navarra.es
Castellano | Euskara | Français | English
Ezagutzera eman
130/1998 Foru Agindua, 1998ko abuztuaren 12koa, Lehendakaritza eta Barne kontseilariak emana, Nafarroako Foru Komunitateko Administrazioko eta haren erakunde autonomoetako lanpostuak betetzeko deialdietan aplikatuko diren merezimendu baremoak ...
130/1998 FORU AGINDUA, 1998KO ABUZTUAREN 12KOA, LEHENDAKARITZA ETA BARNE KONTSEILARIAK EMANA, NAFARROAKO FORU KOMUNITATEKO ADMINISTRAZIOKO ETA HAREN ERAKUNDE AUTONOMOETAKO LANPOSTUAK BETETZEKO DEIALDIETAN APLIKATUKO DIREN MEREZIMENDU BAREMOAK EZARTZEN DITUENA.
(Jatorrizko testua, 1998ko 99. NAOn argitaratua, abuztuaren 19an. Aldaketak: 22/2001 Foru Agindua, otsailaren 9koa; 24/2003 Foru Agindua, apirilaren 9koa)
Atarikoa
Nafarroako Administrazio Publikoetako lanpostuak betetzeko Erregelamenduko 9.2 eta 15.2 artikuluek, ekainaren 15eko 186/1998 Foru Dekretuaren bidez eman zitzaien idazketan, ezartzen dute merezimendu lehiaketetako idazatiak Erregelamendu horretan berean eta Administrazio Publiko bakoitzeko organo eskudunak hura garatzeko asmoz onets ditzakeen merezimendu baremoetan xedaturikoarekin bat baloratuko direla.
1995eko abenduaren 1eko Ituna izenpetu zuten sindikatuekin adostasuna lortu ondoren, hartatik garatu beharreko idazati bat baita, bidezko da, Lehendakaritza eta Barne kontseilariaren Foru Agindu baten bidez, Nafarroako Foru Komunitateko Administrazioko eta haren erakunde autonomoetako lanpostuak betetzeko deialdiak arautuko dituzten merezimendu baremoak onestea.
Hori horrela, agindu dut:
1. artikulua
Nafarroako Foru Komunitateko Administrazioko eta haren erakunde autonomoetako lanpostuak betetzeko deialdietan aplikatuko diren merezimendu baremoak, 3. artikuluan xedaturikoa izan ezik, Foru Agindu honetako I. eta II. Eranskinetan ezartzen direnak dira.
2. artikulua
E mailako lanpostuetako lekualdatze lehiaketetan, eskuarki, maila horretako langile guztiek hartzen ahalko dute parte, lehenagoko lanpostua edozein delarik ere.
3. artikulua
Foru Agindu honetan xedaturikoa ez da aplikatuko Foruzaingoko, Hezkuntza eta Kultura Departamentuko unibertsitatez kanpoko langileen eta Osasunbidea-Nafarroako Osasun Zerbitzuari atxikiriko langileen lanpostuak betetzeko, horiek kasuan-kasuan aplikatu behar zaien arauteriari jarraikiz beteko baitira.
4. artikulua
Foru Agindu honek Nafarroako Aldizkari Ofizialean argitaratu eta biharamunean hartuko du indarra, lehenago argitaraturiko merezimendu lehiaketetako deialdiak ukituko ez dituelarik.
I. ERANSKINA. Lekualdatze-lehiaketetarako merezimenduen baremoa (lanpostuak betetzeko Erregelamenduaren 9. artikulua)
a) atala. Administrazio publikoetan egindako zerbitzuak.
Administrazio publikoetan emandako zerbitzuen balorazioa egiteko, puntu 1 emanen zaio urteko, deialdia argitaratzen den egunean onetsitako antzinatasunari.
Oharrak:
1. Urteen kopurua osoa ez bada, zerbitzuan egindako aldiari proportzioan dagokion puntuazioa emanen zaie izangaiei.
2. Honako a) atal honi dagokion puntuazioa gehienez ere 30 puntu izanen da.
b) atala. Prestakuntza, irakaskuntza eta ikerketa
1. Erakunde edo zentro publikoek eta Unibertsitateek antolaturiko prestakuntza ekitaldietan parte hartzea: 0,10 puntu kreditu akademiko edo horren baliokide bakoitzeko (10 ikastordu), gehienez ere 7 puntu egin arte.
