Ekipamendua - NOU-Onkologia Erradioterapikoa - Accesible
Breadcrumb
Navigation Menu
Circuitos asistenciales
NOU-Onkologia Erradioterapikoa
Ekipamendua
Onkologia Erradioterapikoaren Zerbitzua osatzen dute honako hauek:
- Kontsulten eremua. Eremu horretan artatzen dira zerbitzu honetara lehen aldiz etortzen diren pazienteak eta tratamendua bukaturik jarraipena egiten dieten pazienteak ere. B pabilioiko beheko solairuan dago, eta 4 kontsulta mediko edo erizaintzakoak ditu..
- Erradioterapiako Eguneko Ospitalea, J pabilioian. Bertan, erradioterapiako plangintza eta tratamenduak egiten dira. Eremu hauek ditu:
- Elektroien azeleragailu linealen eremua
- Brakiterapiako eremua
- 3 kontsulta mediko, erradioterapia-tratamendua hartzen ari diren pazienteak artatzeko
- Erizaintzako 2 kontsulta, erradioterapia-tratamendua jasotzen ari diren pazienteak artatzeko, bai eta tratamenduaren plangintza egitera doazenak hartzeko ere
- 1 kontsulta, pazienteei edo senideei arreta psikologikoa emateko. Minbiziaren aurkako Espainiako Elkarteari (AECC) atxikitako psikologoak aritzen dira
- Ohatutako pazienteen eremua
- Ospitalizazioa: Ospitaleratzeko 8 ohe, C pabilioian, 2. solairuan.
Elektroien azeleragailu linealak
Erradioterapia-tratamenduak azeleragailu linealen bitartez eman ohi dira.
NOUn azken belaunaldiko 4 azeleragailu ditugu:
- TrueBeam_STX® (Varian) azeleragailu bi, ExactrackDynamics® (Brainlab) ekipamendua dutenak eta gai direnak erradiokirurgiako tratamenduak zehaztasun inframilimetrikoarekin emateko. (2019. eta 2022. urteetakoak).

- Ethos® (Varian) azeleragailu bi, denbora errealean egiten den egokitze-erradioterapia egiteko gai direnak (2023. urtekoak).

Brakiterapiarako ekipamendua
- Erradiologiako operazio-gela: NOUn, brakiterapia-tratamenduetarako operazio-gela bat dugu, ebakuntza barneko OTA (ordenagailu bidezko tomografia axiala) ekipamendua duena (Siemens).
- Dosi-tasa handiko brakiterapia-tratamenduetarako gela bat, Flexitron® (Elekta) ereduko ekipo batekin.
- Gammateca: material erradioaktiboa biltegiratzeko eta kontrolatzeko tokia.
Simulazio-OTA
Tratamenduen plangintza egiteko Somatom (Siemens) ereduko simulazio-OTA bat dugu, erradioterapia-tratamenduetarako bereziki diseinatua.

Planifikazio-sistemak
Erradioterapia planifikatzeko sistema ezberdinak erabiltzen ditugu, egin behar den tratamendu motaren arabera:
- Eclipse (Varian)
- Ethos (Varian)
- Elements (Brainlab)
- Oncentra (Elekta)