Aldi berean eskatuko dira laguntza eta behin-behineko kalifikazioa.
Baldintza hauek nabarmentzen dira:
- Etxebizitza ohiko bizitegi iraunkor gisa erabili behar da.
- Eraikinak 25 urte baino gehiago izan behar ditu.
- Aurrekontuak 2.000 eurotik gorakoa izan behar du etxebizitza bakoitzeko.
- Obrek hasi gabe egon behar dute. Behin-behineko kalifikazioaren datatik zenbatuta, sei hilabeteko epean hasi behar dira eta 36 hilabeteko epean amaitu.
- Aurrekontu babesgarria 10.000 eurotik gorakoa ez duten obra txikien kasuan, obrei ekin ahal zaie behin-behineko kalifikazioaren eskaera aurkeztu eta gero, kalifikazio hori lortu gabe.
- Obrak amaitzeko gehieneko epea 9 hilabetekoa izanen da behin-behineko kalifikazioaren eskaera aurkezten den egunetik.
- Behin betiko kalifikazioa eskatzeko gehieneko epea 12 hilabetekoa izanen da egun beretik; ez da luzapenik onartuko.
Dirulaguntza emateko, kontuan hartuko dira sustatzailearen familiaren diru-sarrera ponderatuak, adina eta eraikinaren antzinatasuna (araudian ezarritako betekizunen arabera). Ikus betekizunak.
Informazio gehiago.
Prozeduraren urratsak:
- Behin-behineko kalifikazioa.
- Birgaitzeko obrak egitea.
- Behin betiko kalifikazioa (behin-behineko kalifikazioaren eta behin betiko kalifikazioaren arteko gehieneko epea 36 hilabetekoa da, obra txikietan izan ezik).
- Dirulaguntzaren ordainketaren ebazpena.
Eskualdatzen bada (heriotzagatik izan ezik), lortutako laguntzak itzuli beharko dira behin betiko kalifikaziotik bost urte igaro baino lehen.