navarra.es
Castellano | Euskara | Français | English
Ezagutzera eman
344/2000 Foru Agindua, irailaren 19koa, Hezkuntza eta Kultura kontseilariak emana, Nafarroako Foru Komunitatean, 2000-2001 ikasturtetik aurrera, Arte Plastikoetako eta Diseinuko erdi eta goi mailako heziketa zikloen ikasketen ezarpen orokorra ...
344/2000 FORU AGINDUA, irailaren 19koa, Hezkuntza eta Kultura kontseilariak emana, Nafarroako Foru Komunitatean, 2000-2001 ikasturtetik aurrera, Arte Plastikoetako eta Diseinuko erdi eta goi mailako heziketa zikloen ikasketen ezarpen orokorra egiteko arauak ematen dituena
(2000ko 122. NAOn argitaratutako testua, urriaren 9an)
Atarikoa
Ikasketen Antolamendu eta Lanbide Heziketaren Zerbitzuko zuzendariak adostasun txostena aurkeztu du, Arte Plastikoetako eta Diseinuko erdi eta goi mailako ikasketen ezarpena arautzen duen Foru Agindu hau onets dadin. Ezarpen hori gauzatuko da ondoko hauetan ezarritakoaren arabera: Hezkuntza Sistemaren Antolamendu Orokorrari buruzko urriaren 3ko 1/1990 Legea, otsailaren 13ko 35/1995 Foru Dekretua, Nafarroako Foru Komunitatean Lanbide Heziketaren eta Arte Plastikoen eta Diseinuaren irakaskuntza egituratu eta antolatzeko jarraibide orokorrak finkatzen dituena (martxoaren 10eko Nafarroako Aldizkari Ofiziala), urtarrilaren 28ko 15/1997 Foru Agindua, Nafarroako Foru Komunitatean Arte Plastikoetako eta Diseinuko heziketa zikloetan dauden ikasleen ebaluazio eta kreditatze prozesua arautzen duena eta Nafarroako Foru Komunitateko ikastetxeetan ikasketa horiek egiten dituzten ikasleei aplikatuko zaiena (otsailaren 17ko Nafarroako Aldizkari Ofiziala).
Erdi eta goi mailako Arte Plastikoetako eta Diseinuko ikasketak ezartzeari buruzko Foru Agindu hau ondoko hauei jarraikiz eman da: irailaren 5eko 153/1994 Foru Dekretuaren lehenbiziko xedapen gehigarria, Hezkuntza Sistemaren Antolamendu Orokorrari buruzko urriaren 3ko 1/1990 Legean bilduriko ikasketak aplikatzeko beste egutegi bat onesten duena (1994-09-9ko Nafarroako Aldizkari Ofiziala), otsailaren 16ko 173/1998 Errege Dekretua, ekainaren 14ko 986/1991 Errege Dekretua aldatu eta osatzen duena; azken horren bidez, Hezkuntza Sistemaren Antolamendu Orokorrari buruzko urriaren 3ko 1/1990 Legean ageri diren ikasketak aplikatzeko egutegia onetsi zen (1998-02-17ko "Estatuko Aldizkari Ofizial"a); Nafarroako Foru Komunitatean Arte Plastikoetako eta Diseinuko erdi eta goi mailako heziketa zikloetako teknikari eta goi mailako teknikari tituluen curriculumak ezartzen dituzten Foru Dekretuetan finkatutakoa.
Foru Agindu hau egiteko kontuan hartu da heziketa zikloen prestakuntza eskaintzari buruz eskola barrutien eta barruti bakoitzeko ikastetxeen artean izan behar den osagarritasun eta aniztasuna.
Nafarroako Foru Komunitateko Gobernua eta Administrazioa arautzen dituen apirilaren 11ko 23/1983 Foru Legearen 36.2.b) eta c) artikuluan esleitu zaizkidan ahalmenak erabiliz, agindu dut:
I. Ikasketen ezarpena
Lehenbizikoa
Foru Agindu honen xedea da, Hezkuntza Sistemaren Antolamendu Orokorrari buruzko urriaren 3ko 1/1990 Legeak antolatu dituen Arte Plastikoetako eta Diseinuko heziketa zikloen ezarpen orokorra arautzea, eta, Nafarroako Foru Komunitatean erdi eta goi mailako heziketa zikloak ematen dituzten Arte Eskoletan eta ikastetxe pribatu guztietan aplikatzea, Foru Agindu honen ondoko puntuan ezartzen denari jarraikiz.
