navarra.es
Castellano | Euskara | Français | English
Ezagutzera eman
198/2008 Ebazpena, maiatzaren 28koa, Lanbide Heziketaren eta Unibertsitateen zuzendari nagusiak emana, 2008-2009 ikasturtean lanbide hastapeneko programetan (lanbide lantegiak) ikasleak rtzeko arauak onesten dituena
(2008ko 78. NAOn argitaratutako testua, ekainaren 25ean)
Atarikoa
Kontuan harturik ekainaren 21eko 233/1999 Foru Dekretua, Nafarroako Foru Komunitatean gizarte garantiako berariazko programak arautzen dituena, otsailaren 1eko 16/2008 Ebazpena, diru publikotik ari diren irakaskuntza ez-unibertsitarioko ikastetxeetan ikasleak onartzeko prozedura arautzen duena 2008-2009 ikasturterako, eta ikusirik Lanbide Heziketaren Zerbitzuaren aldeko txostenak.
Hori horrela, Nafarroako Foru Komunitateko Administrazioari buruzko abenduaren 3ko 15/2004 Foru Legearen 22.1. artikuluko d) idatz-zatiak ematen dizkidan ahalmenak erabiliz, ebatzi dut:
Lehena
Nafarroako Foru Komunitatean diru publikotik ari diren ikastetxeetan, lanbide hastapeneko programetan (lanbide lantegiak) 2008-2009 ikasturtean onartzeko prozedura erregulatzen duen arautegia ezartzea, ondoko berariazko oinarri hauetan zehazten den moduan:
OINARRIAK
1.-Izen-ematearen urte naturalean 16-21 bitarteko adina izanik eta Derrigorrezko Bigarren Hezkuntzako (DBH) titulua ez duten gazteek eskatu ahalko dute Lanbide Hastapeneko Programetan sartzea.
2.-Eskolatze Batzordeak, irailean, ezarritako ohiko epean aurkeztutako eskabide guztien gaineko ebazpena eman ondoren, programetara sartzeko baldintzak bete eta inskripzioa egiteko epeaz kanpo jaso direnak ebazten ahalko ditu.
3.-Kasu berezietan, Eskolatze Batzordeak matrikula egiteko baimena eman ahalko die ikasturte batez Lanbide Hastapeneko Programa bat egin eta beste Programa bat egiteko eskaera aurkeztu duten ikasleei. Ikasleak onartzeko prozedura arrunta bukatutakoan tokirik geratzen bada egin ahalko da matrikula hori.
4.-2007-2011 urteetarako Nafarroako irakaskuntza publikoaren kalitatea hobetzeko ituna aplikaturik (2007ko 89. Nafarroako Aldizkari Ofiziala, uztailaren 20koa), lanbide hastapeneko programen ratioak, lanbide lantegi, oinarrizko lanbide hastapen eta lanerako prestatzeko lantegien modalitateetan taldeko 12 ikaslekoa izanen da. Oinarrizko lanbide hastapena/egokitua eta lanbide hastapen bereziko modalitateetan ratioa taldeko 10 ikaslekoa izanen da.
Bigarrena
Hezkuntza Departamentuak 2008-2009 ikasturtearen plangintzaren barruan eskaintzen dituen programak egiteko eskaerak ebazpen honen I. eranskineko ereduaren araberakoak izanen dira.
Hirugarrena
Eskatzaile bakoitzak eskaera bakar bat aurkeztuko du eta bertan adieraziko, lehentasunaren araberako hurrenkeran, zer programa, ikastetxe edo entitate eskatzen duen. Lehentasunez eskatzen den ikastetxe edo entitatean aurkeztuko da eskabidea, behar diren ziurtagiriekin batera. Eskabidea bi lekutan aurkeztuz gero, baremoa aplikatu ondoren lortutako puntu guztiak galduko dira.
Laugarrena
1.-2007-2008 ikasturtean eskolatuak daudenek txosten-ziurtagiri bat aurkeztu beharko dute eskabidearekin batera, eta bertan azaldu egindako maila eta kurtsoa, bai eta lanbide hastapeneko programei (lanbide lantegiak) buruzko orientazio psikopedagogiko bat ere, 2. eranskineko ereduaren araberakoa. Eskatzaileak Derrigorrezko Bigarren Hezkuntza osoa egin ez badu, aipatu txosten-ziurtagiriak ikastetxeko ikuskatzailearen ikus-onetsia izanen du nahitaez.
