Kontuan izan hiru baldintza motak bete behar dituzula: orokorrak, ekonomikoak eta akademikoak.
Zure matrikularen egiaztagiria atxikitu beharko duzu beti, eta hortaz gain, zure eskaera eta familia-egoeraren arabera, bestelako dokumenturen bat atxikitzea eskatuko zaizu.
Zure eskabidea “zirriborro” moduan gelditzen bada, aurkeztu gabe dago. Egiaztatu ez zaizula daturik falta.
Zirriborroa gorde behar duzu, eskabidea egiazki igorrita ez dagoen arte.
Prozesua egoki burutu baduzu, beka aurkeztu dela egiaztatzen duen egiaztagiria deskargatzen ahalko duzu.
Mezuan «aurkeztua» agertuko da.
Eskaerak aurkezteko epea zabalik badago, aldaketak egin edo dokumentazioa eransten ahalko duzu.
Eskaerak aurkezteko epea bukatuta, zure eskaera aztertuko da, eta, dokumenturen bat falta bada edo argibideren bat behar bada, jakinarazpen elektronikoaren bidez jakinaraziko zaizu.
Garrantzitsua da jakinarazpen honi kasu egitea eta eskatzen zaizunari erantzutea, betiere horretarako ezarritako epean. Hori egin ezean, baliteke zure eskaera ukatzea, bere osotasunean edo eskakizun horrek eragindako zatian (etxebizitza, garraioa, etc).
Zure eskabidean adierazitako posta elektronikoa maiztasunez kontsulta ezazu, hori izango baita gure jakinarazpenak jasotzeko bidea.
Baldintza ekonomikoak eta errenta eta ondarearen mugak baloratuko dira, eta behin-behinean ezetsi egingo dira ezarritako baldintzak betetzen ez dituzten eskaerak.
Alegazioak aurkezteko 10 eguneko epea egongo da. Horren ondotik, baldintzak betetzen ez dituzten eskaerak behin betiko ezetsiko dira.
Gainontzeko eskaerak tramitatzen jarraituko da.
Ebazpenak deialdiaren fitxan argitaratuko dira. Komenigarria da deialdiaren fitxan dagoen estekaren bitartez izapidetzea, deialdiari buruz argitaratuko diren berri guztiak zure posta elektronikoan jasotzeko.
Ekainaren inguruan, deialdiaren fitxan bekak emateko eta ukatzeko behin betiko ebazpena argitaratuko da.
Beka eman ez bazaizu edo emandako zenbatekoarekin ados ez bazaude, gora jotzeko errekurtsoa aurkezten ahalko duzu 30 eguneko epean.
Bekak emateko ebazpena argitaratu ondoren, zure banku-kontuan ordainduko dizute dagokizun kopurua.
Garrantzitsua da eskabidean eman zenuen banku-kontua aktibo izatea.
Beka duzun eskubidea da, eta zergadunen ekarpenei esker jasotzen duzu.
Beka bat jasotzeak gutxieneko betebehar batzuk dakartza.
Aprobetxa ezazu aukera!