Langabeak, baldin eta Nafar Lansare-Nafarroako Enplegu Zerbitzuko agentzietako batean inskribatuta badaude (alta egoeran) eta autonomo gisa aritu nahi badute.

Dirulaguntzaren zenbatekoa: 2.000 eurotik 4.500 eurora:

1. Inguruabar pertsonalen arabera (bat baino gehiago badaude, zenbateko handiena dagokiona):

• Orokorra: 2.000 euro.
• 30 urteko gazteak eta hortik beherakoak: 2.200 euro.
• 45 urtetik gorakoak: 2.200 euro.
• Luzaroko langabeak: 2.200 euro.
• Emakumezkoak: 2.500 euro.
• Desgaitasuna duten pertsonak: 3.000 euro.
• Gizarteratze-errenta edo antzekoa jasotzen dutenak: 3.000 euro.
• Genero indarkeriaren biktima diren emakumezkoak: 3.500 euro.

2. 1.000 euroko laguntza gehigarria, langile autonomoak 5.000 biztanletik beherako Nafarroako udalerri batean egiten badu bere jarduera (EJZn alta emanda), baldin eta:
   • Herrian negozio lokala/egoitza badu eta horrela ageri bada EJZn (lurzatia, metro koadroak, etab.).
   • Bestela, udalerri horretan erroldatuta badago duela urtebete baino lehenagotik.

Beste baldintza batzuk (kontsultatu xeheki Araudia ataleko oinarri arautzaileen dokumentua):

• • Oso garrantzitsua: langabezian egotea eta Nafar Lansaren alta emanda egotea LAABen alta ematen den egun berean.
  • Komeni da egun berean inskribatzea LAABen (Gizarte Segurantza) eta EJZen (udala), beste onura/laguntza batzuk jasotzeko eta enplegu-eskarian arazorik ez izateko. 
  • Ezin dute dirulaguntza hau jaso:
    • Salgaien errepide-garraioko jarduerek (EJSN 4941).
    • Nekazaritza/abeltzaintzako jarduera jakin batzuek.
    • Nekazaritzako araubide berezian kotizatzen dutenek.
    • Merkataritza-sozietate, kooperatiba eta lan-sozietateetako bazkideek eta autonomo laguntzaileek. 
    • Aurreko 18 hilabeteetan dirulaguntza hau jaso dutenek.
    • Aurreko 4 urteetan jarduera berean edo antzekoan aritu direnek.

• • Betebeharrak:
    • Jarduerari eustea 18 hilabetez (aldian behin egiaztapen lanak egiten dira. Baja aurreratuz gero, Nafar Lansareri jakinarazi).
    • Lokalean eta webgunean  kartela jartzea, dirulaguntzari buruzko informazioa zabaltzeko, DIN A3 tamainakoa, dagozkion logoekin eta honako esaldi honekin: “Enpresa honek laguntza jaso du, EBko REACT baliabideek % 100ean konfinantzatua, Nafarroako EGIF 2014-2020 Programa Operatiboaren bidez, COVID-19aren pandemiaren aurrean Europako Batasunak izandako erantzunaren zati gisa”.

Eskatu aholkua jarduerari ekin aurretik:

Jarduerari ahalik eta baldintza hoberenetan ekiteko, Nafar Lansarek ikastaroak (www.formacion.navarra.es)eta aholkularitza eskaintzen ditu Iturrondo zentroan. Eskatu hitzordua hemen: https://www.navarra.es/eu/tramiteak/on/-/line/Cita-previa-empleo .

Halaber, CEIN zentroak edo toki garapenerako eta enplegurako agenteek ere lagunduko dizute (Eder, Cederna Garalur, Teder eta Erdialdea). Informazio eta baliabide gehiago hemen:www.navarraemprende.com.