Bigarrena
2000-2001 ikasturtean, orokorrean, erdi eta goi mailako heziketa zikloetako ikasketak ezarriko dira Nafarroako Foru Komunitateko Arte Eskoletan, Foru Agindu honen I. eranskinean finkatutakoari jarraikiz.
II. Ikasleen sarrera
Hirugarrena
1. Erdi mailako heziketa zikloetan hasi ahalko dira Bigarren Hezkuntzako graduatu titulua duten ikasleak, baldin eta gaitasun proba gainditzen badute. Proba horren bidez egiaztatuko da erdi mailako ikasketak aprobetxamenduz egiteko berariazko gaitasunik baduten.
2. Halaber, ikasketa horiek egin ahalko dituzte, Bigarren Hezkuntzako graduatu titulua ez izan arren, proba bat gainditzen dutenek. Proba horretan neurtuko da Arte Plastikoetako eta Diseinuko erdi mailako heziketa zikloetako ikasketak aprobetxamenduz egiteko behar besteko prestakuntzarik baduten. Horretarako, LOGSEren 32. artikuluan eta otsailaren 13ko 35/1995 Foru Dekretuaren 5. artikuluko 3. idatz-zatian ezarritakoari jarraikiko zaio (martxoaren 10eko Nafarroako Aldizkari Ofiziala).
3. Aurreko idatz-zatietan aipatu ikasleez gain, sarbidea izanen dute, halaber, ondoko egoeretako batean dauden eta gaitasun artistikoaren proba gainditzen duten ikasleek:
a) Irakaskuntza Ertainen Erreforma Esperimentaleko lehen zikloa gainditua izatea.
b) Lehen mailako Lanbide Heziketako teknikari laguntzailearen titulua izatea.
c) Batxilergo Bateratu Balioanitzeko lehenengo kurtsoa eta bigarrena gaindituak izatea.
d) Espezialitateen kurtso komunak gaindituak izatea, Arte Aplikatuen eta Lanbide Artistikoen Eskoletan.
e) Ondorio akademikoetarako aurrekoetako baten baliokide diren bestelako ikasketak gaindituak izatea.
Laugarrena
Foru Agindu honen hirugarren puntuan aipaturiko gaitasun proba egitetik salbuetsirik egonen dira Arte Aplikatuetako eta Diseinuko Lanbide Arlo bereko lanbide batean teknikari edo goi mailako teknikari titulua duten ikasleak, edo Arte Aplikatuetako eta Lanbide Artistikoetako kurtso komunak aprobetxamenduz gainditu dituztenak, honako ikasketa plan hauen arabera: uztailaren 24ko 2127/1963 Errege Dekretuan ezarritako ikasketa planak, Arte Ikasketen ikastetxeetako esperientziak erregulatzeari buruzko martxoaren 28ko 799/1984 Errege Dekretuari jarraikiz esperimentalki ezarritakoak, eta ikastetxeetan hezkuntzako esperientziak egiteko arau orokorrak ezarri zituen maiatzaren 9ko 942/1986 Errege Dekretuan ezarritakoak.
Bosgarrena
1. Goi mailako heziketa zikloetako ikasketak egin ahalko dituzte Batxilergo titulua duten ikasleek, baldin eta gaitasun proba gainditzen badute. Proba horren bidez egiaztatuko da Arte Plastikoetako eta Diseinuko goi mailako heziketa zikloak aprobetxamenduz egiteko berariazko gaitasunik baduten.
2. Halaber, ikasketa horiek egin ahalko dituzte, Batxilergo titulua ez izan arren, proba bat gainditzen dutenek. Proba horretan neurtuko dira batxilergoko helburuen inguruko heldutasuna eta goi mailako heziketari dagokion lanbide arloko gaitasuna. Horretarako, LOGSEren 32. artikuluan eta otsailaren 13ko 35/1995 Foru Dekretuaren 5.3 artikuluan ezarritakoari jarraikiko zaio (martxoaren 10eko Nafarroako Aldizkari Ofiziala).
