Larrialdi Zerbitzuan, pazienteei lehentasunaren arabera ematen zaie arreta, eta ez iritsiera-ordenaren arabera. Ordena hori ezartzeko, erizainek sailkapen bat egiten dute larrialdietako triaje-sistema baten bidez.

Zerbitzuak laguntza-eremu edo -unitate hauek ditu:

• A zirkuitua edo paziente anbulatorioen eremua: 6 kontsulta, patologia arinei arreta emateko. Halaber, eremu horretan, otorrinolaringologiako, aurpegi-masailetako eta oftalmologiako patologiei arreta espezifikoa emateko kontsultak daude, baita larrialdietan psikiatriako balorazioa egiteko bi kontsulta ere.
• B zirkuitua edo konplexutasun handiagoko pazienteen eremua: 2 kontsulta paziente kirurgikoei arreta emateko. 12 kontsulta patologia medikoa duten pazienteei arreta emateko.
• Bizkortze-eremua: Paziente kritikoei arreta emateko boxa, aldi berean gehienez 6 paziente artatzeko baliabideak eta langileak dituena.
• Traumatologiako kontsultak: 2 kontsulta patologia traumatikorako.
• Erradiologia-gela: Erradiologia sinpleko 2 gela.
• Erradiodiagnostikoaren eremua: Ordenagailu bidezko tomografia axial bat (OTA) eta ekografo bat.
• Behaketa-eremua: Monitorizazio osoa duten 18 ohe.