Landa Garapeneko eta Ingurumeneko Departamentuak 276.963 euro bideratuko ditu 2023an ingurumen-hezkuntza eta -sentsibilizazioko, ingurumen-boluntariotzako eta zientzia herritarreko proiektuetarako. Eskaerak aurkezteko epea otsailaren 4an amaituko da.

• Ingurumen-hezkuntzako proiektuetarako 166.178 euro guztira.
• Ingurumen-boluntariotzako eta herritarren zientziarako proiektuetarako: 110.785 euro.
• Bi kasuetan, eskatzaile bakoitzeko gehieneko dirulaguntza 9.000 eurokoa izango da.

Proiektuek ingurumen-arloko jarduerak barne hartu beharko dituzte, hala nola:

• Kutsaduraren prebentzioa.
• Klima-aldaketa egokitzea edo arintzea.
• Hondakinak, ura, kontsumo arduratsua eta ekonomia zirkularra.
• Energia aurreztea eta energia berriztagarriak.
• Habitatak, ekosistemak, paisaia, biodibertsitatea eta espezie naturalak kontserbatzea. lehengoratzea eta mantentzea.
• Natura-guneen eta -espezieen babesa eta ezagutza areagotzea.

Gainera, gai hauei buruzkoak izan daitezke:

• Baso-kudeaketa iraunkorra.
• Mugikortasun iraunkorra.
• Nekazaritza eta abeltzaintza ekologikoa edo iraunkorra.
• Hiri-ingurunearen ingurumen-kalitatea hobetzea.
• Animalien babesa.