Nola parte hartu esleipen batean?
Esleipen-prozesuak hiruhileko bakoitzean hasten dira:
- Martxoaren 1ean
- Ekainaren 1ean
- Irailaren 1ean
- Abenduaren 1ean
Etxebizitza bat nahi baduzu, 10 eguneko epea duzu interesatzen zaizkizun sustapenak hautatzeko. Ez badituzu hautatzen, ez duzu esleipen-prozesuan parte hartuko.
Sustapen bat baino gehiago aukeratzen baduzu, lehentasunaren arabera ordenatu behar dituzu.
Nola esleitzen dira babestutako etxebizitzak?
Esleipen-sistema etxebizitzaren erregimenaren araberakoa da.
- Erosketa: etxebizitzak baremoaren arabera esleitzen dira.
- Alokairua eta alokairu eskuragarria: etxebizitzak zozketa bidez esleitzen dira.
Bi kasuetan, eta sustapen bakoitzeko etxebizitza-kopuruaren arabera, erreserba bereziak ezarri ahal izango dira kolektibo jakin batzuentzat; hau da, desgaitasuna duten pertsonak, familia ugariak, genero-indarkeriaren biktimak, terrorismoaren biktimak, besteak beste. Erreserba berezi horiek baremoaren arabera esleituko dira.
Esleipenean, hautaketan adierazitako lehentasun-ordena hartuko da kontuan. Etxebizitzarik esleitzen ez badizute, hautatutako sustapen bakoitzeko itxaron-zerrenda espezifikoan sartuko zara.
Hurrengo urratsak
1. Alegazioak aurkeztea:
- Hasierako esleipenak argitaratu ondoren, 10 egun balioduneko epea irekitzen da alegazioak aurkezteko. Bakar-bakarrik baldin eta eskatzaile gehiago badaude esleitu beharreko etxebizitzak baino.
- Epe horretan, hasierako esleipenaren aurkako alegazioak aurkez ditzakezu.
- Ez dira kontuan hartzen lortutako puntuazioari dagozkion alegazioak, balorazioan akatsen bat gertatu ezean. Eta ezin duzu eskatu eskabidean sartu ez dituzun alderdiak baloratzeko ere.
2. Behin-behineko esleipenak argitaratzea:
- Alegazioak ebatzi ondoren, behin-behineko esleipenak argitaratzen dira webgunean.
- Izenak berak dioen bezala, behin-behineko zerrendak dira, eta etxebizitza babestua eskuratzeko baldintzak betetzen dituzula egiaztatu gabe dago oraindik.
3. Agiriak aurkeztea:
- Behin-behineko esleipenak argitaratu ondoren, sustatzailea harremanetan jarriko da zurekin dokumentazioa aurkez dezazun, baldintzak betetzen dituzula eta baremoa behar bezala aplikatu dela egiaztatzeko.
- Komeni da agiri guztiak aldez aurretik prest edukitzea. Kontsulta ezazu aurkeztu beharreko dokumentuen zerrenda.
- Agiriak adierazitako epean aurkezten ez badituzu, etxebizitzari uko egin diozula ulertuko da.
- Esleitutako etxebizitza bati uko egiten badiozu, zentsutik kanpo geratuko zara:
- Bi urte alokairuko etxebizitza bati uko egin badiozu
- Hiru urte, erosteko etxebizitza bati uko egin badiozu
4. Kontratuak sinatzeko baimena:
Baldintzak betetzen dituzula eta baremoa behar bezala aplikatu dela egiaztatu ondoren, Etxebizitza Zerbitzuak kontratuak sinatzeko baimena ematen du.
5. Kontratuak sinatzea:
- Baimena jaso ondoren, hilabeteko epea irekitzen da kontratuak sinatzeko.
- Sustatzailea zurekin harremanetan jarriko da kontratua sinatzeko.
- Adierazitako epean sinatzen ez baduzu, etxebizitzari uko egin diozula ulertuko da, eta bi urtez (alokairuan) edo hiru urtez (erosketan) kanporatuko zaituzte zentsutik. Epe horretan, ez duzu aukerarik izanen inongo sustapenik eskuratzeko.
6. Kontratuak ikus-onestea:
- Kontratua sinatu ondoren, 15 eguneko epea irekiko da Etxebizitza Zerbitzuari ikus-onetsia eskatzeko.
- Sustatzaileak eskatzen du ikus-onetsia, eta, beraz, ez duzu ezer egin behar.
- Ikus-onetsiak ziurtatzen du kontratuak legezko baldintzak betetzen dituela eta kasuan kasuko dirulaguntzak eskuratzeko aukera ematen duela. Informazio gehiago esteka hauetan:
Esteka hauetan prozesuaren eskema grafikoa eta alokairuko etxebizitzen zozketa-sistema hobeto ezagutzeko herritarrentzako gida deskarga ditzakezu.