• Enpresak
• Irabazi-asmorik gabeko entitateak

Errelebo kontratuak sustatzea manufakturaz kanpoko lanpostuetarako.

Enpresendako dirulaguntzak eskuratzeko baldintzak:

• Irabazi-asmorik gabeko enpresak eta erakundeak:
  • Nafarroako Foru Komunitatean lantokia izatea.
  • Legez eratuak izatea, bakoitzaren araudiaren arabera, eta, hortaz, nortasun juridikoa eta jarduteko gaitasun osoa izatea eta dagokion erregistro publikoan inskribaturik egotea.
  • Ez egotea Dirulaguntzei buruzko 11/2005 Foru Legearen 13. artikuluan ezarritako debeku egoeretako batean ere.
• Kontratatutako langileak:
  • Langabezian egotea eta autonomia erkidegoko enplegu zerbitzu publiko batean enplegu eskatzaile gisa agertzea, aldi baterako edo iraupen mugatuko kontratu bat mugagabe bihurtzen denean izan ezik.

Diruz lagunduko diren zenbatekoak:

• 11.520 euroko dirulaguntza emanen da.
• Errelebo-hartzailea jarraian adierazitako lehentasunezko taldeetako batekoa bada, 13.320 eurokoa izanen da dirulaguntzaren zenbatekoa. Lehentasunezko taldetzat hartuko dira honako hauek:
  • 16 urtetik gorakoak eta 30 urtetik beherakoak direnak.
  • Iraupen luzeko langabeak
  • Errenta bermatuaren hartzaileak
  • Emakumeak

• Dirulaguntzaren eskabidea, modu telematikoan behar bezala beteta, orrialde honetako "Tramitazioa" atalean.
• Erretiro partzialeko enpresaren ziurtagiria, Gizarte Segurantzaren Diruzaintzak aurkeztua eta baliozkotua. Ere berean, 6.1.b oinarrian ezarritakoaren arabera, ez bada oraindik aurkeztu Gizarte Segurantzaren Diruzaintza Orokorrak baliozkotutako erretiro partzialaren enpresa-ziurtagiria, hori jasotzean aurkeztu egin beharda. Erretiro partzialaren ebazpena ezezkoa bada, emandako dirulaguntza osorik itzuli behar da, dagozkion berendutze-intereskin batera. Nolanahi ere, dirulaguntzaren eskaera aurkeztean Gizarte Segurantzaren Diruzaintzan aurkeztutako erretiro partzialeko enpresaren ziurtagiria erantsi beharko da beti.
• Entitate onuradunak eta langabeak (Relevista) sinatutako lan-kontratua.
• Kontratazio hilabetean enpresan finko zeuden langileen kopuruari eta aurreko urteko hilabete berean zuten egoerari buruzko aitorpena (IV. eranskina).
• Deialdiaren 3.3 oinarrian ezarritakoa betetzen delako adierazpena (V. eranskina).
• Enpresaren erantzukizunpeko adierazpena, Dirulaguntzei buruzko azaroaren 9ko 11/2005 Foru Legearen 13. eta 15. artikuluetan ezarritako baldintzak betetzen dituela adierazten duena (I. eranskina).
• Helburu bererako lortu edo eskatutako dirulaguntza, laguntza, diru-sarrera edo baliabideen adierazpena edo, bestela, horrelakorik eskatu ez dela dioen adierazpen espresa. Halaber, enpresa eskatzaileak idatziz jakinarazi beharko du laguntzak, diru-sarrerak edo baliabideak eman zaizkiola edo berriz eskatu dituela, edo horren gainean sortzen ahal diren egoera berriak jakinarazi beharko ditu. Gainera, minimis erregimenari atxikita dauden adieraziko da (II. eranskina).
• Aurretik Nafarroako Gobernuaren dirulaguntzarik jaso ez bada, Kontuak eta ordainketak.
• Gardentasun betebeharrei buruzko adierazpena (III. eranskina).
  • Organoen osaketari eta dedikazioari buruzko adierazpena
  • Karguen ordainsariei buruzko adierazpena

• 5767E/2024 Ebazpena, zeinaren bidez onesten baita 2025ean errelebo-kontratuak sustatzeko dirulaguntzen deialdia.

Aurreko deialdetako araudia:

• 4371E/2024 Ebazpena, gastua egiteko baimena kentzen duena.
• 190E/2024 Ebazpena, gastua baimendu eta 2024rako oinarriak aldatzen dituena.
• 6548E/2023 Ebazpena, gastua zabaltzea baimentzen duena.
• 3860E/2023 Ebazpena, 25380E/2022 Ebazpena aldatzen duena.
• 119E/2022 Ebazpena, 25380E/2022 Ebazpena aldatzen duena.
• 25380E/2022 Ebazpena, zeinaren bidez onesten baita 2023an eta 2024an errelebo-kontratuak sustatzeko dirulaguntzen deialdia.

"De minimis" araubidea:

• Deialdi honetako dirulaguntzak de minimis laguntzak dira, Europako Batzordeak emandako 2023/2831 Erregelamenduan xedatutakoaren arabera. Erregelamendu hori Europar Batasunaren Funtzionamenduari buruzko Tratatuaren 107. eta 108. artikuluak de minimis laguntzei aplikatzeko moduari buruzkoa da. Erregelamendu horrekin bat, enpresa bakar bati hiru zergaldiko edozein alditan emandako de minimis laguntza guztien batura ezin da 300.000 eurotik gorakoa izan. Enpresa bakarraren definizioa aipatu erregelamenduaren 2.2 artikuluan ezarrita dago.
• Horretarako, enpresek kasuan kasuko zerga-ekitaldian eta aurreko bi urteak hartutako bestelako de minimis laguntzak aitortuko dituzte.

• 2024ko emaitzak (gaztelaniaz)
• 2023ko emaitzak (gaztelaniaz)