navarra.es
Castellano | Euskara | Français | English
Ezagutzera eman
276/1989 Foru Dekretua, abenduaren 20koa, Nafarroako Foru Komunitateko Administrazioaren eta haren erakunde autonomoen zerbitzuan aritzen den langilegoak langileak hautatzeko Epaimahaietan parte hartzeagatik eta Nafarroako Foru Komunitateko ...
276/1989 FORU DEKRETUA, ABENDUAREN 20KOA, NAFARROAKO FORU KOMUNITATEKO ADMINISTRAZIOAREN ETA HAREN ERAKUNDE AUTONOMOEN ZERBITZUAN ARITZEN DEN LANGILEGOAK LANGILEAK HAUTATZEKO EPAIMAHAIETAN PARTE HARTZEAGATIK ETA NAFARROAKO FORU KOMUNITATEKO ADMINISTRAZIOAREN ESKOLETAN PRESTAKUNTZA IKASTAROAK EMATEAGATIK JASO BEHAR DITUEN DIRUSARI ETA INDEMNIZAZIO EKONOMIKOAK ARAUTZEN DITUENA.
(Jatorrizko testua, 1990eko 4. NAOn argitaratua, urtarrilaren 8an; akats zuzenketa, 1990-02-28ko NAO. Aldaketak: 216/2002 Foru Dekretua, urriaren 21ekoa; 202/1991 Foru Dekretua, maiatzaren 16koa)
Atarikoa
1989.eko ekitaldirako den Nafarroako Aurrekontu Orokorretako maiatzaren 2ko 3/1989 Foru Legeak, haren 22. artikuluan, heldu bezala xedatzen du: "Foru Komunitateko Administrazioak eta bere erakunde autonomoek lanpostuak hornitzeko dei egiten dituzten frogen epaimahai kalifikatzaileetan parte hartzen duten funtzionari eta lan kontratatuek arauz zehaztuko duen dirusaria jasotzeko eskubidea izanen dute. Halaber, Nafarroako Foru Komunitateko Administrazioaren Eskoletan prestakuntza ikastaroak ematen dituzten funtzionari zein lan kontratatuek ere arauz zehaztuko duen dirusaria jasoko dute".
Horrenbestez, Lehendakaritza eta Barne Kontseilariak hala proposaturik, eta Nafarroako Gobernuak mila bederatziehun eta lauretan hogei eta bederatzigarreneko abenduaren hogeian izandako bilkuran hartu zuen erabakiarekin bat eginaz, dekretatzen dut:
I. KAPITULUA. Hautatze Epaimahaietan parte hartzeagatiko dirusariak
1. artikulua
Nafarroako Foru Komunitateko Administrazioaren eta haren menpeko erakunde autonomoen zerbitzuan aritzen den langilegoari hautatze Epaimahaietara mahaikide gisa joan dadin deitzen ahal zaio, eta bertan parte hartzera behartua dago, abstentzio edo ezespenerako arrazoi legalak direnetan salbu.
2. artikulua
1. Hautatze Epaimahaietako kide titularrek, aurreko artikuluak aipatzen dituenek, haietan parte hartzeagatik dirusari global bat jasotzeko eskubidea izanen dute, segidan zehazten den moduan:
a) Funtzionari nahiz lan kontratatua den langilego finkoa hautatzeko Epaimahaiak: oposizio edo oposizio-lehiaketa bakoitzeko, 6.000 pta., idazkariaren kasuan, 7.000 pta.
b) Behin-behineko langilegoa hautatzeko Epaimahaiak: oposizio edo oposizio-lehiaketa bakoitzeko, 4.000 pta., idazkariaren kasuan, 5.000 pta.
Hautaketa INEMen bidez egiten baldin bada eta bi idatzizko froga bederen baldin baditu, 3.000 pta., eta idazkariaren kasuan, 4.000 pta.
c) Merezimendu lehiaketarako Epaimahaiak: deialdi bakoitzeko, 2.000 pta., idazkariaren kasuan, 3.000 pta.
2. Mahaikideren batek, Epaimahai bateko partaide izendatua izan ondotik, edozein arrazoin dela medio hautatze prozesuan lanik ere eginen ez balu, aurreko atalean errandako dirusari globala jasotzeko eskubidea galduko luke, eta haren lekuaz jabetuko den ordezkoak jasoko du.