Oharrak
1. Baloratu beharreko prestakuntza ekitaldietako ikastorduen zatikiak hainbanatuko dira.
2. Ikastorduak agertzen ez direneko ziurtagiriak kreditu bat izanen balute bezala baloratuko dira.
3. Ziurtagirian agertzen den iraupena ikasturte batekoa bada, 12 kreditu balituzte bezala baloratuko dira.
4. Erakunde antolatzaileari dagozkion betebeharrak betetzen ez badituzte ere, Administrazioak agindurik edo onetsirik eginiko prestakuntza ekitaldietako partaidetza puntu berekin baloratuko da, espreski Administrazio Publikoetako Prestakuntza Etengaberako Itunen barruan sindikatuek antolatuak sartzen direla.
5. Titulu akademiko bat eskuratzeko ikasketak, hala unibertsitatekoa nola unibertsitatez kanpokoa, ez dira atal honetan baloratuko.
2. Biltzar edo jardunaldietan ponentzia edo komunikazioak aurkeztea, bekatu edo sarituriko zientzi lanak edo ikerlanak egitea eta aldizkari espezializatuetan lanak argitaratzea: bi puntu, gehienez ere, Epaimahaiak baloratu beharrekoak, kontuan hartuz lana edo jarduera banako edo talde batek egina den eta biltzarra edo argitalpena herri batekoa, eskualde batekoa, nazionala edo nazioartekoa den.
3. Sektore publikoaren esparruko prestakuntza ekitaldiak antolatu edo irakasle gisa bertan parte hartzea: puntu bat gehienez ere, Epaimahaiak baloratu beharrekoa, haien iraupenaren arabera.
b) ataleko oharrak
1. Atal honetan deialdiaren xede den lanpostuarekin zerikusirik duten merezimenduak besterik ez dira baloratuko.
2. b) ataleko puntuazioa 10 puntukoa izanen da, gehienez ere.
Hizkuntzak jakiteagatik emanen den puntuazio osagarria:
1. Merezimenduen baremo guztietan frantsesez, ingelesez edo alemanieraz jakitea baloratuko da, merezimendu gisa, Europako Batasuneko hizkuntza ofizialak baitira. Horietako bakoitzari, gehienez, 2 puntu emanen zaizkio.
2. Euskaraz jakiteagatik emanen den puntuazioa, bidezkoa denean edo aintzat hartzen denean, hizkuntza-eremuaren arabera aldatuko da, irizpide hauetan oinarrituz:
a) Eremu euskaldunean, euskaraz jakiteagatik 2,20 puntu emanen dira, plantilla organikoaren arabera ezinbestekoa deklaratu ez bada betiere.
b) Eremu mistoan, plantilla organikoaren arabera merezimendu gisa baloratu behar den kasuetan, 2,10 puntu emanen dira euskaraz jakiteagatik.
3. Hizkuntza Eskola Ofizial batek emandako gaitasun agiria edo balio bereko beste agiri ofizial bat izanez gero, aurreko idatz-zatietan adierazitako gehieneko puntuazioa emanen da, hizkuntza guztietan.
Titulurik ezean, Hizkuntza Eskola Ofizialean gainditutako ikasmaila bakoitzeko gehieneko puntuazioaren 1/5 emanen da. Euskararen kasuan, bestalde, Nafarroako Gobernuak antolatutako ikastaroetan gainditzen den "urrats" bakoitzeko 1/12 emanen zaio.
Lau hizkuntza horietako maila Nafarroako Administrazio Publikoaren Institutuak antolatuko dituen probak gaindituz ere egiazta daiteke. Bost maila izanen dira eta hizkuntza bakoitzarentzat ezartzen den gehieneko balorazioaren 1/5 emanen zaio ikasmaila bakoitzari.
II. ERANSKINA
Unitate organikoko burutza edo zuzendaritzak betetzeko (15. artikulua), kategoriaz igotzeko lehiaketetarako (21. artikulua) eta lekualdatze lehiaketa berezietarako (10. artikulua) merezimendu baremoa, lanpostuak betetzeko Erregelamendukoa.
a) atala. Administrazio publikoetan egindako zerbitzuak.
1. Deialdi honetako maila/talde eta titulazioko lanpostuetan, edozein administrazio publikotan egindako zerbitzuak: 1,50 puntu urteko.
2. Edozein administrazio publikotan, aurrekoak ez bezalako lanpostuetan langile finko gisa egindako zerbitzuak: 0,37 puntu urteko.
Oharrak:
1. Urteen kopurua osoa ez bada, zerbitzuan egindako aldiari proportzioan dagokion puntuazioa emanen zaie izangaiei.
2. Honako a) atal honi dagokion puntuazioa gehienez ere 35 puntu izanen da.
b) atala, prestakuntza, irakaskuntza eta ikerketa.