2.-Eskatzailea 2007-2008 ikasturtean eskolaturik ez badago, egindako azken kurtsoko ziurtagiri akademikoa aurkeztuko du, emaitza eta guzti, dagokion ikastetxeak 3. eranskineko ereduari jarraikiz emana.
Bosgarrena
Programaren batean eskatzaileak ikaspostuak baino gehiago badira, ondoko irizpide orokor hauek aplikatuko dira hurrenez hurren:
a) Deseskolatzea.
b) Eskatzailearen adina.
c) Bizilekuaren hurbiltasuna.
d) Familiaren per capita errenta.
Seigarrena
Irizpide orokor horiek ondoko baremo honi jarraikiz baloratuko dira:
1.-Deseskolatzea:
a) 2007-2008 ikasturtean matrikula egina ez izatea Hezkuntza Departamentuak baimendutako irakaskuntzetan eta 1.1 puntuko baldintzak betetzea: 1: 5 puntu.
Atal hau egiaztatzeko 3. eranskineko eredua erabiliko da.
2.-Eskatzailearen adina:
a) Izen-ematearen urte naturalean 17 urte edo gehiago dituzten gazteak: 2,5 puntu.
b) Izen-ematearen urte naturalean 16 urte edo gehiago dituzten gazteak: 0 puntu.
Eskatzaileen adina egiaztatzeko NANaren fotokopia aurkeztuko da.
3.-Bizilekuaren hurbiltasuna:
a) Helbidea eskatutako ikastetxe edo entitateari dagokion eskola aldean duten eskatzaileak (4. eranskina): 1,5 puntu.
b) Beste aldeetako eskatzaileak: 0 puntu.
Familiaren bizilekua egiaztatzeko Udalak emandako ziurtagiria aurkeztuko da.
4.-Familia unitatearen per capita errenta:
a) 6.224 euroko edo hortik beherako per capita errentak: puntu 1.
b) 6.224,01 eurotik 8.153 eurora bitarteko per capita errentak: 0,75 puntu.
c) 8.153,01 eurotik 9.711 eurora bitarteko per capita errentak: 0,50 puntu.
d) 9.711,01 eurotik 10.778 eurora bitarteko per capita errentak: 0,25 puntu.
e) 10.778 eurotik gorako errentak: 0 puntu.
Familiaren errenta frogatzeko 2006ko pertsona fisikoen errentaren gaineko zergaren aitorpenaren kopia aurkeztu beharko da. Aitorpena egin beharrik ez eta egin ez bazuten, urte horretan jasotako diru-sarrerak egiaztatzeko agiria aurkeztuko da.
Familia unitatearen errentak behar den bezala egiaztatzen ez badira, atal honetako puntuazioa 0 izanen da.
Zazpigarrena
Eskatzaile batzuek puntuazio bera baldin badute, familiaren errentarik txikiena duenaren alde joko da. Eskatzaileek jasotako errentei buruz informaziorik aurkeztu ez badute, gerta litekeen berdintasuna jendaurreko zozketaz erabakiko da.
Zortzigarrena
Ikasleak onartzeko prozesuak ondoko epe hauek izanen ditu: Eskaera epea ekainaren 9tik 25era izanen da, biak barne. Programetan onartu diren pertsonen behin-behineko zerrendak ekainaren 26an jakinaraziko dira eta erreklamazioak aurkezteko egunak ekainaren 26a eta 27a izanen dira. Onartuen behin betiko zerrendak ekainaren 30ean argitaratuko dira. Matrikula, berriz, uztailaren 1etik 17ra bitarte eginen da, biak barne.
