Nafarroako Gobernuak, Landa Garapenerako Zuzendaritza Nagusiaren bitartez, 8.432.895 euro eman dizkie 80 enpresa eta kooperatibari nekazaritza eta abeltzaintza sektorean doitasunezko nekazaritza eta teknologiak sustatzeko, Nex Generation - Berreskurapen, Eraldaketa eta Erresilientzia Planaren (MRR) esparruan.

Dirulaguntza honen helburua da nekazaritza- eta abeltzaintza-sektorearen iraunkortasuna, lehiakortasuna eta erresilientzia hobetzea ekonomiaren, ingurumenaren eta gizartearen ikuspegitik, doitasunezko nekazaritzan eta abeltzaintzan egindako inbertsioen bidez.

Inbertsio horiek nabarmen lagundu dezakete elikagaien segurtasunean, elikagaien kaltegabetasunean eta nekazaritza-praktika iraunkorragoak sustatzen.

Dirulaguntza horrekin, Nex Generation funtsetatik datorren sektore horretarako Nafarroan onartutako laguntzen zenbatekoa 11,3 milioi eurokoa da, Foru Komunitateari hasieran esleitutako aurrekontua baino % 74,4 gehiago.