Enpresendako dirulaguntzak eskuratzeko baldintzak:
- Egoitza soziala eta fiskala edo lantokia Nafarroan izatea.
- Legez eratuak izatea, bakoitzaren araudiaren arabera, eta, hortaz, nortasun juridikoa eta jarduteko gaitasun osoa izatea eta dagokion erregistro publikoan inskribaturik egotea.
- Dirulaguntzei buruzko azaroaren 9ko 11/2005 Foru Legearen 13. eta 15. artikuluetan ezarritako baldintzak betetzea.
- Kontratazio mugagabeagatiko eta mugagabe bihurtzeagatiko dirulaguntza bakoitzak plantilla handitzea ekarri behar du (kalkulua egiteko, langilea kontratatu den hilean enpresak duen plantilla finkoa eta aurreko urteko hilabete berean zuen egoera alderatuko dira).
Kontratatutako langileak:
- Langabezian egotea eta Nafar Lansare-Nafarroako Enplegu Zerbitzuan inskribaturik.
- Lan-merkatuan sartzeko zailtasunaren arabera, handienetik txikienera ordenaturik dauden talde hauetako batekoa izatea:
b.1) Gazteen Bermearen Sisteman inskribaturiko gazteak.
b.2) Laneratzeko zailtasunak dituzten pertsonak: 45 urtetik gorakoak edo lan-arrazoiengatik atzerritik itzulitakoak.
b.3) Laneratzeko zailtasun bereziak dituzten pertsonak: kontratatzen diren unean errenta bermatua jasotzen duten pertsonak, genero-indarkeriaren biktimak edo luzaroko langabeak.
b.4) Prestakuntzarako eta ikaskuntzarako kontratu bat sinatzen duten pertsonak.
Diruz lagunduko diren zenbatekoak:
Kontratu mota
|
b1
taldea
|
b2
taldea
|
b3
taldea
|
b4
taldea
|
Mugagabea
|
5.200€
|
7.150€
|
9.100€
|
-
|
Mugagabe bilakatua
|
5.200€
|
5.200€
|
5.200€
|
-
|
Aldi baterakoa
|
-
|
-
|
4.000€
|
-
|
Prestakuntzarako eta ikaskuntzarako kontratua
|
-
|
-
|
-
|
4.000€
|
Zenbatekoen gaineko beste alderdi batzuk:
- Kontratua emakume bati egiten bazaio, zenbatekoa % 10 handituko da.
- Zenbateko horiek kontratu mugagabeenak dira, edo lanaldi osoko aldi baterako kontratuenak, 12 hilabetekoak edo gehiagokoak badira. Iraupena edo kontratuari dagokion lanaldia laburragoa bada, zenbatekoa proportzionala izanen da.
- Aldi baterako kontratazioen kasuan, gehienez ere 12 hilabeterako dirulaguntza ematen ahalko da.
- Dirulaguntzaren zenbatekoa kalkulatzeko, hilabete osoak bakarrik kontatuko dira, ulertuta hilabete batek 30 egun hartzen dituela.