navarra.es
Castellano | Euskara | Français | English
Ezagutzera eman
89/2012 Foru Agindua, otsailaren 27koa, Landa Garapen, Industria, Enplegu eta Ingurumeneko kontseilariak emana, 2012. urtean Nafarroan izanen den arrantzarako berariazko araudia finkatzen duena, espezie exotiko inbaditzaileen populazioak ...
89/2012 FORU AGINDUA, otsailaren 27koa, Landa Garapen, Industria, Enplegu eta Ingurumeneko kontseilariak emana, 2012. urtean Nafarroan izanen den arrantzarako berariazko araudia finkatzen duena, espezie exotiko inbaditzaileen populazioak kontrolatzeko zenbait neurri barne hartuta
(2012ko 47. NAOn argitaratutako testua, martxoaren 7an)
Atarikoa
Nafarroako Ehizari eta Arrantzari buruzko abenduaren 22ko 17/2005 Foru Legean xedatutakoari jarraikiz, Nafarroako Gobernuari dagokio Nafarroako Foru Komunitateko ehiza eta arrantza baliabideen aprobetxamendua babestea, kontserbatzea, sustatzea eta antolatzea, iraunkortasun irizpideen arabera.
Alde horretatik, 70. artikuluak xedatzen duenez, arrantza-aprobetxamendua antolatzeko, Landa Garapen, Industria, Enplegu eta Ingurumeneko kontseilariak urtero onetsiko ditu aprobetxa daitezkeen espezieak harrapatzeko debekuei buruzko xedapen orokorrak.
Beste alde batetik, espezie exotiko inbaditzaileen zerrenda eta katalogoa arautzen dituen azaroaren 14ko 1628/2011 Errege dekretuak, berriki indarra hartu duenak, administrazio publiko eskudunak behartzen ditu neurri batzuk hartzera, populazioak kontrolatzeko eta, behar denean, espezie horiek desagerrarazteko.
Errege dekretu horren bigarren xedapen iragankorrari jarraikiz, espezie exotiko inbaditzaileen zerrendan eta katalogoan agertzen direnak arrantzatzea izaten ahal da espezie horiek kontrolatzeko eta, behar denean, desagerrarazteko neurrietako bat.
Horregatik, foru agindu honetan xedatzen da Nafarroan indarra duen araudiaren babesean arrantzatzen ahal diren espezieez gain, bestelako arrain-espezieen arrantza bideratuko dela azaroaren 14ko 1628/2011 Errege Dekretu horren helburuak betetzera.
Bi helburu horiek, hots, arrain-aprobetxamendua antolatua izatea eta arrain-espezie exotiko inbaditzaileak kontrolatzea, ahalbidetzen dute Nafarroako arrantza baliabideen aprobetxamendurako plana diseinatzea, 2012ko arrantza denboraldirako.
Hori horrela, Arrantzako Aholku Batzordearen eta Nafarroako Ingurumen Kontseiluaren txostenak ikusirik, eta Nafarroako Ehizari eta Arrantzari buruzko abenduaren 22ko 17/2005 Foru Legearen 70.1 artikuluak emandako eskumena erabiliz, agindu dut:
I. KAPITULUA. Xedapen orokorrak
1. artikulua. Helburua.
Honako foru agindu honen helburua da 2012. urtean Nafarroan izanen den arrantzarako berariazko araudia finkatzea, bi alde hauetatik begiratuta: arrain-baliabideen aprobetxamendu antolatua arautzea eta espezie exotiko inbaditzaileen populazioak eraginkortasunez kontrolatzeko neurriak hartzea, espezie horiek arrantzatuz eta, behar denean, harrapatutako arrainak desagerraraziz.
1. atala. Espezieak
2. artikulua. Baimendutako espezieak.
Nafarroan, 2012ko denboraldian, honako arrain-espezie hauen arrantza egonen da baimenduta:
-Kolaka (Alosa alosa).
-Aingira (Anguilla anguilla).
-Izokina (Salmo salar).
-Ibai eta itsas amuarraina (Salmo trutta).
-Barboa (Luciobarbus graellsii eta Barbus haasi).
-Loina (Parachondrostoma miegii).
-Tenka (Tinca tinca).
-Ezkailua (Phoxinus bigerri).
-Zarboa (Gobio lozanoi).
-Hondoetako korrokoia (Chelon labrosus).
-Platuxa latza (Platichthys flesus).
-Karpa (Cyprinus carpio).
3. artikulua. Espezie exotiko inbaditzaileen arrantza.
Espezie horien populazioak kontrolatzeko eta espezie horiek desagerrarazteko edo, gutxienez, haien hedapena mugatzeko, eta foru agindu honetan adierazten diren baldintzekin, honako espezie hauen arrantza egonen da baimenduta:
-Arrainak:
- Lutxo arrunta (Esox lucius).
- Perka amerikarra edo Black-bass (Micropterus salmoides).
- Urre-arraina (Carassius auratus).
- Amuarrain ostadarra (Oncorhynchus mykiss).
-Ornogabeak:
- Paduretako karramarroa (Procambarus clarkii).
- Karramarro seinaleduna (Pacifastacus leniusculus).
2. atala. Ibaiak eta ibaibideak
4. artikulua. Uren zonifikazioa, arrantzaren ondorioetarako.
Araudi honen ondorioetarako, Nafarroako salmonidoen ur eta ibaiak honela banatzen dira: Salmonidoen Goiko Eremua eta Salmonidoen Eremu Mistoa. Salmonidoen Goiko Eremuan, ibaibideak honela banatzen dira: ibaibide nagusiak eta bigarren mailako ibaibideak. Eremu bakoitzeko ibaibideen zerrenda Nafarroako Salmonidoen Plan Zuzentzailea onesten duen uztailaren 3ko 157/1995 Foru Dekretuan ageri da (1995eko 103. Nafarroako Aldizkari Ofiziala, abuztuaren 18koa). Bidasoa ibaiaren bide nagusia, Berako Fundizioen presatik Nafarroak Endarlatsan duen mugarainoko zatian, Izokin-tartea da.
Ziprinidoen eremua Nafarroako gainerako ibaibideek eta ur masek osatzen dute.
5. artikulua. Baltsa eta urtegietako urak.
Arrantza, ur horietan, tokian tokiko arrantza eremuko arau berberei lotuta egonen da, salmonidoen urak izan edo ziprinidoen urak izan, salbu eta Esako urtegian, ziprinidoen eremukotzat jotzen baita.
6. artikulua. Arrantzaren kudeaketari begira eskubide bereziak dituzten urak.
-Nafarroako Errege Bardeako natur parkean, Arrantza Kudeatzeko Plan Teknikoari jarraikiz eginen da arrantza.
-Lor aintziran, Arrantza Kudeatzeko Plan Teknikoari jarraikiz eginen da arrantza.
3. atala. Debekuak
7. artikulua. Espezieak sartzea.
Debekatuta dago Nafarroako ibaietan edozein espezie sartzea, Landa Garapen, Industria, Enplegu eta Ingurumeneko Departamentuak espresuki baimena eman gabe.
8. artikulua. Arrantzatzeko debekua duten tarteak.
Arrantzatzeko debekua duten tarte-mota hauetan ezin da inolako espezierik arrantzatu:
a) Arrantzatzeko debekua duten eremuak, haietan ugalketa errazteko. Arrantzatzeko debeku iraunkorra duten eremuak dira, eta uztailaren 3ko 157/1995 Foru Dekretuak onetsi zuen Nafarroako Salmonidoen Arrantza Antolatzeko Plan Zuzentzailean ezarri ziren. Haien kokalekua foru agindu honen I. eranskinean zehazten da.
b) Arrantzatzeko aldi baterako debekua duten eremuak. Unean uneko egoera dela-eta babesa behar duten ur masak dira. Foru agindu honen II. eranskinean zehazten dira.
9. artikulua. Arrabalekuen babesa.
Salmonidoen eremuan, debekatuta dago arrabalekuak zapaltzea maiatzaren 31ra arte.
10. artikulua. Presetatik hurbil arrantzatzea.
c) Izokin-tartean, gutxienez 50 metroko tartea utzi behar da arrantzalearen edo bere beitaren eta presen oinarriaren edo arrainentzako eskalen edo pasaguneen sarrera edo irteeraren artean.
d) Salmonidoen Eremuko gainerako tarte eta ibaietan, gutxienez 10 metroko tartea utzi behar da arrantzalearen edo bere beitaren eta arrainentzako eskalen eta pasaguneen sarrera edo irteeraren artean.
11. artikulua. Debekatutako beitak, aparailuak eta prozedurak.