Bederatzigarrena
Eskaerak aurkezteko epea bukatuta, baimena duten ikastetxe edo entitateek baremoa aplikatuko dute ebazpen honen 6. oinarrian ezarritakoari jarraikiz. Horretarako, ondoko prozedura honi jarraikiko zaio:
a) Eskola kontseiluak edo horretarako eratzen den batzorde delegatuak onartuen eta baztertuen behin-behineko zerrendak onetsiko ditu. Behin-behineko zerrenda horiek jendaurrean paratuko dira, eskatzaileen puntuazioa adierazita.
b) Ezarrita dagoen epean (ekainaren 26an eta 27an) aurkezten diren erreklamazioak ebatzi ondoren, matrikulazio epea irekiko da, 8. oinarrian aipatzen diren egunetan.
c) Uztailaren 18an, 21ean eta 22an, hasieran eman eta interesdunek hartu ez dituzten tokiak Eskola Kontseiluak edo aipatu batzorde delegatuak banatzen ahalko ditu, kontuan harturik hautaturiko aukera guztiak, eskatzaileek adierazitako hurrenkeran.
d) Prozesua erabat bukatutakoan, onartuen eta baztertuen behin betiko zerrendak eta azken horien eskaera espedienteak igorriko zaizkio Eskolatze Batzordeari, 2008ko uztailaren 25a baino lehen.
Hamargarrena
Agiri horiek jaso eta gero, Eskolatze Batzordeak zilegi izanen du eskolatu ez diren ikasleen eskabideak beste ikastetxe batzuetara igortzea, batzordeak ezartzen duen moduan eskolatzeko.
Hamaikagarrena
Tuterako "El Castillo" lantegi-eskolak, Ilundaingo "Haritz-Berri" baserri-eskolak, Iruñeko "Etxabakoitz" lantegi-eskolak eta Berriozarko "Lantxotegi" lantegi-eskolak, lanbide hastapeneko programa egokituak eta oinarrizkoak emateko ituna baitute Hezkuntza Departamentuarekin eta Familia, Gazteria, Kirol eta Gizarte Gaietako Departamentuarekin, matrikulazio prozesuan lehentasuna emanen diete Haur eta Nerabeentzako Sustapen, Laguntza eta Babesaren Zerbitzuak egiten dituen programa eta ekintzetatik heldu diren gazteei.
Hamabigarrena
Lanbide hastapeneko programetan (lanbide lantegiak) tokia lortzen dutenek ebazpen honen 8. eta 9. oinarrietan ezarritako epeetan egin beharko dute matrikula, 5. eranskineko matrikula orriaren eredua erabiliz.
2. Ebazpen honetan aurreikusi gabeko bestelako atalei dagokienez, Ikuskapenaren eta Zerbitzuen zuzendari nagusiak otsailaren 1ean emandako 16/2008 Ebazpenean ezarritakoari jarraituko zaio.
3. Ebazpen honen aurka gora jotzeko errekurtsoa jar daiteke, Hezkuntza Departamentuko kontseilariari zuzendua, argitaratu eta, biharamunetik, hilabeteko epean.
4. Ebazpen hau Nafarroako Aldizkari Ofizialera igortzea, argitara dadin.
5. Ebazpen hau igortzea Lanbide Heziketaren Zerbitzuari, Eskola Antolamendu eta Berriztapenerako Zerbitzuari, Zerbitzuak Ikuskatzeko eta Ikuskapen Teknikorako Zerbitzuari, Ikasketetarako Laguntzen eta Azterlan Ekonomikoen Zerbitzuari, Aniztasunaren, Orientazioaren eta Kultura-aniztasunaren Zerbitzuari, Ikastetxeen Plangintza eta Atalari, Hezkuntza Premia Berezien Atalari, eta ikastetxe eta erakunde interesdunei.
1. ERANSKINA. Lanbide Hastapeneko Programak (L.T.)
Izena emateko orria. 2008/2009 ikasturtea.
................... eskaera
Sarrera-data: ..........................................
Oharrak: Eskatzaile bakotzak eskabide bakar bat aurkeztu beharko du lehenbiziko aukeratutako ikastetxeko administrazio bulegoan. Eskabidea bi lekutan aurkeztuz gero, baremoan lortutako puntuakgalduko dira.
Datu pertsonalak.
Deiturak:
Izena
NANa:
Helbidea: ..................... zenbakia: Solairua: ...... Letra:
Herria: .................................. P.K. ............................ Telefonoa
Eskatzen dituen programak.
HURRENKERA PROGRAMA LHP IKASTETXE/ENTITATEA
Lehendabizikoa:
Bigarrena:
Hirugarrena:
Eskolatzea (X batez markatu).
[ ] 2007/2008 ikasturtean eskolatua.
[ ] 2007/2008 ikasturtean deseskolatua (matrikulatu gabea).
Adina.
