Zientzia Datuen Laborategia - Industria Navarra

Zure enpresarentzako Datuen Zientziako esperientzia praktikoa.

Ikasi datu-proiektu bat gidatzen eta gauzatu zure enpresan adituen laguntzarekin: 30 orduko prestakuntza praktikoa + 120 orduko aholkularitza zure datuekin proiektu pilotu bat garatzeko.

  • Lideratzen ikasten duzu (ez programatzen): datu-proiektuak definitu eta zuzentzeko irizpideak.
  • Benetako pilotua, aholkularitza espezializatuarekin garatua (gutxienez 120 ordu).
  • Pilotuaren balorazioa: proiektuarekin jarraitzeko, eskalatzeko edo birdefinitzeko ondorioak.
     

Abisatu hurrengo ediziorako Zalantza bat dut

Aurretiazko ezagutza teknikorik gabe

Datuen Zientziako proiektu bat gidatzeko irizpideak behar dituzten negozio-profilei zuzendutako programa.

Formatu mistoa

Saioak 15:00etatik aurrera · aurreikusitako maiztasuna ≈ astean 2 egun.

presentziala + streaming bidezkoa

30 orduko prestakuntza praktikoa

Oinarrizko prestakuntza + metodologia + pilotuaren definizioa.

apirila – ekaina · arratsaldez

120 orduko aholkularitza aplikatua

Benetako proiektu pilotu baten garapena enpresaren datuekin.

ekaina – azaroa

Norentzat da laborategi hau?

Datuen zientzian hasi edo aurrera egin nahi duten enpresentzat, ikuspegi praktiko eta negoziora bideratuarekin.

Datuak eta proiektu-ideia bat dituzten enpresak

Prozesu, eragiketa edo negozioetako datuak dituztenak, eta landu beharreko premia edo erronka bat dutenak.

Datuetan oinarritutako aukerak lehenetsi nahi dituzte

Datuen zientziako erabilera-kasuak identifikatzen eta definitzen ikasi behar dute.

Pilotu bat baliozkotu nahi dute

Lehen esperientzia erreal bat izan eta pilotu baten bidez haren bideragarritasuna eta eragina egiaztatu nahi dituzte.

Zer lortzen du zure enpresak?

Lehen esperientzia erreal bat: barne-irizpidea + garatutako pilotua adituen laguntzarekin.

Datu-proiektuak gidatzeko irizpideak
30 orduko prestakuntza praktikoarekin (apirila-ekaina), zure enpresak pilotu bideragarri bat definitzen eta gidatzen ikasten du:

  • Irismena, helburuak eta algoritmo motak definitzea.
  • Beharrezko datuak eta ohiko arriskuak ulertzea.
  • Datuen Zientziako proiektu baten metodologia.

Benetako pilotua 120 orduko aholkularitzarekin
Ekainetik azarora bitartean, aholkularitza espezializatu batek pilotuaren lehen bertsioa garatzen du zure enpresaren datuekin:

  • Garapen teknikoa + jarraipen-saioak.
  • Emaitzen eta bideragarritasunaren balidazioa.
  • Hurrengo urratsak eta gomendioak.

Programa 3 modulutan (apirila – azaroa)

Programak prestakuntza praktikoa eta aplikazioa uztartzen ditu, enpresak irizpideak eskuratu eta datuen zientziako benetako proiektu pilotu bat garatu dezan laguntza espezializatuarekin. 2 fasetan banatzen da (Prestakuntza eta Aplikazioa) eta guztira 3 moduluk osatzen dute.

Jarduera apirileko bigarren hamabostaldian hasten da eta azarora arte luzatzen da.

Oinarrizko prestakuntza

Datuen zientziako proiektu bat zer den eta negozioaren ikuspegitik nola gidatu ulertzeko oinarri komuna:

  • Datuen zientziak enpresari zer ekar diezaiokeen (eta zer ez).
  • Enpresa-inguruneetako ohiko erabilera-kasuak.
  • Zer eskatu eta nola ebaluatu datuen zientziako proiektu edo pilotu bat.