Debekaturik dago ondoko beita, aparailu eta prozedura hauek erabiltzea:
a) Beren neurriengatik 8 zentimetroko edo gutxiagoko arrainei pasatzen uzten ez dien edozein sare edo tramankulu, baita errekaren zabaleraren erdia baino gehiago hartzen dutenak ere.
b) Arrantza errazteko, harri, egur edo bestelako materialez eginiko oztopo edo hesiak paratzea dakarren edozein prozedura, baita urak desbideratzen dituztenak ere.
c) Tresna elektrokutatzaile edo motelarazleak, argi-iturri artifizialak, lehergailuak eta arrastoa utzi, pozoitu, moteldu, lasaitu, erakarri edo uxatzeko gaiak.
d) Atzaparrak, burni-kakoak, hiru-hortzekoak, karakoteak, karpinak, arpoiak, arrain-tranpak, baheak, pertolak, esparbelak, esku-sareak, tretzak, salabardoak, kordelak, egoneko amu-hariak eta gisako aparailuak.
e) Esku-arrantza eta urpekoa.
f) Amu anizkun bat baino gehiago edo hiru amu arrunt baino gehiago dituzten aparailuak erabiltzea, arrain artifiziala izan ezik.
g) Ninfa edo eulia "har" edo "puruarekin" erabiltzea.
h) Beitarako arrain naturalak erabiltzea, bizirik nahiz hilik izan. Dena dela, beitarako arrain hilak erabil daitezke Ega ibaiko Salmonidoen Eremu Mistoan, bertako iktiofauna autoktonokoak badira. Ziprinidoen Eremuan lutxoa arrantzatzeko ere erabiltzen ahalko dira arrain hilak.
i) Debekatuta dago azaroaren 14ko 1628/2011 Errege dekretuaren katalogoan eta zerrendan sartzen diren espezietako arrainak beitarako erabiltzea, bizirik nahiz hilik izan, eta haien zatiak edo eratorriak.
j) Salmonidoen Eremuan, debekatuta dago gazta, gantz solidoak, haragi oreak, arrabak, "haragi-harra" edo "asticot" izenekoa erabiltzea eta, oro har, Nafarroako ibai guztietan, larba, pupa edo ninfak edo bertako faunakoak ez diren espezieak.
k) Ibaia beitaz ereitea arrantzatu aitzin edo arrantzatu bitartean, beita gisa amuan sartuta ez dauden boilieen erabilpena barne. Ibaia beitaz ereiten ahalko da, bakar-bakarrik, ziprinidoen lehiaketetarako eta entrenamendu-fasean dauden arrantzale federatuen kasuan, Ziprinidoen Eremuko tarteetan.
12. artikulua. Arrainak eduki, garraiatu eta merkaturatzea.
Nafarroan arrantzarako debekualdiak irauten duen bitartean, ez da zilegi izanen debekuan diren espezieak eduki, garraiatu, merkaturatu eta jatea, legez arrantzatua dela frogatzen duen ziurtagiria ez baldin badute aldean.
Debekatuta dago izokina, ibai amuarraina eta itsas amuarraina merkaturatzea, denboraldian arrantzatzen den lehenbiziko izokina izan ezik.
Debekatuta dago lutxoa eta perka amerikarra edo black-blass espezietako arrain hilik izan, garraiatu, salerosi eta merkaturatzea, espezie exotiko inbaditzaileak izateagatik haien ugaltzea kontrolatzeko neurri bereziak eskatzen dituztelako.
4. atala. Arrantzarako baldintza orokorrak
13. artikulua. Lizentziak eta baimenak.
a) Foru agindu honetan baimendutako espeziak arrantzatu ahal izateko, beharrezkoa da Nafarroako arrantzako baimena izatea.
b) Arrantzako baimena izateaz gain, Salmonidoen Goiko Eremurako (Izokin-Tartea salbu) baimendutako espezieak arrantzatu ahal izateko, beharrezkoa da eguneko baimen berezia izatea, pertsonala eta besterenezina, Landa Garapen, Industria, Enplegu eta Ingurumeneko Departamentuak luzatua.
14. artikulua. Ibaien muga-tarteetan arrantzatzea.
Frantziarekin edo beste autonomia-erkidego batekin muga egiten duten ibai tarteetarako, arrantzaleak bete beharko ditu Nafarroako Foru Komunitatean indarrean dauden arauak eta baldintzak, betiere arrainketa nafar lurraldetik gauzatzen bada.
15. artikulua. Arrantza-denboraldia.
Arrantza-denboraldia izanen da foru agindu honetan aipatzen den aldia, baita arrantzaldi bakoitzaren hasiera eta bukaera egunak ere.
16. artikulua. Arrantzarako ordu baliodunak.
Nafarroan arrantzarako ordutegi balioduna, karramarroa alde batera utzita, ondoko hau izanen da, hilabetez hilabete:
-Martxoan eta apirilean, 07:00etatik 21:00etara.
-Maiatzean, ekainean eta uztailean: 06:30etik 22:30era.
-Abuztuan: 07:00etatik 22:00etara.
-Irailean eta urrian: 07:00etatik 20:00etara.
Urteko gainerako egunetan, eguzkia atera baino ordu bat lehenago has daiteke arrainketan, eta sartu ondotik ordu bat pasatzen denean utzi beharko da. Salbuespenez, Carp Fishing modalitateko lehiaketa ofizialetan ordutegia lehiaketa bakoitzerako araututakoa izanen da. Aurreko kasuan, lehiaketa goizenez 06:00etan hasiko da eta, beranduenez, 24:00etan bukatu.
17. artikulua. Hil beharreko arrainak.
a) Espezie exotiko inbaditzaileen Espainiako katalogoa arautzen duen azaroaren 14ko 1628/2011 Errege dekretuan ezarritakoari jarraikiz, ondoko espezie exotikoen arrainak ezinen dira uretara itzuli eta harrapatzen diren unean hil beharko dira: lutxoa, perka amerikarra edo black-bass, urre-arraina eta amuarrain ostadarra. Izan ere, espezie horiek ur ekosistemetarako kaltegarritzat eta ekosistema horien inbaditzailetzat jotzen dira. Neurria hartzen da espezie horiek heda ez daitezen eta beste ur masa batzuetan sar ez daitezen.
Kirol-arrantzako lehiaketa ofizialetan, kirol-probaren bukaerari buruz aurreko atalean ezarritakoa aplikatuko da.
b) Halaber, ibai-karramarro autoktonoaren banaketa arean karramarro aloktonoaren presentzia murrizteko, eta Nafarroan ibai-karramarro autoktonoaren Berreskurapen Planean ezarritako neurrien arloan, debekatuta dago karramarro aloktono bizidunak garraiatu eta merkaturatzea Foru Komunitatean. Hori dela eta, debekuei buruzko foru agindu honi jarraikiz harrapatzen ahal diren karramarro aloktonoak harrapatzen diren unean hil beharko dira.
18. artikulua. Aprobetxatzen ahal diren espezieak neurtzeko modua.
Legezko ondorioetarako, arrainen luzera izanen da buruaren aitzineko muturretik isats-hegats edo buztan luzatuaren gibelaldearen erdiko punturainokoa.
19. artikulua. Arrantzako kirol lehiaketak.
Landa Garapen, Industria, Enplegu eta Ingurumeneko Departamentuak, dagokion ebazpenaren bitartez, Nafarroako Arrantza Federazioak sustatzen edo babesten dituen arrantzako kirol lehiaketak egiteko baimena eman ahalko du. Ondorio horietarako, lehiaketa horiek egiteko eskabideak Nafarroako Arrantza Federazioak prestatuko ditu martxoaren 1a baino lehen.
Lehiaketa horiek gauzatzen diren bitartean lehiaketakoak ez diren arrantzaleek ezin izanen dute arrantzarik egin tarte horretan.
39. artikuluan definitu eta Salmonidoen Goiko Eremuan kokatzen diren arrantzako kirol eremuetan, kirol lehiaketak egiten ahalko dira Nafarroako, Espainiako edo nazioarteko txapelketa baten finalak badira.
20. artikulua. Arrantzako hezkuntza jarduerak.
Arrantzan ikasteko eskola, 40. artikuluan definitzen dena, soilik erabiliko da Nafarroako Arrantza Federazioak edo arrantzale elkarteek sustatzen dituzten hezkuntza jardueretarako, arrainak hil gabeko arrantza eginez (aurrerantzean harrapatze eta askatze deituko diogu arrantza-modalitate horri), betiere Landa Garapen, Industria, Enplegu eta Ingurumeneko Departamentuaren baimena badute.
21. artikulua. Harrapatze eta askatze arrantza-modalitatearen baldintzak.
Harrapatze eta askatze arrantza-modalitatean, gehienez ere hiru apeu artifizial erabiltzen ahalko dira aparailu bakoitzean, eta haietako bakoitzean amu soil bakarra, garranga gabea.
Sare ez-metalikoa izanen duen hargailua erabili beharko da nahitaez, eta gomendatzen da sare horrek korapilorik ez izatea eta harrapatutakoak uretan bertan maneiatzea, arrainei kalte ez egiteko. Arraina berehalaxe itzuli beharko da ibaira, amuarrainek eta harrapatutako gainerako espezieek bizirik segitzeko moduko berme guztiekin, espezie aloktonoak izan ezik, nahitaezkoa baita horiek hiltzea, 17. artikuluan ageri den moduan.
Harrapatze eta askatze arrantzako tarteetan, 38. artikuluan definitzen direnak, arrantzaleak ezin izanen du amuarrainik eraman, ezta beste leku batzuetan harrapatutakoak ere.
22. artikulua. Las Nazas (Bidasoa ibaia) alderdian arrantzatzea.