Jaioteguna: .......................................... adina (2008ko abenduaren 31n).............. urtea.
Eskola eremua (Ikastetxe edo Entitateak bete beharrekoa).
[ ] Etxea aukeratutako ikastetxerako eskola eremu berean egotea.
[ ] Etxea aukeratutako ikastetxerako eskola eremu desberdinean egotea.
Datu ekonomikoak.
Urteko familiaren errenta
(Datu hori 2006ko Pertsona Fisikoen Errentaren gaineko Zergaren familiaren datutik lortu behar da (sarrera garbiak), eta aitorpenik aurkeztu beharrik izan ez balitz, epe horretan jasotako dirusarrerak egiaztatzeko beste agiri batzuk)
Familiaren datuak.
Familia unitateko kideen kopurua, guztira
(Aitortutako urteko errentarekin bizi diren familia unitatearen kide guztien datuak)
Aurkeztu beharreko agiriak.
● Nahitaezkoa.
-Eskaera: "Izena emateko orria. 2008-2009 ikasturtea".
-Nortasun Agiri Nazionalaren (NAN) fotokopia.
-Familiaren helbidea egiaztatuko duen dagokion udalak emandako ziurtagiria.
-2007-2008 ikasturtean eskolatua izan denaren ikastetxearen txosten-zirutagiria (2. eranskina). Eskolatua izan ez bada ikasketen ziurtagiaria (3. eranskina).
● Hautazkoa.
-2006ko Familiaren Pertsona Fisikoen Errentaren gaineko Zergaren fotokopia. Aitorpena egin izan ez balitz, epe horretan jasotako dirusarrerak egiaztatzeko agiria.
● Sartzeko baldintzak.
-16 urtetik 21 urtera bitarteko adina izatea.
-Derrigorrezko Bigarren Hezkuntzako titulurik ez izatea.
Eskaitzaileak sartzeko baldintza guztiak bete eta izena emateko orri honetako datu guztiak egia direla aitortu eta sinatzen dugu .............(e)n, 2008ko ekainaren .............. (e)an.
Aitaren, amaren edo legezko Interesdunaren sinadura tutorearen sinadura
(Ikastetxeko zigilua)
................... eskaera Lanbide hastapena (L.L.)
Sarrera data: ................. 2008-2009 ikasturtea
2. ERANSKINA. Ikasketen txosten-ziurtagiria. 2007-2008 ikasturtea (Lanbide hastapeneko programetan, L.L., izena emateko)
Ikaslearen datuak.
Deiturak:
Izena:
NANa:
Ikasketen ziurtagiria.
.................... jaunak/andreak, ................. Ikastetxe/Entitatearen zuzendaria, .............. ziurtatzen du aurreko tituluan aipatutako ikaslea 2007-2008 ikasturtean matrikulatua egon dela, irakaskuntzako ............ mailan, ........... ikastaro, programan, ............ azkeneko kalifikazio orokorra lortuta.
Ebaluazio psikopedagogikoa eta batzorde orientatzailea
Garapen pertsonal eta sozialaren alderdiak, curriculumetako gaitasun eta trebetasun mailak eta jarrerak, motibazioa, hezkuntza taldeak, eskola-historia bezalako alderdi garrantzitsuei buruz hezkuntza taldeak eta orientazio departamentuak egindako txostenak kontuan izanda, lanbide hastapeneko programetan (L.L.) sartze gomendatzen da.
● Gomendatutako programaren modalitatea:
[ ] Oinarrizko Lanbide Hastapena.
[ ] Lanbide lantegiak.
[ ] Lanbide Hastapen Egokitua.
[ ] Lanerako Prestatzeko Lantegiak.
[ ] Lanbide Hastapen Berezia.
......................, 2008ko ekainaren ...............(e)an.
(D.B.H. guztia egin izan ez balu) Zuzendaria
(O.I.)
Ikuskatzailea
Bestelako informazioa
[ ] C.E.U.tik igaro da.
[ ] Ez da C.E.U.tik igaro.
-Ikastetxean hurrengo txostena bada:
[ ] Soziala.
[ ] Ebaluazio psikopedagogiko eguneratua.
[ ] Psikiatrikoa edo psikologiakoa.
[ ] L.H.P.ra orientzako egokitzat jotzen diren bestelakoak.
