navarra.es
Castellano | Euskara | Français | English
Ezagutzera eman
Foru Agindua, 2002ko martxoaren 8koa, Nekazaritza, Abeltzaintza eta Elikadura kontseilariak emana, Mahastiak Landatzeko Nafarroako Foru Komunitateko Eskubideen Erreserba eratzen duena
(2002ko 37. NAOn argitaratutako testua, martxoaren 25ean)
Atarikoa
Mahastiak landatzeko eskubideen erreserbak arautzen dituen otsailaren 15eko 196/2002 Errege Dekretuaren 2.1 artikuluan, ahalmena ematen zaie Autonomi Elkarteei beren lurraldean mahastiak landatzeko eskubideen erreserbak era ditzaten, mahasgintzaren kudeaketa bultzatu eta gainbehera etor ez dadin.
Ikusirik mahasgintzak Nafarroan duen ahala, bidezko da Mahastiak Landatzeko Nafarroako Foru Komunitateko Eskubideen Erreserba eratzea, aipatu Estatu arauaren ondorioetarako. EVENA erakunde autonomoari dagokio kudeaketa, urriaren 29ko 308/2001 Foru Dekretuaren 2. artikuluari jarraituz, Nafarroako Mahastizaintza eta Enologi Zentroaren egitura organikoa eta eginkizunak arautzen baititu.
Horrenbestez, Nafarroako Foru Komunitateko Gobernua eta Administrazioa arautzen dituen apirilaren 11ko 23/1983 Foru Legearen 36.2 artikuluak emandako ahalmenak erabiliz, agindu dut:
Artikulu Bakarra
1. Eratu egiten da Mahastiak Landatzeko Nafarroako Foru Komunitateko Eskubideen Erreserba, otsailaren 15eko 196/2002 Errege Dekretuaren ondorioetarako, mahastiak landatzeko eskubideen erreserbak arautzen baititu.
2. Erakunde autonomoa den (EVENA) Nafarroako Mahastizaintza eta Enologi Zentroari dagokio Mahastiak Landatzeko Nafarroako Foru Komunitateko Eskubideen Erreserba kudeatu eta mantentzea.
Azken Xedapen Bakarra
Foru Agindu honek Nafarroako Aldizkari Ofizialean argitaratu eta biharamunean hartuko du indarra.