Izokin arrunta eta baldintza hidrauliko desegokietan dauden gainerako espezieak babesteko, Bidasoa ibaiaren Izokin-tartean ("Las Nazas" izeneko alderdian) arrantzarako arauak ezartzen dira, honako baldintza hauei jarraikiz:
a) Basozaintzak ikusten badu 24 ordutik gorako denboraldian Irun-Endarako zentralaren presaren gainaldetik urak ez duela egiten gainezka, noriaren eskuineko erdialdean (erdiko uhartearen eta ibaiaren eskuineko ertzaren artean), debekatu eginen da arrantzatzea aldi baterako noria horren eta Irun-Endarako zentralaren karga-biltegirako hustubidearen arteko tartean. Basozaintzak egoera horren akta eginen du eta dagokion seinalea jarriko du, arrantzatzeko aldi baterako debekuaz ohartarazteko.
b) Basozaintzak ikusten badu 24 ordutik gorako denbora tartean presaren gainaldetik urak berriro gainezka egin duela, eskuineko erdialdean, arrantzatzeko aldi baterako debekua kenduko da. Basozaintzak egoera horren akta eginen du eta arrantzatzeko aldi baterako debekuaren seinaleak kenduko ditu.
23. artikulua. Arrantza sareekin egitea.
Ziprinidoen Eremuko ur eta ibaietan, sarez urte osoan egiten ahal da arrantza, baina debekatuta dago honako espezie hauen arrantza martxoaren 1etik abuztuaren 15a arte, biak barne: barboa, tenka, ezkailua, zarboa, karpa, urre-arraina, lutxoa eta black-bass.
Foru agindu honen 12. eta 17 artikuluetan ageri eta kasuari dagozkion xedapenak aplikatuko dira.
Ibaibide osoan sareak erabiltzea debekatuta egonen da ur orriaren batez besteko zabalera 10 metrokoa edo txikiagoa denean, arrantza lekutik ibaian gora eta ibaian behera dagoen tartean.
24. artikulua. Ontzi batetik arrantzatzea.
Zilegi da ontzi batetik arrantzatzea. Nolanahi ere, arrantza mota hori gauzatzen ahalko da bakarrik Nafarroako ur kontinental nabigagarrietan, ibai-arroaren ardura duen erakundeak ezarritako arau eta baldintzei jarraikiz. Agindu honetan ezarritako oro aplikatuko zaio arrantza-modalitate horri. Ahate batetik edo bestelako flotagailu batetik arrantzatzea motorrik gabeko ontzi batetik egindako arrantzatzat jotzen da.
25. artikulua. Salbuespeneko neurriak.
Landa Garapen, Industria, Enplegu eta Ingurumeneko Departamentuak, salbuespen gisa, arrantzaldiak eten ahalko ditu, ingurumen baldintzek arrain populazioak arrisku larrian jartzen badituzte.
II. KAPITULUA. Espezie bakoitzerako xedapen bereziak
26. artikulua. Izokinaren arrantza.
a) Zonifikazioa: izokina bakarrik arrantzatzen ahal da Bidasoa ibaiaren Izokin-tartean, 4. artikuluan definitzen dena.
b) Arrantza-denboraldia: izokinaren arrantzaldia maiatzaren 1ean irekiko da eta 48. izokina harrapatzen den egunean itxiko.
Uztailaren 15erako gehieneko kopuru hori harrapatu gabe ere, egun horretan berean amaituko da arrantzaldia.
Egun horretatik aitzina, edozein arrain espezieren arrantza galarazia dago izokina arrantzatzeko baimendu den tartean.
c) Egun baliodunak: izokinaren arrantzarako egunak asteko guztiak dira, jai ez diren astearteak izan ezik.
d) Gutxieneko neurriak: 40 zentimetro baino gutxiagoko izokin guztiak lehenbailehen eta ahalik eta min gutxien emanez uretara bota behar dira.
e) Beitak: debekatuta daude foru agindu honen 11. artikuluan aipatzen direnak eta, halaber, debekatuta dago beita naturala erabiltzea maiatzaren 31ra arte, egun hori barne.
f) Amuak: beita naturalerako amuek gutxienez 13 mm-ko luzera izanen dute aurrealdean, oinetik arpoitxora neurtua, eta 14 mm-ko zabalera oinean. Euli-arrantzarako amuek gutxienez 7 mm-ko luzera izanen dute aurrealdean, oinetik arpoitxora neurtua, eta 8 mm-ko zabalera oinean. Koilarek gutxienez 7 cm-ko luzera izanen dute, goiko zirgilotik amuaren makurdura neurtua.
g) Aparailuak: arrantzale bakoitzeko kanabera bakar bat onartuko da.
h) Harrapaketa kopurua: arrantzale eta eguneko izokin bakar bat.
i) Jatorri ziurtagiria: eduki, garraiatu eta saltzeko, izokin bakoitzak jatorri ziurtagiria beharko du, eskualdeko Basozaintzak luzatua. Ez zaie jatorri ziurtagiririk luzatuko ugalketa egin duten izokinei, hau da, ''zankatu'' izeneko horiei, horiek harrapatzea debekatuta baitago.
j) Arrantzarako gehieneko denbora hogei minutukoa izanen da, betiere beste arrantzaleren bat baldin bada txanda zain.
k) Mikromarka jarrita duen izokin bat harrapatuz gero, arrantzaleak hura atxikita dagoen buru-atala eman beharko dio eskualdeko Basozaintzari, jatorri ziurtagiria egiteko unean.
27. artikulua. Itsas amuarrainaren arrantza.
a) Zonifikazioa: itsas amuarraina bakarrik arrantzatzen ahal da Bidasoa ibaiaren Izokin-tartean, 4. artikuluan definitzen dena. Tarte horretan debekatuta egonen da ibai amuarraina arrantzatzea.
b) Arrantza-denboraldia: itsas amuarrainaren arrantza-denboraldia maiatzaren 1ean irekiko da eta 15. arraina harrapatzen den egunean edo izokinaren arrantzaldia bukatzen denean itxiko da.
c) Egun baliodunak: itsas amuarrainaren arrantzarako egunak asteko guztiak dira, jai ez diren astearteak izan ezik.
d) Gutxieneko eta gehieneko neurriak: debekatuta dago 35 zentimetro baino gutxiagoko eta 50 zentimetro baino gehiagoko itsas amuarrainak edukitzea eta, hortaz, lehenbailehen eta ahalik eta min gutxien emanez uretara itzuli behar dira.
e) Beitak: debekatuta daude foru agindu honen 11. artikuluan aipatzen direnak eta, halaber, debekatuta dago beita naturala erabiltzea maiatzaren 31ra arte, egun hori barne.
f) Amuak eta aparailuak: beita naturalerako amuek gutxienez 25 mm-ko luzera izanen dute, guztira, eta 9 mm-ko zabalera oinean. Euli-arrantzarako amuek gutxienez 7 mm-ko luzera izanen dute aurrealdean, oinetik arpoitxora neurtua, eta 8 mm-ko zabalera oinean. Koilarek gutxienez 7 cm-ko luzera izanen dute, goiko zirgilotik amuaren makurdura neurtua.
g) Aparailuak: arrantzale bakoitzeko kanabera bakar bat onartuko da.
h) Harrapaketa kopurua: arrantzale eta eguneko, itsas amuarrain bat bakarra.
i) Jatorri ziurtagiria: eduki eta garraiatzeko, arrain bakoitzak jatorri ziurtagiria beharko du, eskualdeko Basozaintzak luzatua.
28. artikulua. Ibai amuarrainaren arrantza.
Ibai amuarraina Nafarroan arrantzatzen ahal da Salmonidoen Goiko Eremuko ur eta ibaietan, Izokin-tartea izan ezik, eta Salmonidoen Eremu Mistoko ur eta ibaietan.
1. Salmonidoen Goiko Eremuan:
a) Salmonidoen Goiko Eremuan arrantzatu ahal izateko, Nafarroako Arrantzako baimena izateaz gain, beharrezkoa da eguneko baimen berezia izatea, pertsonala eta besterenezina. Baimena Landa Garapen, Industria, Enplegu eta Ingurumeneko Departamentuak emanen du, Internet edo telefono bidez.
b) Arrantzaleak arrantza egunetan lortzen dituen arrainen berri eman beharko dio Landa Garapen, Industria, Enplegu eta Ingurumeneko Departamentuari, dela Interneteko inkestak betez, dela behar bezala betetako baimenak postaz igorriz.
c) Arrantzaleei Ibairako Txartela emanen zaie eta nahitaezkoa izanen dute arrantzan ari direnean edukitzea. Txartel horretan idatziko dute arrantza egunetan zenbat amuarrain harrapatu dituzten, amuarrainak hartu eta berehala, basozainek eta bestelako agintaritzaren agenteek tokian-tokian egiten duten kontrolerako.
d) Arrantza-denboraldia: maiatzaren 1etik ekainaren 30era.
e) Egun baliodunak: amuarraina asteko egun guztietan arrantzatzen ahalko da, jaiegun ez diren astearteetan izan ezik.
f) Gutxieneko eta gehieneko neurriak:
-Salmonidoen Goiko Eremuko ibaibide nagusietan, amuarrainek 23 zentimetro izanen dituzte gutxienez eta 35 zentimetro gehienez.