3. ERANSKINA. Ziurtagiri akademikoa. Eskolatutako azkeneko ikasturtea (Lanbide hastapeneko programetan L.L. izena emateko)
Ikaslearen datuak.
Deiturak:
Izena:
NANa:
Ikasketen ziurtagiria.
.................... jaunak/andreak, ................. Ikastetxe/Entitatearen zuzendaria, .............. ziurtatzen du aurreko tituluan aipatutako ikaslea ikasturtean matrikulatua egon dela, irakaskuntzako ............ mailan, ........... ikastaro, programan, ............ azkeneko kalifikazio orokorra lortuta.
......................, 2008ko ekainaren ...............(e)an.
Zuzendaria
● Ikastetxean dauden txostenak:
[ ] Soziala.
[ ] Ebaluazio psikopedagogikoa.
[ ] Psikiatrikoa edo psikologiakoa.
[ ] L.H.P.ra orientzako egokitzat jotzen diren bestelakoak.
4. ERANSKINA. 6.3. oinarria, "etxearekiko hurbiltasuna", aplikatzeko kontuan izan beharreko eskola eremu eta barrutiak
Eskola eremuak:
-A eremua (Sakana): 1. barrutia.
-B eremua (Baztan): 2., 7. eta 11. barrutiak.
-C eremua (Lizarra): 4. barrutia.
-D eremua (Martzilla-Azkoien): 5. barrutia.
-E eremua (Lodosa-San Adrian): 8. barrutia.
-F eremua (Tafalla): 9. barrutia.
-G eremua (Tutera-Corella): 3. eta 10. barrutiak.
-H eremua (Irunberri-Zangoza): 6. barrutia.
-I eremua (Iruña): 7., 11., 12., 13., 14., 15., 16., 17. eta 18. barrutiak.
Eskola barrutiak:
Eskola barrutiak martxoaren 13an eman eta apirilaren 8ko Nafarroako Aldizkari Ofizialean (43. zk.) argitaratutako 150/1996 Foru Dekretuaren 1. eranskinean ezarri ziren. Hezkuntza eremuak.
5. ERANSKINA. Lanbide hastapeneko programak. (L.L.)
Izena emateko orria. 2008-2009 ikasturtea.
Eguna: ...../............../.....
Matrikula zenbakia ...............
Programa ................................
Ikaslearen datuak.
Deiturak:
Izena: ...................... NANa Argazkia, berria
..............................(e)n jaioa. Probintzia
Jaioteguna: ............................., adina .............. urteak.
-Helbidea:
.......................... kalea, ...... zenbakia, .... pisua, ..... letra Telefonoa:
Herria ................................... P.K.
Familiaren datuak.
-Aita edo gizonezko tutorea:
Izena ....................... Deiturak:
NANa: ............ Lanean ari da: BAI [ ] EZ [ ]
Lantokiko telefonoa:
-Ama edo emakumezko tutorea:
Izena ....................... Deiturak:
NANa: ............ Lanean ari da: BAI [ ] EZ [ ]
Lantokiko telefonoa:
-Familiaren bestelako datuak:
Anai-arreba kopurua ............ Hartzen duen tokia ................ Ikasten ari diren anai-arreba kopurua ............
Ikasten ari diren anai-arreba kopurua ............ Elkarrekin bizi diren ahaideak ................
Gurasoekin bizi da [ ] Amarekin solik [ ] Aitarekin soilik [ ] Beste batzuekin [ ]
Azkeneko kasuan, norekin?
Datu akademikoak.
2007-2008 ikasturtean eskolatua izan da?: BAI [ ] EZ [ ]
Etorkizko ikastetxea
● D.B.H.n:
Egindako azken maila: Gainditutako azken maila
Egindako bestelako ikasketak
Hezkuntza premia bereziak dituen ikaslea: BAI [ ] EZ [ ]
Matrikula-orri honen datuak egia direla aitortzen dugu eta sinatzen dugu
........................ (e)n, 2008ko ...........aren ....(e)an.
Ikaslearen sinadura Aitaren, amaren edo tutorearen sinadura
Aurkeztu beharreko dokumentazioa.
-Karnet neurriko bi argazki, berriki egindakoak.
-Eskola asegurua ordaindu izanaren bankuko egiaztagiria
Oharrak:
Baja:
Data: .......................................... Kausa:
