknologiaren esparrua. Azken hori oinarrizko prestakuntzakoa izanen da eta modu praktikoagoan landuko da, erdi mailako heziketa ziklo batzuetara jo nahi duten ikasleak prestatu ahal izateko.
Aukerako irakasgaiak hautatzean, tutoreak bideratu eginen ditu ikasleak, beren interes, gaitasun eta beharretarako egokienak direnak hauta ditzaten. Ikastetxeek kurtso bakoitzerako aukerako irakasgai guztiak eskainiko dituzte, ikastetxeko antolamendua eta langileak kontuan hartuta betiere.
Horrenbestez, eta Nafarroako Gobernuari eta lehendakariari buruzko abenduaren 3ko 14/2004 Foru Legearen 41.1.g artikuluan xedatutakoarekin bat, agindu dut:
1. artikulua. Helburua eta aplikazio eremua.
Foru agindu hau, Derrigorrezko Bigarren Hezkuntzako etapari dagozkion aukerako irakasgaien curriculuma onetsi eta irakasgai horiek nola eman arautzen duena, eta Derrigorrezko Bigarren Hezkuntzako laugarren kurtsoko aukerak ere onesten dituena, Nafarroako Foru Komunitateko ikastetxe publiko eta pribatu itundu guztietan aplikatuko da.
2. artikulua. Aukerako irakasgaien eta laugarren kurtsoko curriculum aukeren xedea.
Etapako aukerako irakasgaiek eta laugarren kurtsoko curriculum aukerek, gainerako irakasgaiekin batera, etapako oinarrizko gaitasunak eta helburuak lortzen lagundu behar dute. Tutorearen orientazioaren bidez ikasleei horiek egoki hautatzen lagunduko zaie, beren interes, motibazio, gaitasun eta beharrak kontuan hartuta.
3. artikulua. Aukerako irakasgaiak.
1. Foru agindu honen I. eranskinean eta II. eranskinean kurtsoen arabera banatuta daude etapako aukerako irakasgaiak.
2. Ikasleak aukerako irakasgai bat izanen du kurtso bakoitzean.
3. Ikastetxeek aukerako irakasgaiak beren ezaugarrien eta ikastetxeko baliabideen arabera eskainiko dituzte.
4. III. eranskinean aukerako irakasgai hauen curriculuma dago:
-Oinarrizko matematika
-Literatura sorkuntza
-Literatura sorkuntza, D eredua
-Matematikan sakontzen
-Oinarrizko hizkuntza trebetasunak
-Oinarrizko hizkuntza trebetasunak, D eredua
-Kultura klasikoa
-Matematikan sakontzen (4.ekoa)
-Fisika eta kimikan sakontzen
-Literatura unibertsala
-Geografia ekonomikoa
-Lanbide hastapena - Helduarora eta bizitza aktibora igarotzea.
4. artikulua. Curriculum aukerak.
1. Laugarren kurtsoan, hiru irakasgaiz osatutako curriculum aukerak eskaintzen ahalko dituzte ikastetxeek; honako hauek, orientazio gisa: Zientzia, Giza Zientziak eta Teknologia, II. eranskinean ageri denaren arabera. Curriculum aukera bakoitzari lotuta irakasgai bat dago, eta hori emateko hiru eskola ordu izanen dira astean. Zientziako aukerari lotuta Fisika eta Kimika dago, Giza Zientzietako aukerari lotuta Latina eta Teknologiako aukerari lotuta Teknologia.
2. II. eranskinean zehaztuta dago ikastetxeek zer irakasgairekin eratzen ahal dituzten curriculum aukerak, kontuan hartuta, 25/2007 Foru Dekretuko 6.2 artikuluan ezarritakoari jarraikiz, ikasleek hiru gai izan behar dituztela, curriculum aukerako irakasgai gisa edo aukerako irakasgai gisa, eta beti bermatuko dela curriculum aukera gisa izaten diren hiru irakasgaiek astean bi eskola ordu izanen dituztela gutxienez.
3. Nolanahi ere, ikastetxeek beren hezkuntza eskaintza osatzen duten curriculum aukeren azken eraketaren berri Zerbitzuak Ikuskatzeko eta Ikuskapen Teknikorako Zerbitzuari emanen diote, hark ezarritako baldintza eta epeetan.
4. Laugarren kurtsoko Atzerriko bigarren hezkuntzaren, Plastika eta ikus-hezkuntzaren, Musikaren, Teknologiaren, Informatikaren, Latinaren, Biologia eta geologiaren eta Fisika eta kimikaren curriculuma martxoaren 19ko 25/2007 Foru Dekretuaren II. eranskinean azaltzen da. Dekretu horren bidez Nafarroako Foru Komunitatean Derrigorrezko Bigarren Hezkuntzako irakaskuntzaren curriculuma ezarri da.