3. Aurreko idatz-zatietan aipatu ikasleez gain, goi mailako ikasketetan sarbidea izanen dute, halaber, ondoko egoeretako batean dauden eta gaitasun artistikoaren proba gainditzen duten ikasleek:
a) Irakaskuntza Ertainen Erreformako Batxilergo Esperimentaleko bi kurtsoak gaindituak izatea.
b) Bigarren mailako Lanbide Heziketako teknikari espezialistaren titulua, goi mailako teknikariarena edo eta ondorio akademikoetarako baliokidea denaren jabe izatea.
c) Unibertsitatera Bideratzeko Ikasturtea edo Unibertsitateaurrekoa gainditua izatea.
d) Unibertsitateko titulazioa edo baliokidea izatea.
Seigarrena
Foru Agindu honen bosgarren puntuan aurreikusitako gaitasun proba egitetik salbuetsita egonen dira honako hauek:
a) Arte modalitateko batxilergoan "Diseinuaren oinarriak" irakasgaia eta batxilergo horretako bereko beste bi irakasgai gaindituak izatea.
b) Arte Batxilergoko ikasketa esperimentalak gaindituak dituzten ikasleak.
c) Lanbide arlo bereko beste heziketa ziklo batean Arte Plastikoetako eta Diseinuko goi mailako teknikariaren titulua duten ikasleak, eta lanbide arloko espezialitateetan Arte Aplikatuetako graduatu titulua dutenak.
III. Ikasleak onartzeko baldintzak
Zazpigarrena
1. Foru Agindu honetan aipatu ikasketak ematen dituzten ikastetxeetan aurreinskripzioa araudian ezarritako epe orokorren barruan eginen da.
2. Eskaeran, ikasleek adierazi beharko dute zein ziklo nahiago duten (bat edo gehiago) ikastetxe bakoitzak ematen dituenen artean.
IV. Curriculumaren garapena
Zortzigarrena
1. Heziketa zikloetako curriculumak, curriculumei buruzko Foru Dekretuetan arautzen dira. II. eranskinean aipatzen dira.
2. Ikastetxeek, haietan ematen diren heziketa zikloen curriculumak garatuko dituzte, eta horretarako, lanbide arlo bakoitzean ematen dituzten zikloen curriculum proiektua oro har, hala nola heziketa ziklo bakoitzarena eginen dute, ikasleen ezaugarrien eta ikastetxearen inguru sozioekonomiko eta kulturalaren arabera.
Heziketa ziklo bakoitzean irakasten duten irakasleen taldea, ikastetxe bakoitzeko hezkuntza proiektutik abiatuko da zikloaren curriculum proiektua egiteko.
Curriculumen inguruan erabakiak hartzen direnean kontuan izanen dira Lanbide Arloko Departamentuaren edo Departamentuen jarraibideak; ikastetxeko Pedagogi Koordinaziorako Batzordeak gainbegiratuko ditu erabakiak.
3. Irakasleek ematen duten lanbide modulu bakoitzaren programazioa eginen dute, dagozkien departamentuen jarraibideak kontuan harturik. Horiek egiteko, kontuan hartuko dira inguruaren, ikastetxearen eta ikasleen ezaugarriak. Programazio horietan, erabakiak hartuko dira ondoko alderdi hauei buruz: unitate didaktikoak, haietan zehaztuko baitira lortu nahi diren gaitasunak, edukiak denboraren arabera antolatuak, modulua gainditzeko eska daitekeen gutxieneko maila eta ebaluazioa egiteko irizpideak.
Irakaste-ikaste prozesua ebaluatzeko eta errekuperazio orokorrerako sistema zehaztea, bai eta moduluari egokitutako ebaluazio printzipio eta jarduerak, prozesu etengabe, hezitzaile eta integratzailea osatzen dutenak.
