Elikakateari buruzko Legearen ez-betetzeak salatzea eta komunikatzea

Salaketa formal bat aurkez daiteke, edo isilpean zantzuren bat eman

Epea zabalik

Tramite honetara harpidetu

Oinarrizko informazioa

Elikakatearen Funtzionamendua Hobetzeko Neurriei buruzko Legeak aukera ematen dio edozeini araudi horren ustezko ez-betetzeen berri emateko.

Legeak hainbat arau-hauste jasotzen ditu, hala nola kontratuan hitzartutako prezioa ez ordaintzea, ekoizpen-kostuen azpitik ordaintzea, epez kanpo ordaintzea, kontratuetan hitzartu gabeko aldaketak egitea, produktuen entregak bertan behera uztea garaiz abisatu gabe, merkataritza-sekretuak ezagutaraztea eta abar.

Informazio hori aurkez daiteke salaketa formal bat eginda, edo informazioa isilpean emanda, zantzu gisa.

Bi kasuetan:

  • Interesdunari hilabeteko epean jakinaraziko zaio zer ekintza eginen diren erreklamazioa bideratzeko.
  • Kasua aurrera eramateko arrazoirik ez badago, interesdunari 9 hilabeteko epean jakinaraziko zaio. 
  • Pertsonen identitatearen babesa bermatzen da, bai administrazio-bidean, bai auzibidean, halakorik bada.

Tramitazioa

Jarraibideak:

Hurrengo botoia sakatuz inprimaki bat eskuratzen da, eta bertan informazio hau eman behar da: 

  • Adierazi salatzailearen izen-abizenak, IFZ eta harremanetarako datuak (eta beste pertsona baten izenean arituz gero, harenak ere).
  • Identifikatu salatu nahi diren operadoreak edo enpresak.
  • Azaldu zer salatu nahi den, bai eta zer alditan edo noiz gertatu den.
  • Erantsi dauzkazun frogak.

Aurkeztu

Tramitatzeko beste modu batzuk:

Salaketa aurrez aurre aurkezteko, eskabide orokor bat bete behar da, fitxa honetako jarraibideetan eskatutako datuekin.

Ahal dela, hemen aurkeztuko da: 

  • Landa Garapeneko Erregistroa
    González Tablas kalea 9, beheko solairua
    31005 Iruña
  • Departamentuko barruti-bulegoak

Nafarroako Gobernuaren erregistro eta arreta bulegoetan ere aurkez dezakezu, baita  39/2015 Legean aurreikusitako beste edozein lekutan ere.

Jarraibideak:

Hurrengo botoia sakatuz, mezu elektroniko bat bidaltzen da cadena.alimentaria@navarra.es helbidera; mezu horretan informazio hau jarri behar duzu: 

  • Eman harremanetarako helbide elektroniko bat, gutxienez.
  • Azaldu zertaz ohartarazi nahi duzun.
  • Identifikatu ez-betetzeen zantzuak dituzten operatzaileak edo enpresak.
  • Erantsi beharrezkotzat jotzen duzun edo lagungarria izan daitekeen informazioa.

Jakinarazi
Harremanetan jartzeko

Nekazaritzako Elikagaien Kalitatearen eta Sustapenaren Atala
González Tablas kalea, 9, 3. solairua
31005 Iruña
Telefonoa: 848 424 835
Posta elektronikoa: cadena.alimentaria@navarra.es

Erlazionatutako estekak

Ondoko administrazio prozedurari lotuta dago tramitea:

Denuncia por incumplimiento de la cadena alimentaria

Oharra: orrialde honen edukia informazio hutsa da; baldintzak dagokion araudian argitaratutakoak dira.