2022-2027 Elikadura Alferrik Galtzea Murrizteko Agendaren garapenaren barruan, joan den astelehenean, hilak 19, lan-mahai bat egin zen eragileei agenda aurkezteko eta datozen 2 urteetarako lan-plana prestatzeko.

Bileran izan ziren: sektore produktiboko (UCAN), banaketako (Mecadona), tokiko ekintzako taldeetako (EDER), elikagaien industriako (ALINAR, C Soluciones, Alimenta Valores) eta mankomunitateetako (MCP, Ribera Alta, Hondakinen Partzuergoa) ordezkariak, Nafarroako Elikagaien Bankua, UPNA eta Baztango Udaleko ordezkariak.

Honako gai hauek aurkeztu ziren lan-mahaian:

• Agenda, elikagai-hondakinak gutxitzeko tresna publiko gisa (Uxue Iragui, GAN).
• Beste tresna batzuk, hala nola Hondakinen Funtsa, Elikagaien Galeren Prebentziorako Lege Proiektua, eta Nafarroa Zirkularra (Aintzane Pérez Ezkurdia, Ekonomia Zirkularraren eta Klima Aldaketaren Zerbitzua).
• Elikagaien Bankuaren jarduera azken urteetan (Ramón Navarro).
• Europako FOODRUS proiektuan parte hartzea (Teresa Arriazu, EDER partzuergoa)
• Baztango Udalaren ekimenak (Laura Andresena eta Miren Meoki)

Jardunaldian aurrera egin zen datozen urteetarako planaren garapenean, eta beste mahai bat deituko da irailetik urrira, lanean jarraitzeko.