1. fasea · Apirila–ekaina

Metodologia eta pilotuaren definizioa

Datuen zientziako proiektu bat egituratzeko eta pilotuaren garapenaren jarraipena errazteko lan-metodologia:

  • Beharrezko datuen identifikazioa, datuen kalitatea eta arriskuak.
  • Irismenaren, entregagaien eta arrakasta-irizpideen definizioa.
  • Pilotuaren azken konfigurazioa, exekuziorako prest.

1. fasea · Apirila–ekaina

Aplikazioa (120 orduko aholkularitza)

Kanpo-aholkularitza, enpresaren benetako datuak erabiliz proiektu pilotuaren lehen bertsioa garatzeko:

  • Pilotuaren garapen teknikoa (gutxienez 120 ordu).
  • Iterazioak, emaitzen balidazioa eta bideragarritasunaren analisia.
  • Ondorioak eta hurrengo urratsei zein balizko eskalatzeari buruzko gomendioak.

2. fasea · Ekaina–azaroa

lab-preinscripcion-duda

Abisatu hurrengo ediziorako Zalantza bat dut

 

Leku mugatuak: 10 enpresa.
Izen-emateko epea: 2026ko martxoaren 9ra arte, egun hori barne, edo erabilgarri dauden plaza guztiak bete arte. Plaza hutsik geratuz gero, epea luzatu ahal izango da.
Onarpenaren jakinarazpena: martxoko bigarren hamabostaldian.
Programaren hasiera: apirileko bigarren hamabostaldian

Zer motatako proiektuak garatu dira aurreko edizioetan?

Aurreko edizioetan honako arlo hauetako proiektuak izan dira nagusi:

  • Produktuaren kalitatea hobetzea, datuen analisiaren bidez ereduak identifikatuz.
  • Hornidura-katea eta inbentarioen kudeaketa optimizatzea.
  • Barne-prozesuak hobetzea eta optimizatzea (merkataritzakoak, teknikoak eta baliabideen kudeaketakoak).
  • Mantentze prediktiboa, makinetako akatsak prebenitzeko.
  • Energia-eraginkortasuna, kontsumoa datuen bidez optimizatuz.
  • Bezeroen klusterizazioa.
  • Eskariaren aurreikuspena.

Esperientzia duen programa zenbakitan

Programak aurretik sei edizio izan ditu. Edizio honetan, 10 enpresak izango dute programaren onuradun izateko aukera.

89
Programan parte hartu duten enpresak
270
Datuen Zientziako prestakuntza-orduak
3.600
Programako aholkularitza-orduak
Tafalla Iron Foundry - Galdaketako hareztegiak plantan eta bezeroengan ditugun errefusen erdiak sortzen ditu. Proiektu honek Adimen Artifiziala gure enpresan txertatzeko eta hareak izango dituen baldintzak aurreikusteko aukera ematen digu.
Ulzama Digital - Etorkizunean beharko duen paper kantitatea eta mota aurreikusteko proiektu bat garatu dugu.
INTIA - 20 urteko behaketen eta datuen serie historikoak genituen. Horri esker, eredu prediktibo bat garatu ahal izan genuen, aurrea hartzeko eta erabakiak denbora errealean hartzeko.
Tasubinsa - Denboran zehar izan ditugun salmenta-eskaera guztiak hartu eta datu-base batean txertatu ditugu. Hortik elikatu da algoritmoa, eta horrek etorkizunerako aurreikuspenak egiten dizkigu, hilabete bateko edo biko eperako. Datuen Zientziaren Laborategia oso ondo txertatu da gure estrategian.
2025eko Datuen Zientziaren Laborategiaren laburpena.

