35 urtetik beheitikoendako dirulaguntza, etxebizitza erabilia erosteko herri txikietan

Etxebizitza librea edo babestua izan daiteke, eta 5.000 biztanle arteko udalerri batean egon behar du (edo 20.000 arteko udalerri ez-hiritar batean, hango entitate bakanetako batek ere 5.000 biztanle baino gehiago ez baditu)

Epea zabalik

Tramite honetara harpidetu

Oinarrizko informazioa

35 urtetik beheitikoendako, etxebizitza babestu bat erosteko baldintzak betetzen badituzte eta, gainera, dirulaguntza lortzeko baldintzak ere betetzen badituzte, zorrotzagoak baitira.

Etxebizitza pertsona batek baino gehiagok erosten badu, guztiek izan behar dute 35 urtetik beheitikoak eta guztiek bete behar dituzte gainerako baldintzak.

Kontsultatu zein diren etxebizitza babestu bat erosteko baldintzak Etxebizitza babestuaren eskatzaileen erroldako "Norentzat" atalean. Ez duzu zertan erroldan alta eman, baina baldintzak bete behar dituzu. 

Kontsultatu zein diren dirulaguntza lortzeko baldintzak etxebizitza babestu bat erosteko dirulaguntzei buruzko atalean.

Etxebizitza librea edo babestua izan daiteke, eta baldintza hauek bete behar ditu:

  • Bizigarritasun-zedula indarrean egotea.
  • 5.000 biztanle arteko udalerri batean egon behar du (edo 20.000 arteko udalerri ez-hiritar batean, hango entitate bakanetako batek ere 5.000 biztanle baino gehiago ez baditu).
  • Gehienez 120 metro koadro erabilgarriko azalera izatea.
  • Eranskinen baturak ezin du 100 metro koadro erabilgarri baino handiago izan.
  • Prezioa ezin da prezio hauek baino handiagoa izan 2025ean:
    • 1.922,84 euro etxebizitzaren metro koadro erabilgarriko, baita garajearen metro koadroko erabilgarriko ere, haren azalera 14 metro erabilgarrikoa edo txikiagoa bada.
    • 769,14 euro metro koadro erabilgarriko, garajearen (azalera 14 metro koadro erabilgarrikoa baino handiagoa bada) eta trastelekuaren eta beste eranskin batzuen kasuan.

Esteka honetan, dagokizun dirulaguntzaren zenbatekoa kalkula dezakezu: Nola kalkulatzen da dirulaguntzaren zenbatekoa?

Eta esteka honetan kontsulta dezakezu zein diren etxebizitza eta eranskina erosteko prezioa kalkulatzeko irizpideak (gazteleraz dago). 

Nafarroan etxebizitza izateko eskubideari buruzko 10/2010 Foru Legearen 24. xedapen gehigarria.

Tramitazioa

Jarraibideak:

Inskripzioa bi fasetan egin behar da:

Lehenbiziko fasea

Etxebizitzaren eskritura publikoa egin aurretik, agiri hauek aurkeztu behar dituzu:

  • Eskabide orokorra (bakar-bakarrik eskabidea bulegoetan aurrez aurre aurkezten baduzu)
  • Etxebizitzaren salerosketa-kontratua. Banaka adierazi behar dira etxebizitzaren, garajearen, trastelekuaren eta gainerako eranskinen azalera erabilgarria eta prezioa. Adibidez:
  Azalera Prezioa
Etxebizitza 90 m² 100.000 €
Garajea 12 m² 10.000 €
Trastelekua 10 m² 5.000 €


Agiri horiek jasotakoan, Etxebizitza Zerbitzuak baldintzak betetzen dituzun egiaztatuko du; hala bada, ikus-onetsi administratibo bat emanen dizu eta hartan adieraziko da zenbateko dirulaguntza lor dezakezun, gehienez, eta zer klausula sartu behar dituzun nahitaez eskritura publikoan. Ez badituzu klausulak sartzen, ez duzu dirulaguntzarik jasoko. Ikus-onetsia emateko epea bi hilabetekoa da gehienez.

Bigarren fasea

Etxebizitzaren eskritura publikoa egin ondoren, agiri hauek aurkeztu behar dituzu:

  • Eskabide orokorra (bakar-bakarrik eskabidea bulegoetan aurrez aurre aurkezten baduzu)
  • Etxebizitzaren salerosketa-eskritura, nahitaez agertu beharreko klausulak dauzkana.
  • Transferentzia bidezko ordainketa eskatzeko inprimakia. Jabe bat baino gehiago badago, inprimaki bat titular bakoitzeko. Agiri horrek balio du administrazioari jakinarazteko zer banku-kontutan jaso nahi duzun dirulaguntza. Nahiago baduzu, online inprimaki bat bete dezakezu, eta horrela ez duzu inprimaki hori aurkeztu behar: Banku-kontua online jakinaraztea.

6 hilabeteko epea duzu agiriak aurkezteko, salerosketa-eskritura sinatzen denetik aurrera.

Honako egiaztagiri hauek erabil daitezke:

  • Ziurtagiri digitala edo NAN elektronikoa
  • Cl@ve

Dokumentazioa aurkeztu

Tramitatzeko beste modu batzuk:

Aurrez aurre Etxebizitzako erregistroan
Alonegi kalea 1, 1. solairua
Iruña

Nafarroako Gobernuaren erregistro eta arreta bulegoetan ere aurkez dezakezu, baita  39/2015 Legean aurreikusitako beste edozein lekutan ere.

Harremanetan jartzeko

Etxebizitza Zerbitzua
Alondegi kalea, 1, 1. solairua
31002 Iruña
Telefonoa: 848 427 570
Helbide elektronikoa: vivienda@navarra.es  

Oharra: orrialde honen edukia informazio hutsa da; baldintzak dagokion araudian argitaratutakoak dira.