Laguntza hauen onuradunak dira 2025. urtean oinarri hauetan jasotako gastuetakoren bat izaten duten familia ugarietako eta familia gurasobakarretako kideak. Era berean, laguntza hauen onuradunak izanen dira familia ugarietako eta familia gurasobakarretako kideak, baldin eta oinarri hauetan jasotako gasturen bat egin badute 2024ko urriaren 16tik abenduaren 31ra bitartean. Deialdi honetan aipatzen diren laguntzak lortu ahal izateko, baldintza hauek bete beharko dira:

• Familia ugariaren txartelaren edo guraso bakarreko familiaren txartelaren jabe izatea laguntza eskaera aurkezten den unean.
• Laguntzarako kontuan hartzen diren familiako kide guztiak Nafarroan erroldatuta izatea 2 urteko antzinatasunarekin, gutxienez ere.
• Familia unitatearen per capita errenta urte bakoitzean ezarriko den zenbatekotik beherakoa izatea (ikus “Gastu diruz lagungarriak eta laguntzaren zenbatekoa” puntua).

Hauxe hartuko da familia unitatearen per capita errentatzat: familia ugaria edo familia gurasobakarra osatzen duten kide guztien pertsona fisikoen errentaren gaineko zergaren zerga oinarriaren zati orokorra, kasuan kasuko zergaldikoa, zati horretarako zenbatzen diren familiako kideen kopurua.

Familia unitatean % 33ko edo gehiagoko desgaitasuna aitortuta duen kide bakoitza bi izanen balira bezala zenbatuko da.

Guraso bakarreko familien edo guraso bakarreko egoeran daudenen kasuan, kide bat gehituko zaio guraso bakarreko familia txartelaren kide konputagarrien kopuruari.

Ondorio horietarako, laguntza noiz eskatzen den, ekitaldi horrexetan egindako errentaren gaineko zergaren aitorpena hartuko da kontuan.

Errentaren kanpaina 2025. urtean hasi aurretik eskatu diren laguntzen kasuan, aurreko ekitaldian egindako aitorpena hartuko da kontuan. Errentaren kanpaina 2025. urtean hasi ondoren eskatzen diren laguntzen kasuan, ekitaldi horretan egiten den aitorpena hartuko da kontuan.

Gastu diruz lagungarriak eta laguntzaren zenbatekoa.

Hurrengo pausoak:

Laguntzen onuradunek, haiek jasotzeko baldintzetan aldaketaren bat izaten bada, 15 eguneko epea dute horren berri emateko Familiaren eta Adingabeen Zuzendariordetzari.

Dokumentazioa:

• Eskabidea, behar bezala beteta.
• Laguntza emateko kontuan hartzen diren familiako kide guztiak Nafarroako Foru Komunitatean bizi izan direla 2 urteko antzinatasunarekin frogatzen duen erroldatze ziurtagiria.
• Transferentzia bidez ordaintzeko eskaera.
• Fakultatiboaren agindua, gaitza dela-eta dirulaguntzaren xedeko materiala erabiltzeko premia dagoela adierazten duena.
• Diruz lagundutako materiala erosi izana frogatzen duen faktura eta haren ordainketaren frogagiria.
• Ordainketa banku-laburpena aurkeztuz justifikatuko da, edo, eskudirutan ordaindu bada, ordainketa egin dela eta ordainketaren kontzeptua adierazten duen agiri sinatu eta zigilatuaren bidez. Ordainketa epeka egin bada, finantzaketaren agiria aurkeztuz justifikatuko da.
• Ortodontziako tratamenduaren kasuan, fakultatiboak egindako aurrekontua beharko da aurkeztu, baita ordaintzeko modua, epeak eta data ere, eta kasuan kasuko ekitaldian egindako ordainketen frogagiriak. Eskaera aurkezten den egunera arte egindako ordainketak ordainduko dira.
• Familia unitateari, diruz laguntzen den materiala erosteko edo berritzeko, eman zaizkion laguntza guztien aitorpena, laguntza ekonomiko honekin bateragarriak ote diren baloratzeko eta, bidezkoa denean, eman beharreko zenbatekoa baloratzeko (1. eranskina).
• Harreran edo tutoretzapean diren 18 eta 25 urte arteko seme-alaben kasuan, deialdiaren ondorioetarako familia unitatearen parte direnez, lan-bizitzaren ziurtagiria eta diru-sarreren frogagiria, lan egiten badute, edo bestela, lanik egiten ez dutela dioen aitorpena.

• 12/2025 Foru Agindua, laguntza ekonomikoen deialdia onesten duena 2025erako.
• 101/2024 Foru Agindua, 2024tik 2027ra bitarteko urteetarako, familiaren esparrurako zenbait laguntza emateko oinarri arautzaileak onesten dituena.