Beste laguntza batzuk:

• Langabeek erabakitzen badute langabezia kapitalizatzea eta "ordainketa bakar" batean kobratzea, eta zenbatekoa beren negozioan inbertitzen badute (SEPEren aurrean egiten diren izapideak), ondoren Gizarte Segurantzaren LAAB erregimenaren kuotaren % 50eko dirulaguntza eska dezakete NL-NEZn (tarifa laua edo gutxieneko kuota):https://www.navarra.es/eu/tramiteak/on/-/line/Langabeziako-prestazioak-kapitalizatu-dituzten-langileei-Gizarte-Segurantzari-ordaindu-dizkieten-kuotak-ordaintzea

Dirulaguntza “Eskatu” botoiaren bidez eskatzen da, honako dokumentazio hau erantsita:

• I. eranskina. Dirulaguntzei buruzko azaroaren 9ko 11/2005 Foru Legearen 13. eta 15. artikuluetan ezarritako baldintzak betetzearen adierazpena.
• II. eranskina. Helburu bererako lortu edo eskatutako dirulaguntza, laguntza, diru-sarrera edo baliabideen adierazpena edo, bestela, horrelakorik eskatu ez dela dioen adierazpen espresa. Halaber, enpresa eskatzaileak idatziz jakinarazi beharko du dirulaguntzak, laguntzak, diru-sarrerak edo baliabideak eman zaizkiola edo berriz eskatu dituela, edo horren gainean sortzen ahal diren egoera berriak jakinarazi beharko ditu. Orobat, de minimis araubidearen barnean dauden adieraziko da.
• III. eranskina. Enpresa proiektuari buruzko memoria laburra.
• IV. eranskina. Batasuneko araudiaren betebeharrak.
• Transferentzia bidez ordaintzeko eskabidea (eredu ofiziala).
• Alta, ekonomia jardueren gaineko zergan (EJZ).
• Hala badagokio, jarduera profesionala lokal batean egiten dela frogatzen duten agiriak (alokairuaren kontratua, eskriturak...).
• Dagokion Lanbide Elkargoko Mutualitatean alta emanda dauden pertsona fisikoen kasuan: bertan alta emandako aldiak zehazten dituen ziurtagiria.
• Bidezko bada, desgaitasunak dituen pertsona dela frogatzea, 3.2 b) oinarrian xedatu bezala.
• Kasua bada, genero indarkeriaren biktima dela frogatzen duen agiria, Emakumeen kontrako Indarkeriari aurre egiteko apirilaren 10eko 14/2015 Foru Legean xedatutakoarekin bat.
• NL-NEZek eskatzen ahal duen dokumentazio oro.

• 4971E/2023 Ebazpena, eskabideak aurkezteko epea luzatzen duena.
• 184E/2023 Ebazpena, 2023an gastua egitea baimentzen duena.
• Oinarri arautzaile bateratuak (dokumentu honek informaziorako baizik ez du balio).
• 3347E/2022 Ebazpena, apirilaren 20koa (2022ko 95. NAO, maiatzaren 17koa).
• 1291E/2022 Ebazpena, martxoaren 11koa (2022ko 71. NAO, apirilaren 8koa).
• 50E/2021 Ebazpena, otsailaren 9koa (2021eko 47. NAO, martxoaren 1ekoa).
• 49E/2020 Ebazpena, otsailaren 7koa (2020ko 37. NAO, otsailaren 24koa).
• 3528E/2019 Ebazpena, abenduaren 2koa (2019ko 251. NAO, abenduaren 24koa).
• 473E/2019 Ebazpena, martxoaren 28koa (2019ko 85. NAO, apirilaren 3koa).
• 3006E/2018 Ebazpena, azaroaren 27koa (2019ko 16. NAO, urtarrilaren 24koa).
• 506/2018 Ebazpena, apirilaren 26koa (2018ko 89. NAO, maiatzaren 10ekoa).
• 1365/2016 Ebazpena, uztailaren 4koa (2016ko 146. NAO, uztailaren 29koa).
• De minimis araudia.

• 2022an emanikoak
• 2021ean emanikoak
• 2020an emanikoak
• 2019an emanikoak
• 2018an emanikoak
• 2017an emanikoak
• 2016an emanikoak