Ehiza lizentzia eta aldi baterako baimena eskatzea eta berritzea

Epea zabalik

Tramite honetara harpidetu

Oinarrizko informazioa

Orri honetan honako hau egin dezakezu: 

  • Ehiza-lizentzia lehen aldiz eskatzea. Horretarako, Nafarroako ehizari buruzko azterketa gainditu behar duzu. Esteka honetan izena eman dezakezu ehizari buruzko ikastaroa eta azterketa egiteko, oraindik ez baduzu eman.
  • Ehiza-lizentzia berritzea, ordaintzeko modua aldatzea eta datu pertsonalak aldatzea. 
  • Beste autonomia-erkidego edo herrialde bateko ehiza-lizentzia baliozkotzea. Nafarroan egiten den azterketaren antzekoa duten eskualdeetako lizentziak baliozkotzen dira soilik. Gainerako kasuetan, salbuespenezko aldi baterako baimena eskatu behar duzu. 
  • Salbuespenezko aldi baterako baimena eskatzea. Horretarako, ehiza-lizentzia indarrean eduki behar duzu bizi zaren eskualdean, eta ezin zara egon ehizatzeko desgaituta. 

Lizentziak 13,86 euroko prezioa du, eta urtebeterako balio du, ordaintzen den egunetik aurrera. 

Aldi baterako baimenak 12 euroko prezioa du, eta ondoz ondoko 9 egun naturalerako balio du. Pertsona eta denboraldi bakoitzeko bi baimen eskatzen ahal dituzu.
 

Tramitazioa

Jarraibideak:

Lizentzia eskatzeko, mezu bat bidali behar duzu examencaza@navarra.es helbidera, agiri hauek erantsita:

  • Ehiza-lizentziaren eskaera, beteta.
  • 18 urte baino gutxiago badituzu, lizentzia eskatzeko baimena ematen duen guraso edo tutorearen NANa.

Eskatu

Tramitatzeko beste modu batzuk:

Nafarroako Gobernuaren erregistro eta arreta bulegoetan ere aurkez dezakezu, baita  39/2015 Legean aurreikusitako beste edozein lekutan ere.

Jarraibideak:

Atal honetan, honako hauek egin ditzakezu: 

  • Ordainketak helbideratzea.
  • Online ordaintzea (kreditu-txartela erabiltzen baduzu, ordainketa-gutuna ez da ordainduta agertuko egun batzuk igaro arte).
  • Ordainketa-gutuna eskuratzea eta berriz inprimatzea.
  • Zure datu pertsonalak eguneratzea.

Ohar garrantzitsua: ordainketa helbideratzen baduzu, lizentzia automatikoki berrituko da kobrantza bakoitzarekin batera. Ez baduzu helbideratzen, urtero ordaindu beharko duzu lizentzia. 

Kudeaketak ehiza eta arrantzaren aplikazioaren bidez egiteko, sakatu Tramitatu botoia. 

Honako egiaztagiri hauek erabil daitezke:

  • Ziurtagiri digitala edo NAN elektronikoa
  • Identifikazio zenbakia + lizentziaren kodea
  • Cl@ve

Tramitatu

Tramitatzeko beste modu batzuk:

  • Posta elektronikoaren bidez, licenciascaza@navarra.es helbidera mezu bat bidalita.
  • Aurrez aurre, Basoen eta Ehiza Kudeaketaren Zerbitzuan (González Tablas kalea 9, beheko solairua, Iruña).

Lizentzia berritzea eskatzeko, lizentziaren titularraren izena, abizena eta NAN zenbakia adierazi behar dituzu.

Ordaintzeko modua eta datu pertsonalak aldatzeko edo lizentziari behin betiko baja emateko, aldaketa-eskaera bete eta entregatu behar duzu.

Garrantzitsua: lizentziaren titularra den beste pertsona baten izenean jarduten baduzu, pertsona horren berariazko baimena entregatu behar duzu haren izenean jarduteko. Deskargatu baimena.

Jarraibideak:

Ehiza-lizentzia baliozkotzeko eskaera egin nahi baduzu, agiri hauek aurkeztu behar dituzu:

  • Baliozkotzeko eskaera, beteta.
  • Ehizari buruzko azterketa gainditu izanaren ziurtagiria. Azterketa gainditzea eskatzen hasi aurretik lortu baduzu lizentzia, dagokion eskualdeko agintaritzak emandako egiaztagiria, egoera hori jasotzen duena.
  • NANaren kopia, eta 18 urte baino gutxiago badituzu, baita lizentzia eskatzeko baimena ematen dizun guraso edo tutorearena ere.

Honako egiaztagiri hauek erabil daitezke:

  • Ziurtagiri digitala edo NAN elektronikoa
  • Cl@ve

Eskatu

Tramitatzeko beste modu batzuk:

Nafarroako Gobernuaren erregistro eta arreta bulegoetan ere aurkez dezakezu, baita  39/2015 Legean aurreikusitako beste edozein lekutan ere.

Jarraibideak:

Salbuespenezko aldi baterako baimena eskatzeko, agiri hauek aurkeztu behar dituzu:

  • Baimen-eskaera, beteta
  • NANaren kopia
  • Ehiza-lizentzia, indarrean dagoena

Honako egiaztagiri hauek erabil daitezke:

  • Ziurtagiri digitala edo NAN elektronikoa
  • Cl@ve

Eskatu

Tramitatzeko beste modu batzuk:

Nafarroako Gobernuaren erregistro eta arreta bulegoetan ere aurkez dezakezu, baita  39/2015 Legean aurreikusitako beste edozein lekutan ere.

Harremanetan jartzeko

Basoen eta Ehiza Kudeaketaren Zerbitzua
González Tablas kalea, 9, beheko solairua
31005 Iruña
Telefonoa: 848 426 259
Posta elektronikoa: licenciascaza@navarra.es

Arazo informatikoak konpontzeko
Telefonoa: 948 013 575
Posta elektronikoa: soportetecnico.licenciascp@navarra.es
Ordutegia: Astelehenetik ostegunera, 8:30etik 17:30era  / Ostiraletan eta uztaila, abuztua eta irailean, 8:30etik 15:00etara

Oharra: orrialde honen edukia informazio hutsa da; baldintzak dagokion araudian argitaratutakoak dira.