navarra.es
Castellano | Euskara | Français | English
Ezagutzera eman
277/1991 Foru Agindua, apirilaren 17koa, Lurraldearen Antolamendu, Etxebizitza eta Ingurugiro Kontseilariak emana, Nafarroako amuarrain ibaietako presa eta zurubien inguruan arrantza (kainaberaz, barradera eta presetatik berrogeitamar metro baino ...
277/1991 FORU AGINDUA, apirilaren 17koa, Lurraldearen Antolamendu, Etxebizitza eta Ingurugiro Kontseilariak emana, Nafarroako amuarrain ibaietako presa eta zurubien inguruan arrantza (kainaberaz, barradera eta presetatik berrogeitamar metro baino gutxiagora, Nafarroako amuarrain ibai guztietan, 1942.eko otsailaren 20ko Arrantzari buruzko Legearen 17. artikuluaren arabera) baimentzen duena
(1991ko 66. NAOn argitaratutako testua, maiatzaren 24an)
Atarikoa
1942.eko otsailaren 20ko Arrantzari buruzko Legearen 17. artikuluak bide ematen du organo eskudunak arrantzarako baimena eman dezan amuarrain ibaietan, barradera, presa, zurubi edo pasabideetatik baino gutxiagora, eta hortaz Ingurugiro Zerbitzuak proposaturik eta Kontseilu Aholku-emaileari entzunda.
Agindu dut:
Lehena
Nafarroako amuarrain ibai guztietan barradera eta presen inguruetan kainaberaz arrantzan aritzeko baimena ematea, beraietan kokatutako arrain pasabideetatik 10 metroko tartea bederen gordeta.
Bigarrena
Bidasoa ibaian baimen hori Bertizko Zubitik goitiko uretan kokatutako presa edo barraderetan soilik aplikatuko da.
Hirugarrena
Xedapen honek bere ondorioak izan ditzan, Nafarroako Aldizkari Ofizial ean argitara eman eta biharamunean hartuko du indarra.
