Energia elektrikoa ekoizteko instalazioen titularrak.

Administrazio-baimenak izapidetzeko prozedura, energia elektrikoa ekoizteko instalazioak abian jartzeko, aldatzeko, titulartasuna aldatzeko eta ixteko (aldi baterako edo behin betiko).

Oharra: 500 kW-ra bitarteko instalazioak salbuetsirik daude administrazio-baimena eskuratzetik (1955 Errege Dekretua - 115.5 artikulua).

1. Aurretiazko administrazio-baimenaren eskaera

• Eskatzailearen gaitasun legala, teknikoa eta ekonomikoa egiaztatzea, 1955/2000 Errege Dekretuaren 121. artikulua arabera.
• Instalazioaren aurreproiektua.
• Ingurumen-inpaktuaren azterketa edo ingurumen ukipenen ebaluaziorako dokumentazioa (kasuan kasukoa).
• Aurreproiektua lurralde-antolamendurako tresnei egokitzeari buruzko dokumentazioa.
• Proiektuaren informazio geografikoa duten fitxategiak ESRI Shapefile (SHP) formatuan.
• Tasak ordaindu izanaren egiaztagiria (100 euro).
• Tasak ordaindu izanaren egiaztagiria (onura publikoaren aitorpena eskatzen bada) (150 euro).

2. Eraikitzeko administrazio baimenaren eskaera

• Gauzatze proiektua, erantzukizunpeko adierazpena erantsita, aplikatzekoa zaion legedia betetzen dela frogatzeko.
• Tasak ordaindu izanaren egiaztagiria (100 euro).
• Tasak ordaindu izanaren egiaztagiria (onura publikoaren aitorpena eskatzen bada) (150 euro).

Oharra: aurretiazko administrazio baimenaren eta eraikitzeko administrazio baimenaren izapidetzea eta ebazpena egiten ahalko dira bata bestearen ondotik, aldi berean edo batera.

3. Ustiatzeko baimenaren eskaera (1955/2000 Errege Dekretuaren 132. artikulua)

• Obra-amaierako ziurtagiria, teknikari fakultatibo eskudunek sinatua, araudiak ezarritako atal guztiekin, ezaugarrien plakak edota ekipoen adostasun-adierazpenak barne.
• Proiektuaren SHP formatuko informazio geografikoko fitxategiak, ebakuazio-, transformazio- eta sarbide-azpiegiturak barne.
• Instalazioaren eta osagaien argazki-erreportaje laburra.

4. Instalazioen titulartasuna aldatzea (1955/2000 Errege Dekretuaren 133. artikulua)

• Eskatzailearen gaitasun legala, teknikoa eta ekonomikoa egiaztatzeko dokumentazioa.
• ​​​​​Instalazioaren titularraren adierazpena, titulartasun hori eskualdatzeko asmoa adierazten duena.
• Tasak ordaindu izanaren egiaztagiria (100 euro).

5. Instalazioak ixtea (1955/2000 Errege Dekretuaren 135. artikulua)

• Ixteko proiektua.
• Instalazioa desegiteko plana, eskatzaileak horren asmoa badu.
• Tasak ordaindu izanaren egiaztagiria (100 euro).

6. Zehazki onura publikoaren deklarazioa (1955/2000 Errege Dekretuaren 143. artikulua)

• Dokumentu teknikoa.
• Ukitutako ondasun eta eskubideen zerrenda, formatu hauetan: Word eta Excel.
• Tasak ordaindu izanaren egiaztagiria (150 euro).

• 1/2022 Foru Lege-dekretua, zeinaren bidez premiazko neurriak hartzen baitira Nafarroako Foru Komunitatean Ukrainako gerraren ondorio ekonomiko eta sozialei erantzuteko.
• 4/2022 Foru Legea, klima aldaketari eta energia-trantsizioari buruzkoa.
• 4/2021 Foru Lege-dekretua, zeinaren bidez premiazko neurriak onesten baitira Suspertzerako Europako Bitartekoetatik heltzen diren funtsen bidez finantzatzen ahal diren jarduketak kudeatzeko eta betetzeko.
• 17/2020, ingurumenean eragina duten jarduerak arautzen dituena
• 56/2019 Foru Dekretua, zeinaren bidez arautzen baita parke eolikoetarako baimena Nafarroan.
• 1/2017 Legegintzako Foru Dekretua, Lurraldearen Antolamenduari eta Hirigintzari buruzko Foru Legearen testu bategina onesten duena.
• 24/2013 Legea, sektore elektrikoari buruzkoa.
• 21/2013 Legea, ingurumen ebaluazioari buruzkoa.
• 64/2006 Foru Agindua, lurzoru urbanizaezinean eguzki-energia aprobetxatzeko instalazioak ezartzeko aintzat hartuko diren ingurumen eta hirigintza arloko irizpide eta baldintzak arautzen dituena.
• 1955/2000 Errege Dekretua, Energia elektrikoa ekoitzi, garraiatu, banatu, merkaturatu eta horniketa egiteko jarduerak eta instalazioak baimentzeko prozedurak arautzen dituena.