Nafarroako Gobernuak, Ingurumeneko Zuzendaritza Nagusiaren bitartez, Hondakinen Funtsetik datozen 310.000 euroko laguntzen deialdia egin du, Nafarroan egoitza duten unibertsitateei zuzenduta. 

Laguntza hauen helburua da baimendutako kudeatzaileek aldez aurretik tratatutako eraikuntza- eta eraispen-hondakinen esparruan aplikazio berrien ikerketa, garapena eta berrikuntza bultzatzea, bai eta induskatutako material naturalena ere, 2023, 2024 eta 2025. urteetan.

• Zehazki, Nafarroako Unibertsitate Publikoa, Nafarroako Unibertsitatea eta UNEDek Tuteran eta Iruñean dituen zentro elkartuak dira laguntza horien hartzaileak.
   
• Eskaerak aurkezteko epea ekainaren 30ean bukatuko da, Nafarroako Aldizkari Ofizialean argitaratutako deialdiaren ebazpenak jasotzen duen bezala.