Landa Garapeneko eta Ingurumeneko Departamentuak NAOn argitaratu du oinezko transhumantziak eragindako gastuak konpentsatzeko laguntzen deialdia. Nekazaritza eta Abeltzaintzako Zuzendaritzak 85.000 euro bideratuko ditu oinezko transhumantzia egiten duten abeltzaintzako ustiategien titularrei ekonomikoki konpentsatzeko; izan ere, jarduera horrekin abelbideak mantentzen laguntzen dute.

Nekazaritza eta Abeltzaintzako Zuzendaritza Nagusiaren ebazpenak jasotzen duen bezala, deialdiaren helburua jarduera horri eustea da, korridore ekologikoak mantentzen laguntzen baitu, bai eta arraza autoktonoak babesten, migratzen, banaketa geografikoa egiten eta basa-espezieen truke genetikoa egiten ere. Transhumantzia bereizgarria da ganadua Erriberatik edo Nafarroako beste eskualde batzuetatik Urbasa-Andiako larreetara udan eramaten duten ustiategien artean.

• Laguntzak eskatzeko epea abuztuaren 21era arte egongo da zabalik. Eskabideak telematikoki (pertsona juridikoen kasuan) aurkeztu ahal izango dira, www.navarra.es webguneko izapideen katalogoaren bidez, edo aurrez aurre (pertsona fisikoen kasuan), edozein erregistrotan.