-Bigarren mailako ibaibideetan, amuarrainek 20 zentimetro izanen dituzte gutxienez eta 35 zentimetro gehienez.
g) Gehieneko harrapaketak: arrantzale eta eguneko, hiru amuarrain harrapatzen ahal dira gehienez ere. Hiru amuarrain harrapatu dituen arrantzaleak, harrapatze eta askatze modalitatean arrantzatzen jarraitu nahi badu, 21. artikuluan ezarritakoa zorrozki bete beharko du.
h) Aparailuak: kanabera baizik ez da onartuko eta bat bakarra arrantzalearen eskura; ordezko bat eraman daiteke, aparailurik gabe.
f) Amuak eta aparailuak: beita naturalerako amuek gutxienez 25 mm-ko luzera izanen dute, guztira, eta 9 mm-ko zabalera oinean. Salmonidoen Goiko Eremuan, Bidasoa ibaiaren Izokin-Tartean salbu, ez da zilegi garrangadun aparailurik erabiltzea. Debekatuta dago amu anizkun bat baino gehiago edo hiru amu arrunt baino gehiago dituzten aparailuak erabiltzea.
2. Salmonidoen Eremu Mistoan:
a) Arrantza-denboraldia: apirilaren 1etik uztailaren 31ra.
b) Egun baliodunak: amuarraina asteko egun guztietan arrantzatzen ahalko da, jaiegun ez diren astearteetan izan ezik.
c) Gutxieneko neurriak: debekatuta dago 20 zentimetro baino gutxiagoko arrainak edukitzea eta, hortaz, lehenbailehen eta ahalik eta min gutxien emanez uretara itzuli behar dira.
d) Gehieneko harrapaketak: arrantzale eta eguneko, hiru amuarrain harrapatzen ahal dira gehienez ere. Hiru amuarrain harrapatu dituen arrantzaleak, harrapatze eta askatze modalitatean arrantzatzen jarraitu nahi badu, 21. artikuluan ezarritakoa zorrozki bete beharko du.
e) Aparailuak: kanabera baizik ez da onartuko eta bat bakarra arrantzalearen eskura; ordezko bat eraman daiteke, aparailurik gabe.
f) Debekatuta dago amu anizkun bat baino gehiago edo hiru amu arrunt baino gehiago dituzten aparailuak erabiltzea.
3. Salmonidoen Eremu Mistoan espezie horren debekualdian ustekabez itsas amuarrainak arrantzatzen badira Ziprinidoen Eremuan, ahalik eta min gutxien emanez uretara itzuli beharko dira, arrantza-barrutikoak salbu. Azken kasuan, dagokion Arrantza Kudeatzeko Plan Teknikoari jarraituko zaio.
29. artikulua. Aingiraren arrantza.
a) Zonifikazioa: debekatuta dago aingirak harrapatzea Salmonidoen Goiko Eremuko ibai guztietan.
b) Arrantza-denboraldia:
Salmonidoen Eremu Mistoan: apirilaren 1etik uztailaren 31ra arte, asteko egun guztietan, jai ez diren astearteetan izan ezik.
-Ziprinidoen eremuan: urteko egun guztietan.
c) Gutxieneko neurriak: debekatuta dago 20 zentimetro baino gutxiagoko arrainak edukitzea eta, hortaz, lehenbailehen eta ahalik eta min gutxien emanez uretara itzuli behar dira.
d) Gehieneko harrapaketak: 2 ale, arrantzale eta eguneko.
e) Aparailuak: kanabera baizik ez da onartuko. Arrantzale bakoitzak bi kanabera izaten ahalko ditu eskura, gehienez ere, Ziprinidoen Eremuko ur eta ibaietan. Salmonidoen Eremu Mistoan bat bakarra izaten ahalko da arrantzalearen eskura; ordezko bat eraman daiteke, aparailurik gabe.
30. artikulua. Kolakaren, hondoetako korrokoiaren eta platuxa latzaren arrantza.
a) Arrantza-denboraldia: espezie horiek izokinaren toki eta arrantzaldi berberetan harrapatzen ahal dira.
b) Gutxieneko neurriak: debekatuta dago 30 zentimetro baino gutxiagoko kolakak edukitzea eta, hortaz, lehenbailehen eta ahalik eta min gutxien emanez uretara itzuli behar dira. Hondoetako korrokoiaren eta platuxa latzaren arrantzarako ez dago neurri mugarik.
c) Gehieneko harrapaketak: arrantzale eta eguneko, kolaka bat. Ez dago inolako debekurik hondoetako korrokoiaren eta platuxa latzaren harrapaketa kopuruaren gainean.
d) Aparailuak: kanabera baizik ez da onartuko eta bat bakarra arrantzalearen eskura; ordezko bat eraman daiteke, aparailurik gabe.
e) Amuak eta aparailuak: amuei dagokienez, itsas amuarrainaren arrantzarako berberak.
31. artikulua. Loinaren arrantza.
a) Arrantza-denboraldia:
-Ziprinidoen eremuan, urtarrilaren 1etik martxoaren 31ra arte eta uztailaren 1etik abenduaren 31ra arte. Apirilean, maiatzean eta ekainean debekatuta dago espezie hori arrantzatzea, kirol lehiaketetan izan ezik. Azken kasuan, arrainak ahalik eta min gutxien emanez uretara itzuli behar dira.
-Salmonidoen Eremu Mistoan, uztailaren 1etik 31ra arte, jai ez diren astearteetan izan ezik.
-Salmonidoen Goiko Eremuan, debekatuta egonen da arrantza.
b) Gutxieneko neurriak: debekatuta dago 12 zentimetro baino gutxiagoko arrainak edukitzea eta, hortaz, lehenbailehen eta ahalik eta min gutxien emanez uretara itzuli behar dira.
c) Gehieneko harrapaketak: arrantzale bakoitzak 20 ale egunean, salbu eta arrantza txapelketa ofizialetan.
d) Aparailuak: kanabera baizik ez da onartuko. Arrantzale bakoitzak bi kanabera izaten ahalko ditu eskura, gehienez ere, Ziprinidoen Eremuko ur eta ibaietan. Salmonidoen eremuan bat bakarra izaten ahalko da arrantzalearen eskura; ordezko bat eraman daiteke, aparailurik gabe.
32. artikulua. Barboaren, tenkaren, ezkailuaren, zarboaren eta karparen arrantza.
a) Arrantza-denboraldia:
-Ziprinidoen Eremuan, urte osoan.
-Salmonidoen Eremuan, amuarrainaren arrantzaldi berean.
b) Gutxieneko neurriak: debekatuta dago 18 zentimetro baino gutxiagoko barboak eta 15 zentimetro baino gutxiagoko tenkak edukitzea eta, hortaz, lehenbailehen eta ahalik eta min gutxien emanez uretara itzuli behar dira. Ezkailuek eta zarboek ez dute neurri mugarik izanen.
c) Gehieneko harrapaketak: gehieneko kopururik gabe.
d) Aparailuak: arrantzale bakoitzak bi kanabera izaten ahalko ditu eskura, gehienez ere, Ziprinidoen Eremuko ur eta ibaietan. Salmonidoen eremuan bat bakarra izaten ahalko da arrantzalearen eskura; ordezko bat eraman daiteke, aparailurik gabe.
33. artikulua. Amuarrain ostadarraren, urre-arrainaren, lutxoaren eta black-bassen arrantza.
a) Arrantza-denboraldia:
-Ziprinidoen Eremuan, urte osoan.
-Salmonidoen Eremuan, amuarrainaren arrantzaldi berean.
b) Neurriak eta gehieneko harrapaketak: ez dago inolako debekurik arrainen neurriaren edo harrapaketa kopuruaren gainean.
c) Aparailuak: arrantzale bakoitzak bi kanabera izaten ahalko ditu eskura, gehienez ere, Ziprinidoen Eremuko ur eta ibaietan. Salmonidoen eremuan bat bakarra izaten ahalko da arrantzalearen eskura; ordezko bat eraman daiteke, aparailurik gabe.
d) Baimenduta dauden beitez gain, Ziprinidoen Eremuan foru agindu honetan baimendutako espezie eta neurrietako arrain hilak erabil daitezke beitarako, lutxoaren arrantzarako, betiere baimendutako espezie horiek bertako iktiofaunakoak badira.
e) Foru agindu honen 12. eta 17 artikuluetan ageri eta kasuari dagozkion xedapenak aplikatuko dira.
34. artikulua. Karramarroen arrainketa: paduretako karramarroa eta karramarro seinaleduna.
a) Zilegi da karramarroa harrapatzea ondoko ibai eta tarte hauetan:
-Ebro ibaia: ibaibide nagusian, Nafarroa iragaten den tarte guztian; Lodosatik Arnedorako errepide nazionaleko zubia baino beherago ura Ebron isurtzen duten ibai adarretan; eta ureztalurretako erreten eta ubideetan, ibai horrek zeharkatzen dituen udalerrietan, betiere.
-Ega ibaia: Leringo errepide nagusiko zubitik Ebro ibaiarekin bat egin arteko ibaibide guztian, ureztalurretako ubide eta erretenak barne.
-Mayor ibaia: ibai osoan eta adar guztietan.
-Arga ibaia: ibaibide guztian, Larragako zubitik Aragoi ibaiarekin bat egin arte, ureztalurretako erretenak, ubideak eta uberkak barne direla.