3. Deialdia, izangai bakar batek ere eskabiderik aurkeztu ez duelakoz, eman gabea deklaratzen baldin bada, ez da aipatu dirusari globala jasotzeko eskubiderik izanen.
4. Epaimahaiak bilkurak ohizko lanorduen barrenean egiten dituenean, artikulu honen 1. atalak aipatzen duen dirusaria baizik ez da jasoko. Ohizko lanorduak dira, mahaikide bakoitzak bere ohizko lanpostuan ezarriak dituen haiek, bilkurak egiten diren egunetarako, kasu.
5. Epaimahaiaren lana lanorduetatik kanpo ere egin behar baldin bada, 2.500 pezeta/orduko dirusaria jasoko da. Dirusari hau kontzeptu berberarengatiko aparteko orduak kobratzearekin bateraezina da.
6. Epaimahaiaren eginkizunek ohizko lanorduak eta apartekoak ere behar baldin badituzte, hondarreko hauek bakarrik hartuko dira kontuan, artikulu honen 5. atalean xedatzen den moduan.
3. artikulua
1. Nafarroako Administrazio Publikoetan sartzeko Erregelamendua onesten duen ekainaren 5eko 113/1985 Foru Dekretuaren 23. artikuluak aipatzen dituen aholkulari espezialistek ere hautatze frogetan hartzen ahal dute parte, baina Epaimahai kalifikatzaileko kideak izan gabe. Hauek Epaimahaiak eskaturik egindako lanengatiko dirusaria jasotzeko eskubidea izanen dute, ohizko lanorduetatik kanpo egin direnean bakarrik, 2.5. artikuluan xedatzen denaren arabera, aparteko orduak kobratzearekin bateraezina izanik.
2. Administrazioak zaintzaile gisa egon dadin deitzen dion langilego laguntzaileak, lan horregatik 2.000 pezeta/orduko dirusaria jasotzeko eskubidea du, beti ere, lan hori lanorduetatik at egiten baldin bada. Ordain hau aparteko orduak kobratzearekin bateraezina da.
4. artikulua
Haien eginkizunetan aritzeko, Epaimahaikideek ohizko laneko herritik kanpo atera behar balute, Nafarroako Gobernuak paratutako zerbitzu indemnizazioak jasoko dituzte.
5. artikulua
Foru Dekretu honen 2., 3. eta 4. artikuluetan aipatutako dirusariak kobratzeko, nahitaezkoa izanen da Epaimahaiko Idazkariak luzatutako ziurtagiria aurkeztea. Ziurtagirian Epaimahaiburuaren baiespena, Mahaikideen datuak, hautaketan parte hartu duten aholkulari espezialista eta laguntzaileak, baita Bakoitzak zenbat egun eta ordu sartu dituen ere.
6. artikulua
Hautatze frogen konplexutasuna eta zailtasuna, edo izangaien kopurua direla medio, hala justifikatzen duten aparteko kasuetan, hautatze frogen deia egin duen organoak proposaturik, Lehendakaritza eta Barne Departamentuak, Ekonomia eta Hazienda Departamentuaren txostenaren ondotik, Foru Dekretu honen 2., 3., 4. eta 5. artikuluetan ezarritako zenbatekoen gehikuntzarako baimena ematen ahal du.
II. KAPITULUA. Nafarroako Foru Komunitateko Administrazioaren Eskoletan prestakuntza ikastaroak emateagatiko dirusariak
7. artikulua
8. artikulua
9. artikulua
III. KAPITULUA. Denondako xedapenak
10. artikulua
Foru Dekretu honetan agertzen diren indemnizaziook, 2. artikuluaren 1. ataleko a), b), eta c) letrak ezik, ordaintzen diren lanak igande edo besta egun ofizialetan egiten direnean, %50eko gehikuntza izanen dute.
11. artikulua
Foru Dekretu honek agertzen dituen dirusarien zenbatekoa jasotzean, hilabetean sekulan ez da ohizko lanpostuari dagokion soldataren %25 baino zenbateko haundiagorik jasoko.
Hondar Xedapenetan Lehenbizikoa
Lehendakaritza eta Barne Kontseilariari ahalmena ematen zaio Foru Dekretua hau garatu eta burutzeko behar diren adina xedapen eman ditzan.
Hondar Xedapenetan Bigarrena
Foru Dekretu honek Nafarroako Aldizkari Ofizialean argitaratu eta biharamunean hartuko du indarra, eta ondorio ekonomikoak 1989.eko urtarrilaren 1etik aintzina izanen ditu.