Ohiko galderak

Nafarroan egoitza fiskala duten enpresek parte hartu ahal izango dute, edo, egoitza fiskalik ez badute, Nafarroan egoitza edo lantegia dutenek.

Ez.
Programa aldez aurretiko ezagutza teknikorik ez duten enpresentzat diseinatuta dago. Prestakuntzak oinarri nahikoa ematen du datuen zientziako proiektuak ulertu, egituratu eta gidatzeko, programatu edo ereduak garatu beharrik gabe.

Ez da beharrezkoa proiektu itxi bat izatea.
Bai, ordea, beharrezkoa da datuak izatea eta laborategian zehar lantzeko erronka edo behar baten hasierako ideia bat edo batzuk edukitzea.
Prestakuntza- eta metodologia-fasean proiektu pilotua definitzen eta zehazten laguntzen da.

Datuen Zientziaren Laborategiak gutxi gorabehera zazpi hilabeteko iraupena du, bi fasetan banatuta:

  • Prestakuntza-fasea (apirileko bigarren hamabostaldia–ekaina): oinarrizko prestakuntzako eta metodologiako moduluak barne hartzen ditu.
  • Aplikazio-fasea (ekaina–azaroa): aplikazio-moduluari dagokion proiektu pilotuaren garapena.
  • Prestakuntza-fasean, gutxi gorabehera astean 5 orduko dedikazioa aurreikusten da.
  • Aplikazio-fasean, dedikazioa enpresa bakoitzak proiektu pilotuaren garapenean hartu nahi duen inplikazio-mailaren araberakoa izango da.

Programaren prestakuntza-atala formatu mistoan ematen da, saio presentzialak eta streaming bidezko online saioak uztartuz.

  • Ordutegia: arratsaldez, 15:00etatik aurrera.
  • Saio guztiak grabatu egiten dira, eta ikastaroak irauten duen bitartean eskuragarri egoten dira, enpresaren jarduerarekin bateragarritasuna errazteko.

Proiektu pilotuaren gauzatze teknikoa aholkularitza-enpresa espezializatu baten ardura da.
Parte hartzen duen enpresak proiektua gidatzen du, erabakiak hartzen parte hartzen du eta aholkularitzarekin batera egiten du haren jarraipena.

Enpresarengandik honako hau espero da:

  • Proiektua gidatzea eta jarraipen-saioetan parte hartzea.
  • Beharrezko datuetarako sarbidea erraztea.
  • Pilotuaren irismenari, helburuei eta balidazioari lotutako funtsezko erabakiak hartzea.

Prestakuntza-fasean eta proiektuaren definizio-fasean datuen erabilgarritasuna eta kalitatea aztertzen dira.
Mugak antzemanez gero, proiektua egokitu edo birdefinitu egiten da, errealista eta bideragarria izan dadin, pilotuaren irismena enpresaren egoerara egokituz.

Adibideak webguneko Zer motatako proiektuak garatu diraizioetan? atalean ikus ditzakezu.

Bai, nahiz eta hautaketa-irizpideek lehentasuna ematen dieten aurreko edizioetan parte hartu ez duten enpresei.

Laborategiak plaza mugatuak ditu (10 enpresa), gertuko laguntza bermatzeko.

Nafarroan egoitza fiskala duten enpresek parte hartu ahal izango dute edo, halakorik ez badute, Nafarroan egoitza edo lantegia dutenek.

Eskabide kopurua eskuragarri dauden plazak baino handiagoa bada, honako lehentasun-irizpide hauek aplikatuko dira:

  1. Industria-enpresak, eta Nafarroan jarduera duten Nafarroako klusterretako enpresa kideak.
  2. Nafarroako gainerako enpresak.

Gainera, proposatutako proiektua eta parte hartuko duen taldea baloratuko dira. Baldintza berdinetan, aurreinskripzio-ordena hartuko da kontuan.

Hautatutako enpresen jakinarazpena martxoko bigarren hamabostaldian egingo da.

Pie de página