• Sartzeko baldintza orokorrak: Ikasketa hauek egiteko sarbide baldintzak betetzen dituzten pertsonak.

Honako hauei buruzko informazioa:

• Erdi-mailako zikloei lotuta dauden 2. mailako lanbide-ziurtagiriak, lanbide-arloaren arabera.

Ohiko onarpen-epean, izena emateko eskaera-orri bakar bat aurkez dezakezu, gehienez ere 6 aukerarekin, lehentasun handienetik txikienera, 1. aukerako ikastetxean. Eskaera honela egin daiteke:​​​​​​

• Aurrez aurre, lehen aukerako ikastetxean
• Modu telematikoan, Educa Portalen bidez

Begiratu 2025-2026ko eskaintzaren liburuxka hurrengo estekan. Eskaera egiterakoan, oso kontuan izan:

• Ikastetxea publikoa edo itunpekoa den
• Nahi duzun zikloa goizekoa, arratsaldekoa edo goiz eta arratsaldekoa bada
• Eskaintza gaztelaniaz edo euskaraz den
• Zure aukeren ikastetxea edo zentroa zein herritan dagoen

Izena eman ondoren onarpen-egutegiari erreparatu beharko diozu. Bertan honako hauek ikusiko dituzu:

• Zure aukerak ongi aipatu diren Educan.
• Behin-behineko zerrenda, erreklamazio-epea eta eskaeren behin betiko zerrenda argitaratzen diren eguna (eskabidea behar bezala erregistradu den ikusteko).
• Onartutako pertsonen behin-behineko zerrenda eta erreklamazioak aurkezteko epea argitaratzen diren eguna.
• Onartutako pertsonen behin betiko zerrenda gustien datak.
• Zerrenda bakoitzaren matrikula-datak.

 Matrikulari buruzko informazioa

• 1. aukeran onartzen bazaituzte, matrikulatu egin behar duzu, eta horrekin amaituko duzu onarpen-prozesuan parte hartzeko aukera, lehentasunezkoena duzun aukeran plaza lortu baituzu. Matrikulatzen ez bazara, onarpen-prozesutik kanpo geratuko zara, zure aukera guztietan.
• 1. aukera ez den beste edozein aukeratan onartzen bazaituzte, aukera horretan matrikulatu behar duzu. Kasu honetan, matrikulatzeko unean aukera hauek egin behar dituzu:
  • "Aukera hobetzea" edo
  • "Ez du aukera hobetzen"

Zer da aukeraren hobekuntza eta nola funtzionatzen du?

Matrikulatzen ez bazara, onarpen-prozesutik kanpo geratuko zara, zure aukera guztietan.

Aurrez aurreko izen-ematea:

• Izena emateko inprimakia: izena emateko inprimaki bakarra aurkez dezakezu, gehienez 6 aukerarekin, lehentasun handienetik txikienera, lehen aukerako ikastetxean.
• Nortasuna egiaztatzen duen agiriaren kopia.

Izen-emate telematikoa:

• Educa atarian zuzenean egiten da (epearen lehen eguneko 00:00 aktibatzen da). Eskaera bakarra egin dezakezu, gehienez 6 aukerarekin, lehentasun handienetik txikienera, lehen aukerako ikastetxean. Eskaera telematikoari honako agiri hauek erantsi beharko dizkiozu:

  • Nortasuna egiaztatzen duen agiriaren kopia.

Bi kasuetan, sartzeko baldintza aurkeztu beharko dituzu:

• Baldintza eta sarrera-oharra egiazta baditzakezu, izena emateko unean aurkeztu behar duzu ikastetxean.
• Arte Plastikoetako eta Diseinuko zikloetan plaza eskatzen baduzu, gaitasun artistikoko proba gainditu izanaren ziurtagiria aurkeztu beharko duzu, proba egitetik salbuetsita zaudela edo egiteke duzula egiaztatzen duena. Gaitasun artistikoaren proban izena ematea.
• Ezin baduzu baldintza eta sarrera-oharra egiaztatu izena emateko unean, ziklora sartzeko ikasketak amaitu ez dituzulako edo beste edozein arrazoirengatik, mugaegun bat izango duzu lehen aukerako ikastetxean aurkeztu ahal izateko, edo dokumentua zure eskaera telematikoari eransteko. Data hori 2025-2026 ikasturteko onarpen-egutegia onartzen duen ebazpenean adierazten da.

Garrantzitsua:

• Zure nota Educan badago, ez da beharrezkoa sarrera-nota egiaztatzea.
• Nafarroatik kanpo ikasi baduzu, edo zure ikastetxeak ez du erabiltzen Educa kalifikazioak erregistratzeko, nahitaez aurkeztu behar duzu baldintza eta sarrera-nota egiaztatzeko agiria.

Nahitaezko dokumentazioa, plaza erreserbatzeko eskatzen baduzu:

• Hezkuntza-laguntzako behar espezifikoak dituen ikaslea
• Goi-mailako edo errendimendu handiko kirolaria
• Desgaitasuna duen ikaslea

Ikastetxean izena emateko unean aurkez daiteke, edo eskabide telematikoari erantsi, egutegian adierazitako azken eguna baino lehen.

• 196/2025 Ebazpena, LHko erdi-mailako zikloak eta Arte plastikoak eta diseinua 2025-2026 ikasturterako ikastetxe publikoetan eta itunpeko ikastetxe pribatuetan ikasleak onartzeko prozesu arrunta garatzeko.
• 22/2025 Ebazpena, erdi-mailako eta goi-mailako heziketa-zikloak eta Arte Plastikoetako eta Diseinuko lanbide-irakaskuntzetako erdi- eta goi-mailako heziketa-zikloak egiteko ikastetxe publikoetan eta itunpeko ikastetxe pribatuetan onartzeko prozesuaren egutegia onartzen duena, 2025-2026 ikasturterako.
• 32/2025 Foru Agindua, 40/2024 Foru Agindua aldatzen duena.
• 40/2024 Foru Agindua, Nafarroako ikastetxe publikoetan eta itunpeko ikastetxe pribatuetan ikasleak onartzeko prozesua arautu eta garatzen duena, Lanbide Heziketako Sistemako D eta E mailei eta arte plastikoetako eta diseinuko lanbide-irakaskuntzei dagozkien irakaskuntzak modalitate presentzialean egiteko, eta Nafarroan Hezkuntza Departamentuak kudeatzen duen Lanbide Heziketako Sistemako A, B eta C graduen eskaintzari dagokion prestakuntza modalitate presentzialean egiteko baimena duten ikastetxe publikoetan, erakundeetan eta ikastetxe pribatuetan.