navarra.es
Castellano | Euskara | Français | English
Ezagutzera eman
156/2005 Foru Agindua, abenduaren 1ekoa, Lehendakaritza, Justizia eta Barne kontseilariak emana, Zangozan Nafarroako Foruzaingoaren polizia etxe bat sortzen duena
(Testu bateratua. Jatorrizkoa 2006ko 1. NAOn argitaratua, urtarrilaren 2an. Aldaketak: 95/2007 Foru Agindua, martxoaren 1ekoa; 468/2012 Foru Agindua, abuztuaren 13koa)
Atarikoa
Nafarroako Foru Komunitateko herritarren babes eta segurtasunerako politikaren ardura Lehendakaritza, Justizia eta Barne Departamentuari dagokio, Nafarroak dituen eskumenen esparruan eta Nafarroako Gobernuak ezartzen dituen helburuekin bat.
Nafarroako Foruzaingoaren antolamendu eta funtzionamenduaren Erregelamendua onesten duen uztailaren 26ko 265/2004 Foru Dekretuaren zioen azalpenean adierazten da Nafarroako Gobernuaren helburuetako bat, besteak beste, kidegoaren antolamendu sistema malgua ezartzea dela, batetik, lurralde-deszentralizazioa lortzeko, prebentzioa eta herritarrengandik hurbilago egotea bermatzeko asmoz, eta bestetik, Foruzaingoaren garapena eta ezarpen progresiboa lortzeko, kidegoak dituen baliabideen arabera eta gizarteak egiten dizkien eskakizunen eta gertatzen diren aldaketen arabera.
Horregatik, irizpide demografiko eta geografikoak aintzat harturik eta herriak eta gizarteak segurtasun publikoko zerbitzuak emateko egin dituen eskakizunak kontuan harturik, bidezko da Zangozan Foruzaingoaren polizia etxe bat sortzea, herritarrengandik hurbilago izateko eta, horrela, koherentzia eta kohesio soziala lortzeko, eremu horretan eraginkortasun eta eragimen handiagoa izateko eta, funtsean, segurtasun zerbitzuak Nafarroako Foru Komunitate osoan modu homogeneoan emanen direla bermatzeko.
Horrenbestez, Foruzaingoaren antolamendu eta funtzionamenduaren Erregelamendua onetsi zuen uztailaren 26ko 265/2004 Foru Dekretuaren lehenengo eta bigarren xedapen gehigarrien bidez eman dizkidaten eskurantzak erabiliz, agindu dut:
Lehena
Zangozan Nafarroako Foruzaingoaren polizia etxe bat sortzea, Nafarroako Foruzaingoaren antolamendu eta funtzionamenduaren Erregelamenduko 14. artikuluko 4. idatz-zatian ezarritakoaren arabera, dagozkion eginkizunak betetzeko.
Bigarrena
Zangozako polizia etxearen eragin eremuak udalerri hauek hartzen ditu: Oibar, Agoitz, Burgi, Zarrakaztelu, Kaseda, Gazteluberri, Eslaba, Espartza Zaraitzu, Ezkaroze, Ezporogi, Galipentzu, Galoze, Garde, Gorza, Ibargoiti, Izaba, Itzagaondoa, Itzaltzu, Jaurrieta, Xabier, Leatxe, Ledea, Lerga, Longida, Irunberri, Elo, Nabaskoze, Otsagabia, Petilla de Aragón, Erromantzatua, Erronkari, Zare, Zangoza, Sartze, Untzitibar, Urraulgoiti, Urraulbeiti, Urzainki, Uztarroze, Bidankoze eta Esa.
Hirugarrena
Tuterako polizia etxearen eragin eremua aldatzea, Zarrakazteluko udal eremua Zangozako polizia etxearen eragin eremuan sartuko baita.
Laugarrena
Foru agindu honek 2005eko abenduaren 1etik aurrera izanen ditu ondorioak.
Bosgarrena
Foru agindu hau 2. idatz-zatian aipatzen diren udaletako alkateei igortzea eta Nafarroako Aldizkari Ofizialean argitara dadila agintzea.