-Zidacos ibaia: ibaibide guztian, ureztalurretako ubide eta erretenak barne, Puiu eta Tafallako mugatik Aragoi ibaiarekin bat egin arte.
-Aragoi ibaia: Galipentzu eta Zarrakaztelu arteko mugatik behera Ebrorekin bat egiten duen arte, ureztalurretako ubide eta erretenak barne.
Halaber, zilegi da espezie horiek harrapatzea karramarro seinaledunaren arrantza barruti guztietan. Barruti horien zerrenda 37. artikuluan agertzen da, bakoitzerako ezarritako mugekin batera. Paduretako karramarroaren harrapaketan, ez dago mugarik ez kantitatean ez neurrian.
Ur horietatik kanpo debekatuta dago karramarroa harrapatzea, baita idoi, aintzira eta urtegietan ere, Ebro ibaiaren eskuinaldeko baltsa eta urtegietako urak alde batera utzita.
b) Arrantza-denboraldia, gehieneko harrapaketak eta neurriak: karramarroa urte osoan harrapatzen ahalko da, mugarik gabe, ez kantitatean ez neurrian, karramarro seinaledunaren arrantza barrutietan salbu.
c) Aparailuak: karramarroa salabardoz soilik harrapatzen ahalko da. Arrantzale bakoitzak gehienez ere zortzi salabardo erabil ditzake. Salabardo bakoitzean etiketa jarriko da eta bertan arrantzalearen izena, bi deitura eta nortasun agiri nazionalaren zenbakia.
d) Foru agindu honen 17. artikulua aplikatuko da.
e) Ordutegia: arrantzarako ordutegia hilabetez hilabete ondoko hau izanen da:
-Martxoan eta apirilean, 07:00etatik 21:30era.
-Maiatzean, ekainean eta uztailean: 06:30etik 22:00etara.
-Abuztuan, irailean eta urrian: 07:00etatik 21:30era.
Urteko gainerako egunetan, eguzkia atera baino ordu bat lehenago has daiteke eta sartu ondotik ordu bat pasatzen denean utzi beharko da.
III. KAPITULUA. Arrantza barrutiei aplikatu beharreko araudia
35. artikulua. Arrantza barrutien araudi orokorra.
a) Barruti batean arrantzan aritzeko, arrantzarako administrazio lizentziaz landa, barrutia administratzen duen arrantzale elkarteak emandako baimen pertsonala ere beharko da.
b) Baimenaren erabiltzaileak barrutiko buzoietako batean utzi egin behar du baimena, fitxako datu guztiak jarri eta gero.
c) Tasak:
Amuarrainen eta karramarroen arrantza barrutietan arrantza-baimenaren tasak Nafarroako Foru Komunitateko Administrazioaren eta haren erakunde autonomoen Tasa eta Prezio Publikoei buruzko Foru Legean ezarrita daudenak izanen dira.
-Arrantza barruti arrunta: 9,00 euro.
-Hil gabeko arrantza barrutiak: 6,00 euro.
-Amuarrainen arrantza barruti intentsiboak: 9,00 euro.
-Karramarro seinaledunen arrantza barrutiak: 5,00 euro.
-Tasa murriztua: 5,00 euro.
Barrutietako elkarte kudeatzaileek, Landa Garapen, Industria, Enplegu eta Ingurumeneko Departamentuaren aurretiazko baimenarekin, arrantzale federatuei, 65 urtez goitikoei, 16 urtez beheitikoei eta ongintzako elkarteek antolatu jardueretan parte hartzen duten beste pertsona talde batzuei aipatu foru legean ezarritako tasa murriztua aplika diezaiekete, arrantza gizartean zabaltzeko asmoz.
d) Bertakotzat hartuko dira barrutiak zeharkatzen edo muga egiten dueneko udalerri edo kontzejuetako herritarrak, baita ibaiko amuarrain eremuan dauden sozietate federatuetakoak ere.
e) Arrantza barruti intentsiboetan, asteazkenetan 65 urtez goitikoek, 16 urtez beheitikoek eta arrantzale federatuek izanen dute lehentasuna.
f) Sozietate administratzaileek aparkatzeko guneak jarriko dituzte eta barrutietako arrantzaleek derrigor erabili beharko dituzte.
36. artikulua. Amuarrainen arrantza barrutiak.
2012. urterako, ondoan aipatzen diren ibai tarteak eta ur masak amuarrainen arrantza barrutiak izanen dira:
a) Zudairiko arrantza barrutia, Urederra ibaian.
Bakedaoko zubitik (Bakedao) San Fausto zentralaren Intzurako presarainoko sektorea (Artabia). Luzera: .
-Harrapatze eta askatze arrantzako tartea: Bakedaoko zubiaren (Bakedao) eta Zudairiko errotako (Zudairi) presaren arteko sektorea.
- Luzera: .
- Eguneko baimen kopurua, gehienez ere: 6 baimen arrunt eta 2 bertako arrantzaleentzat.
-Ateratze arrantzako tartea: Zudairiko errotako (Zudairi) presaren eta Intzurako (Artabia) presaren arteko sektorea.
- Luzera: .
- Eguneko baimen kopurua, gehienez ere: 7 baimen arrunt eta 2 bertako arrantzaleentzat.
- Gehieneko harrapaketak: 3 amuarrain, arrantzale eta eguneko.
- Ateratzen denaren neurria: baino gehiago eta baino gutxiago.
-Arrantza-denboraldia bi sektoreetan: maiatzaren 1etik ekainaren 30era, biak barne. Debekatuta dago arrantza egitea jai ez diren astearteetan.
b) Eugiko arrantza barrutia, Arga ibaian.
Eugiko urtegiko presaren gainezkabidearen eta Zubiriko burdinazko zubiaren (Saigots) arteko sektorea. Luzera: .
-Harrapatze eta askatze arrantzako tartea: Etxarroko erreka bukatzen den gunearen eta Zubiriko burdinazko zubiaren (Saigots) arteko sektorea.
- Luzera: .
- Eguneko baimen kopurua, gehienez ere: 4 baimen arrunt.
-Ateratze arrantzako tartea: Eugiko presaren azpiko ur-neurtegiaren eta Etxarroko erreka bukatzen den gunearen arteko sektorea.
- Luzera: .
- Eguneko baimen kopurua, gehienez ere: 6 baimen arrunt eta 1 bertako arrantzaleentzat.
- Gehieneko harrapaketak: 3 amuarrain, arrantzale eta eguneko.
- Ateratzen denaren neurria: baino gehiago eta baino gutxiago.
-Arrantza-denboraldia bi sektoreetan: maiatzaren 1etik ekainaren 30era, biak barne. Debekatuta dago arrantza egitea jai ez diren astearteetan.
c) Uharteko barruti intentsiboa, Arga ibaian.
Akerretako zubiaren (Akerreta) eta Zokorenako presaren (Uharte) arteko sektorea. Luzera: .
-Eguneko baimen kopurua, gehienez ere: 23 baimen arrunt eta 2 bertako arrantzaleentzat lanegunetan, eta 40 baimen arrunt larunbat, igande eta jaiegunetan.
- Gehieneko harrapaketak: 5 amuarrain.
- Gutxieneko neurria: .
-Arrantza-denboraldia: martxoaren 1etik urriaren 31ra. Debekatuta dago arrantza egitea jai ez diren astearteetan.
d) Arintzanoko barruti intentsiboa, Ega ibaian.
Arintzanoko zubiaren (Arintzano) eta Deikazteluko zentraleko presaren (Deikaztelu) arteko sektorea. Luzera: .
-Eguneko baimen kopurua, gehienez ere: 23 baimen arrunt eta 2 bertako arrantzaleentzat lanegunetan, eta 45 baimen arrunt eta 5 bertakoentzat larunbat, igande eta jaiegunetan.
- Gehieneko harrapaketak: 5 amuarrain.
- Gutxieneko neurria: .
-Arrantza-denboraldia: martxoaren 1etik urriaren 31ra. Debekatuta dago arrantza egitea jai ez diren astearteetan.
e) Esako barruti intentsiboa, Aragoi ibaian.
Rincón del Royotik (Esako urtegiko gainezkabidetik beheiti) itoaren harriraino, Esako arrain-haztegitik beheiti. Luzera: .
-Eguneko baimen kopurua, gehienez ere: 25 baimen arrunt lanegunetan, eta 45 baimen arrunt, larunbat, igande eta jaiegunetan.
- Gehieneko harrapaketak: 5 amuarrain.
- Gutxieneko neurria: .
-Arrantza-denboraldia: martxoaren 1etik urriaren 31ra. Debekatuta dago arrantza egitea jai ez diren astearteetan.
37. artikulua. -Karramarro seinaledunen arrantza barrutiak.
2012. urterako, ondoan aipatzen diren ibai tarteak eta ur masak karramarro seinaledunen arrantza barrutiak izanen dira, baldintza hauekin:
a) Karramarro seinaledunaren Asiaingo barrutia, Arakil ibaian.
Kokalekua: Arakil ibaian, Larraun errekarekin (Irurtzun) bat egiten duenetik Asiaingo hodien zubiraino. Luzera, gutxi gorabehera: .
Mugak:
-Eguneko baimen kopurua, gehienez ere: 55 baimen arrunt.
