Nafarroako langile autonomoak (norberaren konturakoak), pertsonak kontratatzen dituztenak:

• 12 urtetik beherako seme-alabak edo bigarren mailarainoko odol-ahaidetasunezko edo ezkontza-ahaidetasunezko mendekotasuna duten senitartekoak zaintzeagatiko etenaldiaren kasuan haiek ordezteko.
• 12 urtetik beherakoak etxean zaintzeko (seme-alabak, harreran edo tutoretzapean).

Laguntza 400 eurokoa izanen da, kontratazioaren hilabete bakoitzeko, 12 hilabetez gehienez ere.

Kontratazioa lanaldi partzialean egiten bada (gutxienez lanaldiaren % 50), dirulaguntza proportzioan gutxituko da.

Zenbatekoa % 10 handituko da kontratatutako pertsona emakumea bada.

Era berean, laguntza beste % 20 handituko da honako kasu hauetan:

• Norberaren konturako langileak lan egiten badu 5.000 biztanle baino gutxiagoko udal errolda eguneratua duen udalerri batean.
• Norberaren konturako langileak guraso bakarreko familia txartela indarrean duela egiaztatzen badu, Nafarroako Foru Komunitatean familia gurasobakarrak egiaztatzeari buruzko otsailaren 7ko 5/2019 Foru Legea aplikatuta.

Ehuneko horiek batzen ahalko dira.

Urteko gutxieneko ordainsari gordina (aparteko ordainsariak barne) kontratuan jaso beharko da, eta ezingo da izan lanbide arteko gutxieneko soldata baino txikiagoa.

Kontziliaziorako laguntzak liburuxka.

Dirulaguntza eskatzeko, ondorengo dokumentazioa erantsi behar da:

• Dirulaguntza eskaera.
• Jarduera ekonomikoen gaineko zergan alta ematea.
• Gizarte Segurantzaren Diruzaintzari jarduera etenda dagoela jakinarazteko dokumentua.
• I. eranskina - Erantzukizunpeko adierazpena, dirulaguntzei buruzko 11/2005 Foru Legean aurreikusitako debekurik ez duela adierazteko.
• II. eranskina - Ahaidetasunik ez dagoela dioen erantzukizunpeko aitorpena.
• Sinatutako lan-kontratua.
• Eskatzaileak bere kargura duen pertsonarekin duen familia-harremanaren egiaztagiria.
• III. eranskina - Helburu bererako lortu edo eskatutako dirulaguntza, laguntza, diru-sarrera edo baliabideen adierazpena edo, bestela, horrelakorik eskatu ez dela dioen adierazpen enpresa. Halaber, enpresa eskatzaileak idatziz jakinarazi beharko du laguntzak, diru-sarrerak edo baliabideak eman zaizkiola edo berriz eskatu dituela, edo horren gainean sortzen ahal diren egoera berriak jakinarazi beharko ditu. Orobat, “de minimis” araubidearen barnean dauden adieraziko da.
• Dirulaguntza jasotzeko, banku-kontua erregistratu edo eguneratu behar da Kontuen eta ordainketen kontsulta tramitearen bidez, edo, bestela, transferentzia bidez ordaintzeko agiria deskargatu behar da webgune honetan, laguntza-eskaerari eransteko.

• 4355E/2024 Ebazpena, 2024rako gastua egiteko baimena kentzen duena.
• 986E/2024 Ebazpena, 2024rako gastua baimentzen duena.
• 6257E/2023 Ebazpena, 2023rako gastua egiteko baimena kentzen duena.
• 559E/2023 Ebazpena, 2023rako gastua baimendu eta oinarri arautzaileak aldatzen dituena.
• 21397E/2022 Ebazpena, 2022rako gastua egiteko baimena kentzen duena.
• 8880E/2022 Ebazpena, 2022rako gastua baimendu eta oinarri arautzaileak aldatzen dituena.
• 73E/2021 Ebazpena, 2021erako gastua baimentzen duena.
• 2615E/2020 Ebazpena, 964/2019 Ebazpena aldatzen duena.
• 964/2019 Ebazpena, deialdia eta arauak onesten dituena.

• 2024ko esleipena
• 2023ko esleipena
• 2022ko esleipena
• 2021eko esleipena
• 2020ko esleipena
• 2019ko esleipena