2010. urteaz geroztik, izena emateko edo gordailutzeko eskaerak REGCON aplikazioaren bidez izapidetzen dira. Horretan sartzeko, zerbitzu fitxa honetako "Tramitatu" botoia sakatu behar da.
REGCON aplikazioan eskaerak egiteko, alta eman beharko dute haren erabiltzaile gisa, eta eskatutako dokumentazioa aurkeztu beharko dute Izapideetara sartu ataletik.
Inskriba daitezkeen egintzei buruzko kontsultak egiteko, ez da beharrezkoa alta ematea aplikazioaren erabiltzaile gisa: aplikazioaren Kontsulta publikoa botoia sakatuta egin ditzakete.
REGCONen orri nagusian, Laguntza hitzaren azpian, “Erantsi beharreko dokumentuen zerrenda, akordio motaren arabera” dokumentua dago. Han, eskaerak egitean aurkeztu beharreko dokumentuak kontsultatzen ahalko dira.
Dokumentazioa 296/2010 Foru Aginduaren 4. artikuluan adierazitakoa da, eta telematika bidez bakarrik aurkezten ahalko da.
Kasu: “Inskribatu beharreko hitzarmen, akordio edo komunikazioaren testua formatu editagarrian” (Foru Aginduaren 4.3 artikulua) eskatzean, esan nahi du dokumentua Word formatuan edo formatu baliokide batean aurkeztu behar dela, formatu hori eskatzen baita Nafarroako Aldizkari Ofizialean argitaratzeko: “Inskripzio eskaerarekin batera aurkeztuko dira, baliabide elektronikoen bitartez, maiatzaren 28ko 713/2010 Errege Dekretuaren 7. artikuluan zerrendatutako dokumentazioa eta inskribatu nahi den hitzarmen, akordio edo jakinarazpenaren testua, formatu editagarrian, zeinak bat etorri beharko baitu, hitzez hitz, negoziazio batzordeko edo eskaera egiten duen aldeko kideek sinatutako testuarekin”.
Era berean, hitzarmena euskaraz bidatzen ahalko dute, Word formatuan, halakorik badute.
Lan hitzarmen kolektiboak:
Berdintasunerako planak:
Oharra: Lan Agintaritzak ez du eskumenik enpresei aholkularitza emateko ez zein Hitzarmen Kolektibo den aplikatzekoa enpresan (hau da, enpresa zein Hitzarmen Sektorialetan sartzen den), ez enpresetan besteren konturako kontratazioetan zein Hitzarmen Sektorial edo Hitzarmen Kode den aplikatzekoa.
REGCON aplikazioko Kontsulta publikoa botoia sakatuta, eta jardueraren EJSN eta probintziako edo probintziaz gaindiko sektorea eremu funtzionala hautatuta, eremu horretan dauden hitzarmen sektorialak kontsultatzen ahal dira.
Datu pertsonalen babesari buruzko informazioa.