-Aparailuak: arrantzale bakoitzak hiru salabardo erabil ditzake gehienez ere. Salabardo bakoitzean etiketa jarriko da eta bertan arrantzalearen izena, bi deitura eta nortasun agiri nazionalaren zenbakia.
-Gehieneko harrapaketak: arrantzale bakoitzak gehienez 25 karramarro harrapa ditzake eguneko.
-Neurria: begitik isats luzatura zazpi zentimetro baino gutxiago duen karramarrorik ezin izanen da harrapatu.
-Arrantzaldia: ekainaren 15etik abuztuaren 31ra arte, asteko egun guztietan, jai ez diren astearteetan izan ezik.
-Ordutegia: 16:00etatik 22:00etara ekainean eta uztailean, eta 21:30era abuztuan.
b) Karramarro seinaledunaren Acedoko barrutia, Ega ibaian.
Kokalekua: Ega ibaian, Arabako mugatik (Zuñiga) Antzingo ur-neurtegiraino. Luzera, gutxi gorabehera: . Tarte horretan debekatuta dago karramarroak harrapatzea Maringo zubitik (ibaian behera) Zuñigako errota berriraino eremuan.
Mugak:
-Eguneko baimen kopurua, gehienez ere: 40 baimen arrunt eta 5 bertako arrantzarientzat.
-Aparailuak: arrantzale bakoitzak hiru salabardo erabil ditzake gehienez ere. Salabardo bakoitzean etiketa jarriko da eta bertan arrantzariaren izena, bi deitura eta nortasun agiri nazionalaren zenbakia.
-Gehieneko harrapaketak: arrantzale bakoitzak gehienez 25 karramarro harrapa ditzake eguneko.
-Neurria: begitik isats luzatura bederatzi zentimetro (arrak) eta hamar zentimetro (emeak) baino gutxiago duen karramarrorik ezin izanen da harrapatu.
-Arrantzaldia: ekainaren 15etik abuztuaren 31ra arte, asteko egun guztietan, jai ez diren astearteetan izan ezik.
-Ordutegia: 16:00etatik 22:00etara ekainean eta uztailean, eta 21:30era abuztuan.
c) Karramarro seinaledunaren Murietako barrutia, Ega ibaian.
Kokalekua: Lizarra-Gasteiz NA-132-A errepideko zubitik (Antzin) Arbeitzako zubiraino. Luzera: . Tarte horren barruan debekatuta dago karramarroak harrapatzea Legariako zubitik Ega ibaian bukatzen den ureztabideraino, Okoko ponpen ondoan.
Mugak:
-Eguneko baimen kopurua, gehienez ere: 40 baimen arrunt eta 5 bertako arrantzaleentzat.
-Aparailuak: arrantzale bakoitzak hiru salabardo erabil ditzake gehienez ere. Salabardo bakoitzean etiketa jarriko da eta bertan arrantzariaren izena, bi deitura eta nortasun agiri nazionalaren zenbakia.
-Gehieneko harrapaketak: arrantzale bakoitzak gehienez 25 karramarro harrapa ditzake eguneko.
-Neurria: begitik isats luzatura bederatzi zentimetro (arrak) eta hamar zentimetro (emeak) baino gutxiago duen karramarrorik ezin izanen da harrapatu.
-Arrantzaldia: ekainaren 15etik abuztuaren 31ra arte, asteko egun guztietan, jai ez diren astearteetan izan ezik.
-Ordutegia: 16:00etatik 22:00etara ekainean eta uztailean, eta 21:30era abuztuan.
d) Karramarro seinaledunaren Arintzanoko barrutia, Ega ibaian.
Kokalekua: Lizarrako "Saltos del Ega"tik behera, Alloko Zentraleraino. Luzera: . Tarte horren barruan debekatuta dago karramarroak harrapatzea Irantzu ibaia bukatzen den gunetik behera Alloko Zentraleraino. Luzera: .
Mugak:
-Eguneko baimen kopurua, gehienez ere: 10 baimen arrunt eta 2 bertako arrantzaleentzat.
-Aparailuak: arrantzale bakoitzak hiru salabardo erabil ditzake gehienez ere. Salabardo bakoitzean etiketa jarriko da eta bertan arrantzalearen izena, bi deitura eta nortasun agiri nazionalaren zenbakia.
-Gehieneko harrapaketak: arrantzale bakoitzak gehienez 25 karramarro harrapa ditzake eguneko.
-Neurria: begitik isats luzatura bederatzi zentimetro (arrak) eta hamar zentimetro (emeak) baino gutxiago duen karramarrorik ezin izanen da harrapatu.
-Arrantzaldia: ekainaren 15etik abuztuaren 31ra arte, asteko egun guztietan, jai ez diren astearteetan izan ezik.
-Ordutegia: 16:00etatik 22:00etara ekainean eta uztailean, eta 21:30era abuztuan.
e) Karramarro seinaledunaren Uharteko barrutia, Arga ibaian.
Kokalekua: Akerretako zubitik Zokorenako presaraino (Uharte). Luzera, gutxi gorabehera: .
Mugak:
-Eguneko baimen kopurua, gehienez ere: 40 baimen arrunt.
-Aparailuak: arrantzale bakoitzak hiru salabardo erabil ditzake gehienez ere. Salabardo bakoitzean etiketa jarriko da eta bertan arrantzalearen izena, bi deitura eta nortasun agiri nazionalaren zenbakia.
-Gehieneko harrapaketak: arrantzale bakoitzak gehienez 20 karramarro harrapa ditzake eguneko.
-Neurria: begitik isats luzatura zazpi zentimetro baino gutxiago duen karramarrorik ezin izanen da harrapatu.
-Arrantzaldia: ekainaren 15etik abuztuaren 31ra arte, asteko egun guztietan, jai ez diren astearteetan izan ezik.
-Ordutegia: 16:00etatik 22:00etara ekainean eta uztailean, eta 21:30era abuztuan.
f) Karramarro seinaledunaren Esako barrutia, Aragoi ibaian.
Kokalekua: Esatik Xabierrerako NA-5410 errepideko zubitik Zangozako zentraleko presaraino. Luzera: .
Mugak:
-Eguneko baimen kopurua, gehienez ere: 55 baimen arrunt.
-Aparailuak: arrantzale bakoitzak hiru salabardo erabil ditzake gehienez ere. Salabardo bakoitzean etiketa jarriko da eta bertan arrantzariaren izena, bi deitura eta nortasun agiri nazionalaren zenbakia.
-Gehieneko harrapaketak: arrantzale bakoitzak gehienez 30 karramarro harrapa ditzake eguneko. Harrapatutako karramarroak arrantza gunea utzi baino lehen hil beharko dira.
-Neurria: begitik isats luzatura zazpi zentimetro baino gutxiago duen karramarro arrik edo emerik ezin izanen da harrapatu.
-Arrantzaldia: ekainaren 15etik irailaren 30era arte, asteko egun guztietan, jai ez diren astearteetan izan ezik.
-Ordutegia: 16:00etatik 22:00etara ekainean eta uztailean, 21:30era abuztuan eta 21:00etara irailean.
g) Karramarro seinaledunaren Soraurengo barrutia, Ultzama ibaian.
Kokalekua: Mediano eta Ultzama ibaien arteko elkargunetik Azotzerako NA-4251 errepideko zubiraino. Luzera: .
Mugak:
-Eguneko baimen kopurua, gehienez ere: 40 baimen arrunt.
-Aparailuak: arrantzale bakoitzak hiru salabardo erabil ditzake gehienez ere. Salabardo bakoitzean etiketa jarriko da eta bertan arrantzariaren izena, bi deitura eta nortasun agiri nazionalaren zenbakia.
-Gehieneko harrapaketak: arrantzale bakoitzak gehienez 25 karramarro harrapa ditzake eguneko. Harrapatutako karramarroak arrantza gunea utzi baino lehen hil beharko dira.
-Neurria: begitik isats luzatura zazpi zentimetro baino gutxiago duen karramarro arrik edo emerik ezin izanen da harrapatu.
-Arrantzaldia: ekainaren 15etik irailaren 30era arte, asteko egun guztietan, jai ez diren astearteetan izan ezik.
-Ordutegia: 16:00etatik 22:00etara ekainean eta uztailean, 21:30era abuztuan eta 21:00etara irailean.