V. Ebaluazioa, ziklo-igarotzea eta titulazioa
Bederatzigarrena
Goi mailako heziketa zikloak egiten dituzten ikasleen ebaluazioari, ziklo-igarotzeari eta titulazioari dagokienez, ondoko hauen arabera jokatuko da: Nafarroako Foru Komunitatean Lanbide Heziketa eta Arte Plastikoen eta Diseinuaren irakaskuntza egituratu eta antolatzeko jarraibide orokorrak finkatzen dituen otsailaren 13ko 35/1995 Foru Dekretua (martxoaren 10eko Nafarroako Aldizkari Ofiziala) eta Nafarroako Foru Komunitatean Arte Plastikoetako eta Diseinuko heziketa zikloetan dauden ikasleen ebaluazio eta kreditatze prozesua arautzen duen urtarrilaren 28ko 15/1997 Foru Agindua (otsailaren 17 Nafarroako Aldizkari Ofiziala).
Azken Xedapenetako Lehenbizikoa
Baimena ematen zaio Hezkuntza zuzendari nagusiari Foru Agindu honetan ezarritakoa aplikatu eta garatzeko behar diren xedapen guztiak eman ditzan, bereziki I. eranskineko zerrenda, ikasturte bakoitzaren hasierako aurreikuspenei, planifikazioari eta bestelako gorabeherei egokitzeko.
Azken Xedapenetako Bigarrena
Foru Agindu hau igortzea Ikastetxeen Antolamendu eta Lanbide Heziketaren Zerbitzura, Pedagogi Berrikuntzako Zerbitzura, Inbertsio Zerbitzura, Zerbitzuak Ikuskatzeko eta Ikuskapen Teknikorako Zerbitzura, Ikastetxeen eta Ikasketetarako Laguntzen Zerbitzura, Araubide Bereziko Irakaskuntzaren eta Teknologia Berrien Zerbitzura, Ikasketak Antolatzeko Atalera, Lanbide Heziketa Garatu eta Berriztatzeko Atalera, Lanbide Heziketa eta Enpresaren Atalera eta Nafarroako Aldizkari Ofizialera, argitara eman dadin.
Azken Xedapenetako Hirugarrena
Foru Agindu honek Nafarroako Aldizkari Ofizialean argitara eman eta biharamunean hartuko du indarra.
I. ERANSKINA. Arte Plastikoetako eta Diseinuko heziketa zikloak ezarri diren Nafarroako Gobernuaren Arte Eskolen zerrenda
● 31001821-Corellako Arte Eskola-CORELLA
Goi maila
38 Barneen diseinua
38S5 Dekorazio lanen proiektuak eta zuzendaritza
39 Diseinu grafikoa
39S2 Publizitate grafikoa
40 Industri diseinua
40S2 Altzarigintza
● 31005085-Iruñeko Arte Eskola-IRUÑA
Erdi maila
36 Eskulturaren arloko arte aplikatuak
36M3 Ebanisteria artistikoa
39 Diseinu grafikoa
39M2 Autoedizioa
Goi maila
34 Liburuaren arloko arte aplikatuak
34S3 Grabatua eta estanpazio teknikak
36 Eskulturaren arloko arte aplikatuak
36S1 Eskulturaren arloko arte aplikatuak
38 Barneen diseinua
38S5 Dekorazio lanen proiektuak eta zuzendaritza
39 Diseinu grafikoa
39S1 Argazkilaritza artistikoa
II. ERANSKINA. Heziketa zikloen curriculumak
34.-Liburuaren arloko arte aplikatuak
34S3 Grabatua eta estanpazio teknikak 216/1998 FD 98/11/13
36.-Eskulturaren arloko arte aplikatuak
36M3 Ebanisteria artistikoa 60/1997 FD 97/04/23
36S1 Eskulturaren arloko arte aplikatuak 196/1997 FD 97/12/24
38.-Barneen diseinua
38S5 Dekorazio lanen proiektuak eta zuzendaritza 224/1999 FD 99/09/10
39.-Diseinu grafikoa
39M2 Autoedizioa 243/1998 FD 98/11/13
39S1 Argazkilaritza artistikoa 59/1997 FD 97/04/23
39S2 Publizitate grafikoa 58/1997 FD 97/04/23
40.-Industri diseinua
40S2 Altzarigintza 215/1998 FD 98/11/13