5. artikulua. Curriculumaren garapena.
Ikastetxeek aukerako irakasgaien eta curriculum aukerak osatzen dituztenen curriculuma garatu eta osatuko dute, hezkuntza proiektuaren barnean.
6. artikulua. Ikastetxeak diseinatutako aukerako irakasgaiak.
1. Ikastetxe guztiek zilegi izanen dute ikastetxe bakoitzak diseinatutako aukerako irakasgaiak eskaintzea, bai 3. kurtsoan bai 4.ean.
2. Ekainaren 15a baino lehen, ikastetxeko zuzendariak aukerako irakasgai horiek aurkeztuko dizkio Eskola Antolamendu eta Berriztapenerako Zerbitzuko zuzendariari, agiri hauekin batera:
a) Irakasgai horiek hautatzeko arrazoiak.
b) Irakasgaien curriculuma: oinarrizko gaitasunak, helburuak, edukiak eta ebaluazio irizpideak lortzen nola lagunduko duten.
c) Irakasgai horiek garatzeko eskura dituzten materialak eta baliabide didaktikoak.
d) Koordinazio didaktikoko departamentuak, irakasgaiak emateko arduradunak hiru urterako gutxienez.
3. Jasotako agiriak azterturik, Hezkuntza Berriztapenaren eta Curriculum Garapenaren Atalak, alde batetik, eta, bestetik, ikastetxeko ikuskatzaileak, Zerbitzuak Ikuskatzeko eta Ikuskapen Teknikorako Zerbitzuko zuzendariaren oniritziarekin, balorazio txostenak eginen dituzte.
Hezkuntza Berriztapenaren eta Curriculum Garapenaren Atalaren balorazio txostenak irizpide hauek izanen ditu kontuan:
a) Irakasgaiak oinarrizko gaitasunak lortzen nola laguntzen duen eta irakasgai horrek ikastetxeko hezkuntza proiektuan zer leku duen.
b) Irakasgaiaren curriculumaren koherentzia.
c) Eskura dagoen materialaren egokitasuna.
Ikastetxeko ikuskatzailearen balorazio txostenak irizpide hauek izanen ditu kontuan:
a) Ikastetxearen ezaugarrietarako eta ikasleen beharretarako egokia den.
b) Irakasleen profilaren egokitasuna.
c) Hala denean, plantilla handitzea komeni izatea.
4. Ekainaren 30a baino lehen, Hezkuntza Departamentuak baimena emanen du, bidezkoa bada, eskatutako aukerako irakasgaiak emateko.
5. Ikastetxeak diseinatutako aukerako irakasgaia, baimendu eta gero, hiru urtez eskainiko da. Hiru urte horiek betetakoan, beste eskaera bat aurkeztu ahalko du ikastetxeak.
7. artikulua. Foru agindu honetan araututako irakasgaiak ematea.
1. Foru agindu honetan araututako irakasgaiak gutxienez ere hogei ikasle baldin badaude soilik emanen dira.
2. Hezkuntza Departamentuak, Zerbitzuak Ikuskatzeko eta Ikuskapen Teknikorako Zerbitzuaren txostena ikusi ondoren, zilegi izanen du aurreko atalean adierazitakoa baino txikiagoa den ikasle kopuru batentzat baimentzea aukerako irakasgaia.
3. Atzerriko bigarren hizkuntzaren kasuan, hori hautatzen duten ikasleei bermatuko zaie etapa osoan izanen dutela.
4. Arte plastikoen departamentu didaktikoek laugarren kurtsoko Plastika eta ikus-hezkuntza zein ikuspegitatik bideratu erabakiko dute, beren programazioetan Marrazketa teknikoaren edo Marrazketa artistikoaren ikuspegia garatuz, etapako azken kurtsoaren orientazio izaera eta ikasleen curriculum aukera kontuan hartuta.
5. Atzerriko bigarren hizkuntza kasuan kasuko Atzerriko Hizkuntzaren koordinazio didaktikoko departamentuak emanen du; Oinarrizko hizkuntza trebetasunak, Literatura sorkuntza eta Literatura unibertsala Gaztelania eta Literaturaren koordinazio didaktikoko departamentuak eta, hala denean, Euskara eta Literaturakoak; Oinarrizko matematika, 2. kurtsoko Matematikan sakontzen eta 4. kurtsoko Matematikan sakontzen, berriz, Matematika departamentuak; Kultura klasikoa Latin edo Grekoko departamentuak; Geografia ekonomikoa Geografia eta Historia departamentuak; Fisika eta kimikan sakontzen Fisika eta Kimika departamentuak, eta Lanbide hastapena-Helduarora eta bizitza aktibora igarotzea Teknologia Departamentuak.
