Ogasuneko borondatezko ordezkaritzaren errolda

Ordezkaritza orokorra ematen du zerga-izapideak Nafarroako Foru Ogasunaren eta Nafarroako Foru Auzitegi Ekonomiko-Administratiboaren aurrean egiteko

Epea zabalik

Tramite honetara harpidetu

Oinarrizko informazioa

Ordezkari bidez jardun nahi duten zergapekoak.

Bai ordezkariak bai ordezkatuak eskatu ahalko dute erroldan alta ematea, eta besteak onartu beharko du.

Erroldaren xedea ordezkaritza egiaztatzea da  eta, hala, jarduketak (aurrez aurrekoak, telefono bidezkoak edo elektronikoak) hirugarren pertsonen edo entitateen izenean egin ahal izatea Nafarroako Foru Ogasunean eta Nafarroako Foru Auzitegi Ekonomiko-administratiboan.

Erroldan ordezkaritza hauek inskriba daitezke:

  1. Orokorra: edozein jarduketarako.

Ikusi hemen zer izapide elektroniko egin daitezkeen.

  1. Berariazkoa: Pertsona Fisikoen Errentaren gaineko Zergaren eta Ondarearen gaineko zergaren izapideetarako.

 Ikusi hemen zer izapide elektroniko egin daitezkeen

Ezin da ordezkaritza hori erabili ez jakinarazpen elektronikoetarako ez lankidetza sozialerako, bi tramite horiek errolda honetatik kanpokoak baitira

Inskripzioak ondorioak izanen ditu erroldan agertzen direnetik bai eskabidea eta bai pertsona edo erakunde ordezkatuaren eta ordezkariaren onarpenak.

Ordezkaritzak gehienez ere 5 urte iraunen du,eskabidea egiten den egunetik zenbatzen hasita. Aurrekoa gorabehera, pertsona fisikoen errentaren gaineko eta ondarearen gaineko zergetarako ordezkaritza berariazkoaren kasuan, eskabidea egiten den urteko abenduaren 31n bukatuko da ordezkaritza.

83/2022 Foru Agindua, borondatezko ordezkaritzaren errolda arautzen duena Nafarroako Foru Ogasunaren eta Nafarroako Foru Auzitegi Ekonomiko-Administratiboaren eremuan, 18/2025 Foru Aginduak aldatua.

Tramitazioa

Jarraibideak:

Izapide horren bidez honako hauek egin daitezke:

  • Ordezkaritza eskatzea: ordezkatua izan nahi duenak zein erabiltzaile bat ordezkatzeko ordezkari gisa bere burua eskaintzen duenak eska dezake.
  • Eskaera onartu edo ukatzea: ordezkaritza nork eskatu duen, beste alderdiak eskaera hori onartu edo ukatu dezake.
    • Onartzeko gehieneko epea hilabetekoa izanen da, erroldan inskribatzeko eskaera egiten den egunetik zenbatzen hasita.
    • Era berean, ordezkaritzaren eskaera iraungitzat joko da indarraldiaren amaiera-data hilabete hori baino lehen amaitzen bada eta horretan esku hartu ez bada.
  • Egindako eskaera ezeztatzea: ordezkaritza eskatu duenak eskaera ezezta dezake beste alderdiak eskaera hori onartu baino lehenago.
  • Ordezkaritza baliogabetzea: parte hartzen duten bi alderdietako edozeinek egiten ahalko du, edozein unetan.

Sartu

Tramitatzeko beste modu batzuk:

Aurkezpen telematikoa egitera behartuta ez dauden pertsonek aurrez aurre ere egin ditzakete izapideak.

Ordezkariak edo ordezkatuak izatea eskatu, ezeztatu, onartu, errefusatu eta/edo atzera bota nahi badute, Nafarroako Foru Ogasuneko bulegoetako edozeinetara joan daitezke, aurretik hitzordua eskatuta.

18 urtetik beheitikoen kasuan, tramitea adingabearen legezko ordezkariak egiten ahalko du. Legezko ordezkariak NANak eta legezko ordezkaritzaren frogagiria aurkeztuko ditu (familia-liburua izan daiteke gurasoen eta seme-alaben arteko harremana izanez gero).

Pertsona baten gainean ordezkaritzako kuradoretza bat eratu bada, kuradore izendatuak egin ahal izanen du tramitea, eta, gainera, horretarako behar den ebazpen judiziala aurkeztu beharko du.

Harremanetan jartzeko

Zerga arloko kontsultak egiteko:
Bidali zure kontsulta
Dei iezaguzu 948 505 152 telefono zenbakira

Oharra: orrialde honen edukia informazio hutsa da; baldintzak dagokion araudian argitaratutakoak dira.