navarra.es
Castellano | Euskara | Français | English
Ezagutzera eman
3709/2008 Ebazpena, abenduaren 4KOA, Enpresa Zuzendari Nagusiak Emana, 2009RAKO iruñerriko hiri barruko garraioaren tarifak onesten dituena
(2008ko 156. NAOn argitaratutako testua, abenduaren 24an)
Atarikoa
Iruñerriko Mankomunitateak Iruñerriko hiri barruko garraioaren tarifak onesteko eskaria aurkeztu du, zerbitzu hori Jarduera ekonomikoa sustatu eta liberalizatzeko presako neurri fiskalei buruzko 7/1996 Errege Lege Dekretuaren 2. eranskineko (autonomia erkidegoetako prezio baimenduak) bigarren puntuan sailkatuta baitago (139. "E.A.O.").
2007ko abenduaren 10ean egindako bilkuran, Kontsumitzaile eta Erabiltzaileen Elkarteen iritziak entzun ondoren, eta Kontsumitzaile eta Erabiltzaileen Babesari buruzko uztailaren 19ko 26/1984 Lege Orokorraren 22. artikuluko 2.d) idatz-zatian xedatutakori jarraikiz.
Merkataritza eta Nazioartekotze Zerbitzuak eman duen txostena ikusirik
Horrenbestez, Berrikuntza, Enpresa eta Enplegu Departamentuko zuzendari nagusien eta idazkari tekniko nagusiaren aldi baterako ordezkoak izendatzeko Berrikuntza, Enpresa eta Enplegu Departamentuko kontseilariak irailaren 27an eman 285/2007 Foru Aginduarekin bat, organoko titularra ez dagoenez, ebatzi dut:
1. 2009rako Iruñerriko hiri barruko bidaiarien garraioko hurrengo tarifa hauek onestea, 8/1998 Foru Legearen 3. artikuluan zehaztu den eremurako:
Txartel mota eta txartel bakoitzaren prezioa (eurotan):
Txartel arrunta:
Txartel arrunta, Sanferminetarako berezia (uztailaren 6ko 6:00etatik uztailaren 15eko 6:00ak arte): 1,10.
Bono-buseko tarifa (10 bidaia gutxienez): 0,53.
Autobus aldaketaren tarifa: 0,00.
Tarifa bereziak (10 bidaia gutxienez):
-A tarifa soziala: 0,13.
-B tarifa soziala: 0,28.
-C tarifa soziala: 0,37.
Tarifa sozialak arautuko dira Iruñerriko Hiri Garraio Publikoko tarifa sozialak arautzen dituen Ordenantzan xedaturikoaren arabera.
Bono-buseko tarifaren, autobus-aldaketaren tarifaren eta tarifa sozial berezien onuradun izateko "Garraiorako txanpon-txartelaren" bidez ordaindu beharko da.
Autobus-aldaketaren tarifaren onuradun izateko, bi aldiz erabili beharko da autobusa, garraio linea ezberdinetan, bi ordainketen artean berrogeita bost minutuko tartea egonen delarik gehienez.
2. Tarifa hauek begibistan egon beharko dute ibilgailuetan eta pareta estalietan, irailaren 15eko 2807/1972 Errege Dekretuko 6. artikuluan xedaturikoaren arabera. Gainera, adierazi beharko da non eskura daitezkeen bono-bus txartela eta txartel sozialak.
3. Tarifa horiek 2009ko urtarrilaren 1etik aurrera aplikatuko dira.
4. Ebazpen hau Merkataritza eta Nazioartekotze Zerbitzura igortzea, behar diren ondorioak izan ditzan.
5. Ebazpen hau Nafarroako Kontsumitzaileen Elkarteei jakinaraztea eta ohartaraztea ebazpenak ez diola bide administratiboari bukaera ematen eta haren aurka gora jotzeko errekurtsoa jar daitekeela, Berrikuntza, Enpresa eta Enplegu kontseilariari zuzendua, hilabeteko epean, argitaratu eta biharamunetik aurrera.
6. Ebazpen hau Iruñerriko Mankomunitateari jakinaraztea eta adieraztea haren kontra administrazioarekiko auzi-errekurtsoa paratzen ahal duela eskumena duen organo jurisdikzionalari zuzendua, ebazpena argitaratu eta biharamunetik hasita bi hilabeteko epean, alde batera utzi gabe Nafarroako Gobernuan aldez aurreko errekerimendua egin ahal izatea, Administrazioarekiko Auzien Jurisdikzioa arautzen duen uztailaren 13ko 29/1998 Legearen 44. artikuluan aurreikusitako moduan eta epeetan.
7. Ebazpen hau Nafarroako Aldizkari Ofizialean argitaratzea, orok jakin dezan.