6. Irakasgai horiek beste espezialitate batzuetako irakasleek edo koordinazio didaktikoko beste departamentu batzuetakoek (aurreko atalean agertzen ez direnetakoek) emateko baimena Hezkuntza Departamentuko Zerbitzuak Ikuskatzeko eta Ikuskapen Teknikorako Zerbitzuan eskatu beharko da.
8. artikulua. Atzerriko bigarren hizkuntza.
1. Aukerakoan artetik Atzerriko bigarren hezkuntza hartu duten ikasleek etapa osoan izanen dute irakasgai hori. Irakasgaiaren programazioa egitean, lau kurtsoetan zehar koherentzia izan behar duela kontuan izanen da.
2. Atzerriko bigarren hizkuntza edozein kurtsotan hartu ahal izateko ezinbestekoa izanen da ikasleek, kasuan kasuko departamentu didaktikoaren iritziz, kurtso horretarako behar den maila izatea. Egoera horri aurre egiteko, ikastetxeek aukera izanen dute, behar beste irakasle izanez gero, maila desberdinetako taldeak eratzeko, ikasleak lau kurtsoetako lehenengoan egin gabe hasi ahal izateko.
3. Ikaseek Atzerriko bigarren hizkuntza utzi ahalko dute, salbuespenez, edozein ikasturte bukatutakoan, gurasoek edo legezko ordezkariek eskaera idatziz aurkeztu eta gero. Eskaera ikastetxeko zuzendariari bidaili zaio, hizkuntza hori uztearen arrazoiak adierazita. Zuzendariak, kasuan kasuko koordinazio didaktikoko departamentuari kontsulta egin ondoren, eskaeraren gaineko ebazpena emanen du.
9. artikulua. Lanbide hastapena - Helduarora eta bizitza aktibora igarotzea.
1. Lanbide hastapena - Helduarora eta bizitza aktibora igarotzea izeneko aukerako irakasgaiaren helburu berariazkoa da ikasleei orientazioa ematea, etapa bukaeran aurrera begirako aukera egokia egin dezaten; horretarako oinarrizko edukiak eta zenbait jarduera izanen dira.
2. Ikastetxearen instalazio eta baliabideekin bat, eta ikasleen motibazioa handitu eta ikasitakoa testuinguru batean txertatzeko, irakasgai horretan lanbide arloren baten inguruko praktikak sartu ahalko dira.
3. Lanbide hastapena-Helduarora eta bizitza aktibora igarotzea izeneko irakasgaia planifikatu eta garatzeko Orientazio Departamentuaren laguntza izanen da.
Lehenbiziko Xedapen Gehigarria. Urteko Programazio Orokorra.
Ikastetxeek honako hauek sartuko dituzte Urteko Programazio Orokorrean: ikasturte bakoitzean eskainitako aukerako irakasgaiak, laugarren kurtsoko aukerei dagozkien irakasgaiak eta beren programazio didaktikoak.
Bigarren Xedapen Gehigarria. Aukerakoen eskaintza.
Hezkuntza Departamentuak zilegi izanen du I. eranskinean ageri diren aukerako irakasgaien eskaintza aldatu eta handitzea, eskaintza ikastetxeen beharren arabera egokitzeko.
Xedapen iragankor bakarra. Araudiaren indarraldia.
Bigarren Hezkuntzaren antolamendu berria ezarri arte, ekainaren 30eko 806/2006 Errege Dekretuak araututakoarekin bat, aukerako irakasgaien eta DBHko laugarren kurtsoko aukeren gaineko araudia Hezkuntza kontseilariaren ekainaren 15eko 152/2004 Foru Agindua izanen da.
Xedapen Indargabetzaile Bakarra. Arau indargabetuak.
Indarrik gabe utzi dira Hezkuntza kontseilariaren ekainaren 15eko 152/2004 Foru Agindua eta foru agindu honetan ezarritakoaren kontrakoak diren maila bereko edo apalagoko arau guztiak.
Azken Xedapen Bakarra. Indarra hartzea.
Foru agindu honek Nafarroako Aldizkari Ofizialean argitaratu eta biharamunean hartuko du indarra.
I. ERANSKINA. DBHko 1., 2. eta 3. kurtsoko aukerako irakasgaiak eta asteko eskola orduak, hizkuntza ereduen arabera
Ikasleak aukerako bat hautatuko du kurtso bakoitzean (*).
-Atzerriko bigarren hizkuntza
-Oinarrizko matematika
-Literatura sorkuntza
-Atzerriko bigarren hizkuntza
-Matematikan sakontzen
-Oinarrizko hizkuntza trebetasunak
-Atzerriko bigarren hizkuntza
-Kultura klasikoa
-Ikastetxeak diseinatutakoa
2 ordu bakoitzak
3 ordu bakoitzak
(*) A ereduko Euskara eta literatura, G/A ikastetxe batean, aukerako irakasgai gisa emanen da eta 3 eskola ordu izanen ditu astean.
II. ERANSKINA. DBHko 4. kurtsoko curriculum aukerak eta aukerako irakasgaiak, G eredua soilik ematen duten ikastetxeetan
CURRICULUM AUKERAK. DBHKO 4.A
ZIENTZIA GIZA ZIENTZIAK TEKNOLOGIA ORDUAK
AUKEREI LOTUTAKO IRAKASGAIAK
FISIKA ETA KIMIKA LATINA TEKNOLOGIA 3 H.
Curriculum aukera osatzen duten irakasgaiak (bi irakasgai):
-Biologia eta geologia
-Fisika eta kimika
-Latina
-Atzerriko bigarren hizkuntza
-Informatika
-Plastika eta ikus-hezkuntza
-Musika
-Teknologia
Orduak: 2 edo 3 ordu bakoitzak
AUKERAKO IRAKASGAIAK. DBHKO 4.A
Ikasleak aukerako irakasgai hauetako bat izanen du:
-Matematikan sakontzen
-Fisika eta kimikan sakontzen
-Literatura unibertsala
-Geografia ekonomikoa
-Lanbide hastapena - Helduarora igarotzea
-Ikastetxeak diseinatutakoa
-Curriculum aukeraren barruan hautatu ez diren irakasgaiak
Orduak: 1, 2 edo 3 ordu bakoitzak
Curriculum aukerako hiru irakasgaien orduak eta aukerako irakasgaiarenak batuta 10 eskola ordu izanen dira astean.
DBHKO 4. KURTSOKO CURRICULUM AUKERAK ETA AUKERAKO IRAKASGAIAK
G eta A ereduak ikastetxe berean
DBH-KO 4. KURTSOKO CURRICULUM AUKERAK
ZIENTZIA GIZA ZIENTZIAK TEKNOLOGIA ORDUAK
AUKEREI LOTUTAKO IRAKASGAIAK
FISIKA ETA KIMIKA LATINA TEKNOLOGIA 3 H.
Curriculum aukera osatzen duten irakasgaiak (bi irakasgai):
-Biologia eta geologia
-Fisika eta kimika
-Latina
-Informatika
-Plastika eta ikus-hezkuntza
-Musika
-Teknologia
Orduak: 2 ordu bakoitzak
-Atzeriko bigarren hezkuntza (G eredua): 3 ordu.
DBH-KO 4. KURTSOKO AUKERAKO IRAKASGAIAK
Ikasleak aukerako irakasgai hauetako bat izanen du:
-Matematikan sakontzen
-Fisika eta kimikan sakontzen
-Literatura unibertsala
-Geografia ekonomikoa
-Lanbide hastapena - Helduarora igarotzea
-Ikastetxeak diseinatutakoa
-Curriculum aukeraren barruan hautatu ez diren irakasgaiak
Orduak: 2 edo 3 ordu bakoitzak
A ereduko ikasleentzako Euskara eta literatura aukerako irakasgai gisa emanen da eta 3 eskola ordu izanen ditu astean.
Curriculum aukerako hiru irakasgaien orduak eta aukerako irakasgaiarenak batuta 10 eskola ordu izanen dira astean.
DBHKO 4. KURTSOKO CURRICULUM AUKERAK
D eredua. D eta A ereduak ikastetxe berean
DBH-KO 4. KURTSOKO CURRICULUM AUKERAK
ZIENTZIA GIZA ZIENTZIAK TEKNOLOGIA ORDUAK
AUKEREI LOTUTAKO IRAKASGAIAK
FISIKA ETA KIMIKA LATINA TEKNOLOGIA 3 H.
Curriculum aukera osatzen duten irakasgaiak (bi irakasgai):
-Biologia eta geologia
-Fisika eta kimika
-Latina
-Atzerriko bigarren hizkuntza Informatika
-Plastika eta ikus-hezkuntza
-Musika
-Teknologia
Orduak: 2 ordu bakoitzak