IV. KAPITULUA. Harrapatze eta askatze arrantzako tarteak
38. artikulua. Harrapatze eta askatze arrantzako tarteak.
a) Ezka ibaia: Erronkariko zubiaren eta Burgiko presaren arteko tartea. Luzera: .
b) Zaraitzu ibaia: Espartza Zaraitzuko arrain-haztegiko presaren eta Galozeko Itzalleko erreka bukatzen den gunearen arteko tartea. Luzera: .
c) Zatoia ibaia: Cuatrobordasko erreka-zuloarekiko elkargunearen eta Zubigoienako zubiaren arteko tartea. Luzera: .
d) Irati ibaia: Urbeltza eta Urtxuria erreken elkargunetik Irabiako urtegiaren amaiera alderaino, betetze kotarik handienean. Luzera: .
e) Irati ibaia: Orbaizetako Gibeleako Bideko ibitik Berrendiko erreka-zuloarekiko elkarguneraino. Luzera: .
f) Irati ibaia: Orbaizetako zubitik 900 metroko tartea ibaian behera. Luzera: .
g) Irati ibaia: Hiriberri Aezkoako errota zaharreko presatik Exclusa azpiko presaraino (Aribe). Luzera: 4,1 kilometro. Tarte horretan debekatuta egonen da arrantza librea Landa Garapen, Industria, Enplegu eta Ingurumeneko Departamentuak kirol lehiaketak baimentzen dituen egunetan.
h) Urrobi ibaia: Arrañosin eta Xuringoa erreken elkargunetik, Aurizberriko kanpinaren ondoan, errepideak Urrobi ibaiaren gainean duen zubiraino, Arrietan. Luzera: . Tarte horretan debekatuta egonen da arrantza librea Landa Garapen, Industria, Enplegu eta Ingurumeneko Departamentuak kirol lehiaketak baimentzen dituen egunetan.
i) Erro ibaia: Tarteko zubiaren eta Urniza baserriko zubiaren arteko tartea. Luzera: .
j) Ultzama ibaia: Zaldazaingo errekarekiko elkargunearen eta Iruskietako errekarekiko elkargunearen (Ugaldezubieta) arteko tartea. Luzera: .
k) Larraun ibaia: Electra San Miguel zentralaren hustubidearen eta Mugiroko zentraleko presaren arteko tartea. Luzera: .
l) Larraun ibaia: Basaburua ibaia bukatzen den gunearen eta Bi Haizpeko pasabidetik hurbilen dagoen autobiako zubiaren arteko tartea. Luzera: .
m) Basaburua ibaia: Artius errekarekiko elkargunearen eta NA-4140 errepideak Ihabenen duen zubiaren arteko tartea. Luzera: .
n) Leitzaran ibaia: Leitzako arrain-haztegiko presaren eta Astibia Behekoa baserrirako sarbidea den zubiaren arteko tartea. Luzera: .
o) Ezpelurako erreka: Donamariako Bentetako presaren eta Ezkurra ibaiarekiko elkargunearen arteko tartea. Luzera: .
39. artikulua. Arrantzako kirol eremuak.
a) Irati ibaia: Hiriberri Aezkoako errota zaharreko presatik Exclusa azpiko presaraino (Aribe). Luzera: .
b) Irati ibaia, Agoizko antzinako zentralaren irteeratik Berajitoako presaraino (Puente de las Compuertas). Luzera: .
c) Urrobi ibaia: Arrañosin eta Xuringoa erreken elkargunetik, Aurizberriko kanpinaren ondoan, errepideak Urrobi ibaiaren gainean duen zubiraino, Arrietan. Luzera: .
d) Arga ibaia: Curtidores zubitik Santa Engracia presaraino, Iruñean. Luzera: .
e) Arga ibaia: Cuatro Vientos zubitik Biurdanako presa eta errotaraino, Iruñean. Luzera: .
f) Ebro ibaia: "Soto de " eta "Soto de Traslapuente" lekune naturalen mugetatik, ibaian behera, NA-134 errepideak Tuteran duen zubiraino: Luzera: .
g) Barcelosa urtegia, Tuteran: Perimetroa: .
40. artikulua. Arrantzan ikasteko eskola.
a) Ezkurra ibaia: Donezteben, Ezkurra ibaiaren eta Ezpelura ibaiaren zubietatik Bidasoa ibairaino. Luzera: .
Lehenengo Xedapen Gehigarria. Zebra muskuiluaren kontrola.
Nafarroako Foru Komunitateko ur masetan zebra muskuiluaren (Dreissena polymorpha) ondoriozko infekzioa prebenitzeko eta zabal dadila saihesteko, arrantza tresnak kontu handiz garbitu eta lehortu beharko dira, baita Ur Konfederazioek ezartzen dituzten arau guztiak bete ere.
Bigarren Xedapen Gehigarria. Espezie exotiko inbaditzaileak.
Espezie exotiko inbaditzaileen Espainiako katalogoa arautzen duen azaroaren 14ko 1628/2011 Errege dekretuari jarraikiz, jarraian zehazten diren eta foru agindu honetan baimenduta ez dauden beste espezie exotiko batzuetako arrainak uretatik edozein prozeduraren bidez harrapatu, atxiki edo ateratzen dituztenek ezingo dituzte naturgunera itzuli. Horrez gain, debekatuta dago arrain horiek eduki, garraiatu, salerosi eta merkaturatzea.
-Alburnoa (Alburnus alburnus).
-Silurua (Silurus glanis).
-Katu-arraina (Ameiurus melas).
-Ganbusia (Gambusia holbrooki).
-Eguzki-perka edo eguzki-arraina (Lepomis gibbosus).
-Lutxoperka (Sander lucioperca).
-Eskardinio begigorria (Scardinius erythrophthalmus).
Azken Xedapen Bakarra
Foru agindu honek Nafarroako Aldizkari Ofizialean argitara eman eta biharamunean hartuko du indarra.
I. ERANSKINA. Ugalketarako tarteak
Ezka ibaiaren arrokoa.
-Uztarroz ibaia: Amuku eta Olerrea errekak, eta Burgiarte errekarekiko elkargunetik gorako ibai tartea, erreka hori eta adar guztiak barne.
-Mintxate ibaia: ibai osoa eta adar guztiak.
-Belagua ibaia: Mazeko erreka-zuloarekiko elkargunetik gorako ibai tartea, erreka hori eta adar guztiak barne.
-Belabarze ibaia: Berroeta errekarekiko elkargunetik gorako ibai tartea, erreka hori eta adar guztiak barne.
-Urralegi ibaia: ibai osoa eta adar guztiak.
-Binies ibaia: Bidankozetik gorako ibai tartea eta adar guztiak.
Salazar ibaiaren arrokoa.
-Zatoia ibaia: Jaurrietako igerilekuetatik gorako ibai tartea eta adar guztiak: Artaxo, Urroa, Zugarrola eta Maule.
-Anduña ibaia: Zotrapea errekarekiko elkargunetik gorako ibai tartea, erreka hori eta adar guztiak barne. Anduña ibaiarekin bat egiten dute erreka hauek: Lauribarrea, Artoleta eta Etxeberz, Xinto, Latxeta eta Eterreka, eskuineko bazterrean, eta Ekiola eta Bagola, ezkerreko bazterrean.
-Zaldaña ibaia: Erekia errekarekiko elkargunetik gorako ibai tartea, erreka hori eta adar guztiak barne.
-Xabros ibaia: Igaritik Bidankozerainoko errepidearen zubitik gorako ibai tartea eta adar guztiak. Larraize erreka eta bere adarrak ere bai.
-Benasako arroilako ibaia: ibai osoa eta adar guztiak.
Areta ibaiaren arrokoa.
-Areta ibaia: Sandoain errekarekiko elkargunetik gorako ibai tartea, erreka hori eta adar guztiak barne.
-Larraun ibaia: ibai osoa eta adar guztiak.
Irati ibaiaren arrokoa.
-Urtxuria ibaia: ibai osoa eta adar guztiak.
-Txangoa ibaia: Azpegi errekarekiko elkargunetik gorako ibai tartea eta adar guztiak. Itolatz erreka eta bere adar guztiak ere bai.
-Aztapar ibaia: ibai osoa eta adar guztiak.
-Zorrate ibaia: ibai osoa eta adar guztiak.
-Azparren ibaia: ibai osoa eta adar guztiak.
Urrobi ibaiaren arrokoa.
-Urrobi ibaia: Arrañosin eta Oiarburu erreken elkargunetik gorako ur guztiak.
-Xuringoa ibaia: Aurizko gibelaldetik ateratzen den pistako zubitik ibaian gora eta adar guztiak.
-Iruerreka erreka: erreka osoa.
Erro ibaiaren arroa.
-Sorogain ibaia: Itolegi errekarekiko elkargunetik gorako ur guztiak.
-Xubingoa ibaia: ibai osoa eta adar guztiak.
Arga ibaiaren arrokoa.
-Arga ibaia: Preseta errekarekiko elkargunetik gorako ibai tartea, erreka hori eta adar guztiak barne.
-Olazar ibaia: Urtzelgo plazuelatik gorako ur guztiak.
-Sasoaran ibaia: ibai osoa eta adar guztiak.
-Leñari ibaia: Zotrapea errekarekiko elkargunetik gorako ibai tartea, erreka hori eta adar guztiak barne.
Mediano ibaiaren arrokoa.
-Eltzaran ibaia: Aierdi ibaiarekiko elkargunetik ibaian gora.
-Errekabeltx ibaia: ibai osoa eta adar guztiak.
Ultzama ibaiaren arrokoa.
-Ultzama ibaia: N-121 errepidearen zubitik (Arraizko bentak) gorako ibai tartea eta adar guztiak.
-Zaldazain ibaia: arroilatik gorako ur guztiak.
-Ezpeleta ibaia: erreka osoa eta adar guztiak.
-Zazpiturrieta ibaia: erreka osoa eta adar guztiak.
Basaburua ibaiaren arrokoa.
-Basaburua ibaia: Orokieta errekarekiko elkargunetik gorako ibai tartea eta adar guztiak.
-Orokieta ibaia: ibai osoa eta adar guztiak.
-Artius ibaia: Arrarasko arrain-haztegiko presatik gorako ur guztiak.
-Ibarrate ibaia: ibai osoa eta adar guztiak.