1. Erakunde edo zentro publikoek eta Unibertsitateek antolaturiko prestakuntza ekitaldietan parte hartzea: 0,10 puntu kreditu akademiko edo horren baliokide bakoitzeko (10 ikastordu), gehienez ere 10 puntu egin arte.
Oharrak:
1. Baloratu beharreko prestakuntza ekitaldietako ikastorduen zatikiak hainbanatuko dira.
2. Ikastorduak agertzen ez direneko ziurtagiriak kreditu bat izanen balute bezala baloratuko dira.
3. Ziurtagirian agertzen den iraupena ikasturte batekoa bada, 12 kreditu balituzte bezala baloratuko dira.
4. Erakunde antolatzaileari dagokionez, betebeharrak betetzen ez badituzte ere, Administrazioak agindurik edo onetsirik eginiko prestakuntza ekitaldietako partaidetza puntu berekin baloratuko da, espreski Administrazio Publikoetako Prestakuntza Etengaberako Itunen barruan sindikatuek antolatuak sartzen direla.
5. Titulu akademiko bat eskuratzeko ikasketak, hala unibertsitatekoa nola unibertsitatez kanpokoa, ez dira atal honetan baloratuko.
2. Biltzar edo jardunaldietan ponentzia edo komunikazioak aurkeztea, bekatu edo sarituriko zientzi lanak edo ikerlanak egitea eta aldizkari espezializatuetan lanak argitaratzea: hiru puntu, gehienez ere, Epaimahaiak baloratu beharrekoak, kontuan hartuz lana edo jarduera banako edo talde batek egina den eta biltzarra edo argitalpena herri batekoa, eskualde batekoa, nazionala edo nazioartekoa den.
3. Sektore publikoaren esparruko prestakuntza ekitaldiak antolatu eta irakasle gisa bertan parte hartzea: 2 puntu gehienez ere, Epaimahaiak baloratu beharrekoak, haien iraupenaren arabera.
4. Deialdiak eskaturikoak ez diren titulu eta espezialitate akademikoak, halakorik bada: 4 puntu, gehienez ere.
5. Deialdiak eskaturiko tituluaz gain, doktoretza edo lizentziatura gradua: 2 puntu, gehienez ere.
6. Bestelako merezimenduak, Epaimahaiak baloratzekoak: hizkuntzak (kontuan hartu “hizkuntzak” hitza atal honetatik ezabatu dela, otsailaren 9ko 22/2001 Foru Aginduaren bidez), sektore pribatuko lanak, bekak edo prestakuntza egonaldiak, kontsulta, aholkularitza, partaidetza edo ordezkaritzako organoetan esku hartzea: 4 puntu, gehienez ere.
b) ataleko oharrak.
1. Atal honetan deialdiaren xede den lanpostuarekin zerikusirik duten merezimenduak besterik ez dira baloratuko.
2. b) ataleko puntuazioa 25 puntukoa izanen da, gehienez ere.
Hizkuntzak jakiteagatik emanen den puntuazio osagarria.
1) Merezimenduen baremo guztietan frantsesez, ingelesez edo alemanieraz jakitea baloratuko da, merezimendu gisa, Europako Batasuneko hizkuntza ofizialak baitira. Horietako bakoitzari, gehienez, 5 puntu emanen zaizkio.
2. Euskaraz jakiteagatik emanen den puntuazioa, bidezkoa denean edo aintzat hartzen denean, hizkuntza-eremuaren arabera aldatuko da, irizpide hauetan oinarrituz:
a) Eremu euskaldunean, euskaraz jakiteagatik 5,50 puntu emanen dira, plantilla organikoaren arabera ezinbestekoa deklaratu ez bada betiere.
b) Eremu mistoan, plantilla organikoaren arabera merezimendu gisa baloratu behar den kasuetan, 5,25 puntu emanen dira euskaraz jakiteagatik.
3. Hizkuntza Eskola Ofizial batek emandako gaitasun agiria edo balio bereko beste agiri ofizial bat izanez gero, aurreko idatz-zatietan adierazitako gehieneko puntuazioa emanen da, hizkuntza guztietan.
Titulurik ezean, Hizkuntza Eskola Ofizialean gainditutako ikasmaila bakoitzeko gehieneko puntuazioaren 1/5 emanen da. Euskararen kasuan, bestalde, Nafarroako Gobernuak antolatutako ikastaroetan gainditzen den "urrats" bakoitzeko 1/12 emanen zaio.
Lau hizkuntza horietako maila Nafarroako Administrazio Publikoaren Institutuak antolatuko dituen probak gaindituz ere egiazta daiteke. Bost maila izanen dira eta hizkuntza bakoitzarentzat ezartzen den gehieneko balorazioaren 1/5 emanen zaio ikasmaila bakoitzari.
