Administrazio elektronikoa - Nafarroako Artxibo Garaikidea
Dokumentu elektronikoak eta artxibo digitala kudeatzeko araudia
Nafarroako Foru Komunitateko Administrazioaren eta foru sektore publiko instituzionalaren dokumentuak eta artxibo digitala kudeatzeko araudiaren alderdi nagusia Dokumentu Elektronikoak Kudeatzeko Politika da (PGDE), Nafarroako Gobernuaren 2020ko abenduaren 16ko erabakiaren bidez onartua.
Politikaren xedea da dokumentazio elektronikoa kudeatzeko jarraibide estrategikoak, prozedurak eta praktikak ezartzea Nafarroako Foru Komunitateko eta hari lotutako erakundeetako dokumentu eta espediente elektronikoak sortzearen esparruan, administrazio tramitazioaren eta artxibo digitalaren faseetan.
Politika, goi mailako oinarrizko arau gisa definitua, hari lotutako beste dokumentu batzuetan zehazten da: Dokumentu Elektronikoa Kudeatzeko Eredua (DEKE) eta haren zehaztapenak. Horietatik bik inplikazio artxibistikoak dituzte: Segurtasun eta Sarbide Eredua, eta Kontserbazio Eredua.
- 49/2020 Ebazpena, abenduaren 21ekoa, Nafarroako Foru Komunitateko Administrazioaren Dokumentu Elektronikoa onesten duena
- ERABAKIA, Nafarroako Gobernuak 2020ko abenduaren 16an hartua, zeinak onesten baitu Nafarroako Foru Komunitateko Administrazioaren eta foru sektore publiko instituzionalaren dokumentu elektronikoak kudeatzeko politika
- 20/2021 Ebazpena, urtarrilaren 27koa, Kulturako eta Vianako Printzea Erakundeko zuzendari nagusiarena, zeinak onesten baitu Nafarroako Foru Komunitateko Administrazioaren Dokumentu Elektronikoa Kudeatzeko Ereduaren (DEKE) 2. zehaztapena —Segurtasun eta Sarbide Eredua—
- 21/2021 Ebazpena, urtarrilaren 27koa, Kulturako eta Vianako Printzea Erakundeko zuzendari nagusiarena, zeinak onesten baitu Nafarroako Foru Komunitateko Administrazioaren Dokumentu Elektronikoa Kudeatzeko Ereduaren (DEKE) 5. zehaztapena —Kontserbazio Eredua—