Larraun ibaiaren arrokoa.
-Larraun ibaia: Aitzarratetako sorburutik ibaia desagertzen den hustulekurainoko tartea.
-Larraun ibaia: Alliko presatik Electra San Miguel hustubiderainoko tartea.
-Goiko Zuloa ibaia: ibai osoa eta adar guztiak.
-Errotazar ibaia: Larraun ibaiarekin bat egiten duen tokitik Zarranzko errepideko zubirainoko tartea, eta adar guztiak.
Arakil ibaiaren arrokoa.
-Errekalde ibaia: ibai osoa eta adar guztiak.
-Balankaleku ibaia: ibai osoa eta adar guztiak.
-Arrateta ibaia: ibai osoa eta adar guztiak.
-Lizarrusti ibaia: Abreingo errekarekiko elkargunetik gorako ibai tartea eta erreka hori.
-Lezitza ibaia: ibai osoa eta adar guztiak.
-Amurgin ibaia: ibai osoa.
-Urruntzura ibaia: ibai osoa eta adar guztiak.
Urederra ibaiaren arrokoa.
-Urederra ibaia: Sorburuaren eta natura-erreserbaren bukaeraren arteko tartea.
Ega ibaiaren arrokoa.
-Ega ibaia: Marañongotik gorako ibai tartea, Arabarekin dagoen mugaraino, eta adar guztiak.
-Galbarra ibaia: ibai osoa eta adar guztiak.
-Antzingo iturriak: herritik Ega ibaiarekin bat egiten duen lekuraino.
-Genevillako erreka: erreka osoa.
Araxes ibaiaren arrokoa.
-Araxes ibaia: sorburutik Beteluko Irigoien auzoko errepideko zubiraino.
-Uztegi ibaia: ibai osoa eta adar guztiak.
-Errekagorri ibaia: ibai osoa eta adar guztiak.
Leitzaran ibaiaren arrokoa.
-Erasote ibaia: sorburutik Plazaola trenbide zaharreraino eta adar guztiak.
-Gorriztaran ibaia: Plazaolako zubitik gorako ibai tartea eta adar guztiak.
-Astomela ibaia: Aresotik gorako ibai tartea eta adar guztiak.
-Franki ibaia: hiru iturburuek bat egiten duten lekutik gorako ur guztiak.
Urumea ibaiaren arrokoa.
-Bedaran ibaia: sorburutik Leitzako zentraleraino eta adar guztiak.
-Sarasain ibaia: Sarasaingo presatik gorako iturburuen ur guztiak.
-Zumarrezta ibaia: Onbordi errekarekiko elkargunetik gorako ibai tartea, erreka hori eta adarrak barne.
-Neku ibaia: ibai osoa eta adar guztiak.
-Alduntzin ibaia: ibai osoa eta adar guztiak.
-Isillats ibaia: ibai osoa eta adar guztiak.
-Mendiurkullo ibaia: ibai osoa eta adar guztiak.
-Urdallus ibaia: ibai osoa eta adar guztiak.
-Erroiarri ibaia: ibai osoa eta adar guztiak.
-Artikutzako Finkan dauden erreka guztiak.
Ezkurra ibaiaren arrokoa.
-Ezkurra ibaia: sorburutik Eratsungo arrain-haztegiko presaraino, adarrak barne.
-Ditxillu ibaia: ibai osoa eta adar guztiak.
-Anizpe ibaia: ibai osoa eta adar guztiak.
Bidasoa ibaiaren arrokoa.
-Baztan ibaia: Sastre errekarekiko elkargunetik gorako ibai tartea, erreka hori eta adarrak barne.
-Iñarbegi ibaia: Gorostapaloko ur-jauzitik gorako ibai tartea eta adar guztiak.
-Elaputzu ibaia: ibai osoa eta adar guztiak.
-Legarrea ibaia: ibai osoa eta adar guztiak.
-Artzubi ibaia: ibai osoa eta adar guztiak.
-Beartzun ibaia: Iruritabarrengo errekarekiko elkargunetik gora dauden iturburu guztiak, hori barne.
-Ballabarren ibaia: ibai osoa eta adar guztiak.
-Arbutz ibaia: sorburutik Artesiaga errekarekiko elkarguneraino, adarrak barne.
-Aiantsoro ibaia: ibai osoa eta adarrak, eta oro har Bertizko jaurreriko ur guztiak.
-Marin ibaia: Libus zentraletik gorako ibai tartea eta adar guztiak.
-Zeberia ibaia: ibai osoa, Bidasoa ibaiarekin bat egiten duen lekuraino, Marin ibaia salbu.
-Iruribieta ibaia: ibai osoa eta adar guztiak.
-Mendaur ibaia: ibai osoa eta adar guztiak.
-Arrata ibaia: Ibarlako zubitik gorako ur guztiak.
-Arrata ibaia: Igantziko errotako presaren eta Bidasoa ibaiarekin bat egiten duen lekuaren arteko tartea.
-Tximista ibaia: Infernu eta Arbozta erreken elkargunetik gorako ur guztiak.
-Tximista ibaia: Etxalarko burdinolako presaren eta Bidasoa ibaiarekin bat egiten duen lekuaren arteko tartea.
-Onin ibaia: ibai guztia, sorburutik Borda ibaiarekiko elkarguneraino (Lesaka).
-Zumeldi ibaia: ibai osoa eta adar guztiak.
-Ibardin ibaia: ibai osoa eta adar guztiak.
-Zalain ibaia: ibai osoa eta adar guztiak.
-Montoia ibaia: ibai osoa eta adar guztiak.
-Barraka ibaia: ibai osoa eta adar guztiak.
Orabidea ibaiaren arroa.
-Orabidea ibaia: Bizubietatik (Indartea eta Sastrenea erreken elkargunetik) gorako ur guztiak.
Nive ibaiaren arroa.
-Aritzakun ibaia: Maribeltzeneko errotatik gorako ibai tartea eta adar guztiak.
-Luzaide ibaia: Gorosgarai eta Asundegi erreken elkargunetik gorako ur guztiak.
II. ERANSKINA. Aldi baterako debeku tarteak
1. Aintzirak, urtegiak eta ubideak:
-Salobre edo Las Cañas urtegia (NE-20 Natura-erreserba): erabat debekatuta.
-El Pulguer idoia (NE-35 Natura-erreserba): erabat debekatuta, zehazki aipatzen diren lekuetan izan ezik.
-Eugiko urtegia: eremu osoaren bueltan dagoen itxituraren barrenean debekua dago.
-Mairagako urtegia: eremu osoaren bueltan dagoen itxituraren barrenean debekua dago.
-Nafarroako Ubidea: erabat debekatuta, baita ubidearen erregulazio idoi guztietan ere.
-Artikutzako urtegia.
-Leurtzako urtegiak.
2. Ibai tarteak
Aragoi ibaiaren arroa.
-Aragoi ibaia: Esako presaren gainezkabidetik hasita 500 metroko tartea ibaian behera, Rincón del Royoraino.
-Aragoi ibaia: Zangozako presaren eta Zangozako zentralaren irteerako kanalaren bukaeraino (Los Pozancos).
-Aragoi ibaia: Galipentzuko Haitzuloko zentralaren presatik hasita ibaian gora 50 metrotara dagoen lekutik eta presa horretatik hasita ibaian behera 100 metrotara dagoen lekuraino.
-Ezka ibaia: Burgiko Arroilako Natura-erreserban (RN18) dagoen tartea.
-Areta ibaia: Eparozko zubitik goitiko tartean debekatuta dago.
Arakil ibaiaren arroa.
-Arakil ibaia: Arabako mugaren eta Altzania ibaiarekiko elkargunearen arteko tartea.
Bidasoa ibaiaren arroa.
-Baztan-Bidasoa ibaia: Giltxaurdiko zubiaren eta Opokako presaren arteko tartea, Elizondon.
-Bidasoa ibaia. Banaketa ubideak: debekatuta dago Bidasoa ibaiaren banaketa ubide guztietan arrantza egitea, Bertizko Jaurerriaren (Oronoz-Mugairi) zubitik beheiti.
-Zia ibaia: Santo Kristo zubitik, Illekueta auzoan, Bidasoa ibairainoko tartea.
-Tximista ibaia: Landaburuko presatik Antsolketarainoko tartea.
-Borda ibaia: Otekaleko zubitik Albisturko zubirainoko tartea, Lesakan.
-Endara erreka: Gipuzkoarekiko muga guztia.
Ega ibaiaren arroa.
-Ega ibaia: Nafarroako ibaibide guztia, Marañonen hasi eta Batango presaraino (lehengo Ruiz de Alda irin fabrika) eta tarte horretara jotzen duten adar guztiak.
-Itxako ibaia: Itxakoren itur-burutik Urederrako ibai-ahoraino.
-Ubagua ibaia: sorburutik arrain-haztegiraino.
-Irantzu ibaia: sorburutik Aritzalatik Zabalerainoko NA-700 errepideko zubiraino.
Urumea ibaiaren arroa.
-Añarbe ibaia: Añarbe ibaiaren eta Elama ibaiaren arteko elkargunetik Artikutzako urtegirainoko tartea.
-Elama ibaia: sorburutik Añarbe ibaiarekiko elkarguneraino.
