navarra.es

Castellano | Euskara | Français | English

Bilatzaile erabili!

209/2010 Foru Agindua, martxoaren 12koa, Lehendakaritza, Justizia eta Barneko kontseilariak emana, Nafarroako Foru Komunitateko Administrazioaren eta haren erakunde autonomoen plantilla organikoa eta langile finkoen eta izendapen libreko ...

209/2010 FORU AGINDUA, MARTXOAREN 12KOA, LEHENDAKARITZA, JUSTIZIA ETA BARNEKO KONTSEILARIAK EMANA, NAFARROAKO FORU KOMUNITATEKO ADMINISTRAZIOAREN ETA HAREN ERAKUNDE AUTONOMOEN PLANTILLA ORGANIKOA ETA LANGILE FINKOEN ETA IZENDAPEN LIBREKO ZUZENDARITZA KARGUETAKO BEHIN-BEHINEKOEN ZERRENDA ARGITARATZEA XEDATZEN DUENA. PLANTILLA ETA ZERRENDA 2009O ABENDUAREN 31KOAK DIRA.

(2010eko 52. NAOn argitaratutako testua, apirilaren 28an)

Atarikoa

Uztailaren 27ko 100/2005 Foru Dekretuak, Nafarroako Foru Komunitateko Administrazioaren eta haren erakunde autonomoen plantilla organikoa onesten duenak, 2. artikuluko 1. idatz-zatian ezarri duenez, urtero, abenduaren 31ko egitura organikoaren eta egoeraren arabera, argitara emanen dira Nafarroako Foru Komunitateko Administrazioaren eta haren erakunde autonomoen plantilla organikoa eta funtzionarioen, lan-kontratudun finkoen, estatutupeko langileen eta izendapen libreko zuzendaritza karguetan aritzen diren behin-behinekoen zerrenda.

Halaber, foru dekretu horretako xedapen gehigarri bakarrak dio ezen urtero argitara emanen direla Nafarroako Foru Komunitateko Administraziora transferitutako Justizia Azministrazioaren zerbitzuei atxikitako plantilla organikoa eta langileen zerrenda, urte bakoitzeko abenduaren 31n dagoen egoeraren araberakoak.

Horrenbestez, otsailaren 21eko 30/2005 Foru Dekretuaren bidez esleiturik ditudan eskudantziak erabiliz, agindu dut:

Lehena

1. Argitara ematen da, 1. eranskinetik 3.era bitartekoen A) atalean, Nafarroako Foru Komunitateko Administrazioaren eta haren erakunde autonomoen zerbitzuko langileen plantilla organikoa, 2009ko abenduaren 31ko egoeraren araberakoa, honako hauek osatua: funtzionarioek, lan-kontratudun finkoek, estatutupeko langileek eta izendapen libreko zuzendaritza karguetan aritzen diren behin-behinekoek betetzen dituzten lanpostuak, bai eta Nafarroako Gobernuko kideek eta beren kabineteetako langileek betetzen dituztenak ere.

2. Orobat, Nafarroako Foru Komunitateko Administrazioaren eta haren erakunde autonomoen zerbitzuko funtzionarioen, lan-kontratudun finkoen, estatutupekoen eta izendapen libreko zuzendaritza karguetan aritzen diren behin-behinekoen zerrenda, arestian aipatutako plantilla organikoak 2009ko abenduaren 31n zeukan egoeraren araberakoa, argitara dadila xedatzea (aipatutako eranskinen B) atalean).

Bigarrena

Nafarroako Foru Komunitateko Administrazioari transferitutako Justizia Administrazioko zerbitzuei atxikitako plantilla organikoa eta langileen zerrenda, 2009ko abenduaren 31ko egoeraren araberakoak, 4. eranskinean argitaratuko dira.

Hirugarrena

Foru agindu hau Nafarroako Aldizkari Ofizialean argitaratuko da.

Plantillen zerrendak PDF formatuan ikus daitezke:

1. ERANSKINA. Nafarroako Foru Komunitateko Administrazioa, Hezkuntza Departamentua, Osasunbidea-Nafarroako Osasun Zerbitzua eta Justizia Administrazioa izan ezik.

2. ERANSKINA. Hezkuntza Departamentua.

3. ERANSKINA. Osasunbidea-Nafarroako Osasun Zerbitzua.

4. ERANSKINA. Justizia Administrazioa.

Jar zaitez gurekin harremanetan | Erabilerraztasuna | Lege abisua | Webaren mapa