navarra.es
Castellano | Euskara | Français | English
Ezagutzera eman
133/2013 Foru Agindua, ekainaren 4koa, Lehendakaritza, Justizia eta Barneko kontseilariak emana, Nafarroako Foru Komunitateko Administrazioaren eta haren erakunde autonomoen plantilla organikoa eta langile finkoen eta izendapen libreko ...
133/2013 FORU AGINDUA, EKAINAREN 4KOA, LEHENDAKARITZA, JUSTIZIA ETA BARNEKO KONTSEILARIAK EMANA, NAFARROAKO FORU KOMUNITATEKO ADMINISTRAZIOAREN ETA HAREN ERAKUNDE AUTONOMOEN PLANTILLA ORGANIKOA ETA LANGILE FINKOEN ETA IZENDAPEN LIBREKO ZUZENDARITZA KARGUETAN ARITZEN DIREN BEHIN-BEHINEKO LANGILEEN ZERRENDA ARGITARATZEA XEDATZEN DUENA. PLANTILLA ETA ZERRENDA 2012KO ABENDUAREN 31KOAK DIRA
(2013ko 127. NAOn argitaratutako testua, uztailaren 4an. Akats zuzenketa, 2014-02-13koa)
Uztailaren 27ko 100/2005 Foru Dekretuak, Nafarroako Foru Komunitateko Administrazioaren eta haren erakunde autonomoen plantilla organikoa onesten duenak, 2. artikuluko 1. idatz-zatian ezarri duenez, urtero, abenduaren 31ko egitura organikoaren eta egoeraren arabera, argitara emanen dira Nafarroako Foru Komunitateko Administrazioaren eta haren erakunde autonomoen plantilla organikoa eta funtzionarioen, lan-kontratudun finkoen, estatutupeko langileen eta izendapen libreko zuzendaritza karguetan aritzen diren behin-behineko langileen zerrenda.
Halaber, aipatu foru dekretuaren xedapen gehigarri bakarrak ezartzen du urtero argitara emanen direla Nafarroako Foru Komunitateko Administrazioari transferitutako Justizia Administrazioko zerbitzuei atxikitako langileen zerrenda eta hango plantilla organikoa, urte bakoitzeko abenduaren 31n dagoen egoeraren arabera.
Horrez gain, Barneko zuzendari nagusiaren apirilaren 9ko 93/2013 eta 94/2013 ebazpenetan ezarritakoa jasotzeko, horien bidez esleitu baitzitzaien lehen behin betiko destinoa Funtzio Publikoaren Zuzendaritza Nagusiaren abenduaren 11ko 3305/2009 eta azaroaren 30eko 3326/2010 ebazpenen bidez izendatutako foruzainei, bidezkoa da Nafarroako Foruzaingoari dagokion hori 2013ko maiatzaren 1ean argitaratzea.
Horrenbestez, otsailaren 21eko 30/2005 Foru Dekretuaren bidez esleiturik ditudan eskudantziak erabiliz, agindu dut:
1. Argitara ematen da, 1. eranskinetik 4.era bitartekoen A) atalean, Nafarroako Foru Komunitateko Administrazioaren eta haren erakunde autonomoen zerbitzuko langileen plantilla organikoa, 2012ko abenduaren 31ko egoeraren araberakoa (salbu eta Nafarroako Foruzaingoarena, 2013ko maiatzaren 1ekoa baita), honako hauek jasotzen dituena: funtzionarioek, lan-kontratudun finkoek, estatutupeko langileek eta izendapen libreko zuzendaritza karguetan aritzen diren behin-behinekoek betetzen dituzten lanpostuak, bai eta Nafarroako Gobernuko kideek eta beren kabineteetako langileek betetzen dituztenak ere.
2. Argitara ematen da, aipatutako eranskinen B) atalean, Nafarroako Foru Komunitateko Administrazioaren eta haren erakunde autonomoen zerbitzuko funtzionarioen, lan-kontratudun finkoen, estatutupekoen eta izendapen libreko zuzendaritza karguetan aritzen diren behin-behineko langileen zerrenda, aipatutako plantilla organikoak 2012ko abenduaren 31n zeukan egoeraren araberakoa, salbu eta Nafarroako Foruzaingoarena, 2013ko maiatzaren 1ekoa baita.
3. Argitara ematen da, 5. eranskin gisa, Nafarroako Foru Komunitateko Administrazioari transferitutako Justizia Administrazioko zerbitzuei atxikitako langileen zerrenda eta hango plantilla organikoa, 2012ko abenduaren 31ko egoeraren arabera.
4. Foru agindu hau Nafarroako Aldizkari Ofizialean argitaratzea.
|
Plantilla organikoa PDF artxiboan kontsulta daiteke. |
