Itziar Gómez Landa Garapeneko eta Ingurumeneko kontseilariak Lehen Hezkuntzako eta Derrigorrezko Bigarren Hezkuntzako (DBH) ikasleei banatu dizkie Ingurumenaren Zaindarien Ingurumen Sentsibilizaziorako Mikrobideoen 6. Lehiaketako eta Kartelen 2. Lehiaketako sariak.

Elena Ortegari eta Aimar Sanzi (Iruñeko FEC Vedruna ikastetxea) egokitu zaie Lehen Hezkuntzako 3. eta 4. mailetan Ingurumenaren Zaindarien Ingurumen Sentsibilizaziorako 2. Kartel Lehiaketako kartel onenaren saria. Lehen Hezkuntzako 3. eta 4. mailetako kartel-multzorik onena Iruñeko FEC Vedruna ikastetxeko María Lizarraga irakasleari dagokio, eta, parte hartzen duten ikasleentzat, diploma bat.

Lehen Hezkuntzako 5. eta 6. mailetan, Irati Cerrolaza Gilek eta Haizea Huarte Aristreguik (CCP Puente la Reina – Gares EIP) jaso dute 2. kartel lehiaketaren saria.

Bestalde, Lehen Hezkuntzako 5. eta 6. mailetan kartel multzo onenaren saria CCP Puente la Reina – Gares EIP ikastetxeko Jennifer Colchero Martin irakaslearentzat da. Parte hartzen duten ikasleei diploma bat emango zaie.

DBHko ikasleentzako Ingurumenaren Zaindarien 6. Mikrobideo Lehiaketaren saria Iruñeko Luis Amigó ikastetxeko Maria Goicoechea Ollacarizqueta eta Irene Royo Asak jaso dute. Azkenik, DBHko ikasleentzako mikrobideo multzo onenaren saria eman zaio Iruñeko Luis Amigó ikastetxeko Tania Sola Ordoyo irakasleari. Bestalde, parte hartu duten ikasleei diploma egiaztatzaile bat eman zaie.

Sari banaketan, Nafarroako Jauregiko Tronu Aretoan, Hezkuntzako zuzendari nagusi Gil Sevillanok ere parte hartu du.